Chapter 11

[English text for this chapter is available]

kūrma uvāca |
śāṃḍilya iti vikhyātaḥ purāhamabhavaṃ dvijaḥ |
bālabhāve mayā bhūpa krīḍamānena nirmitam || 1 ||
[Analyze grammar]

purā prāvṛṣi pāṃśūtthaṃ śivāyatanamucchritam |
jalārdravālukāprāyaṃ prāṃśuprākāraśobhitam || 2 ||
[Analyze grammar]

paṃcāyatanavinyāsamanoharataraṃ nṛpa |
vināyakaśivāsūryamadhusūdanamūrtimat || 3 ||
[Analyze grammar]

pītamṛtsvarṇakalaśaṃ dhvajamālāvibhūṣitam |
kāṣṭhatoraṇavinyastaṃ dolakena vibhūṣitam || 4 ||
[Analyze grammar]

dṛḍhaprāṃśusamudbhūtasopānaśreṇibhāsuram |
sarvāścaryamayaṃ divyaṃ vayasyaiḥ saṃvṛtena me || 5 ||
[Analyze grammar]

tatra jāgeśvaraṃ liṃgaṃ gṛtvātha viniveśitam |
bālyādupalarūpaṃ tadvarṣāvāriviśudvimat || 6 ||
[Analyze grammar]

bakapuṣpaistathānyaiśca kedārotthaiḥ samāhṛtaiḥ |
komalairaparaiḥ puṣpairvṛtivallīsamudbhavaiḥ || 7 ||
[Analyze grammar]

kūṣmāṃḍaiścaiva varṇādyairunmattakusumāyutaiḥ |
maṃdārairbilvapatraiśca dūrvādyaiśca navāṃkuraiḥ || 8 ||
[Analyze grammar]

pūjā viracitā ramyā śaṃbhoriti mayā nṛpa |
tatastāṃḍavamārabdhamanapekṣitasatkriyam || 9 ||
[Analyze grammar]

śivasya purato bālyādgītaṃ ca svasvarjitam |
akārṣaṃ sakṛdevāhaṃ bālye śiśugaṇāvṛtaḥ || 10 ||
[Analyze grammar]

tato mṛto'haṃ jātaśca vipro jātismaro nṛpa |
vaidiśe nagare'kārṣaṃ śivapūjāṃ viśeṣataḥ || 11 ||
[Analyze grammar]

śivadīkṣāmupāgamyānugṛhītaḥ śivāgamaiḥ |
śivaprāsāda ādhāya liṃgaṃ śraddhāsamanvitaḥ || 12 ||
[Analyze grammar]

kalpakoṭiṃ vasetsvargeyaḥ karoti śivālayam |
yāvaṃti paramāṇūni śivasyāyatane nṛpa || 13 ||
[Analyze grammar]

bhavaṃti tāvadvarṣāṇi karakaḥ śivasadmani |
iti paurāṇavākyāni smarañchailaṃ śivālayam || 14 ||
[Analyze grammar]

akāriṣamahaṃ ramyaṃ viśvakarmavidhānataḥ |
mṛnmayaṃ kāṣṭhaniṣpannaṃ pākveṣṭaṃ śailameva vā || 15 ||
[Analyze grammar]

kṛtamāyatanaṃ dadyātkramāddaśaguṇaṃ phalam |
bhasmaśāyī triṣavaṇo bhikṣānnakṛtabhojanaḥ || 16 ||
[Analyze grammar]

jaṭādharastapasyaṃśca śivārādhanatatparaḥ |
itthaṃ me kurvato jātaṃ punarbhūpa pramāpaṇam || 17 ||
[Analyze grammar]

jāto jāti smarastatra kāritā tṛtīyehaṃ bhavāṃtare |
sārvabhaumo mahīpālaḥ pratiṣṭhāne purottame || 18 ||
[Analyze grammar]

