Chapter 26

[English text for this chapter is available]

lomaśa uvāca |
atha te parvataśreṣṭhā mervādyā jātasaṃbhramāḥ |
ūcuste caikapadyena himavaṃtaṃ mahāgirim || 1 ||
[Analyze grammar]

parvatā ūcuḥ |
kanyādānaṃ kriyatāṃ cādya śaila śrīmāñchambhurbhāgyataste'dya labdhaḥ |
hṛnmadhye vai nātra kāryo vimarśastasmādeṣā dīyatāmīśvarāya || 2 ||
[Analyze grammar]

tacchrutvā vacanaṃ teṣāṃ suhṛdāṃ vai himālayaḥ |
samyaksaṃkalpamakarodbrahmamā noditastadā |
imāṃ kanyāṃ tubhyamahaṃ dadāmi parameśvara || 3 ||
[Analyze grammar]

bhāryārthaṃ pratigṛhṇīṣvamaṃtreṇānena dattavān |
asmai rudrāya mahate devadavāya śaṃbhava |
kanyā dattā maheśāya girīṃdreṇa mahātmanā || 4 ||
[Analyze grammar]

vedyāṃ ca bahirānītau daṃpatīva kamalekṣaṇau |
upaveśitau bahirvedyāṃ pārvatīparameśvarau || 5 ||
[Analyze grammar]

ācāryeṇātha tatraiva kaśyapena mahātmanā |
āhvānaṃ havanārthāya kṛtamagnestadā dvijāḥ || 6 ||
[Analyze grammar]

brahmā brahmāsanagato babhūva śivasannidhau |
pravartamāne havana ṛṣayaśca vicakṣaṇāḥ || 7 ||
[Analyze grammar]

ūcuḥ parasparaṃ tatra nānādarśanavedinaḥ |
vedavādaratāḥ kecidavadansaṃmatena vai || 8 ||
[Analyze grammar]

evameva na cāpyevamevameva na cānyathā |
kāryameva na vā kāryaṃ kāryākāryaṃ tathā pare || 9 ||
[Analyze grammar]

ityevaṃ bruvatāṃ śabdaḥ śrūyate śivasannidhau |
svakīyaṃ matamāsthāya hyabruvaṃste parasparam |
tattvajñānavihīnāste kevalaṃ vedabuddhayaḥ || 10 ||
[Analyze grammar]

teṣāṃ tadvacanaṃ śrutvā parasparajayaiṣiṇām |
prahasya nārado vākyamuvāca śivasannidhau || 11 ||
[Analyze grammar]

yūyaṃ sarve vādinaśca vedavādaratāstathā |
maunamāsthāya bhoviprā hṛdi kṛtya sadāśivam || 12 ||
[Analyze grammar]

ātmānaṃ paramātmānaṃ parāṇāṃ paramaṃ ca tat |
yenedaṃ kāritaṃ viśvaṃ yataḥ sarvaṃ pravarttate |
yasminnilīyate viśvaṃ tasmai sarvātmane namaḥ || 13 ||
[Analyze grammar]

so'yamāste'dhunā gehe parvateṃdrasya bho dvijāḥ |
mukhādasyaiva saṃjātāḥ sarve yūyaṃ vicakṣaṇāḥ || 14 ||
[Analyze grammar]

evamuktāstadā tena nāradena dvijottamāḥ |
upadeśakarairvākyairbodhitāste dvijottamāḥ || 15 ||
[Analyze grammar]

varttamāne ca yajñe ca brahmā lokapitāmahaḥ |
dadarśa caraṇau devyā nakheṃduṃ ca manoharam || 16 ||
[Analyze grammar]

darśanātskhalitaḥ sadyo babhūvāṃbujasaṃbhavaḥ |
madanena samāviṣṭo vīryaṃ ca prācyavadbhuvi || 17 ||
[Analyze grammar]

