Chapter 16

[English text for this chapter is available]

brahmovāca |
iti śrutvā maheśāno bhaktānugrahakārakaḥ |
tvadvācā yudakāmobhūttena bālena nārada || 1 ||
[Analyze grammar]

viṣṇumāhūya saṃmaṃtrya balena mahatā yutaḥ |
sāmarassammukhastasyāpyabhūddevastrilocanaḥ || 2 ||
[Analyze grammar]

devāśca yuyudhustena smṛtvā śivapadāmbujam |
mahābalā mahotsāhāśśivasaddṛṣṭilokitāḥ || 3 ||
[Analyze grammar]

yuyudhe'tha haristena mahābalaparākramaḥ |
mahādevyāyudho vīraḥ pravaṇaḥ śivarūpakaḥ || 4 ||
[Analyze grammar]

yaṣṭyā gaṇādhipassotha jaghānāmarapuṅgavān |
hariṃ ca sahasā vīraśśaktidattamahābalaḥ || 5 ||
[Analyze grammar]

sarve'maragaṇāstatra vikuṃṭhitabalā mune |
abhūvan viṣṇunā tena hatā yaṣṭyā parāṅmukhāḥ || 6 ||
[Analyze grammar]

śivopi saha sainyena yuddhaṃ kṛtvā ciraṃ mune |
vikarālaṃ ca taṃ dṛṣṭvā vismayaṃ paramaṃ gataḥ || 7 ||
[Analyze grammar]

chalenaiva ca haṃtavyo nānyathā hanyate punaḥ |
iti buddhiṃ samāsthāya sainyamadhye vyavasthitaḥ || 8 ||
[Analyze grammar]

śive dṛṣṭe tadā deve nirguṇe guṇarūpiṇi |
viṣṇau caivātha saṃgrāme āyāte sarvadevatāḥ || 9 ||
[Analyze grammar]

gaṇāścaiva maheśasya mahāharṣaṃ tadā yayuḥ |
sarve parasparaṃ prītyā militvā cakrurutsavam || 10 ||
[Analyze grammar]

atha śaktisuto vīro vīragatyā svayaṣṭitaḥ |
prathama pūjayāmāsa viṣṇuṃ sarvasukhāvaham || 11 ||
[Analyze grammar]

ahaṃ ca mohayiṣyāmi hanyatāṃ ca tvayā vibho |
chalaṃ vinā na vadhyo'yaṃ tāmasoyaṃ durāsadaḥ || 12 ||
[Analyze grammar]

iti kṛtvā matiṃ tatra susaṃmaṃtrya ca śaṃbhunā |
ājñāṃ prāpyā'bhavacchaivī viṣṇurmohaparāyaṇaḥ || 13 ||
[Analyze grammar]

śaktidvayaṃ tathā līnaṃ hariṃ dṛṣṭvā tathāvidham |
dattvā śaktibalaṃ tasmai gaṇeśāyābhavanmune || 14 ||
[Analyze grammar]

śaktidvaye'tha saṃlīne yatra viṣṇuḥ sthitassvayam |
parighaṃ kṣiptavāṃstatra gaṇeśo balavattaraḥ || 15 ||
[Analyze grammar]

kṛtvā yatnaṃ kimapyatra vaṃcayāmāsa tadgatim |
śivaṃ smṛtvā maheśānaṃ svaprabhuṃ bhaktavatsalam || 16 ||
[Analyze grammar]

ekatastanmukhaṃ dṛṣṭvā śaṃkaropyājagāma ha |
svatriśūlaṃ samādāya sukruddho yuddhakāmyayā || 17 ||
[Analyze grammar]

sa dadarśāgataṃ śaṃbhuṃ śūlahstaṃ maheśvaram |
haṃtukāmaṃ nijaṃ vīraśśivāputro mahābalaḥ || 18 ||
[Analyze grammar]