jayadatta iti khyātaḥ sūryavaṃśasamudbhavaḥ |
tato mayā bahuvidhāḥ prāsādāḥ kāritā nṛpa || 19 ||
[Analyze grammar]

tasminbhavāṃtare śaṃbhorārādhanapareṇa ca |
tato nirūpitā jātā bakapuṣpapurassarāḥ || 20 ||
[Analyze grammar]

sauvarṇai rājatai ratnanirmitaiḥ kusumairnṛpa |
tathāvidhe'nnadānādi karomi nṛpasattama || 21 ||
[Analyze grammar]

kevalaṃ śivaliṃgānāṃ pūjāṃ puṣpaiḥ karomyaham |
tato me bhagavāñchaṃbhuḥ saṃtuṣṭo'tha varaṃ dadau || 22 ||
[Analyze grammar]

ajarāmaratāṃ rājaṃstenaiva vapuṣāvṛtaḥ |
tatastathāvidhaṃ prāpyānanyasādhāraṇaṃ varam || 23 ||
[Analyze grammar]

vicarāmi mahīmetāṃ madāṃdha iva vāraṇaḥ |
śivabhaktiṃ vihāyātha nṛpo'haṃ madanāturaḥ || 24 ||
[Analyze grammar]

pradharṣayitumārabdhaḥ striyaḥ paraparigrahāḥ |
āyuṣastapasaḥ kīrtestejaso yaśasaḥ śriyaḥ || 25 ||
[Analyze grammar]

vināśakāraṇaṃ mukhyaṃ paradārapradharṣaṇam |
sakarṇaḥ śrutihīno'sau paśyannaṃdho vadañjaḍaḥ || 26 ||
[Analyze grammar]

acetanaścetanāvānmūrkho vidvānapi sphuṭam |
tadā bhavati bhūpāla puruṣaḥ kṣaṇamātrataḥ || 27 ||
[Analyze grammar]

yadaiva hariṇākṣīṇāṃ gocaraṃ yāti cakṣuṣām |
mṛtasya niraye vāso jīvataśceśvarādbhayam || 28 ||
[Analyze grammar]

evaṃ lokadvayaṃ haṃtrī paradārapradharṣaṇā |
jarāmaraṇahīnohamiti niścayamāsthitaḥ || 29 ||
[Analyze grammar]

aihikāmuṣmikabhayaṃ vihāyāṃha tataḥ param |
pradharṣayitumārabdhastadā bhūpa parastriyaḥ || 30 ||
[Analyze grammar]

atha māṃ saṃparijñāya maryādārahitaṃ yamaḥ |
varapradānādīśasya tadaṃtikasupāyayau |
vyajijñapanmadīyaṃ ca śaṃbhordharmavyatikramam || 31 ||
[Analyze grammar]

yama uvāca |
nāhaṃ tavānubhāvena guptasyāsya vinigraham || 32 ||
[Analyze grammar]

śakromi pāpino deva manniyoge'nyamādiśa |
jagadādhārūpā hi tvayeśoktāḥ pativratāḥ || 33 ||
[Analyze grammar]

gāvo viprāḥ sanigamā alubdhā dānaśīlinaḥ |
satyaniṣṭhā iti svāmiṃsteṣāṃ mukhyatamā satī || 34 ||
[Analyze grammar]

tāstena dharṣitā luptaṃ madīyaṃ dharmaśāsanam |
varadānapramattena tavaiva paribhūya mām || 35 ||
[Analyze grammar]

jayadattena deveśa pratiṣṭhānādhivāsinā |
imāṃ dharmasya bhagavāngiramākarṇya kopitaḥ |
śaśāpa māṃ samānīya vepamānaṃ kṛtāṃjalim || 36 ||
[Analyze grammar]

