Chapter 5

[English text for this chapter is available]

sūta uvāca |
kālaṃjare girau divye nīlakaṇṭho maheśvaraḥ |
liṃgarūpassadā caiva bhaktānandapradaḥ sadā || 1 ||
[Analyze grammar]

mahimā tasya divyosti śrutismṛtiprakītitaḥ |
tīrthaṃ tadākhyayā tatra snānātpātakanāśakṛt || 2 ||
[Analyze grammar]

revātīre yāni santi śivaliṃgāni suvratāḥ |
sarvasaukhyakarāṇīha teṣāṃ saṃkhyā na vidyate || 3 ||
[Analyze grammar]

sā ca rudrasvarūpā hi darśanātpāpahārikā |
tasyāṃ sthitāśca ye kecitpāṣāṇāḥ śivarūpiṇaḥ || 4 ||
[Analyze grammar]

tathāpi ca pravakṣyāmi yathānyāni munīśvarāḥ |
pradhānaśivaliṃgāni bhuktimuktipradāni ca || 5 ||
[Analyze grammar]

ārteśvarasunāmā hi vartate pāpahārakaḥ |
parameśvara iti khyātaḥ siṃheśvara iti smṛtaḥ || 6 ||
[Analyze grammar]

śarmeśaśca tathā cātra kumāreśvara eva ca |
puṇḍarīkeśvaraḥ khyāto maṇḍapeśvara eva ca || 7 ||
[Analyze grammar]

tīkṣṇeśanāmā tatrāsīddarśanātpāpahārakaḥ |
dhuṃdhureśvaranāmāsītpāpahā narmadātaṭe || 8 ||
[Analyze grammar]

śūleśvara iti khyātastathā kuṃbheśvaraḥ smṛtaḥ |
kubereśvaranāmāpi tathā someśvaraḥ smṛtaḥ || 9 ||
[Analyze grammar]

nīlakaṇṭho maṃgaleśo maṃgalāyatano mahān |
mahākapīśvaro devaḥ sthāpito hi hanūmatā || 10 ||
[Analyze grammar]

tataśca naṃdiko devo hatyākoṭinivārakaḥ |
sarvakāmārthadaścaiva mokṣado hi prakīrtita || 11 ||
[Analyze grammar]

nandīkeśaṃ ca yaścaiva pūjayetparayā mudā |
nityaṃ tasyākhilā siddhirbhaviṣyati na saṃśayaḥ || 12 ||
[Analyze grammar]

tatra tīre ca yaḥ snāti revāyāṃ munisattamāḥ |
tasya kāmāśca sidhyanti sarvaṃ pāpaṃ vinaśyati || 13 ||
[Analyze grammar]

ṛṣaya ūcuḥ |
evaṃ tasya ca māhātmyaṃ kathaṃ tatra mahāmate |
nandikeśasya kṛpayā kathyatāṃ ca tvayādhunā || 14 ||
[Analyze grammar]

sūta uvāca |
samyakpṛṣṭaṃ bhavadbhiśca kathayāmi yathāśrutam |
śaunakādyāśca munayaḥ sarve hi śṛṇutādarāt || 15 ||
[Analyze grammar]

purā yudhiṣṭhireṇaiva pṛṣṭaśca ṛṣisattamaḥ |
yathovāca tathā vacmi bhavatsnehānusārataḥ || 16 ||
[Analyze grammar]

revāyāḥ paścime tīre karṇikī nāma vai purī |
virājate suśobhāḍhyā caturvarṇasamākulā || 17 ||
[Analyze grammar]

tatra dvijavaraḥ kaściduttasya kulasambhavaḥ |
kāśyāṃ gataśca putrābhyāmarpayitvā svapatnikām || 18 ||
[Analyze grammar]

tatraiva sa mṛto vipraḥ putrābhyāṃ ca śrutantadā |
tadīyaṃ caiva tatkṛtyaṃ cakrāte putrakāvubhau || 19 ||
[Analyze grammar]

patnī ca pālayāmāsa putrau putrahitaiṣiṇī |
putrau ca varjayitvā ca vibhaktaṃ vai dhanaṃ tayā || 20 ||
[Analyze grammar]

