Chapter 17

[English text for this chapter is available]

nārada uvāca |
brahman vada mahāprājña tadvṛttāntekhile śrute |
kimakārṣīnmahādevī śrotumicchāmi tattvataḥ || 1 ||
[Analyze grammar]

brahmovāca |
śrūyatāṃ muniśārdūla kathayāmyadya taddhruvam |
caritaṃ jagadaṃbāyā yajjātaṃ tadanaṃtaram || 2 ||
[Analyze grammar]

mṛdaṃgānpaṭahāṃścaiva gaṇāścāvādayaṃstathā |
mahotsavaṃ tadā cakrurhate tasmingaṇādhipe || 3 ||
[Analyze grammar]

śivopi tacchiraśchitvā yāvadduḥkhamupādade |
tāvacca girijā devī cukrodhāti munīśvara || 4 ||
[Analyze grammar]

kiṃ karomi kva gacchāmi hāhāduḥkhamupāgatam |
kathaṃ duḥkhaṃ vinaśyetāsyā'tidukhaṃ mamādhunā || 5 ||
[Analyze grammar]

matsuto nāśitaścādya devessarvairgaṇaistathā |
sarvāṃstānnāśayiṣyāmi pralayaṃ vā karomyaham || 6 ||
[Analyze grammar]

ityevaṃ duḥkhitā sā ca śaktīśśatasahasraśaḥ |
nirmame tatkṣaṇaṃ kruddhā sarvalokamaheśvarī || 7 ||
[Analyze grammar]

nirmitāstā namaskṛtya jagadaṃbāṃ śivāṃ tadā |
jājvalyamānā hyavadanmātarādiśyatāmiti || 8 ||
[Analyze grammar]

tacchutvā śaṃbhuśaktissā prakṛtiḥ krodhatatparā |
pratyuvāca tu tāssarvā mahāmāyā munīśvara || 9 ||
[Analyze grammar]

devyuvāca |
he śaktayo'dhunā devyo yuṣmābhirmannideśataḥ |
pralayaścātra karttavyo nātra kāryā vicāraṇā || 10 ||
[Analyze grammar]

devāṃścaiva ṛṣīṃścaiva yakṣarākṣasakāṃstathā |
asmadīyānparāṃścaiva sakhyo bhakṣata vai haṭhāt || 11 ||
[Analyze grammar]

brahmovāca |
tadājñaptāśca tāssarvāśśaktayaḥ krodhatatparāḥ |
devādīnāṃ ca sarveṣāṃ saṃhāraṃ kartumudyatāḥ || 12 ||
[Analyze grammar]

yathā ca tṛṇasaṃhāramanalaḥ kurute tathā |
evaṃ tāśśaktayassarvāssaṃhāraṃ kartumudyatāḥ || 13 ||
[Analyze grammar]

gaṇapo vātha viṣṇurvā brahmā vā śaṃkarastathā |
indro vā yakṣarājo vā skaṃdo vā sūrya eva vā || 14 ||
[Analyze grammar]

sarveṣāṃ caiva saṃhāraṃ kurvaṃti sma niraṃtaram |
yatrayatra tu dṛśyeta tatratatrāpi śaktayaḥ || 15 ||
[Analyze grammar]

karālī kubjakā khaṃjā laṃbaśīrṣā hyanekaśaḥ |
haste dhṛtvā tu devāṃśca mukhe caivākṣipaṃstadā || 16 ||
[Analyze grammar]

taṃ saṃhāraṃ tadā dṛṣṭvā haro brahmā tathā hariḥ |
indrādayo'khilāḥ devā gaṇāśca ṛṣayastathā || 17 ||
[Analyze grammar]

kiṃ kariṣyati sā devī saṃhāraṃ vāpyakālataḥ |
iti saṃśayamāpannā jīvanāśā hatā'bhavat || 18 ||
[Analyze grammar]

sarve ca militāśceme ki karttavyaṃ viciṃtyatām |
evaṃ vicārayantaste tūrṇamūcuḥ parasparam || 19 ||
[Analyze grammar]

yadā ca girijā devī prasannā hi bhavediha |
tadā caiva bhavetsvāsthyaṃ nānyathā koṭiyatnataḥ || 20 ||
[Analyze grammar]