īśvara uvāca |
yasmādduṣṭasamācāra dharṣitāste pativratāḥ || 37 ||
[Analyze grammar]

kāmārtena mayā śaptastasmātkūrmaḥ kṣaṇādbhava |
tataḥ praṇamya vijñaptaḥ śāpatāpaharo mayā || 38 ||
[Analyze grammar]

prāha ṣaṣṭitame kalpe viśāpo bhavitā gaṇaḥ |
madīya iti saṃprocya jagāmādarśanaṃ śivaḥ || 39 ||
[Analyze grammar]

ahaṃ kūrmastadā jāto daśayojanavistṛtaḥ |
samudrasalile nītastvayāhaṃ yajñasādhane || 40 ||
[Analyze grammar]

purastādyāyajūkena smaraṃstacca bibhemi te |
dagdhastvayāhaṃ pṛṣṭhetra vraṇānyetāni paśya me || 41 ||
[Analyze grammar]

cayanāni bahūnyatra kalpasūtravidhānataḥ |
pṛṣṭhopari kṛtānyāsanniṃdradyumna tadā tvayā || 42 ||
[Analyze grammar]

bhūyaḥ saṃtāpitā yajñaiḥ pṛthivī pṛthivīpate |
susrāva sarvatīrthānāṃ sāraṃ sā'bhūnmahīnadī || 43 ||
[Analyze grammar]

tasyāṃ ca snānamātreṇa sarvapāpaiḥ pramucyate |
tato naimittike kasminnapi pralaya āgataḥ || 44 ||
[Analyze grammar]

plavamānamidaṃ rājanmānasaṃ śatayojanam |
ṣaṭpaṃcāśatpramāṇena kalpā mama purā nṛpa || 45 ||
[Analyze grammar]

vyatītā iha catvāraḥ śeṣe mokṣastataḥ param |
evamāyuridaṃ dīrghamevaṃ śāpācca kūrmatā || 46 ||
[Analyze grammar]

mamābhūdīśvarasyaiva satīdharmadruho nṛpa |
brūhi kiṃ kriyatāṃ śatrorapi te gṛhagāminaḥ || 47 ||
[Analyze grammar]

mama pṛṣṭhiściraṃ bhūpa tvayā dagdhāgninā'purā |
ahaṃ jvalaṃtīmiva tāṃ paśyāmyadyāpi satriṇā || 48 ||
[Analyze grammar]

idaṃ vimānamāyātaṃ tvayā kasmānnirākṛtam |
devadūtasamāyuktaṃ bhuṃkṣva bhogānnijārjitān || 49 ||
[Analyze grammar]

iṃdradyumna uvāca |
caturmukhena tenāhaṃ svargānnirvāsitaḥ svayam |
vilakṣyona prayāsyāmi pātādhikyādidūṣite || 50 ||
[Analyze grammar]

tasmādvivekavairāgyamavidyāpāpanāśanam |
āliṃgyāhaṃ yatiṣyāmi prāpya bodhaṃ vimuktaye || 51 ||
[Analyze grammar]

tanme gṛhagatasyādya yathātithyakaro bhavān |
tadādiśa yathā'pārapāradaḥ kopi me guruḥ || 52 ||
[Analyze grammar]

kūrma uvāca |
lomaśonāma dīrghāyurmatto'pyasti mahāmuniḥ |
mayā kalāpagrāme sa pūrvaṃ dṛṣṭaḥ kvacinnṛpa || 53 ||
[Analyze grammar]

iṃdradyumna uvāca |
tasmādāgaccha gacchāmastameva sahitāvayam |
prāhuḥ pūtatamāṃ tīrthādapi satsaṃgatiṃ budhāḥ || 54 ||
[Analyze grammar]

itthaṃ niśamya nṛpatervacanaṃ tadānīṃ sarve'pi te ṣaḍatha taṃ munimukhyamāśu |
citte vidhāya muditāḥ prayayurdvijeṃdraṃ jijñāsavaḥ sucirajīvitahetumasya || 55 ||
[Analyze grammar]