Chapter 40

[English text for this chapter is available]

śrīsūta uvāca |
iti sa vijitamanyoryādavenopamanyoradhigatamabhidhāya jñānayogaṃ munibhyaḥ |
praṇatimupagatebhyastebhya udbhāvitātmā sapadi viyati vāyuḥ sāyamantarhito 'bhūt || 1 ||
[Analyze grammar]

tataḥ prabhātasamaye naimiṣīyāstapodhanāḥ |
satrānte 'vabhṛthaṃ kartuṃ sarva eva samudyayuḥ || 2 ||
[Analyze grammar]

tadā brahmasamādeśāddevī sākṣātsarasvatī |
prasannā svādusalilā prāvartata nadīśubhā || 3 ||
[Analyze grammar]

sarasvatīṃ nadīṃ dṛṣṭvā munayo hṛṣṭamānasāḥ |
samāpya satraṃ prārabdhaṃ cakrustatrāvagāhanam || 4 ||
[Analyze grammar]

atha saṃtarpya devādīṃstadīyaiḥ salilaiḥ śivaiḥ |
smarantaḥ pūrvavṛttāntaṃ yayurvārāṇasīṃ prati || 5 ||
[Analyze grammar]

tadā te himavatpādātpaṃtatīṃ dakṣiṇāmukhīm |
dṛṣṭvā bhāgīrathī tatra snātvā tattīrato yayuḥ || 6 ||
[Analyze grammar]

tato vārāṇasīṃ prāpya muditāssarva eva te |
tadottarapravāhāyāṃ gaṃgāyāmavagāhya ca || 7 ||
[Analyze grammar]

avimukteśvaraṃ liṃgaṃ dṛṣṭvābhyarcya vidhānataḥ |
prayātumudyatāstatra dadṛśurdivi bhāsvaram || 8 ||
[Analyze grammar]

sūryakoṭipratīkāśaṃ tejodivyaṃ mahādbhutam |
ātmaprabhāvitānena vyāptasarvadigantaram || 9 ||
[Analyze grammar]

atha pāśupatāḥ siddhāḥ bhasmasañchannavigrahāḥ |
munayo 'bhyetya śataśo līnāḥ syustatra tejasi || 10 ||
[Analyze grammar]

tathā vilīyamāneṣu tapasviṣu mahātmasu |
sadyastirodadhe tejastadadbhutamivābhavat || 11 ||
[Analyze grammar]

taddṛṣṭvā mahadāścaryaṃ naimiṣīyā maharṣayaḥ |
kimetadityajānanto yayurbrahmavanaṃ prati || 12 ||
[Analyze grammar]

prāgevaiṣāṃ tu gamanātpavano lokapāvanaḥ |
darśanaṃ naimiṣīyāṇāṃ saṃvādastairmahātmanaḥ || 13 ||
[Analyze grammar]

śaddhāṃ buddhiṃ tatasteṣāṃ sāṃbe sānucare śive |
samāptiṃ cāpi satrasya dīrghapūrvasya satriṇām || 14 ||
[Analyze grammar]

vijñāpya jagatāṃ dhātre brahmaṇe brahmayonaye |
svakārye tadanujñāto jagāma svapuraṃ prati || 15 ||
[Analyze grammar]

atha sthānagato brahmā tumburornāradasya ca |
paraspara spardhitayorgāne vivadamānayoḥ || 16 ||
[Analyze grammar]

tadudbhāvitagānottharasairmādhyasthamācaran |
gandharvairapsarobhiśca sukhamāste niṣevitaḥ || 17 ||
[Analyze grammar]

tadānavasarādeva dvāḥsthairdvāri nivāritāḥ |
munayo brahmabhavanādbahiḥ pārśvamupāviśan || 18 ||
[Analyze grammar]

atha tumburuṇā gāne samatāṃ prāpya nāradaḥ |
sāhacaryeṣvanujñāto brahmaṇā parameṣṭhinā || 19 ||
[Analyze grammar]

tyaktvā parasparaspardhāṃ maitrīṃ ca paramāṃ gataḥ |
saha tenāpsarobhiśca gandharvaiśca samāvṛtaḥ || 20 ||
[Analyze grammar]

upavīṇayituṃ devaṃ nakulīśvaramīśvaram |
bhavanānniryayau dhāturjaladādaṃśumāniva || 21 ||
[Analyze grammar]

taṃ dṛṣṭvā ṣaṭkulīyāste nāradaṃ munigovṛṣam |
praṇamyāvasaraṃ śaṃbhoḥ papracchuḥ paramādarāt || 22 ||
[Analyze grammar]

sa cāvasara evāyamitoṃtargamyatāmiti |
vadanyayāvanyaparastvarayā parayā yutaḥ || 23 ||
[Analyze grammar]

tato dvāri sthitā ye vai brahmaṇe tānnyavedayan |
tena te viviśurveśma piṃḍībhūyāṃḍajanmanaḥ || 24 ||
[Analyze grammar]

