Chapter 6

[English text for this chapter is available]

sūta uvāca |
gauścaikāpyabhavattatra hyaṃgaṇe baṃdhitā śubhā |
tadaiva brāhmaṇo rātrāvājagāma bahirgataḥ || 1 ||
[Analyze grammar]

sa uvāca priyāṃ svīyāṃ dṛṣṭvā gāmaṃgaṇe sthitām |
adugdhāṃ khedanirviṇṇo dogdhukāmo munīśvarāḥ || 2 ||
[Analyze grammar]

gauḥ priye naiva dugdhā te setyuktā vatsamānayat |
dohanārthaṃ samāhūya striyaṃ śīghrataraṃ tadā || 3 ||
[Analyze grammar]

vatsaṃ kīle svayaṃ baddhuṃ yatnaṃ caivākarottadā |
brāhmaṇassa gṛhasvāmī munayo dugdhalālasaḥ || 4 ||
[Analyze grammar]

vatsopi karṣamāṇaśca pāde vai pādapīḍanam |
cakāra brāhmaṇaścaiva kaṣṭaṃ prāptaśca suvratāḥ || 5 ||
[Analyze grammar]

tena pādaprahāreṇa sa dvijaḥ krodhamūrchitaḥ |
vatsaṃ ca tāḍayāmāsa kūpairdṛḍhataraṃ tadā || 6 ||
[Analyze grammar]

vatsopi pīḍitastena śrāṃtaścaivābhavattadā |
dugdhā gaurmocito vatso na krodhena dvijanmanā || 7 ||
[Analyze grammar]

gaurdogdhuṃ mahatprītyā rodanaṃ cākarottadā |
dṛṣṭvā ca rodanaṃ tasyā vatso vākyamathābravīt || 8 ||
[Analyze grammar]

vatsa uvāca |
kathaṃ ca rudyate mātaḥ kinte duḥkhamupasthitam |
tannivedaya me prītyā tacchrutvā gauravocata || 9 ||
[Analyze grammar]

śrūyatāṃ putra me duḥkhaṃ vaktuṃ śaknomyahaṃ na hi |
duṣṭena tāḍitatvaṃ ca tena duḥkhaṃ mamāpyabhūt || 10 ||
[Analyze grammar]

sūta uvāca |
svamāturvacanaṃ śrutvā sa vatsaḥ pratyabodhayat |
pratyuvāca svajananīṃ prārabdhapariniṣṭhitaḥ || 11 ||
[Analyze grammar]

kiṃ karttavyaṃ kva gaṃtavyaṃ karmabaddhā vayaṃ yataḥ |
kṛtaṃ caiva yathāpūrvaṃ bhujyate ca tathādhunā || 12 ||
[Analyze grammar]

hasatā kriyate karma rudatā paribhujyate |
duḥkhadātā na kopyasti sukhadātā na kaścana || 13 ||
[Analyze grammar]

sukhaduḥkhe paro datta ityeṣā kumatirmatā |
ahaṃ cāpi karomyatra mithyājñānaṃ tadocyate || 14 ||
[Analyze grammar]

svakarmaṇā bhaveddukhaṃ sukhaṃ tenaiva karmaṇā |
tasmācca pūjyate karma sarvaṃ karmaṇi saṃsthitama || 15 ||
[Analyze grammar]

tvaṃ caivāhaṃ ca jananī ime jīvādayaśca ye |
te sarve karmaṇā baddhā na śocyāḥ karhicittvayā || 16 ||
[Analyze grammar]

sūta uvāca |
evaṃ śrutvā svaputrasya vacanaṃ jñānagarbhitam |
putraśokānvitā dīnā sā ca gaurabravīdidam || 17 ||
[Analyze grammar]

gauruvāca |
vatsa sarvaṃ vijānāmi karmādhīnāḥ prajā iti |
tathāpi māyayā grastā duḥkhaṃ prāpnomyahaṃ punaḥ || 18 ||
[Analyze grammar]

rodanaṃ ca kṛtaṃ bhūri duḥkhaśāntirbhavennahi |
ityetadvacanaṃ śrutvā prasūṃ vatso'bravīdidam || 19 ||
[Analyze grammar]

|| vatsa uvāca |
yadyevaṃ ca vijānāmi punaśca rudanaṃ kutaḥ |
kṛtvā ca sādhyate kiñcittasmādduḥkhaṃ tyajādhunā || 20 ||
[Analyze grammar]

|| sūta uvāca |
evaṃ putravacaḥ śrutvā tanmātā duḥkhasaṃyutā |
niḥśvasyāti tadā dhenurvatsaṃ vacanamabravīt || 21 ||
[Analyze grammar]

gauruvāca |
mama duḥkhaṃ tadā gacchedyathā dukhaṃ tathāvidham |
bhaveddhi brāhmaṇasyāpi satyametadbravīmyaham || 22 ||
[Analyze grammar]