retasā kṣaramāṇena lajjito'bhūtpitāmahaḥ |
caraṇābhyāṃ mamarddātha mahadgopyaṃ duratyayam || 18 ||
[Analyze grammar]

bahavaścarṣayo jātā vālakhilyāḥ sahasraśaḥ |
upatasthustadā sarvetātatāteti cābruvan || 19 ||
[Analyze grammar]

nāradena tadoktāste vālakhilyāḥ prakopinā |
gacchaṃtu baṭavo yūyaṃ parvataṃ gaṃdhamādanam || 20 ||
[Analyze grammar]

na sthātavyaṃ bhavadbhiśca bhavatāṃ na prayojanam |
ityevamuktāste sarve vālakhilyāśca parvatam |
nāradena samādiṣṭā yayuḥ sarve tvarānvitāḥ || 21 ||
[Analyze grammar]

nāradena tato brahmā'śvāsito vacanaiḥ śubhaiḥ |
tāvacca havanaṃ pūrṇaṃ jātaṃ tasya mahātmanaḥ || 22 ||
[Analyze grammar]

maheśasya tathā viprāḥ śāṃtipāṭhaparā babhuḥ |
brahmaghoṣeṇa mahatā vyāpta māsīddigaṃtaram || 23 ||
[Analyze grammar]

tato nīrājito devo devapatnībhiruttamaḥ |
tathaiva ṛṣipatnībhirarcitaḥ pūjitastathā || 24 ||
[Analyze grammar]

tathā girīndrasya manoramāḥ śubhā nīrājayāmāsurathaiva yoṣitaḥ |
gītaiḥ sugītajñaviśāradāśca tathaiva cānye stutibhirmaharṣayaḥ || 25 ||
[Analyze grammar]

ratnāni ca mahārhāṇi dadau tebhyo mahāmanāḥ |
himālayo mahāśailaḥ saṃhṛṣṭaḥ paritoṣayan || 26 ||
[Analyze grammar]

babhau tadānīṃ surasiddhasaṃghairvedyāṃ sthito'sau sakalatrako vibhuḥ |
sarvairupetī nijapārṣadairgaṇaiḥ prahṛṣṭacetā jagadekasundarāḥ || 27 ||
[Analyze grammar]

etasminnaṃtare tatra brahmaviṣṇupurogamāḥ |
ṛṣigaṃdharvayakṣāśca yenye tatra samāgatāḥ || 28 ||
[Analyze grammar]

sarvānsamabhyarcya tadā mahātmā mahāngirīśaḥ parameṇa varcasā |
sadratnavastrābharaṇāni samyagdadau ca tāmbūlasugandhavāryapi || 29 ||
[Analyze grammar]

tadā śivaṃ puraskṛtyābhyava jahruḥ sureśvarāḥ |
tathā sarve militvā tu aikapadyena moditāḥ || 30 ||
[Analyze grammar]

paṃktībhūtāśca bubhurliṃginā śrṛṃgiṇā saha |
kecidgaṇāḥ pṛthagbhūtā nānāhāsyarasairvibhum || 31 ||
[Analyze grammar]

atoṣayannāradādyā anekālīkasaṃyutāḥ |
tathā caṇḍīgaṇāḥ sarve babhujuḥ kṛtabhājanāḥ || 32 ||
[Analyze grammar]

vaitālāḥ kṣetrapālāśca bubhujuḥ kṛtabhājanāḥ |
śākinī ḍākinī caiva yakṣiṇyo mātṛkādayaḥ || 33 ||
[Analyze grammar]

yoginyo'tha catuḥ ṣaṣṭiryogino hi tathā pare |
daśa koṭyo gaṇānāṃ ca koṭyekā ca mahātmanām || 34 ||
[Analyze grammar]

evaṃ tu ṛṣayaḥ sarve tathānaye vibudhādayaḥ |
yogino hi mayā cānye kathitāḥ pūrvameva hi || 35 ||
[Analyze grammar]