praviśya dūrato devaṃ praṇamya bhuvi daṃḍavat |
samīpe tadanujñātāḥ parivṛtyopatasthire || 25 ||
[Analyze grammar]

tāṃstatrāvasthitān pṛṣṭvā kuśalaṃ kamalāsanaḥ |
vṛttāṃtaṃ vo mayā jñātaṃ vāyurevāha no yataḥ || 26 ||
[Analyze grammar]

bhavadbhiḥ kiṃ kṛtaṃ paścānmāruteṃtarhite sati |
ityuktavati deveśe munayo 'vabhṛthātparam || 27 ||
[Analyze grammar]

gaṃgātīrthesya gamanaṃ yātrāṃ vārāṇasīṃ prati |
darśanaṃ tatra liṃgānāṃ sthāpitānāṃ sureśvaraiḥ || 28 ||
[Analyze grammar]

avimukteśvarasyāpi liṃgasyābhyarcanaṃ sakṛt |
ākāśe mahatastasya tejorāśeśca darśanam || 29 ||
[Analyze grammar]

munīnāṃ vilayaṃ tatra nirodhaṃ tejasastataḥ |
yāthātmyavedanaṃ tasya ciṃtitasyāpi cātmabhiḥ || 30 ||
[Analyze grammar]

sarvaṃ savistaraṃ tasmai praṇamyāhurmuhurmuhuḥ |
munibhiḥ kathitaṃ śrutvā viśvakarmā caturmukhaḥ || 31 ||
[Analyze grammar]

kaṃpayitvā śiraḥ kiṃcitprāha gaṃbhīrayā girā |
pratyāsīdati yuṣmākaṃ siddhirāmuṣmikī parā || 32 ||
[Analyze grammar]

bhavadbhirdīrghasatreṇa ciramārādhitaḥ prabhuḥ |
prasādābhimukho bhūta iti bhutārthasūcitam || 33 ||
[Analyze grammar]

vārāṇasyāṃ tu yuṣmābhiryaddṛṣṭaṃ divi dīptimat |
talliṃgasaṃjñitaṃ sākṣāttejo māheśvaraṃ param || 34 ||
[Analyze grammar]

tatra līnāśca munayaḥ śrautapāśupatavratāḥ |
muktā babhūvuḥ svasthāśca naiṣṭhikā dagdhakilbiṣāḥ || 35 ||
[Analyze grammar]

prāpyānena yathā muktiracirādbhavatāmapi |
sa cāyamarthaḥ sūcyeta yuṣmaddṛṣṭena tejasā || 36 ||
[Analyze grammar]

tatra vaḥ kāla evaiṣa daivādupanataḥ svayam |
prayāta dakṣiṇaṃ meroḥ śikharaṃ devasevitam || 37 ||
[Analyze grammar]

sanatkumāro yatrāste mama putraḥ paro muniḥ |
pratīkṣyāgamanaṃ sākṣādbhūtanāthasya naṃdinaḥ || 38 ||
[Analyze grammar]

purā sanatkumāropi dṛṣṭvāpi parameśvaram |
ajñānātsarvayogīndramānī vinayadūṣitaḥ || 39 ||
[Analyze grammar]

abhyutthānādikaṃ yuktamakurvannatinirbhayaḥ |
tato 'parādhātkruddhena mahoṣṭro naṃdinā kṛtaḥ || 40 ||
[Analyze grammar]

atha kālena mahatā tadarthe śocatā mayā |
upāsya devaṃ devīñca naṃdinaṃ cānunīya vai || 41 ||
[Analyze grammar]

kathaṃciduṣṭratā tasya prayatnena nivāritā |
prāpito hi yathāpūrvaṃ sanatpūrvāṃ kumāratām || 42 ||
[Analyze grammar]

tadāha ca mahādevaḥ smayanniva gaṇādhipam |
avajñāya hi māmeva tathāhaṃkṛtavānmuniḥ || 43 ||
[Analyze grammar]

atastvameva yāthātmyaṃ mamāsmai kathayānagha |
brahmaṇaḥ pūrvajaḥ putro māṃ mūḍha iva saṃsmaran || 44 ||
[Analyze grammar]

mayaiva śiṣyate datto mama jñānapravartakaḥ |
dharmādhyakṣābhiṣekaṃ ca tava nirvartayiṣyati || 45 ||
[Analyze grammar]

sa evaṃ vyāhṛto bhūyassarvabhūtagaṇāgraṇīḥ |
yatparājñāpanaṃ mūrdhnā prātaḥ pratigṛhītavān || 46 ||
[Analyze grammar]

tathā sanatkumāro 'pi merau madanuśāsanāt |
prasādārthaṃ gaṇasyāsya tapaścarati duścaram || 47 ||
[Analyze grammar]

draṣṭavyaśceti yuṣmābhiḥ prāggaṇeśasamāgamāt |
tatprasādārthamacirānnaṃdī tatrāgamiṣyati || 48 ||
[Analyze grammar]

iti satvaramādiśya preṣitā viśvayoginā |
kumāraśikharaṃ merordakṣiṇaṃ munayo yayuḥ || 49 ||
[Analyze grammar]