Chapter 1

[English text for this chapter is available]

śrīmunaya ūcuḥ |
dakṣiṇārṇavatīreṣu yāni tīrthāni paṃca ca |
tāni brūhi viśālākṣa varṇayaṃtyati tāni ca || 1 ||
[Analyze grammar]

sarvatīrthaphalaṃ yeṣu nāradādya vadaṃti ca |
teṣāṃ caritamāhātmyaṃ śrotumicchāmahe vayam || 2 ||
[Analyze grammar]

ugraśravā uvāca |
śrṛṇudhvacatyadbhutapuṇyasatkathaṃ kumāranāthasya mahāprabhāvam |
dvaipāyano yanmama cāha pūrvaṃ harṣāburomodgamacarcitāṃgaḥ || 3 ||
[Analyze grammar]

kumāragītā gāthātra śrūyatāṃ munisattamāḥ |
yā sarvadevairmunibhiḥ pitṛbhiśca prapūjitā || 4 ||
[Analyze grammar]

madhvācārastaṃ bhatīrthaṃ yo niṣeveta mānavaḥ |
niyataṃ tasya vāsaḥ syādbrahmaloke yathā mama || 5 ||
[Analyze grammar]

brahmalokādviṣṇulokastasmādapi śivasya ca |
putrāpriyatvāttasyāpi guhaloko mahattamaḥ || 6 ||
[Analyze grammar]

atrāścaryakathā yā ca phālgunasya pureritā |
nāradena muniśreṣṭhāstāṃ vo vakṣyāmi vistarāt || 7 ||
[Analyze grammar]

purā nimitte kasmiṃścitkarīṭī maṇikūṭataḥ |
samudre dakṣiṇe'bhyāgātsnātuṃ tīrthāni paṃca ca || 8 ||
[Analyze grammar]

varjayaṃti sadā yāni bhayāttīrthāni tāpasāḥ |
kumāreśasya pūrvaṃ ca tīrthamasti muneḥ priyam || 9 ||
[Analyze grammar]

staṃbheśasya dvitīyaṃ ca saubhadrasya muneḥ priyam |
barkareśvaramanyacca paulomīpriyamuttamam || 10 ||
[Analyze grammar]

caturthaṃ ca mahākālaṃ karaṃdhama nṛpapriyayam |
bharadvājasya tīrthaṃ ca siddheśākhyaṃ hi paṃcamam || 11 ||
[Analyze grammar]

etāni paṃca tīrthāni dadarśa kurupuṃgavaḥ |
tapasvibhirvarjitāni mahāpuṇyāni tāni ca || 12 ||
[Analyze grammar]

dṛṣṭvā pārśve nāradīyānapṛcchata mahāmunīn |
tīrthānīmāni ramyāṇi prabhāvādbhutavaṃti ca || 13 ||
[Analyze grammar]

kimarthaṃ brūta varjyaṃte sadaiva brahmavādibhiḥ |
tāpasā ūcuḥ |
grāhaḥ paṃca vasaṃtyeṣu haraṃti ca tapodhanān || 14 ||
[Analyze grammar]

ata etāni varjyaṃte tīrthāni kurunaṃdana |
iti śrutvā mahābāhurgamanāya mano dadhe || 15 ||
[Analyze grammar]

tatastaṃ tāpasāḥ procuthaṃtuṃ nārhasi phālguna |
bahavo bhakṣitā grāhai rājāno munayastathā || 16 ||
[Analyze grammar]

tattva dvāraśavarṣāṇi tīrthānāmarbudeṣvapi |
snātaḥ kimetaistīrthaiste mā pataṃgavrato bhava || 17 ||
[Analyze grammar]

arjuna uvāca |
yaduktaṃ karuṇāsāraiḥ sāraṃ kiṃ tadihocyatām |
dharmārthī manujo yaśca na sa vāryo mahātmabhiḥ || 18 ||
[Analyze grammar]

dharmakāmaṃ hi manujaṃ yo vārayati maṃdadhīḥ |
tadāśritasya jagato niḥśvāsairbhasmasādbhavet || 19 ||
[Analyze grammar]

yajjīvitaṃ cācirāṃśusamānakṣaṇabhaṃguram |
tacceddharmakṛte yāti yātu doṣo'sti ko nanu || 20 ||
[Analyze grammar]

jīvitaṃ ca dhanaṃ dārāḥ putrāḥ kṣetragṛhāṇi ca |
yānti yeṣaāṃ dharmakṛte ta eva bhuvi mānavāḥ || 21 ||
[Analyze grammar]