śivopi duḥkhamāpanno laukikīṃ gatimāśritaḥ |
mohayansakalāṃstatra nānālīlāviśāradaḥ || 21 ||
[Analyze grammar]

sarveṣāṃ caiva devānāṃ kaṭirbhagnā yadā tadā |
śivā krodhamayī sākṣādgaṃtuṃ na pura utsahet || 22 ||
[Analyze grammar]

svīyo vā parakīyo vā devo vā dānavopi vā |
gaṇo vāpi ca dikpālo yakṣo vā kinnaro muniḥ || 23 ||
[Analyze grammar]

viṣṇurvāpi tathā brahmā śaṃkaraśca tathā prabhuḥ |
na kaścidgirijāgre ca sthātuṃ śakto'bhavanmune || 24 ||
[Analyze grammar]

jājvalyamānaṃ tattejassarvatodāhi te'khilāḥ |
dṛṣṭvā bhītatarā āsan sarve dūrataraṃ sthitāḥ || 25 ||
[Analyze grammar]

etasminsamaye tatra nārado divyadarśanaḥ |
āgatastvaṃ mune devagaṇānāṃ sukhahetave || 26 ||
[Analyze grammar]

brahmāṇaṃ māṃ bhavaṃ viṣṇuṃ śaṃkaraṃ ca praṇamya sāḥ |
samāgatya militvoce vicārya kāryameva vā || 27 ||
[Analyze grammar]

sarve saṃmaṃtrayāṃ cakrustvayā devā mahātmanā |
duḥkhaśāṃtiḥ kathaṃ syādvai samūcustata eva te || 28 ||
[Analyze grammar]

yāvacca girijā devī kṛpāṃ naiva kariṣyati |
tāvannaiva sukhaṃ syādvai nātra kāryā vicāraṇā || 29 ||
[Analyze grammar]

ṛṣayo hi tvadādyāśca gatāste vai śivāntikam |
sarve prasādayāmāsuḥ krodhaśāntyai tadā śivām || 30 ||
[Analyze grammar]

punaḥ punaḥ praṇemuśca stutvā stotrairanekaśaḥ |
sarve prasādayanprītyā procurdevagaṇājñayā || 31 ||
[Analyze grammar]

surarṣaya ūcuḥ |
jagadamba namastubhyaṃ śivāyai te namostu te |
caṃḍikāyai namastubhyaṃ kalyāṇyai te namostu te || 32 ||
[Analyze grammar]

ādiśaktistvamevāṃba sarvasṛṣṭikarī sadā |
tvameva pālinī śaktistvameva pralayaṃkarī || 33 ||
[Analyze grammar]

prasannā bhava deveśi śāṃtiṃ kuru namostu te |
sarvaṃ hi vikalaṃ devi trijagattava kopataḥ || 34 ||
[Analyze grammar]

brahmovāca |
evaṃ stutā parā devī ṛṣibhiśca tvadādibhiḥ |
kruddhadṛṣṭyā tadā tāśca kiṃcinnovāca sā śivā || 35 ||
[Analyze grammar]

tadā ca ṛṣayassarve natvā taccaraṇāṃbujam |
punarūcuśśivāṃ bhaktyā kṛtāṃjalipuṭāśśanaiḥ || 36 ||
[Analyze grammar]

ṛṣaya ūcuḥ || kṣamyatāṃ devi saṃhāro jāya te'dhunā |
tava svāmī sthitaścātra paśya paśya tamaṃbike || 37 ||
[Analyze grammar]

vayaṃ ke ca ime devā viṣṇubrahmādayastathā |
prajāśca bhavadīyāśca kṛtāṃjalipuṭāḥ sthitāḥ || 38 ||
[Analyze grammar]

kṣaṃtavyaścāparādho vai sarveṣāṃ parameśvari |
sarve hi vikalāścādya śāṃtiṃ teṣāṃ śive kuru || 39 ||
[Analyze grammar]

brahmovāca |
ityuktvā ṛṣayassarve sudīnataramākulāḥ |
saṃtasthire caṃḍikāgre kṛtāṃjalipuṭāstadā || 40 ||
[Analyze grammar]

