Chapter 39

[English text for this chapter is available]

upamanyuruvāca |
śrīkaṃṭhanāthaṃ smaratāṃ sadyaḥ sarvārthasiddhayaḥ |
prasidhyaṃtīti matvaike taṃ vai dhyāyaṃti yoginaḥ || 1 ||
[Analyze grammar]

sthityarthaṃ manasaḥ kecitsthūladhyānaṃ prakurvate |
sthūlaṃ tu niścalaṃ ceto bhavetsūkṣme tu tatsthiram || 2 ||
[Analyze grammar]

śive tu ciṃtite sākṣātsarvāḥ sidhyanti siddhayaḥ |
mūrtyaṃtareṣu dhyāteṣu śivarūpaṃ viciṃtayet || 3 ||
[Analyze grammar]

lakṣayenmanasaḥ sthairyaṃ tattaddhyāyetpunaḥ punaḥ |
dhyānamādau saviṣayaṃ tato nirviṣayaṃ jaguḥ || 4 ||
[Analyze grammar]

tatra nirviṣayaṃ dhyānaṃ nāstītyeva satāṃ matam |
buddherhi santatiḥ kāciddhyānamityabhidhīyate || 5 ||
[Analyze grammar]

tena nirviṣayā buddhiḥ kevaleha pravartate |
tasmātsaviṣayaṃ dhyānaṃ bālārkakiraṇāśrayam || 6 ||
[Analyze grammar]

sūkṣmāśrayaṃ nirviṣayaṃ nāparaṃ paramārthataḥ |
yadvā saviṣayaṃ dhyānaṃ tatsākārasamāśrayam || 7 ||
[Analyze grammar]

nirākārātmasaṃvittirdhyānaṃ nirviṣayaṃ matam |
nirbījaṃ ca sabījaṃ ca tadeva dhyānamucyate || 8 ||
[Analyze grammar]

nirākāraśrayatvena sākārāśrayatastathā |
tasmātsaviṣayaṃ dhyānamādau kṛtvā sabījakam || 9 ||
[Analyze grammar]

aṃte nirviṣayaṃ kuryānnirbījaṃ sarvasiddhaye |
prāṇāyāmena sidhyaṃti devyāḥ śāṃtyādayaḥ kramāt || 10 ||
[Analyze grammar]

śāṃtiḥ praśāṃtirdīptiśca prasādaśca tataḥ param |
śamaḥ sarvāpadāṃ caiva śāṃtirityabhidhīyate || 11 ||
[Analyze grammar]

tamaso 'ntabahirnāśaḥ praśāntiḥ parigīyate |
bahirantaḥprakāśo yo dīptirityabhidhīyate || 12 ||
[Analyze grammar]

svasthatā yā tu sā buddhaḥ prasādaḥ parikīrtitaḥ |
kāraṇāni ca sarvāṇi sabāhyābhyaṃtarāṇi ca || 13 ||
[Analyze grammar]

buddheḥ prasādataḥ kṣipraṃ prasannāni bhavantyuta |
dhyātā dhyānaṃ tathā dhyeyaṃ yadvā dhyānaprayojanam || 14 ||
[Analyze grammar]

etaccatuṣṭayaṃ jñātvā dhyātā dhyānaṃ samācaret |
jñānavairāgyasaṃpanno nityamavyagramānasaḥ || 14 ||
[Analyze grammar]

śraddadhānaḥ prasannātmā dhyātā sadbhirudāhṛtaḥ |
dhyai ciṃtāyāṃ smṛto dhātuḥ śivaciṃtā muhurmuhuḥ || 15 ||
[Analyze grammar]

yogābhyāsastathālpe 'pi yathā pāpaṃ vināśayet |
dhyāyataḥ kṣaṇamātraṃ vā śraddhayā parameśvaram || 17 ||
[Analyze grammar]

avyākṣiptena manasā dhyānamityabhidhīyate |
buddhipravāharūpasya dhyānasyāsyāvalaṃbanam || 18 ||
[Analyze grammar]

dhyeyamityucyate sadbhistacca sāṃbaḥ svayaṃ śivaḥ |
vimuktipratyayaṃ pūrṇamaiśvaryaṃ cāṇimādikam || 19 ||
[Analyze grammar]

