Chapter 24

[English text for this chapter is available]

sūta uvāca |
dvividhaṃ bhasma saṃproktaṃ sarvamaṃgaladaṃ param |
tatprakāramahaṃ vakṣye sāvadhānatayā śṛṇu || 1 ||
[Analyze grammar]

ekaṃ jñeyaṃ mahābhasma dvitīyaṃ svalpasaṃjñakam |
mahābhasma iti proktaṃ bhasma nānāvidhaṃ param || 2 ||
[Analyze grammar]

tadbhasma trividhaṃ proktaṃ śrotaṃ smārtaṃ ca laukikam |
bhasmaiva svalpasaṃjñaṃ hi bahudhā parikīrtitam || 3 ||
[Analyze grammar]

śrautaṃ bhasma tathā smārtaṃ dvijānāmeva kīrtitam |
anyeṣāmapi sarveṣāmaparaṃ bhasma laukikam || 4 ||
[Analyze grammar]

dhāraṇaṃ maṃtrataḥ proktaṃ dvijānāṃ munipuṃgavaiḥ |
kevalaṃ dhāraṇaṃ jñeyamanyeṣāṃ maṃtravarjitam || 5 ||
[Analyze grammar]

āgneyamucyate bhasma dagdhagomayasaṃbhavam |
tadāpi dra vyamityuktaṃ tripuṃḍrasya mahāmune || 6 ||
[Analyze grammar]

agnihotrotthitaṃ bhasmasaṃgrāhyaṃ vā manīṣibhiḥ |
anyayajñotthitaṃ vāpi tripuṇḍrasya ca dhāraṇe || 7 ||
[Analyze grammar]

agnirityādibhirmaṃtrairjābālopaniṣadgateḥ |
saptabhidhūlanaṃ kāryaṃ bhasmanā sajalena ca || 8 ||
[Analyze grammar]

varṇānāmāśramāṇāṃ ca maṃtrato maṃtratopi ca |
tripuṃḍroddhūlanaṃ proktajābālairādareṇa ca || 9 ||
[Analyze grammar]

bhasmanoddhūlanaṃ caiva yathā tiryaktripuṃḍrakam |
pramādādapi mokṣārthī na tyajediti viśrutiḥ || 10 ||
[Analyze grammar]

śivena viṣṇunā caiva tathā tiryaktripuṃḍrakam |
umādevī ca lakṣmīṃśca vācānyābhiśca nityaśaḥ || 11 ||
[Analyze grammar]

brāhmaṇaiḥ kṣatriyairvaiśyaiḥ śūdrai rapi ca saṃskaraiḥ |
apabhraṃśairdhṛtaṃ bhasmatripuṃḍroddhūlanātmanā || 12 ||
[Analyze grammar]

uddhūlanaṃ tripuṃḍraṃ ca śraddhayā nācaraṃti ye |
teṣāṃ nāsti samācāro varṇāśramasamanvitaḥ || 13 ||
[Analyze grammar]

uddhūlanaṃ tripuṃḍraṃ ca śraddhayā nācaraṃti ye |
teṣāṃ nāsti vinirmuktissaṃsārājjanmakoṭibhiḥ || 14 ||
[Analyze grammar]

uddhūlanaṃ tripuṃḍraṃ ca śraddhayā nācaranti ye |
teṣāṃ nāsti śivajñānaṃ kalpakoṭiśatairapi || 15 ||
[Analyze grammar]

uddhūlanaṃ tripuṃḍraṃ ca śraddhayā nācaranti ye |
te mahāpātakairyuktā iti śāstrīyanirṇayaḥ || 16 ||
[Analyze grammar]

uddhūlanaṃ tripuṃḍraṃ ca śraddhayā nācaranti ye |
teṣāmācaritaṃ sarvaṃ viparītaphalāya hi || 17 ||
[Analyze grammar]

mahāpātakayuktānāṃ jaṃtūnāṃ śarvavidviṣām |
tripuṃḍroddhūlanadveṣo jāyate sudṛḍhaṃ mune || 18 ||
[Analyze grammar]

