Chapter 41

[English text for this chapter is available]

sūta uvāca |
tatra skaṃdasaro nāma sarassāgarasannibham |
amṛtasvāduśiśirasvacchā gādhalaghūdakam || 1 ||
[Analyze grammar]

samaṃtataḥ saṃghaṭitaṃ sphaṭiko palasaṃcayaiḥ |
sarvartukusumaiḥ phullaiśchāditākhiladiṅmukham || 2 ||
[Analyze grammar]

śaivalairutpalaiḥ padmaiḥ kumudaistārakopamaiḥ |
taraṃgairabhrasaṃkāśairākāśamiva bhūmigam || 3 ||
[Analyze grammar]

sukhāvataraṇārohaiḥ sthalairnīlaśilāmayaiḥ |
sopānamārgau ruciraiśśobhamānāṣṭadiṅmukham || 4 ||
[Analyze grammar]

tatrāvatīrṇaiśca yathā tatrottīrṇaśca bhūyasā |
snātaiḥ sitopavītaiśca śuklākaupīnavalkalaiḥ || 5 ||
[Analyze grammar]

jaṭāśikhāyanairmuṃḍaistripuṃḍrakṛtamaṃḍanaiḥ |
virāgavivaśasmeramukhairmunikumārakaiḥ || 6 ||
[Analyze grammar]

ghaṭaiḥ kamalinīpatrapuṭaiśca kalaśaiḥ śivaiḥ |
kamaṇḍalubhiranyaiśca tādṛśaiḥ karakādibhiḥ || 7 ||
[Analyze grammar]

ātmārthaṃ ca parārthaṃ ca devatārthaṃ viśeṣataḥ |
ānīyamānasalilamāttapuṣpaṃ ca nityaśaḥ || 8 ||
[Analyze grammar]

aṃtarjalaśilārūḍhairnīcānāṃ sparśaśaṃkayā |
ācāravadbhirmunibhiḥ kṛtabhasmāṃgadhūsaraiḥ || 9 ||
[Analyze grammar]

itastato 'psu majjadbhiriṣṭaśiṣṭaiḥ śilāgataiḥ |
tilaiśca sākṣataiḥ puṣpaistyaktadarbhapavitrakaiḥ || 10 ||
[Analyze grammar]

devādyamṛṣimadhyaṃ ca nirvartya pitṛtarpaṇam |
nivedayedabhijñebhyo nityasnānagatān dvijān || 11 ||
[Analyze grammar]

sthānesthāne kṛtānekabalipuṣpasamīraṇaiḥ |
saurārghyapūrvaṃ kurvadbhiḥsthaṃḍalebhyarcanādikam || 12 ||
[Analyze grammar]

kvacinnimajjadunmajjatprasrastagajayūthapam |
kvacicca tṛṣayāyātamṛgīmṛgaturaṃgamam || 13 ||
[Analyze grammar]

kvacitpītajanottīrṇamayūravaravāraṇam |
kvacitkṛtataṭāghātavṛṣaprativṛṣojjvalam || 14 ||
[Analyze grammar]

kvacitkāraṃḍavaravaiḥ kvacitsārasakūjitaiḥ |
kvacicca kokaninadaiḥ kvacidbhramaragītibhiḥ || 15 ||
[Analyze grammar]

snānapānādikaraṇaiḥ svasaṃpaddrumajīvibhiḥ |
praṇayātprāṇibhistaistairbhāṣamāṇamivāsakṛt || 16 ||
[Analyze grammar]

kūlaśākhiśikhālīnakokilākulakūjitaiḥ |
ātapopahatānsarvānnāmaṃtrayadivāniśam || 17 ||
[Analyze grammar]

uttare tasya sarasastīre kalpataroradhaḥ |
vedyāṃ vajraśilāmayyāṃ mṛdule mṛgacarmaṇi || 18 ||
[Analyze grammar]

sanatkumāramāsīnaṃ śaśvadbālavapurdharam |
tatkālamātroparataṃ samādheracalātmanaḥ || 19 ||
[Analyze grammar]

upāsyamānaṃ munibhiryogīṃdrairapi pūjitam |
dadṛśurnaimiṣeyāste praṇatāścopatasthire || 20 ||
[Analyze grammar]

yāvatpṛṣṭavate tasmai procuḥ svāgatakāraṇam |
tumulaḥ śuśruve tāvaddivi duṃdubhinisvanaḥ || 21 ||
[Analyze grammar]

dadṛśe tatkṣaṇe tasminvimānaṃ bhānusannibham |
gaṇeśvarairasaṃkhyeyaiḥ saṃvṛtaṃ ca samaṃtataḥ || 22 ||
[Analyze grammar]

apsarogaṇasaṃkīrṇaṃ rudrakanyābhirāvṛtam |
mṛdaṃgamurajodghuṣṭaṃ veṇuvīṇāravānvitam || 23 ||
[Analyze grammar]

citraratnavitānāḍhyaṃ muktādāmavirājitam |
munibhissiddhagaṃdharvairyakṣacāraṇakinnaraiḥ || 24 ||
[Analyze grammar]

nṛtyadbhiścaiva gāyadbhirvādayadbhiśca saṃvṛtam |
vīragovṛṣacihnena vidramadrumayaṣṭinā || 25 ||
[Analyze grammar]

kṛtagopurasatkāraṃ ketunā mānyahetunā |
tasya madhye vimānasya cāmaradvitayāṃtare || 26 ||
[Analyze grammar]

chattrasya maṇidaṃḍasya caṃdrasyeva śuceradhaḥ |
divyasiṃhāsanārūḍhaṃ devyā suyaśayā saha || 27 ||
[Analyze grammar]