śivadhyānasya pūrṇasya sākṣāduktaṃ prayojanam |
yasmātsaukhyaṃ ca mokṣaṃ ca dhyānādabhayamāpnuyāt || 20 ||
[Analyze grammar]

tasmātsarvaṃ parityajya dhyānayukto bhavennaraḥ |
nāsti dhyānaṃ vinā jñānaṃ nāsti dhyānamayoginaḥ || 21 ||
[Analyze grammar]

dhyānaṃ jñānaṃ ca yasyāsti tīrṇastena bhavārṇavaḥ |
jñānaṃ prasannamekāgramaśeṣopādhivarjitam || 22 ||
[Analyze grammar]

yogābhyāsena yuktasya yoginastveva sidhyati |
prakṣīṇāśeṣapāpānāṃ jñāne dhyāne bhavenmatiḥ || 23 ||
[Analyze grammar]

pāpopahatabuddhīnāṃ tadvārtāpi sudurlabhā |
yathāvahnirmahādīptaḥ śuṣkamārdraṃ ca nirdahet || 24 ||
[Analyze grammar]

tathā śubhāśubhaṃ karma dhyānāgnirdahate kṣaṇāt |
atyalpo 'pi yathā dīpaḥ sumahannāśayettamaḥ || 25 ||
[Analyze grammar]

yogābhyāsastathālpo 'pi mahāpāpaṃ vināśayet |
dhyāyataḥ kṣaṇamātraṃ vā śraddhayā parameśvaram || 26 ||
[Analyze grammar]

yadbhavetsumahacchreyastasyāṃto naiva vidyate |
nāsti dhyānasamaṃ tīrthaṃ nāsti dhyānasamaṃ tapaḥ || 27 ||
[Analyze grammar]

nāsti dhyānasamo yajñastasmāddhyānaṃ samācaret |
tīrthāni toyapūrṇāni devānpāṣāṇamṛnmayān || 28 ||
[Analyze grammar]

yogino na prapadyaṃte svātmapratyayakāraṇāt |
yogināṃ ca vapuḥ sūkṣmaṃ bhavetpratyakṣamaiśvaram || 29 ||
[Analyze grammar]

yathā sthūlamayuktānāṃ mṛtkāṣṭhādyaiḥ prakalpitam |
yathehāṃtaścarā rājñaḥ priyāḥ syurna bahiścarāḥ || 30 ||
[Analyze grammar]

tathāṃtardhyānaniratāḥ priyāśśaṃbhorna karmiṇaḥ |
bahiskarā yathā loke nātīva phalabhoginaḥ || 31 ||
[Analyze grammar]

dṛṣṭvā narendrabhavane tadvadatrāpi karmiṇaḥ |
yadyaṃtarā vipadyaṃte jñānayogārthamudyataḥ || 32 ||
[Analyze grammar]

yogasyodyogamātreṇa rudralokaṃ gamiṣyati |
anubhūya sukhaṃ tatra sa jāto yogināṃ kule || 33 ||
[Analyze grammar]

jñānayogaṃ punarlabdhvā saṃsāramativartate |
jijñāsurapi yogasya yāṃ gatiṃ labhate naraḥ || 34 ||
[Analyze grammar]

na tāṃ gatimavāpnoti sarvairapi mahāmakhaiḥ |
dvijānāṃ vedaviduṣāṃ koṭiṃ saṃpūjya yatphalam || 35 ||
[Analyze grammar]

bhikṣāmātrapradānena tatphalaṃ śivayogine |
yajñāgnihotradānena tīrthahomeṣu yatphalam || 36 ||
[Analyze grammar]

yogināmannadānena tatsamastaṃ phalaṃ labhet |
ye cāpavādaṃ kurvaṃti vimūḍhāśśivayoginām || 37 ||
[Analyze grammar]

