Chapter 23

[English text for this chapter is available]

ṛṣaya ūcuḥ |
sūta sūta mahābhāga vyāsaśiṣya namostu te |
tadeva vyāsato brūhi bhasmamāhātmyamuttamam || 1 ||
[Analyze grammar]

tathā rudrā kṣamāhātmyaṃ nāma māhātmyamuttamam |
tritayaṃ brūhi suprītyā mamānaṃdayacetasam || 2 ||
[Analyze grammar]

sūta uvāca |
sādhupṛṣṭaṃ bhavadbhiśca lokānāṃ hitakārakam |
bhavaṃto vai mahādhanyāḥ pavitrāḥ kulabhūṣaṇāḥ || 3 ||
[Analyze grammar]

yeṣāṃ caiva śivaḥ sākṣāddaivataṃ paramaṃ śubham |
sadā śivakathā loke vallabhā bhavatāṃ sadā || 4 ||
[Analyze grammar]

te dhanyāśca kṛtārthāśca saphalaṃ dehadhāraṇam |
uddhṛtañca kulaṃ teṣāṃ ye śivaṃ samupāsate || 5 ||
[Analyze grammar]

mukhe yasya śivanāma sadāśivaśiveti ca |
pāpāni na spṛśaṃtyeva khadirāṃgāraṃkayathā || 6 ||
[Analyze grammar]

śrīśivāya namastubhyaṃ mukhaṃ vyāharate yadā |
tanmukhaṃ pāvanaṃ tīrthaṃ sarvapāpavināśanam || 7 ||
[Analyze grammar]

tanmukhañca tathā yo vai paśyatiprītimānnaraḥ |
tīrthajanyaṃ phalaṃ tasya bhavatīti suniścitam || 8 ||
[Analyze grammar]

yatra trayaṃ sadā tiṣṭhedetacchubhataraṃ dvijā |
tasya darśanamātreṇa veṇīsnānaphalaṃlabhet || 9 ||
[Analyze grammar]

śivanāmavibhūtiśca tathā rudrā kṣa eva ca |
etattrayaṃ mahāpuṇyaṃ triveṇīsadṛśaṃ smṛtam || 10 ||
[Analyze grammar]

etattrayaṃ śarīre ca yasya tiṣṭhati nityaśaḥ |
tasyaiva darśanaṃ loke durlabhaṃ pāpahārakam || 11 ||
[Analyze grammar]

taddarśanaṃ yathā veṇī nobhayoraṃtaraṃ manāk |
evaṃ yonavijānāti sapāpiṣṭho na saṃśayaḥ || 12 ||
[Analyze grammar]

vibhūtiryasya no bhāle nāṃge rudrā kṣadhāraṇam |
nāsye śivamayī vāṇī taṃ tyajedadhamaṃ yathā || 13 ||
[Analyze grammar]

śaivaṃ nāma yathā gaṃgā vibhūtiryamunā matā |
rudrā kṣaṃ vidhinā proktā sarvapāpāvināśinī || 14 ||
[Analyze grammar]

śarīre ca trayaṃ yasya tatphalaṃ caikataḥ sthitam |
ekato veṇikāyāśca snānajaṃtuphalaṃ budhaiḥ || 15 ||
[Analyze grammar]

tadevaṃ tulitaṃ pūrvaṃ brahmaṇāhitakāriṇā |
samānaṃ caiva tajjātaṃ tasmāddhāryaṃ sadā budhaiḥ || 16 ||
[Analyze grammar]

taddinaṃ hi samārabhya brahmaviṣṇvādibhiḥ saraiḥ |
dhāryate tritayaṃ tacca darśanātpāpahārakam || 17 ||
[Analyze grammar]

ṛṣya ūcuḥ |
īdṛśaṃ hi phalaṃ proktaṃ nāmāditritayodbhavam |
tanmāhātmyaṃ viśeṣeṇa vaktumarhasi suvrata || 18 ||
[Analyze grammar]

sūta uvāca |
ṛṣayo hi mahāprājñāḥ sacchaivā jñānināṃ varāḥ |
tanmāhātmyaṃ hi sadbhaktyā śṛṇutādarato dvijāḥ || 19 ||
[Analyze grammar]

sugūḍhamapi śāstreṣu purāṇeṣu śrutiṣvapi |
bhavatsnehānmayā viprāḥ prakāśaḥ kriyate'dhunā || 20 ||
[Analyze grammar]

kastattritayamāhātmyaṃ saṃjānāti dvijottamāḥ |
maheśvaraṃ vinā sarvaṃ brahmāṇḍe sadasatparam || 21 ||
[Analyze grammar]

vacmyahaṃ nāma māhātmyaṃ yathābhakti samāsataḥ |
śṛṇuta prītito viprāḥ sarvapāpaharaṃ param || 22 ||
[Analyze grammar]

