Chapter 8

[English text for this chapter is available]

brahmovāca |
evaṃ tayormuniśreṣṭha darśanaṃ kāṃkṣamāṇayoḥ |
vigarvayośca surayoḥ sadā nau sthitayormune || 1 ||
[Analyze grammar]

dayālurabhavacchaṃbhurdīnānāṃ pratipālakaḥ |
garviṇāṃ garvahartā ca saveṣāṃ prabhuravyayaḥ || 2 ||
[Analyze grammar]

tadā samabhavattatra nādo vai śabdalakṣaṇaḥ |
omomiti suraśreṣṭhātsuvyaktaḥ plutalakṣaṇaḥ || 3 ||
[Analyze grammar]

kimidaṃ tviti saṃciṃtya mayā tiṣṭhanmahāsvanaḥ |
viṣṇussarvasurārādhyo nirvairastuṣṭacetasā || 4 ||
[Analyze grammar]

liṃgasya dakṣiṇe bhāge tathāpaśyatsanātanam |
ādyaṃ varṇamakārākhyamukāraṃ cottaraṃ tataḥ || 5 ||
[Analyze grammar]

makāraṃ madhyataścaiva nādamaṃte'sya comiti |
sūryamaṃḍalavaddṛṣṭvā varṇamādyaṃ tu dakṣiṇe || 6 ||
[Analyze grammar]

uttare pāvakaprakhyamukāramṛṣi sattama |
śītāṃśumaṇḍalaprakhyaṃ makāraṃ tasya madhyataḥ || 7 ||
[Analyze grammar]

tasyopari tadā'paśyacchuddhasphaṭikasuprabham |
turīyātītamamalaṃ niṣkalaṃ nirupadravam || 8 ||
[Analyze grammar]

nirdvaṃdvaṃ kevalaṃ śūnyaṃ bāhyābhyaṃtaravarjitam |
sa bāhyabhyaṃtare caiva bāhyābhyaṃtarasaṃsthitam || 9 ||
[Analyze grammar]

ādimadhyāṃtarahitamānaṃdasyāpikāraṇam |
satyamānandamamṛtaṃ paraṃ brahmaparāyaṇam || 10 ||
[Analyze grammar]

kuta evātra saṃbhūtaḥ parīkṣāvo'gnisaṃbhavam |
adhogamiṣyāmyanalastaṃbhasyānupamasya ca || 11 ||
[Analyze grammar]

vedaśabdobhayāveśaṃ viśvātmānaṃ vyaciṃtayat |
tadā'bhavadṛṣistatra ṛṣessāratamaṃ smṛtam || 12 ||
[Analyze grammar]

tenaiva ṛṣiṇā viṣṇurjñātavānparameśvaram |
mahādevaṃ paraṃ brahma śabdabrahmatanuṃ param || 13 ||
[Analyze grammar]

ciṃtayā rahito rudro vāco yanmanasā saha |
aprāpya tannivartaṃte vācyastvekākṣareṇa saḥ || 14 ||
[Analyze grammar]

ekākṣareṇa tadvākyamṛtaṃ paramakāraṇam |
satyamānandamamṛtaṃ paraṃ brahma parātparam || 15 ||
[Analyze grammar]

ekākṣarādakārākhyādbhagavānbījakoṇḍajaḥ |
ekākṣarādukārākhyāddhariḥ paramakāraṇam || 16 ||
[Analyze grammar]

ekākṣarānmakārākhyādbhagavānnīlalohitaḥ |
sargakartā tvakārākhyo hyukārākhyastu mohakaḥ || 17 ||
[Analyze grammar]

makārākhyastu yo nityamanugrahakaro'bhavat |
makārākhyo vibhurbījī hyakāro bīja ucyate || 18 ||
[Analyze grammar]

ukārākhyo hariryoniḥ pradhānapuruṣeśvaraḥ |
bījī ca bījaṃ tadyonirnādākhyaśca maheśvaraḥ || 19 ||
[Analyze grammar]

bījī vibhajya cātmānaṃ svecchayā tu vyavasthitaḥ |
asya liṃgādabhūdbījamakāro bījinaḥ prabhoḥ || 20 ||
[Analyze grammar]

ukārayonau niḥkṣiptamavarddhata samaṃtataḥ |
sauvarṇamabhavaccāṃḍamāvedya tadalakṣaṇam || 21 ||
[Analyze grammar]

anekābdaṃ tathā cāpsu divyamaṃḍaṃ vyavasthitam |
tato varṣasahasrāṃte dvidhākṛtamajodbhavam || 22 ||
[Analyze grammar]

aṃḍamapsu sthitaṃ sākṣādvyāghāteneśvareṇa tu |
tathāsya suśubhaṃ haimaṃ kapālaṃ corddhvasaṃsthitam || 23 ||
[Analyze grammar]

jajñe sā dyaustadaparaṃ pṛthivī paṃcalakṣaṇā |
tasmādaṃḍādbhavo jajñe kakārākhyaścaturmukhaḥ || 24 ||
[Analyze grammar]

sa sraṣṭā sarvalokānāṃ sa eva trividhaḥ prabhuḥ |
evamomomiti proktamityāhuryajuṣāṃ varāḥ || 25 ||
[Analyze grammar]

yajuṣāṃ vacanaṃ śrutvā ṛcaḥ samāni sādaram |
evameva hare brahmannityāhuścāvayostadā || 26 ||
[Analyze grammar]

tato vijñāya deveśaṃ yathāvacchaktisaṃbhavaiḥ |
maṃtraṃ maheśvaraṃ devaṃ tuṣṭāva sumahodayam || 27 ||
[Analyze grammar]