yoginyaścaiva kathitāstāsāṃ bhakṣyaṃ vadāmi vaḥ |
khaḍgānāṃ kecidānīya kravyaṃ pavitrameva ca || 36 ||
[Analyze grammar]

bhuṃjaṃti cāsthisaṃyuktaṃ tathāṃtrāṇi bubhukṣitāḥ |
ānīya kecicchīrṣāṇi mahiṣāṇāṃ gurūṇi ca || 37 ||
[Analyze grammar]

tathā kecinnṛtyamānāstadānīṃ rorūyyamāṇāḥ pramathāścaiva cānye |
kecittūṣṇīmāsthitā rudrarūpāḥ parecānyāṃllokamānāstathaiva || 38 ||
[Analyze grammar]

yoginīcakramadhyastho bhairavo hi nanarta ca |
tathānye bhūtavetālā māmetyevaṃ pralāpinaḥ || 39 ||
[Analyze grammar]

evaṃ teṣāmuddhavaṃ hi nirikṣya madhusūdanaḥ |
uvāca prahasanvākyaṃ śaṃkaraṃ lokaśaṃkaram || 40 ||
[Analyze grammar]

etāngaṇānvāraya bho atra mattāṃśca saṃprati |
asminkāle ca yatkāryaṃ sarvaistatkāryame va ca || 41 ||
[Analyze grammar]

pāṃḍityena mahādeva tasmādetānnivāraya |
tacchrutvā bhagavānrudro vīrabhadramuvāca ha || 42 ||
[Analyze grammar]

rudra uvāca |
vārayasva pramattāṃśca kṣībāṃścaiva viśeṣataḥ |
tenokto vīrabhadraśca śaṃbhunā parameṣṭhinā || 43 ||
[Analyze grammar]

ājñāpitāḥ pramattāśca vīrabhadreṇa dhīmatā |
pramathā vāritāstena tūṣṇīmāśritya te sthitāḥ || 44 ||
[Analyze grammar]

niścalā yoginīmadhye bhūtapramathaguhyakāḥ |
śākinyo yātudhānāśca kūṣmāṃḍāḥ kopikarpaṭāḥ || 45 ||
[Analyze grammar]

tathānye bhūtavetālāḥ kṣetrapālāśca bhairavāḥ |
sarve śāṃtāḥ pramattāśca babhūvuḥ pramathādayaḥ || 46 ||
[Analyze grammar]

evaṃ vistārasaṃyuktaṃ kṛtamudvahanaṃ tadā |
himādriṇā paraṃ viprāḥ sumaṃgalyaṃ suśobhanam || 47 ||
[Analyze grammar]

catvāro divasā jātāḥ paripūrṇena cetasā |
himādriṇā kṛtā pūjā devadevasya śūlinaḥ || 48 ||
[Analyze grammar]

vastrālaṃkārābharaṇai ratnairuccāvacaistataḥ |
pūjayitvā mahādevaṃ viṣṇorvacanaparo'bhavat || 49 ||
[Analyze grammar]

lakṣmīsametaṃ viṣṇuṃ ca vastrālaṃkaraṇaiḥ śubhaiḥ |
pūjayāmāsa himavāṃstathā brahmāṇameva ca || 50 ||
[Analyze grammar]

iṃdraṃ purodhasā sārddhamiṃdrāṇyā sahitaṃ vibhum |
tathaiva lokapālāṃśca pūjayitvā pṛthakpṛthak || 51 ||
[Analyze grammar]

tathaiva pūjitā caṃḍī bhūtapramathaguhyakaiḥ |
vastrālaṃkaraṇaiścaiva ratnairnānāvidhairapi |
ye cānya āgatāstatra te ca sarve prapūjitāḥ || 52 ||
[Analyze grammar]

evaṃ tadānīṃ pratipūjitāśca devāśca sarve ṛṣayaśca yakṣāḥ |
gaṃdharvavidyādharasiddhacāraṇāstathaiva marttyāpsarasāṃ gaṇāśca || 53 ||
[Analyze grammar]