śivāgnikāryaṃ yaḥ kṛtvā kuryāttriyāyuṣātmavit |
mucyate sarvapāpaistu spṛṣṭena bhasmanā naraḥ || 19 ||
[Analyze grammar]

sitena bhasmanā kuryyāttrisandhyaṃ yastripuṇḍrakam |
sarvapāpavinirmuktaḥ śivena saha modate || 20 ||
[Analyze grammar]

sitena bhasmanā kuryāllāṭe tu tripuṇḍrakam |
yo sāvanādibhūtānhi lokānāpto mṛto bhavet || 21 ||
[Analyze grammar]

akṛtvā bhasmanā snānaṃ na japedvai ṣaḍakṣaram |
tripuṃḍraṃ ca racitvā tu vidhinā bhasmanā japet || 22 ||
[Analyze grammar]

adayo vādhamo vāpi sarvapāpānvitopi vā |
uṣaḥpāpānvito vāpi mūrkho vā patitopi vā || 23 ||
[Analyze grammar]

yasmindeśeva sennityaṃ bhūtiśāsanasaṃyutaḥ |
sarvatīrthaiśca kratubhiḥ sāṃnidhyaṃ kriyate sadā || 24 ||
[Analyze grammar]

tripuṃḍrasahito jīvaḥ pūjyaḥ sarvaiḥ surāsuraiḥ |
pāpānvitopi śuddhātmā kiṃ punaḥ śraddhayā yutaḥ || 25 ||
[Analyze grammar]

yasmindeśe śivajñānī bhūtiśāsanasaṃyutaḥ |
gato yadṛcchayādyāpi tasmistīrthāḥ samāgatāḥ || 26 ||
[Analyze grammar]

bahunātra kimuktena dhāryaṃ bhasma sadā budhaiḥ |
liṃgārcanaṃ sadā kāryaṃ japyo maṃtraḥ ṣaḍakṣaraḥ || 27 ||
[Analyze grammar]

brahmaṇā viṣṇunā vāpi rudre ṇa munibhiḥ suraiḥ |
bhasmadhāraṇamāhātmyaṃ na śakyaṃ paribhāṣitum || 28 ||
[Analyze grammar]

iti varṇāśramācāro luptavarṇakriyopi ca |
pāpātsakṛttripuṃḍrasya dhāraṇātsopi mucyate || 29 ||
[Analyze grammar]

ye bhasmadhāriṇaṃ tyaktvā karma kurvaṃti mānavāḥ |
teṣāṃ nāsti vinirmokṣaḥ saṃsārājjanmakoṭibhiḥ || 30 ||
[Analyze grammar]

te nādhītaṃ guroḥ sarvaṃ te na sarvamanuṣṭhitam |
yena vipreṇa śirasi tripuṃḍraṃ bhasmanā kṛtam || 31 ||
[Analyze grammar]

ye bhasmadhāriṇaṃ dṛṣṭvā narāḥ kurvaṃti tāḍanam |
teṣāṃ caṃḍālato janma brahmannūhyaṃ vipaścitā || 32 ||
[Analyze grammar]

mānastokena maṃtreṇa maṃtritaṃ bhasma dhārayet |
brāhmaṇaḥ kṣatriyaścaiva prokteṣvaṃgeṣu bhaktimān || 33 ||
[Analyze grammar]

vaiśyastriyaṃ bakenaiva śūdra ḥ paṃcākṣareṇa tu |
anyāsāṃ vidhavāstrīṇāṃ vidhiḥ proktaśca śūdra vat || 34 ||
[Analyze grammar]

paṃcabrahmādimanubhirgṛhasthasya vidhīyate |
triyaṃbakena manunā vidhirvai brahmacāriṇaḥ || 35 ||
[Analyze grammar]

aghoreṇātha manunā vipinasthavidhiḥ smṛtaḥ |
yatistu praṇavenaiva tripuṃḍrādīni kārayet || 36 ||
[Analyze grammar]

ativarṇāśramī nityaṃ śivohaṃ bhāvanātparāt |
śivayogī ca niyatamīśānenāpi dhārayet || 37 ||
[Analyze grammar]

na tyājyaṃ sarvavarṇaiśca bhasmadhāraṇamuttamam |
anyairapi yathājīvaissadeti śivaśāsanam || 38 ||
[Analyze grammar]