tāpasā ūcuḥ |
evaṃ te bruvataḥ pārtha dīrghamāyuḥ pravardhatām |
sadā dharme ratirbhūyādyāhi svaṃ kuru vāṃchitam || 22 ||
[Analyze grammar]

evamuktaḥ praṇamyaitānāśīrbhirabhisaṃstutaḥ |
jagāma tāni tīrthāni draṣṭuṃ bharatasattamaḥ || 23 ||
[Analyze grammar]

tataḥ saubhadramāsādya maharṣestīrthumuttamam |
vigāhya tarasā vīraḥ snānaṃ cakre paraṃtapaḥ || 24 ||
[Analyze grammar]

atha taṃ puruṣavyāghramaṃtarjalacaro mahān |
nijagrāha jale grāhaḥ kuṃtīputraṃ dhanaṃjayam || 25 ||
[Analyze grammar]

tamādāyaiva kauteyo visphuraṃtaṃ jalecaram |
udatiṣṭhanmahābāhurbalena balināṃ varaḥ || 26 ||
[Analyze grammar]

uddhṛtaścaiva tu grāhaḥ so'rjunena yaśasvinā |
babhūva nārī kalyāṇī sarvābharaṇabhūṣitā || 27 ||
[Analyze grammar]

dīpyamānaśikhā viprā divyarūpā manoramā |
tadadbhutaṃ mahaddṛṣṭvā kuṃtīputro dhanaṃjayaḥ || 28 ||
[Analyze grammar]

tāṃ striyaṃ paramaprīta idaṃ vacanamabravīt |
kā vai tvamasi kalyāṇi kuto vā jalacāriṇī || 29 ||
[Analyze grammar]

kimarthaṃ ca mahātpāpamidaṃ kṛtavatī hyasi |
nāryuvāca |
apsarā hyasmi kauteya devāraṇyanivāsinī || 30 ||
[Analyze grammar]

iṣṭā dhanapaternityaṃ varcānāma mahābala |
mama sakhyaścatasro'nyāḥ sarvāḥ kāmagamāḥ śubhāḥ || 31 ||
[Analyze grammar]

tābhiḥ sārdhaṃ prayātāsmi devarājaniveśanāt |
tataḥ paśyāmahe sarvā brāhmaṇaṃ cāniketanam || 32 ||
[Analyze grammar]

rūpavaṃtamadhīyānamekamekāṃtacāriṇam |
tasya vai tapasā vīra tadvanaṃ tejasāvṛtam || 33 ||
[Analyze grammar]

āditya iva taṃ deśaṃ kṛtsnamevānva bhāsayat |
tasya dṛṣṭvā tapastādṛgrūpaṃ cādbhutadarśanam || 34 ||
[Analyze grammar]

avatīrṇāsti taṃ deśaṃ tapovighnacikīrṣayā |
ahaṃ ca saurabheyī ca sāmeyī budbudālatā || 35 ||
[Analyze grammar]

yaugapadyena taṃ vipramabhyagacchāma bhārata |
gāyaṃtyo lalamānāśca lobhayaṃtyaśca taṃ dvijam || 36 ||
[Analyze grammar]

sa ca nāsmāsu kṛtavānmanovīraḥ kathaṃcana |
nākaṃpata mahātejāḥ sthitastapasi nirmale || 37 ||
[Analyze grammar]

so'śapatkupito'smāsu brāhmaṇaḥ kṣatriyarṣabha |
grāhabhūtā jale yūyaṃ bhaviṣyatha śataṃ samāḥ || 38 ||
[Analyze grammar]

tato vayaṃ pravyathitāḥ sarvā bharatasattama |
āyātāḥ śaraṇaṃ vipraṃ tapodhanamakalmaṣam || 39 ||
[Analyze grammar]

rūpeṇa vayasā caiva kaṃdarpeṇa ca darpitāḥ |
ayuktaṃ kṛtavatyaḥ sma kṣaṃtumarhasi no dvija || 40 ||
[Analyze grammar]

eṣa eva vadho'smākaṃ sa paryāptastapodhana |
yadvayaṃ śaṃsitātmānaṃ pralobdhuṃ tvāmupāgatāḥ || 41 ||
[Analyze grammar]

avadhyāśca striyaḥ sṛṣṭā manyaṃte dharmaciṃtakāḥ |
tasmāddharmeṇa dharmajña eṣa vādo manīṣiṇām || 42 ||
[Analyze grammar]