śrotṛbhiste prapadyante narakeṣvāmahīkṣayāt |
sati śrotari vaktāsyādapavādasya yoginām || 38 ||
[Analyze grammar]

tasmācchrotā ca pāpīyāndaṇḍyassumahatāṃ mataḥ |
ye punaḥ satataṃ bhaktyā bhajaṃti śavayoginaḥ || 39 ||
[Analyze grammar]

te vidaṃti mahābhogānaṃte yogaṃ ca śāṃkaram |
bhogārthibhirnaraistasmātsaṃpūjyāḥ śivayoginaḥ || 40 ||
[Analyze grammar]

pratiśrayānnapānādyaiḥ śayyāprāvaraṇādibhiḥ |
yogadharmaḥ sasāratvādabhedyaḥ pāpamudgaraiḥ || 41 ||
[Analyze grammar]

vajrataṃdulavajjñeyaṃ tathā pāpena yoginaḥ |
na lipyaṃte ca tāpaughaiḥ padmapatraṃ yathāṃbhasā || 42 ||
[Analyze grammar]

yasmindeśe vasennityaṃ śivayogarato muniḥ |
so 'pi deśo bhavetpūtaḥ sapūta iti kiṃ punaḥ || 43 ||
[Analyze grammar]

tasmātsarvaṃ parityajya kṛtyamanyadvicakṣaṇaḥ |
sarvaduḥkhaprahāṇāya śivayogaṃ samabhyaset || 44 ||
[Analyze grammar]

siddhayogaphalo yogī lokānāṃ hitakāmyayā |
bhogānbhuktvā yathākāmaṃ viharedvātra vartatām || 45 ||
[Analyze grammar]

athavā kṣudramityeva matvā vaiṣayikaṃ sukham |
tyaktvā virāgayogena svecchayā karma mucyatām || 46 ||
[Analyze grammar]

yastvāsannāṃ mṛtiṃ martyo dṛṣṭāriṣṭaṃ ca bhūyasā |
sa yogārambhanirataḥ śivakṣetraṃ samāśrayet || 47 ||
[Analyze grammar]

sa tatra nivasanneva yadi dhīramanā naraḥ |
prāṇānvināpi rogādyaiḥ svayameva parityajet || 48 ||
[Analyze grammar]

kṛtvāpyanaśanaṃ caiva hutvā cāṃgaṃ śivānale |
kṣiptvā vā śivatīrtheṣu svadehamavagāhanāt || 49 ||
[Analyze grammar]

śivaśāstroktavidhivatprāṇānyastu parityajet |
sadya eva vimucyeta nātra kāryā vicāraṇā 2 || 50 ||
[Analyze grammar]

rogādyairvātha vivaśaḥ śivakṣetraṃ samāśritaḥ |
mriyate yadi sopyevaṃ mucyate nātra saṃśayaḥ || 51 ||
[Analyze grammar]

yathā hi maraṇaṃ śreṣṭhamuśaṃtyanaśanādibhiḥ |
śāstraviśraṃbhadhīreṇa manasā kriyate yataḥ || 52 ||
[Analyze grammar]

śivanindārataṃ hatvā pīḍitaḥ svayameva vā |
yastyajeddustyajānprāṇānna sa bhūyaḥ prajāyate || 53 ||
[Analyze grammar]

śivanindārataṃ haṃtumaśakto yaḥ svayaṃ mṛtaḥ |
sadya eva pramucyeta triḥ saptakulasaṃyutaḥ || 54 ||
[Analyze grammar]

śivārthe yastyajetprāṇāñchivabhaktārthameva vā |
na tena sadṛśaḥ kaścinmuktimārgasthito naraḥ || 55 ||
[Analyze grammar]

tasmācchīghratarā muktistasya saṃsāramaṃḍalāt |
eteṣvanyatamopāyaṃ kathamapyavalambya vā || 56 ||
[Analyze grammar]

ṣaḍadhvaśuddhiṃ vidhivatprāpto vā mriyate yadi |
paśūnāmiva tasyeha na kuryādaurdhvadaihikam || 57 ||
[Analyze grammar]

naivāśaucaṃ prapadyeta tatputrādiviśeṣataḥ |
śivacārārthamathavā śivavidyārthameva vā || 58 ||
[Analyze grammar]

khanedvā bhuvi taddehaṃ dahedvā śucināgninā |
kṣipedvāpsu śivāsveva tyajedvā kāṣṭhaloṣṭavat || 58 ||
[Analyze grammar]

athainamapi coddiśya karma cetkartumīpsitam |
kalyāṇameva kurvīta śaktyā bhaktāṃśca tarpayet || 59 ||
[Analyze grammar]

dhanaṃ tasya bhajecchaivaḥ śaivī cetasya santatiḥ |
nāsti cettacchive dadyānnadadyātpaśusantatiḥ || 60 ||
[Analyze grammar]