etasminnaṃtare'nyacca rūpamadbhutasundaram |
dadarśa ca mayā sārddhaṃ bhagavānviśvapālakaḥ || 28 ||
[Analyze grammar]

paṃcavaktraṃ daśabhujaṃ gaurakarpūravanmune |
nānākāṃti samāyuktaṃ nānābhūṣaṇabhūṣitam || 29 ||
[Analyze grammar]

mahodāraṃ mahāvīryaṃ mahāpuruṣalaṇam |
taṃ dṛṣṭvā paramaṃ rūpaṃ kṛtārtho'bhūnmayā hariḥ || 30 ||
[Analyze grammar]

atha prasanno bhagavānmaheśaḥ parameśvaraḥ |
divyaṃ śabdamayaṃ rūpamākhyāya prahasansthitaḥ || 31 ||
[Analyze grammar]

akārastasya mūrddhā hi lalāṭo dīrgha ucyate |
ikāro dakṣiṇaṃ netramīkāro vāmalocanam || 32 ||
[Analyze grammar]

ukāro dakṣiṇaṃ śrotramūkāro vāma ucyate |
ṛkāro dakṣiṇaṃ tasya kapolaṃ parameṣṭhinaḥ || 33 ||
[Analyze grammar]

vāmaṃ kapolamūkāro lṛ lṝ nāsāpuṭe ubhe |
ekāraścoṣṭha ūrddhvaśca hyaikārastvadharo vibhoḥ || 34 ||
[Analyze grammar]

okāraśca tathaukāro dantapaṃktidvayaṃ kramāt |
amastu tālunī tasya devadevasya śūlinaḥ || 35 ||
[Analyze grammar]

kādipaṃcākṣarāṇyasya pañca hastāśca dakṣiṇe |
cādipaṃcākṣarāṇyevaṃ paṃca hastāstu vāmataḥ || 36 ||
[Analyze grammar]

ṭādipaṃcākṣaraṃ pādāstādipaṃcākṣaraṃ tathā |
pakāra udaraṃ tasya phakāraḥ pārśva ucyate || 37 ||
[Analyze grammar]

bakāro vāmapārśvastu bhakāraḥ skaṃdha ucyate |
makāro hṛdayaṃ śaṃbhormahādevasya yoginaḥ || 38 ||
[Analyze grammar]

yakārādisakārāntā vibhorvai saptadhātavaḥ |
hakāro nābhirūpo hi kṣakāro ghrāṇa ucyate || 39 ||
[Analyze grammar]

evaṃ śabdamayaṃ rūpamaguṇasya guṇātmanaḥ |
dṛṣṭvā tamumayā sārddhaṃ kṛtārtho'bhūnmayā hariḥ || 40 ||
[Analyze grammar]

evaṃ dṛṣṭvā maheśānaṃ śabdabrahmatanuṃ śivam |
praṇamya ca mayā viṣṇuḥ punaścāpaśyadūrddhvataḥ || 41 ||
[Analyze grammar]

oṃkāraprabhavaṃ maṃtraṃ kalāpaṃcakasaṃyutam |
śuddhasphaṭikasaṃkāśaṃ śubhāṣṭatriṃśadakṣaram || 42 ||
[Analyze grammar]

medhākāramabhūdbhūyassarvadharmārthasādhakam |
gāyatrīprabhavaṃ maṃtraṃ sahitaṃ vaśyakārakam || 43 ||
[Analyze grammar]

caturviṃśativarṇāḍhyaṃ catuṣkālamanuttamam |
atha paṃcasitaṃ maṃtraṃ kalāṣṭaka samāyutam || 44 ||
[Analyze grammar]

ābhicārikamatyarthaṃ prāyastriṃśacchubhākṣaram |
yajurvedasamāyuktaṃ pañcaviṃśacchubhākṣaram || 45 ||
[Analyze grammar]

kalāṣṭakasamā yuktaṃ suśvetaṃ śāṃtikaṃ tathā |
trayodaśakalāyuktaṃ bālādyaissaha lohitam || 46 ||
[Analyze grammar]

babhūvurasya cotpattivṛddhisaṃhārakāraṇam |
varṇā ekādhikāḥ ṣaṣṭirasya maṃtravarasya tu || 47 ||
[Analyze grammar]

punarmṛtyuṃjayaṃ mantraṃ pañcākṣaramataḥ param |
ciṃtāmaṇiṃ tathā maṃtraṃ dakṣiṇāmūrti saṃjñakam || 48 ||
[Analyze grammar]

tatastattvamasītyuktaṃ mahāvākyaṃ harasya ca |
pañcamaṃtrāṃstathā labdhvā jajāpa bhagavānhariḥ || 49 ||
[Analyze grammar]

atha dṛṣṭvā kalāvarṇamṛgyajussāmarūpiṇam |
īśānamīśamukuṭaṃ puruṣākhyaṃ purātanam || 50 ||
[Analyze grammar]

aghorahṛdayaṃ hṛdyaṃ sarvaguhyaṃ sadāśivam |
vāmapādaṃ mahādevaṃ mahābhogīndrabhūṣaṇam || 51 ||
[Analyze grammar]

viśvataḥ pādavantaṃ taṃ viśvatokṣikaraṃ śivam |
brahmaṇo'dhipati sargasthitisaṃhārakāraṇam || 52 ||
[Analyze grammar]

tuṣṭāva vāgbhiriṣṭābhissāmbaṃ varadamīśvaram |
mayā ca sahito viṣṇurbhagavāṃstuṣṭacetasā || 53 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ prathamakhaṇḍe sṛṣṭyupākhyāne śabdabrahmatanuvarṇano nāmāṣṭamo'dhyāyaḥ || 8 ||
[Analyze grammar]