Chapter 60

[English text for this chapter is available]

sūta uvāca |
so'tha prāgjyotiṣādbāhye mahopavanasaṃsthitam |
sahasrabhūmikaṃ gehamapaśyata hiraṇmayam || 1 ||
[Analyze grammar]

veṇuvīṇāmṛdaṃgānāṃ niḥsvanaiḥ paripūritam |
daśasāhasrasaṃkhyābhiśceṭībhiḥ paripūritam || 2 ||
[Analyze grammar]

āyādbhiḥ pratiyādbhiśca bhagadattasya kiṃkaraiḥ |
kimicchantīti bhaginī pṛcchakairabhipūritam || 3 ||
[Analyze grammar]

tadāsādya sa haiḍaṃbirmeroḥ śikharavadgraham |
dvāri sthitāṃ saṃdadarśa karṇaprāvaraṇāṃ sakhīm || 4 ||
[Analyze grammar]

tāmāha lalitaṃ vīro bhadre sā kva muroḥ sutā |
kāmuko draṣṭumicchāmi dūradeśāgato'tithiḥ || 5 ||
[Analyze grammar]

karṇaprāvaraṇovāca |
kiṃ tavāsti mahābāho tayā maurvyā prayojanam |
koṭiśo nihatāḥ pūrvaṃ tayā kāmuka kāmukāḥ || 6 ||
[Analyze grammar]

tava rūpamahaṃ dṛṣṭvā ghaṭahāsaṃ sadotkacam |
praṇamya pādayorvīra sthitā te vacanaṃkarī || 7 ||
[Analyze grammar]

tanmayā saha modasva bhuṃkṣva bhogāṃśca kāmuka |
dāsyāmyanucarāṇāṃ te trayāṇāṃ ca priyātrayam || 8 ||
[Analyze grammar]

ghaṭotkaca uvāca |
kalyāṇi kiṃvadaṃtī te pramuktā svocitā śubhe |
punarnaitadvacastubhyaṃ viśate mama cetasi || 9 ||
[Analyze grammar]

vāmaḥ kāmo yato bhadre yasminnupanibaddhyate |
sa cātra naiva badhnāti tadvayaṃ ki prakurmahe || 10 ||
[Analyze grammar]

adya te svāminī dṛṣṭā jitā vā krīḍate mayā |
tayā vā vijito yāsye pūrveṣāṃ kāmināṃ gatim || 11 ||
[Analyze grammar]

karṇaprāvaraṇe tasmācchīghrameva nivedyatām |
yathā darśanamātreṇa pūjayaṃtyatithiṃ khalu || 12 ||
[Analyze grammar]

iti bhaimervacaḥ śrutvā praskhalaṃtī niśācarī |
prāsādaśikharasthāṃ tāṃ maurvīmevaṃ vacovadat || 13 ||
[Analyze grammar]

devi ko'pi yuvā śrīmāṃstrailokyeṣvamitaprabhaḥ |
kāmātithistava dvāri vartate diśa tatparam || 14 ||
[Analyze grammar]

kāmakaṭaṃkaṭovāca |
mucyatāṃ śīghramevāsau kimarthaṃ vā vilaṃbase |
kadāciddevasaṃgatyā samayo me'bhipūryate || 15 ||
[Analyze grammar]

ityuktavacanācceṭī prāpyāvocadghaṭotkacam |
vraja śīghraṃ kāmuka tvaṃ tasyā mṛtyośca sannidhau || 16 ||
[Analyze grammar]

ityuktaḥ sa prahasyaiva tatrotsṛjya svakānugān |
praviveśa gṛhaṃ bhaimiḥ siṃho meruguhāmiva || 17 ||
[Analyze grammar]

sa paśyañchukasaṃghātānpārāvatagaṇāṃstathā |
sārikāśca madonmattāśceṭīstāṃ cāpyapaśyata || 18 ||
[Analyze grammar]

rūpeṇa vayasaḥ caiva raterapi ratiṃkarīm |
āṃdolakasukhāsīnāṃ sarvābharaṇabhūṣitām || 19 ||
[Analyze grammar]

tāṃ vidyutamivonnaddhāṃ dṛṣṭvā bhaimiraciṃtayata |
aho kṛṣṇena pitrā me nirdiṣṭeyaṃ mamocitā || 20 ||
[Analyze grammar]

nyāyyametatkṛte pūrvaṃ naṣṭā yatkāmināṃ gaṇāḥ |
śarīrakṣayaparyāptaṃ kṣīyate yadi kāminām || 21 ||
[Analyze grammar]

kāminīnāṃ kṛte yeṣāṃ kṣīyate gaṇanātra kā |
evaṃ bahuvidhaṃ kāmī ciṃtayannāha bhīmabhūḥ || 22 ||
[Analyze grammar]