śaraṇaṃ ca prapannānāṃ śiṣṭāḥ kurvaṃti pālanam |
śaraṇyaṃ tvāṃ prapannāḥ smastasmāttvaṃ kṣaṃtumarhasi || 43 ||
[Analyze grammar]

evamuktastu dharmātmā brāhmaṇaḥ śubhakarmakṛt |
prasādaṃ kṛtavāñchūraravisomasamaprabhaḥ || 44 ||
[Analyze grammar]

brāhmaṇa uvāca |
bhavatīnāṃ caritreṇa parimuhyāmi cetasi |
aho dhārṣṭyamaho moho yatpāpāya pravartanam || 45 ||
[Analyze grammar]

masta kasthāyinaṃ mṛtyuṃ yadi paśyedayaṃ janaḥ |
āhāro'pi na roceta kimutākāryakāritā || 46 ||
[Analyze grammar]

āho mānuṣyakaṃ janma sarvajanmasu durlabham |
tṛṇavatkriyate kaiścidyoṣinmūḍhairdurādharaiḥ || 47 ||
[Analyze grammar]

tānvayaṃ samapṛcchāmo janirvaḥ kiṃnimittataḥ |
ko vā lābho vicāryaitanmanāsā saha procyatām || 48 ||
[Analyze grammar]

na caitāḥ parinindāmo janiryārbhyaḥ pravartate |
kevalaṃ tānviniṃdāmo ye ca tāsu nirargalāḥ || 49 ||
[Analyze grammar]

yataḥ padmabhuvā sṛṣṭaṃ mithunaṃ viśvavṛddhaye |
tattathā paripālyaṃ vai nātra doṣo'sti kaścana || 50 ||
[Analyze grammar]

yā bāṃdhavaiḥ pradattā syādvahnidvijasamāgame |
gārhasthyapālanaṃ dhanyaṃ tayā sākaṃ hi sarvadam || 51 ||
[Analyze grammar]

yathāprakṛti puṃyomo yatnenāpi parasparam |
sādhyāmāno guṇāya syādaguṇāyāpyasādhitaḥ || 52 ||
[Analyze grammar]

evaṃ yatnātsādhyamānaṃ svakaṃ gārhasthyamuttamam |
guṇāya mahate bhūyādaguṇāyāpyasādhitam || 53 ||
[Analyze grammar]

pure paṃcamukhe dvāḥstha ekādaśabhaṭairyutaḥ |
sākaṃ nāryā bahvapatyaḥ sa kathaṃ syādacetanaḥ || 54 ||
[Analyze grammar]

yaścastriyā samāyogaḥ paṃcayajñādikarmabhiḥ |
viśvopakṛtaye sṛṣṭā mūḍhairhā sādhyate'nyathā || 55 ||
[Analyze grammar]

aho śrṛṇudhvaṃ no cedvaḥ śuśrūṣā jāyate śubhā |
tathāpi bāhumuddhṛtya rorūyāmaḥ śrṛṇoti kaḥ || 56 ||
[Analyze grammar]

ṣaḍdhātusāraṃ tadvīryaṃ samānaṃ parihāya ca |
vinikṣepe kuyonau tu tasyedaṃ proktavānyamaḥ || 57 ||
[Analyze grammar]

prathamaṃ cauṣadhīdrogdhā ātmadrogdhā tataḥ punaḥ |
pitṛdrogdhā viśvadrogdhā yātyaṃdhaṃ śāśvatīḥ samāḥ || 58 ||
[Analyze grammar]

manuṣyaṃ pitaro devā munayo mānavāstathā |
bhṛtāni copajīvaṃti tadarthaṃ niyato bhavet || 59 ||
[Analyze grammar]

vacasā manasā caiva jihvayā karaśrotrakaiḥ |
dāṃtamāhurhi sattīrthaṃ kākatīrthamataḥ param || 60 ||
[Analyze grammar]

kākaprāye nare yasminramaṃte tāmasā janāḥ |
haṃso'yamiti devānāṃ ko'rthastena viciṃtyatām || 61 ||
[Analyze grammar]

evaṃvidhaṃ hi viśvasya nirmāṇaṃ smaratohṛdi |
api kṛte trilokyāśca kathaṃ pāpe ramenmanaḥ || 62 ||
[Analyze grammar]

tadidaṃ cānyamartyānāṃ śāstradṛṣṭamaho striyaḥ |
yamaloke mayā dṛṣṭaṃ muhye pratyakṣataḥ katham || 63 ||
[Analyze grammar]

bhavatīṣu ca kaḥ kopo ye yadarthe hi nirmitāḥ |
te tamarthaṃ prakurvaṃti satyamastubhameva ca || 64 ||
[Analyze grammar]