prātaścaiva mayā putra śṛṃgābhyāṃ hi haniṣyate |
hatasya jīvitaṃ sadyo yāsyatyasya na saṃśayaḥ || 23 ||
[Analyze grammar]

vatsa uvāca |
prathamaṃ yatkṛtaṃ karma tatphalaṃ bhujyate'dhunā |
asyāśca brahmahatyāyā mātaḥ kiṃ phalamāpsyase || 24 ||
[Analyze grammar]

samābhyāṃ puṇyapāpābhyāṃ bhavejjanma ca bhārate |
tayoḥ kṣaye ca bhogena mātarmuktiravāpyate || 25 ||
[Analyze grammar]

kadāpi karmaṇo nāśaḥ kadā bhogaḥ prajāyate |
tasmācca punarevaṃ tvaṃ karma mā kartumudyatā || 26 ||
[Analyze grammar]

ahaṃ kutaste putrodya tvaṃ mātā kuta eva ca |
vṛthābhimānaḥ putratve mātṛtve ca vicāryyatām || 27 ||
[Analyze grammar]

kva mātā kva pitā viddhi kva svāmī kva kalatrakam |
na ko'pi kasya cāstīha sarvepi svakṛtaṃ bhujaḥ || 28 ||
[Analyze grammar]

evaṃ jñātvā tvayā mātarduḥkhaṃ tyājyaṃ suyatnataḥ |
subhagācaraṇaṃ kāryaṃ paralokasukhepsayā || 29 ||
[Analyze grammar]

gauruvāca |
evaṃ jānāmyahaṃ putra māyā māṃ na jahātyasau |
tvadduḥkhena suduḥkhaṃ me tasmai dāsye tadeva hi || 30 ||
[Analyze grammar]

punaśca brahmahatyāyā nāśo yatra bhavediha |
tatsthalaṃ ca mayā dṛṣṭaṃ hatyā me hi gamiṣyati || 31 ||
[Analyze grammar]

sūta uvāca |
ityetadvacanaṃ śrutvā svamāturgordvijottamāḥ |
maunatvaṃ svīkṛtaṃ tatra vatsenoktaṃ na kiñcana || 32 ||
[Analyze grammar]

tayostadadbhutaṃ vṛttaṃ śrutvā pāntho dvijastadā |
hṛdā vicārayāmāsa vismito hi munīśvarāḥ || 33 ||
[Analyze grammar]

idamatyadbhutaṃ vṛttaṃ dṛṣṭvā prātarmayā khalu |
gaṃtavyaṃ punarevāto gaṃtavyaṃ tatsthalaṃ punaḥ || 34 ||
[Analyze grammar]

|| sūta uvāca |
vicāryeti hṛdā vipraḥ sa dvijāḥ sevakena ca |
suṣvāpa tatra jananībhaktaḥ paramavismitaḥ || 35 ||
[Analyze grammar]

prātaḥkāle tadā jāte gṛhasvāmī samutthitaḥ |
bodhayāmāsa taṃ pānthaṃ vacanaṃ cedamabravīt || 36 ||
[Analyze grammar]

dvija uvāca |
svapiṣi tvaṃ kimarthaṃ hi prātaḥkālo bhavatyalam |
svayātrāṃ kuru taṃ deśaṃ gamanecchā ca yatra ha || 37 ||
[Analyze grammar]

tenoktaṃ śrūyatāmbrahmañccharīre sevakasya me |
vartate hi vyathā sthitvā muhūrtaṃ gamyate tataḥ || 38 ||
[Analyze grammar]

sūta uvāca |
ityevaṃ ca miṣaṃ kṛtvā suṣvāpa puruṣastadā |
tadvṛttamakhilaṃ jñātumadbhutaṃ vismayāvaham || 39 ||
[Analyze grammar]

dohanasya tadā kāle brāhmaṇaḥ svasutaṃ prati |
uvāca gaṃtukāmaśca kāryārthaṃ kutracicca saḥ || 40 ||
[Analyze grammar]

pitovāca |
mayā tu gamyate putra kāryārthaṃ kutracitpunaḥ |
dhenurdohyā tvayā vatsa sāvadhānādiyaṃ nijā || 41 ||
[Analyze grammar]

sūta uvāca |
ityuktvā brāhmaṇavarassa jagāma ca kutracit |
putraḥ samutthitastatra vatsaṃ ca muktavāṃstadā || 42 ||
[Analyze grammar]

mātā ca tasya dohārthamājagāma svayantadā |
dvijaputrastadā vatsaṃ khinnaṃ kīlena tāḍitam || 43 ||
[Analyze grammar]

baṃdhanārthaṃ hi goḥ pārśvamanayaddugdhalālasaḥ |
punargauśca tadā kruddhā śṛṃgenātāḍayacca tam || 44 ||
[Analyze grammar]