niṣṭhure vajrahṛdaye prāpto'hamatithistava |
ucitāṃ tatsatāṃ pūjāṃ kuru yā te hṛdi sthitā || 23 ||
[Analyze grammar]

iti haiḍaṃbivacanaṃ śrutvā kāmakaṭaṃkaṭā |
vismitābhūttasya rūpātsvaṃ niniṃda ca bāliśam || 24 ||
[Analyze grammar]

dhigahaṃ yanmayā pūrvaṃ samayaḥ sa kṛto'bhavat |
na kṛto'bhūdyadi purā abhaviṣyadasau patiḥ || 25 ||
[Analyze grammar]

iti saṃcintayantī sā bhaimiṃ vacanamabravīt |
vṛthā tvamāgato bhadra jīvanyāhi punaḥ sukhī || 26 ||
[Analyze grammar]

atha kāmayase māṃ tvaṃ tatkathāṃ śīghramuccara |
kathāmābhāṣya yadi māṃ sandehe pātayiṣyasi |
tato'haṃ vaśagā jātā hato vā svapsyase mayā || 27 ||
[Analyze grammar]

sūta uvāca |
ityuktavacanāmetāṃ netropāṃtena vīkṣya saḥ || 28 ||
[Analyze grammar]

smṛtvā carācaraguruṃ kṛṣṇamārabdhavānkathām |
kasyāṃcidabhavatpatnyāṃ yuvā ko'pyajitedriyaḥ || 29 ||
[Analyze grammar]

tasya caikā sutā jajñe bhāryā tasya mṛtā'bhavat |
tato bālakikāṃ putrīṃ rarakṣa ca pupoṣa ca || 30 ||
[Analyze grammar]

sā yadābhūdyauvanagā vyaṃjitāvayavā śubhā |
prollasatkucamadhyāṃgī prollasanmukhapaṃkajā || 31 ||
[Analyze grammar]

tadāsya kāmalulitamālānaṃ prajahau manaḥ |
provāca tāṃ ca tanayāṃ samāliṃgya durāśayaḥ || 32 ||
[Analyze grammar]

prātiveśmakaputrī tvaṃ mayānīyātra poṣitā |
bhāryārthaṃ suciraṃ kālaṃ tatkāryaṃ sādhaya priye || 33 ||
[Analyze grammar]

ityuktā sā ca mene ca tattathaiva vacastadā |
patitvena ca bheje taṃ bhāryātvena sa tāṃ tathā || 34 ||
[Analyze grammar]

tatastasyāṃ sutā jajñe tasmānmadanarāsabhāt |
vada sā tasya bhavati kiṃ dauhitrī sutā'thavā |
enaṃ praśnaṃ mama brūhi śīghraṃ cecchaktirasti te || 35 ||
[Analyze grammar]

sūta uvāca |
iti praśnaṃ sā ca śrutvā ciṃtayadbahudhā hṛdi || 36 ||
[Analyze grammar]

na ca paśyati nirddhāraṃ praśnasyāsya kathaṃcana |
tataḥ praśnena vijitā svāṃ śaktiṃ samupādade || 37 ||
[Analyze grammar]

atāḍayadrukmarajjuṃ karābhyāṃ dolakasya ca |
tato rakṣāṃsi niṣpetuḥ koṭiśo bhīṣaṇānyati || 38 ||
[Analyze grammar]

siṃhavyāghravarāhāśca mahiṣāścitrakā mṛgāḥ |
samīkṣya tānasaṃkhyeyānkhādituṃ dhāvato ruṣā || 39 ||
[Analyze grammar]

avādayannakhau bhaimiḥ kaniṣṭhāṃguṣṭhajau hasan |
tato viniḥsṛtāstatra dviguṇā rākṣasādayaḥ || 40 ||
[Analyze grammar]

tairmaurvīnirmitāḥ sarve kṣaṇādeva sma bhakṣitāḥ |
vijitāyāṃ svaśaktau ca balaśaktimathādade || 41 ||
[Analyze grammar]

utthāya sahasā dolātkhaḍgamādātumaicchata |
uttiṣṭhaṃtīṃ ca tāṃ bhaimiranusṛtya javādiva || 42 ||
[Analyze grammar]

keśeṣvādāya savyena pāṇinā'pātayadbhuvi |
tataḥ kaṃṭhe savyapādaṃ dattvādāya ca kartikām || 43 ||
[Analyze grammar]

dakṣiṇena kareṇāsyāśchettumaicchata nāsikām |
visphuraṃtī tato maurvī maṃdamāha ghaṭotkacam || 44 ||
[Analyze grammar]

praśnena śaktyā ca balena nātha tridhā tvayāhaṃ vijitā namaste |
tanmuṃca māṃ karmakarī tavāsmi samādiśa tvaṃ prakaromi tacca || 45 ||
[Analyze grammar]