śriyā ca vapuṣā caiva tribhiścāpi vilocanaiḥ |
prākārairabhikṛtyānāṃ pratyabhijñāpakaṃ prabhoḥ || 28 ||
[Analyze grammar]

avilaṃghya jagatkarturājñāpanamivāgatam |
sarvānugrahaṇaṃ śaṃbhoḥ sākṣādiva puraḥsthitam || 29 ||
[Analyze grammar]

śilādatanayaṃ sākṣācchrīmacchūlavarāyudham |
viśveśvaragaṇādhyakṣaṃ viśveśvaramivāparam || 30 ||
[Analyze grammar]

viśvasyāpi vidhātḥṇāṃ nigrahānugrahakṣamam |
caturbāhumudārāṃgaṃ candrarekhāvibhūṣitam || 31 ||
[Analyze grammar]

kaṃṭhe nāgena maulau ca śaśāṃkenāpyalaṃkṛtam |
savigrahamivaiśvaryaṃ sāmarthyamiva sakriyam || 32 ||
[Analyze grammar]

samāptamiva nirvāṇaṃ sarvajñamiva saṃgatam |
dṛṣṭvā prahṛṣṭavadano brahmaputraḥ saharṣibhiḥ || 33 ||
[Analyze grammar]

tasthau prāñjalirutthāya tasyātmānamivārpayan |
atha tatrāṃtare tasminvimāne cāvaniṃ gate || 34 ||
[Analyze grammar]

praṇamya daṇḍavaddevaṃ stutvā vyajñāpayanmunīm |
ṣaṭkulīyā ime dīrghaṃ naimiṣe satramāsthitāḥ || 35 ||
[Analyze grammar]

āgatā brahmaṇādiṣṭāḥ pūrvamevābhikāṃkṣayā |
śrutvā vākyaṃ brahmaputrasya naṃdīchittvā pāśāndṛṣṭipātena sadyaḥ || 35 ||
[Analyze grammar]

śaivaṃ dharmaṃ caiśvaraṃ jñānayogaṃ dattvā bhūyo devapārśvaṃ jagāma |
sanatkumāreṇa ca tatsamastaṃ vyāsāya sākṣādgurave mamoktam || 36 ||
[Analyze grammar]

vyāsena coktaṃ mahitena mahyaṃ mayā ca tadvaḥ kathitaṃ samāsāt |
nāvedavidbhyaḥ kathanīyametatpurāṇaratnaṃ puraśāsanasya || 37 ||
[Analyze grammar]

nābhaktaśiṣyāya ca nāstikebhyo dattaṃ hi mohānnirayaṃ dadāti |
mārgeṇa sevānugatena yaistaddattaṃ gṛhītaṃ paṭhitaṃ śrutaṃ vā || 38 ||
[Analyze grammar]

tebhyaḥ sukhaṃ dharmamukhaṃ trivargaṃ nirvāṇamaṃte niyataṃ dadāti |
parasparasyopakṛtaṃ bhavadbhirmayā ca paurāṇikamārgayogāt || 39 ||
[Analyze grammar]

ato gamiṣye 'hamavāptakāmaḥ samastamevāstu śivaṃ sadā naḥ |
sūte kṛtāśiṣi gate munayaḥ suvṛttā yāge ca paryavasite mahati prayoge || 40 ||
[Analyze grammar]

kāle kalau ca viṣayaiḥ kaluṣāyamāṇe vārāṇasīparisare vasatiṃ vinetuḥ |
atha ca te paśupāśamumukṣayākhilatayā kṛtapāśupatavratāḥ || 41 ||
[Analyze grammar]

adhikṛtākhilabodhasamādhayaḥ paramanirvṛtimāpuraniṃditāḥ |
vyāsa uvāca |
etacchivapurāṇaṃ hi samāptaṃ hitamādarāt || 42 ||
[Analyze grammar]

paṭhitavyaṃ prayatnena śrotavyaṃ ca tathaiva hi |
nāstikāya na vaktavyamaśraddhāya śaṭhāya ca || 43 ||
[Analyze grammar]

abhaktāya maheśasya tathā dharmadhvajāya ca |
etacchrutyā hyekavāraṃ bhavetpāpaṃ hi bhasmasāt || 44 ||
[Analyze grammar]

abhakto bhaktimāpnoti bhakto bhaktisamṛddhibhāk |
punaḥ śrute ca sadbhaktirmuktissyācca śruteḥ punaḥ || 45 ||
[Analyze grammar]

tasmātpunaḥpunaścaiva śrotavyaṃ hi mumukṣubhiḥ |
pañcāvṛttiḥ prakartavyā purāṇasyāsya saddhiyā || 46 ||
[Analyze grammar]

paraṃ phalaṃ samuddiśya tatprāpnoti na saṃśayaḥ |
purātanāśca rājāno viprā vaiśyāśca sattamāḥ || 47 ||
[Analyze grammar]

saptakṛtvastadāvṛttyālabhanta śivadarśanam |
śroṣyatyathāpi yaścedaṃ mānavo bhaktitatparaḥ || 48 ||
[Analyze grammar]

iha bhuktvākhilānbhogānaṃte muktiṃ labhecca saḥ |
etacchivapurāṇaṃ hi śivasyātipriyaṃ param || 49 ||
[Analyze grammar]

bhuktimuktipradaṃ brahmasaṃmitaṃ bhaktivardhanam |
etacchivapurāṇasya vaktuḥ śrotuśca sarvadā || 50 ||
[Analyze grammar]

sagaṇassasutassāṃbaśśaṃ karotu sa śaṃkaraḥ || 51 ||
[Analyze grammar]