śiveti nāmadāvāgnermahāpātakaparvatāḥ |
bhasmībhavaṃtyanāyāsātsatyaṃsatyaṃ na saṃśayaḥ || 23 ||
[Analyze grammar]

pāpamūlāni duḥkhāni vividhānyapi śaunaka |
śivanāmaikanaśyāni nānyanaśyāni sarvathā || 24 ||
[Analyze grammar]

sa vaidikaḥ sa puṇyātmā sa dhanyassa budho mataḥ |
śivanāmajapāsakto yo nityaṃ bhuvi mānava || 25 ||
[Analyze grammar]

bhavaṃti vividhā dharmāsteṣāṃ sadyaḥ phalonmukhāḥ |
yeṣāṃ bhavati viśvāsaḥ śivanāmajape mune || 26 ||
[Analyze grammar]

pātakāni vinaśyaṃti yāvaṃti śivanāmataḥ |
bhuvi tāvaṃti pāpāni kriyaṃte na narairmune || 27 ||
[Analyze grammar]

brahmahatyādipāpānāṃ rāśīnapramitānmune |
śivanāma drutaṃ proktaṃ nāśayatyakhilānnaraiḥ || 28 ||
[Analyze grammar]

śivanāmatarīṃ prāpya saṃsārābdhiṃ taraṃti ye |
saṃsāramūlapāpāni tāni naśyaṃtyasaṃśayam || 29 ||
[Analyze grammar]

saṃsāramūlabhūtānāṃ pātakānāṃ mahāmune |
śivanāmakuṭhāreṇa vināśo jāyate dhruvam || 30 ||
[Analyze grammar]

śivanāmāmṛtaṃ peyaṃ pāpadāvānalārditaiḥ |
pāpadāvāgnitaptānāṃ śāṃtistena vinā na hi || 31 ||
[Analyze grammar]

śiveti nāmapīyūṣavarṣadhārāpariplutāḥ |
saṃsāradavamadhyepi na śocaṃti kadācana || 32 ||
[Analyze grammar]

śivanāmni mahadbhaktirjātā yeṣāṃ mahātmanām |
tadvidhānāṃ tu sahasā muktirbhavati sarvathā || 33 ||
[Analyze grammar]

anekajanmabhiryena tapastaptaṃ munīśvara |
śivanāmni bhavedbhaktiḥ sarvapāpāpahāriṇī || 34 ||
[Analyze grammar]

yasyā sādhāraṇaṃ śaṃbhunāmni bhaktirakhaṃḍitā |
tasyaiva mokṣaḥ sulabho nānyasyeti matirmama || 35 ||
[Analyze grammar]

kṛtvāpyanekapāpāni śivanāmajapādaraḥ |
sarvapāpavinirmukto bhavatyeva na saṃśayaḥ || 36 ||
[Analyze grammar]

bhavaṃti bhasmasādvṛkṣā davadagdhā yathā vane |
tathā tāvaṃti dagdhāni pāpāni śivanāmataḥ || 37 ||
[Analyze grammar]

yo nityaṃ bhasmapūtāṃgaḥ śivanāmajapādaraḥ |
saṃtaratyeva saṃsāraṃ saghoramapi śaunaka || 38 ||
[Analyze grammar]

brahmasvaharaṇaṃ kṛtvā hatvāpi brāhmaṇānbahūn |
na lipyate naraḥ pāpaiḥ śivanāmajapādaraḥ || 39 ||
[Analyze grammar]

vilokya vedānakhilāñchivanāmajapaḥ param |
saṃsāratāraṇopāya iti pūrvairviniścitaḥ || 40 ||
[Analyze grammar]

kiṃ bahūktyā muniśreṣṭhāḥ ślokenaikena vacmyaham |
śivanāmno mahimānaṃ sarvapāpāpahāriṇam || 41 ||
[Analyze grammar]

pāpānāṃ haraṇe śaṃbhornāmaḥ śaktirhi pāvanī |
śaknoti pātakaṃ tāvatkartuṃ nāpi naraḥ kvacit || 42 ||
[Analyze grammar]

śivanāmaprabhāveṇa lebhe sadgatimuttamām |
indra dyumnanṛpaḥ pūrvaṃ mahāpāpaḥ purāmune || 43 ||
[Analyze grammar]

tathā kāciddvijāyoṣā sau mune bahupāpinī |
śivanāmaprabhāveṇa lebhe sadgatimuttamām || 44 ||
[Analyze grammar]

ityuktaṃ vo dvijaśreṣṭhā nāmamāhātmyamuttamam |
śṛṇudhvaṃ bhasmamāhātmyaṃ sarvapāvanapāvanam || 45 ||
[Analyze grammar]

iti śrīśivamahāpurāṇe vidyeśvarasaṃhitāyāṃ sādhyasādhanakhaṃḍeśivanamamāhātmyavarṇanonāmatrayoviṃśo'dhyāyaḥ || 23 ||
[Analyze grammar]