papāta mūrcchāṃ saṃprāpya sopi marmaṇi tāḍitaḥ |
lokāśca militāstatra gavā bālo vihiṃsitaḥ || 45 ||
[Analyze grammar]

jalaṃ jalaṃ vadantaste pitrādyā yatra saṃsthitāḥ |
yatnaśca kriyate yāvattāvadbālo mṛtastadā || 46 ||
[Analyze grammar]

mṛte ca bālake tatra hāhākāro mahānabhūt |
tanmātā duḥkhitā hyāsīdruroda ca punaḥ punaḥ || 47 ||
[Analyze grammar]

kiṃ karomi kva gacchāmi ko me duḥkhaṃ vyapohati |
ruditveti tadā gāṃ ca tāḍayitvā vyamocayat || 48 ||
[Analyze grammar]

śvetavarṇā tadā sā gaurdrutaṃ śyāmā vyadṛśyata |
aho ca dṛśyatāṃ lokāścukruśuśca parasparam || 49 ||
[Analyze grammar]

brāhmaṇaśca tadā pānrthau dṛṣṭvāścaryaṃ vinirgataḥ |
yatra gauśca gatastatra tāmanu brāhmaṇo gataḥ || 50 ||
[Analyze grammar]

ūrdhvapucchaṃ tadā kṛtvā śīghraṃ gaurnarmadāṃ prati |
āgatya nandikasyāsya samīpe narmadājale || 51 ||
[Analyze grammar]

saṃnimajya trivāraṃ tu śvetatvaṃ ca gatā hi sā |
yathāgataṃ gatā sā ca brāhmaṇo vismayaṃ gataḥ || 52 ||
[Analyze grammar]

aho dhanyatamaṃ tīrthaṃ brahmahatyānivāraṇam |
svayaṃ mamajja tatrāsau brāhmaṇassevakastathā || 53 ||
[Analyze grammar]

nimajjya hi gatau tau ca praśaṃsantau nadī ca tām |
mārge ca militā kācitsundarī bhūṣaṇānvitā || 54 ||
[Analyze grammar]

tayoktaṃ taṃ ca bhoḥ pāṃtha kuto yāsi suvismitaḥ |
satyaṃ brūhi cchalaṃ tyaktvā vipravarya mamāgrataḥ || 55 ||
[Analyze grammar]

sūta uvāca |
evaṃ vacastadā śrutvā dvijenoktaṃ yathātatham |
punaścāyaṃ dvijastatra striyoktaḥ sthīyatāṃ tvayā || 56 ||
[Analyze grammar]

tayoktaṃ ca samākarṇya sthitasya brāhmaṇastataḥ |
pratyuvāca vinītātmā kathyate kiṃ vadeti ca || 57 ||
[Analyze grammar]

sā cāha punarevātra tvayā dṛṣṭaṃ sthalaṃ ca yat |
tatrādhunā kṣipāsthīni mātuḥ kiṃ gamyate'nyataḥ || 58 ||
[Analyze grammar]

tava mātā pānthavaryya sākṣāddivyamayaṃ varam |
dehaṃ dhṛtvā drutaṃ sākṣācchaṃbhoryāsyati sadgatim || 59 ||
[Analyze grammar]

vaiśākhe caiva saṃprāpte saptamyāśca dine śubhe |
sitepakṣe sadā gaṃgā hyāyāti dvijasattama || 60 ||
[Analyze grammar]

adyaiva saptamī yā sā gaṃgārūpāsti tatra vai |
ityuktvāntardadhe devī sā gaṃgā munisattamāḥ || 61 ||
[Analyze grammar]

nivṛttaśca dvijaḥ sopi mātrasthyarddhaṃ svavastrataḥ |
kṣipedyāvattatra tīrthe tāvaccitramabhūttadā || 62 ||
[Analyze grammar]

divyadehatvamāpannā svamātā ca vyadṛśyata |
dhanyosi kṛtakṛtyosi pavitraṃ ca kulaṃ tvayā || 63 ||
[Analyze grammar]

dhanaṃ dhānyaṃ tathā cāyurvaṃśo vai varddhatāṃ tava |
ityāśiṣaṃ muhurdattvā svaputrāya divaṃ gatā || 64 ||
[Analyze grammar]

tatra bhuktvā sukhaṃ bhūri cirakālaṃ mahottamam |
śaṃkarasya prasādena gatā sā hyuttamāṃ gatim || 65 ||
[Analyze grammar]

brāhmaṇaśca sutastasyāḥ kṣiptvāsthīni punastataḥ |
prasannamānaso'bhūtsa śuddhātmā svagṛhaṃ gataḥ || 66 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ naṃdikeśvaraliṃgamāhātmyavarṇane brāhmaṇīsvargativarṇanaṃ nāma ṣaṣṭho'dhyāyaḥ || 6 ||
[Analyze grammar]