evaṃ śrutvā vacasteṣāṃ prasannā caṃḍikā'bhavat |
pratyuvāca ṛṣīṃstānvai karuṇāviṣṭamānasā || 41 ||
[Analyze grammar]

devyuvāca |
matputro yadi jīveta tadā saṃharaṇaṃ nahi |
yathā hi bhavatāṃ madhye pūjyo'yaṃ ca bhaviṣyati || 42 ||
[Analyze grammar]

sarvādhyakṣo bhavedadya yūyaṃ kuruta tadyadi |
tadā śāṃtirbhavelloke nānyathā sukhamāpsyatha || 43 ||
[Analyze grammar]

|| brahmovāca |
ityuktāste tadā sarve ṛṣayo yuṣmadādayaḥ |
tebhyo devebhya āgatya sarvaṃ vṛttaṃ nyavedayan || 44 ||
[Analyze grammar]

te ca sarve tathā śrutvā śaṃkarāya nyavedayan |
natvā prāṃjalayo dīnāḥ śakraprabhṛtayassurāḥ || 45 ||
[Analyze grammar]

provāceti surāñchrutvā śivaścāpi tathā punaḥ |
karttavyaṃ ca tathā sarvalokasvāsthyaṃ bhavediha || 46 ||
[Analyze grammar]

uttarasyāṃ punaryāta prathamaṃ yo milediha |
tacchiraśca samāhṛtya yojanīyaṃ kalevare || 47 ||
[Analyze grammar]

|| brahmovāca |
tatastaistatkṛtaṃ sarvaṃ śivājñāpratipālakaiḥ |
kalevaraṃ samānīya prakṣālya vidhivacca tat || 48 ||
[Analyze grammar]

pūjayitvā punaste vai gatāścodaṅmukhāstadā |
prathamaṃ militastatra hastī cāpyekadaṃtakaḥ || 49 ||
[Analyze grammar]

tacchiraśca tadā nītvā tatra te'yojayan dhruvam |
saṃyojya devatāssarvāḥ śivaṃ viṣṇuṃ vidhiṃ tadā || 50 ||
[Analyze grammar]

praṇamya vacanaṃ procurbhavaduktaṃ kṛtaṃ ca naḥ |
anaṃtaraṃ ca tatkāryaṃ bhavatādbhavaśeṣitam || 51 ||
[Analyze grammar]

brahmovāca |
tataste tu virejuśca pārṣadāśca surāḥ sukham |
atha tadvacanaṃ śrutvā śivoktaṃ paryapālayan || 52 ||
[Analyze grammar]

ūcuste ca tadā tatra brahmaviṣṇusurāstathā |
praṇamyeśaṃ śivaṃ devaṃ svaprabhuṃ guṇavarjitam || 53 ||
[Analyze grammar]

yasmāttvattejasassarve vayaṃ jātā mahātmanaḥ |
tvattejastatsamāyātu vedamaṃtrābhiyogataḥ || 54 ||
[Analyze grammar]

ityevamabhimaṃtreṇa maṃtritaṃ jalamuttamam |
smṛtvā śivaṃ sametāste cikṣipustatkalevare || 95 ||
[Analyze grammar]

tajjalasparśamātreṇa cidyuto jīvito drutam |
tadottasthau supta iva sa bālaśca śivecchayā || 56 ||
[Analyze grammar]

subhagassundarataro gajavaktrassuraktakaḥ |
prasannavadanaścātisuprabho lalitākṛtiḥ || 57 ||
[Analyze grammar]

taṃ dṛṣṭvā jīvitaṃ bālaṃ śivāputraṃ munīśvara |
sarve mumudire tatra sarvaduḥkhaṃ kṣayaṃ gatam || 58 ||
[Analyze grammar]

devyai saṃdarśayāmāsuḥ sarve harṣasamanvitāḥ |
jīvitaṃ tanayaṃ dṛṣṭvā devī hṛṣṭatarābhavat || 59 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṃḍe gaṇeśajīvanavarṇanaṃ nāma saptadaśo'dhyāyaḥ || 17 ||
[Analyze grammar]