śataṃ sahasraṃ viśvaṃ ca sarvamakṣaya vācakam |
parimāṇaṃ śataṃ tveva naitadakṣayyavācakam || 65 ||
[Analyze grammar]

yadā ca vo grāhabhūtā gṛhṇatīḥ puruṣāñjale |
utkarṣati jalātkaścitsthale puruṣasattamaḥ || 66 ||
[Analyze grammar]

tadā yūyaṃ punaḥ sarvāḥ svaṃ rūpaṃ pratipatsyatha |
anṛtaṃ noktapūrvaṃ me hasatāpi kadācana |
kalyāṇasya supṛktasya śuddhistadvadvarā hi vaḥ || 67 ||
[Analyze grammar]

nāryuvāca |
tatobhivādya taṃ vipraṃ kṛtvā caiva pradakṣiṇam || 68 ||
[Analyze grammar]

aciṃtayāmāpasṛtya tasmāddeśātsuduḥkhitāḥ |
kva nu nāma vayaṃ sarvāḥ kālenālpena taṃ naram || 69 ||
[Analyze grammar]

samāgacchema yo naḥ svaṃ rūpamāpādayetpunaḥ |
tā vayaṃ ciṃtayitveha muhūrtādiva bhārata || 70 ||
[Analyze grammar]

dṛṣṭavatyo mahābhāgaṃ devarṣimatha nāradam |
sarvā dṛṣṭāḥ sma taṃ dṛṣṭvā devarṣimamitadyutim || 71 ||
[Analyze grammar]

abhivādya ca taṃ pārtha sthitāḥ smo vyathitānanāḥ |
sa no'pṛcchaddṛḥkhamūlamuktavatyo vayaṃ ca tam || 72 ||
[Analyze grammar]

śrutvā tacca yathātattvamidaṃ vacanamabravīt |
dakṣiṇe sāgare'nūpe paṃca tīrthāni saṃtivai || 73 ||
[Analyze grammar]

puṇyāni ramaṇīyāni tāni gacchata mā ciram |
tatrasthāḥ puruṣavyāghraḥ pāṃḍavo vo dhanaṃjayaḥ || 74 ||
[Analyze grammar]

mokṣayiṣyati śuddhātmā duḥkhā dasmānna saṃśayaḥ |
tasya sarvā vayaṃ vīra śrutvā vākyamihāgatāḥ || 75 ||
[Analyze grammar]

tvamidaṃ satyavacanaṃ kartumarhasi pāṃḍava |
tvadvidhānāṃ hi sādhūnāṃ janma dīnopakārakam || 76 ||
[Analyze grammar]

śrutveti vacanaṃ tasyāḥ sasnau tīrtheṣvanukramāt |
grāhabhūtāścojjahāra yathāpūrvāḥ sa pāṃḍavaḥ || 77 ||
[Analyze grammar]

tataḥ praṇamya tā vīraṃ procyamānā jayāśiṣaḥ |
gaṃtuṃ kṛtābhilāṣāśca prāha pārtho dhanaṃjayaḥ || 78 ||
[Analyze grammar]

eṣa me hṛdi saṃdehaḥ sudṛḍhaḥ parivartate |
kasmādvonāradamuniranujajñe pravāsitum || 79 ||
[Analyze grammar]

sarvaḥ ko'pyatihīno'pi svapūjyasyārthasādhakaḥ |
svapūjyatīrtheṣvāvāsaṃ proktavānnāradaḥ katham || 80 ||
[Analyze grammar]

tathaiva navadurgāsu satīṣvatibalāsu ca |
siddheśe siddhagaṇape cāpi vo'tra sthitiḥ katham || 81 ||
[Analyze grammar]

ekaika eṣāṃ śakto hi api devānnivāritum |
tīrthasaṃrodhakāriṇyaḥ sarvā nāvārayatkatham || 82 ||
[Analyze grammar]

iti ciṃtayate mahyaṃ bhṛśaṃ dolāyate manaḥ |
mahanme kautukaṃ jātaṃ satyaṃ vā vaktumarhatha || 83 ||
[Analyze grammar]

apsarasa ūcuḥ |
yogyaṃ pṛcchasi kaunteya punaḥ paśyottarāṃ diśam || 84 ||
[Analyze grammar]