śaktyā jaghāna taṃ haste smṛtvā mātṛpadāṃbujam |
sa gaṇaśo mahāvīraśśivaśaktipravarddhitaḥ || 19 ||
[Analyze grammar]

triśūlaṃ patitaṃ hastācchivasya paramātmanaḥ |
dṛṣṭvā sadūtikastaṃ vai pinākaṃ dhanurādade || 20 ||
[Analyze grammar]

tamapyapātayadbhūmau parigheṇa gaṇeśvaraḥ |
hatāḥ paṃca tathā hastāḥ pañcabhiśśūlamādade || 21 ||
[Analyze grammar]

aho duḥkhataraṃ nūnaṃ saṃjātamadhunā mama |
bhavetpunargaṇānāṃ kiṃ bhavācārī jagāviti || 22 ||
[Analyze grammar]

etasminnaṃtare vīraḥ parigheṇa gaṇeśvaraḥ |
jaghāna sagaṇān devānśaktidattabalānvitaḥ || 23 ||
[Analyze grammar]

gatā daśadiśo devāssagaṇā parighārdditāḥ |
na tasthussamare kepi tenādbhutaprahā riṇā || 24 ||
[Analyze grammar]

viṣṇustaṃ ca gaṇaṃ dṛṣṭvā dhanyoyamiti cābravīt |
mahābalo mahāvīro mahāśūro raṇapriyaḥ || 25 ||
[Analyze grammar]

bahavo devatāścaiva mayā dṛṣṭāstathā punaḥ |
dānavā bahavo daityā yakṣagaṃdharvarākṣasāḥ || 26 ||
[Analyze grammar]

naitena gaṇanāthena samatāṃ yāṃti kepi ca |
trailokye'pyakhile tejo rūpaśauryaguṇādibhiḥ || 27 ||
[Analyze grammar]

evaṃ saṃbruvate'muṣmai parighaṃ bhrāmayan sa ca |
cikṣepa viṣṇave tatra śaktiputro gaṇeśvaraḥ || 28 ||
[Analyze grammar]

cakraṃ gṛhītvā hariṇā smṛtvā śivapadāmbujam |
tena cakreṇa parigho drutaṃ khaṃḍīkṛtastadā || 29 ||
[Analyze grammar]

khaṃḍaṃ tu parighasyāpi haraye prākṣipadgaṇaḥ |
gṛhītvā garuḍenāpi pakṣiṇā viphalīkṛtaḥ || 30 ||
[Analyze grammar]

evaṃ vicaritaṃ kālaṃ mahāvīrāvubhāvapi |
viṣṇuścāpi gaṇaścaiva yuyudhāte parasparam || 31 ||
[Analyze grammar]

punarvīravaraśśaktisutassmṛtaśivo balī |
gṛhītvā yaṣṭimatulāṃ tayā viṣṇuṃ jaghāna ha || 32 ||
[Analyze grammar]

aviṣahya prahāraṃ taṃ sa bhūmau nipapāta ha |
drutamutthāya yuyudhe śivāputreṇa tena vai || 33 ||
[Analyze grammar]

etadaṃtaramāsādya śūlapāṇistathottare |
āgatya ca triśūlena tacchiro nirakṛṃtata || 34 ||
[Analyze grammar]

chinne śirasi tasyaiva gaṇanāthasya nārada |
gaṇasainyaṃ devasainyamabhavacca suniścalam || 35 ||
[Analyze grammar]

nāradena tvayā''gatya devyai sarvaṃ niveditam |
mānini śrūyatāṃ mānastyājyo naiva tvayādhunā || 36 ||
[Analyze grammar]

ityuktvā'ntarhitastatra nārada tvaṃ kalipriyaḥ |
avikārī sadā śaṃbhurmanogatikaro muniḥ || 37 ||
[Analyze grammar]

iti śrīśivapurāṇe dvitīyāyāṃ rudrasaṃhitāyāṃ caturthe kumārakhaṇḍe gaṇeśayuddhagaṇeśaśiraśchedana varṇanaṃ nāma ṣoḍaśo'dhyāyaḥ || 16 ||
[Analyze grammar]