ghaṭotkaca uvāca |
yadyevaṃ tarhi muktāsi bhūyo darśaya yadbalam |
evamuktvā mumocaināṃ muktā cāha praṇamya sā || 46 ||
[Analyze grammar]

jānāmi tvāṃ mahābāho vīraṃ śaktimatāṃ varam |
sarvarākṣasabhartāraṃ trailokye'mitavikramam || 47 ||
[Analyze grammar]

guhyakādhipatistvaṃ hi kālanābha iti smṛtaḥ |
ṣaṣṭikoṭipatirjāto yakṣarakṣākṛte bhuvi || 48 ||
[Analyze grammar]

iti māṃ prāha kāmākhyā sarvaṃ tatsaṃsmarāmyaham |
idaṃ gehaṃ sānugaṃ me dattaṃ mayātmanā tava || 49 ||
[Analyze grammar]

samādiśa prāṇanātha kamādeśaṃ karomi te |
ghaṭotkaca uvāca |
pracchannastasya ghaṭate na vivāhaḥ kathaṃcana || 50 ||
[Analyze grammar]

morvi yasya hi vartaṃte pitarau bāṃdhavāstathā |
tanmāṃ śīghraṃ vaha śubhe śakraprasthāya saṃprati || 51 ||
[Analyze grammar]

ayaṃ kulakramo'smākaṃ yadbhāryā patimudvahet |
tatrānujñāṃ samāsādya pariṇeṣyāmi tvāmaham || 52 ||
[Analyze grammar]

bhagadattamatho nāthaṃ tato maurvī nyavedayat |
samādāya bahudravyaṃ visasarjātha bhrātaram || 53 ||
[Analyze grammar]

tataḥ pṛṣṭhiṃ samāropya ghaṭotkacamaniṃditā |
nānādravyaparīvārā śakraprasthaṃ samāvrajat || 54 ||
[Analyze grammar]

tato'sau vāsudevena pāṃḍavaiścābhinaṃditaḥ |
śubhe lagne pāṇimasyā jagṛhe bhīmanaṃdanaḥ || 55 ||
[Analyze grammar]

kurūṇāṃ rākṣasānāṃ ca proktottamavidhānataḥ |
udvāhya tāṃ taddhanaiśca tarpayāmāsa pāṃḍavān || 56 ||
[Analyze grammar]

kuṃtī ca draupadī cobhe mumudāte nitāṃtataḥ |
maṃgalānyasya cakrāte maurvyāśca dhana tarpite || 57 ||
[Analyze grammar]

tato vivāhe nirvṛtte pratipūjya ghaṭotkacam |
bhāryayā sahitaṃ rājā svarājyāya samādiśat || 58 ||
[Analyze grammar]

maurvyā'jñāṃ śirasā gṛhya haiḍaṃbirbhāryayānvitaḥ |
śubhaṃ hiḍambasya vane svarājyaṃ samupāvrajat || 59 ||
[Analyze grammar]

tato rākṣasayoṣābhirvīrakāṃsyaiḥ pravardhitaḥ |
mahotsavena mahatā svarājye pramumoda saḥ || 60 ||
[Analyze grammar]

tato vaneṣu citreṣu nimnagāpulineṣu ca |
reme saha tayā bhaimirmaṃdodaryeva rāvaṇaḥ || 61 ||
[Analyze grammar]

evaṃ vikrīḍatastasya garbho jajñe mahādyuteḥ |
heḍaṃbai rākṣasavyāghrādbālasūryasamaprabhaḥ || 62 ||
[Analyze grammar]

sa jātamātro vavṛdhe kṣaṇādyauvanago'bhavat |
nīlameghacayaprakhyo ghaṭāsyo dīrghalocanaḥ || 63 ||
[Analyze grammar]

ūrdhvakeśaścordhvaromā pitarau praṇato'bravīt |
praṇamāmi yuvāṃ cobhau jātasya pitarau gurū || 64 ||
[Analyze grammar]

bhavatorhi priyaṃ kṛtvā anṛṇaḥ syāṃ sadā hyaham |
bhavadbhyāṃ dattamicchāmi abhidhānaṃ yathātmanaḥ || 65 ||
[Analyze grammar]

ataḥ paraṃ tu yacchreyaṃ kartavyaṃ pronnatipradam |
tato bhemistamāliṃgya putraṃ vacanamabravīt || 66 ||
[Analyze grammar]

barbarākārakeśatvādbarbarīkābhidho bhavān |
bhaviṣyati mahābāho kulasyānandavardhanaḥ || 67 ||
[Analyze grammar]

śreyaśca te yatparamaṃ dṛḍhaṃ ca tatkīrtyate bahudhā vipra mukhyaiḥ |
prakṣyāvahe tadyaduvaṃśanāthaṃ gatvā purīṃ dvārakāṃ vāsudevam || 68 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe barbarīkotpattivarṇanaṃnāma ṣaṣṭitamo'dhyāyaḥ || 60 ||
[Analyze grammar]