svīyaṃ ca rakṣitaṃ kiṃciddhanaṃ maraṇahetave |
tataśca dvijapatnī hi kiyatkālaṃ mṛtā ca sā || 21 ||
[Analyze grammar]

kadācitkriyamāṇā sā vividhaṃ puṇyamācarat |
na mṛtā daivayogena dvijapatnī ca sā dvijāḥ || 22 ||
[Analyze grammar]

yadā prāṇānna mumuce mātā daivāttayośca sā |
taddṛṣṭvā jananīkaṣṭaṃ putrakāvūcatustadā || 23 ||
[Analyze grammar]

putrāvūcatuḥ |
kiṃ nyūnaṃ vidyate mātaḥ kaṣṭaṃ yadvidyate mahat |
vriyatāṃ tadṛtaṃ prītyā tadāvāṃ karavāvahe || 24 ||
[Analyze grammar]

sūta uvāca |
tacchrutvoktaṃ tayā tatra nyūnaṃ tu vidyate bahu |
tadeva kriyate cedvai sukhena maraṇaṃ bhavet || 25 ||
[Analyze grammar]

jyeṣṭhaputraśca yastasyāstenoktaṃ kathyatāntvayā |
kariṣyāmi tadetaddhi tayā ca kathitantadā || 26 ||
[Analyze grammar]

dvijapatnyuvāca |
śṛṇu putra vacaḥ prītyā purāsīnme manaḥ spṛhā |
kāśyāṃ gaṃtuṃ tathā nāsīdidānīṃ mriyate punaḥ || 27 ||
[Analyze grammar]

mamāsthīni tvayā putra kṣepaṇīyānyatandritam |
gaṃgājale śubhaṃ tedya bhaviṣyati na saṃśayaḥ || 28 ||
[Analyze grammar]

|| sūta uvāca |
ityukte ca tayā mātrā sa jyeṣṭhatanayobravīt |
mātaraṃ mātṛbhaktistu suvratāṃ maraṇonmukhīm || 29 ||
[Analyze grammar]

|| putra uvāca |
mātastvayā sukhenaiva prāṇāstyājyā na saṃśayaḥ |
tava kāryaṃ purā kṛtvā paścātkāryaṃ madīyakam || 30 ||
[Analyze grammar]

iti haste jalaṃ dattvā yāvatputro gṛhaṃ gataḥ |
tāvatsā ca mṛtā tatra harasmaraṇatatparā || 31 ||
[Analyze grammar]

tasyāścaiva tu yatkṛtyaṃ tatsarvaṃ saṃvidhāya saḥ |
māsikaṃ karma kṛtvā tu gamanāya pracakrame || 32 ||
[Analyze grammar]

dvayoḥ śreṣṭhatamo yo vai suvādo nāma viśrutaḥ |
tadasthīni samādāya nissṛtastīrthakāmyayā || 33 ||
[Analyze grammar]

saṃgṛhya sevakaṃ kaṃcittenaiva sahitastadā |
āśvāsya bhāryyāputrāṃśca mātuḥ priyacikīrṣayā || 34 ||
[Analyze grammar]

śrāddhadānādikaṃ bhojyaṃ kṛtvā vidhimanuttamam |
maṃgalasmaraṇaṃ kṛtvā nirjagāma gṛhāddvijaḥ || 35 ||
[Analyze grammar]

taddine yojanaṃ gatvā viṃśati grāmake śubhe |
uvāsāstaṃ gate bhānau gṛhe viprasya kasyacit || 36 ||
[Analyze grammar]

cakre sandhyādisatkarma sa dvijo vidhipūrvakam |
stavādi kṛtavāṃstatra śaṃbhoradbhutakarmaṇaḥ || 37 ||
[Analyze grammar]

sevakena tadā yukto brāhmaṇaḥ saṃsthitastadā |
yāminī ca gatā tatra muhūrtadvayasaṃmitā || 38 ||
[Analyze grammar]

etasminnaṃtare tatraikamāścaryyamabhūttadā |
śṛṇutādaratastacca munayo vo vadāmyaham || 39 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ nandikeśvaramāhātmye brāhmaṇīmaraṇavarṇanaṃ nāma paṃcamo'dhyāyaḥ || 5 ||
[Analyze grammar]