bhasmasnānena yāvaṃtaḥ kaṇāḥ svāṇge pratiṣṭhitāḥ |
tāvaṃti śivaliṃgāni tanau dhatte hi dhārakaḥ || 39 ||
[Analyze grammar]

brāhmaṇāḥ kṣatriyā vaiśyāḥ śūdrā ścāpi ca saṃkarāḥ |
striyotha vidhavā bālāḥ prāptāḥ pākhaṃḍikāstathā || 40 ||
[Analyze grammar]

brahmacārī gṛhī vanyaḥ saṃnyāsī vā vratī tathā |
nāryo bhasma tripuṃḍrāṃkā muktā eva na saṃśayaḥ || 41 ||
[Analyze grammar]

jñānājñānadhṛto vāpi vahnidāhasamo yathā |
jñānājñānadhṛtaṃ bhasma pāvayetsakalaṃ naram || 42 ||
[Analyze grammar]

nāśnīyājjalamannamalpamapi vā bhasmākṣadhṛtyā vinā |
bhuktvāvātha gṛhī vanīpatiyatirvarṇī tathā saṃkaraḥ |
enobhuṇnarakaṃ prayāti sata dāgāyatrijāpena tadvarṇānāṃ tu yatestu mukhyapraṇavājapena muktaṃbhavet || 43 ||
[Analyze grammar]

tripuṃḍraṃ ye viniṃdaṃti nindanti śivameva te |
dhārayaṃti ca ye bhaktyā dhārayanti tameva te || 44 ||
[Analyze grammar]

dhigbhasmarahitaṃ bhālaṃ dhiggrāmamaśivālayam |
dhiganīśārcanaṃ janma dhigvidyāmaśivāśrayām || 45 ||
[Analyze grammar]

ye niṃdaṃti maheśvaraṃ trijagatāmādhārabhūtaṃ haraṃ ye nindaṃti tripuṃḍradhāraṇakaraṃ doṣastu taddarśane |
te vai saṃkarasūkarāsurakharaśvakroṣṭukīṭopamā jātā eva bhavaṃti pāpaparamāstenārakāḥ kevalam || 46 ||
[Analyze grammar]

te dṛṣṭvā śaśibhāskarau niśi dine svapnepi no kevalaṃ paśyaṃtu śrutirudra sūktajapato mucyeta tenādṛtāḥ |
satsaṃbhāṣaṇato bhaveddhi narakaṃ nistāravānāsthitaṃ ye bhasmādividhāraṇaṃ hi puruṣaṃ niṃdaṃti maṃdā hi te || 47 ||
[Analyze grammar]

na tāṃtrikastvadhikṛto norddhvapuṃḍradharo mune |
saṃtaptacakracihnotra śivayajñe bahiṣkṛtaḥ || 48 ||
[Analyze grammar]

tatraite bahavo lokā bṛhajjābālacoditāḥ |
te vicāryāḥ prayatnena tato bhasmarato bhavet || 49 ||
[Analyze grammar]

yaccaṃdanaiścaṃdanakepi miśraṃ dhāryaṃ hi bhasmaiva tripuṃḍrabhasmanā |
vibhūtibhālopari kiṃcanāpi dhāryaṃ sadā no yadi saṃtibuddhayaḥ || 50 ||
[Analyze grammar]

strībhistripuṇḍramalakāvadhi dhāraṇīyaṃ bhasma dvijādibhiratho vidhavābhirevam |
tadvatsadāśramavatāṃ viśadāvibhūtirdhāryāpavargaphaladā sakalāghahantrī || 51 ||
[Analyze grammar]

tripuṇḍraṃ kurute yastu bhasmanā vidhipūrvakam |
mahāpātakasaṃghātairmucyate copapātakaiḥ || 52 ||
[Analyze grammar]

brahmacārī gṛhastho vā vānaprasthotha vā yatiḥ |
brahmakṣattrāśca viṭśūdrā stathānye patitādhamāḥ || 53 ||
[Analyze grammar]

uddhūlanaṃ tripuṃḍraṃ ca dhṛtvā śuddhā bhavaṃti ca |
bhasmano vidhinā samyakpāparāśiṃ vihāya ca || 54 ||
[Analyze grammar]

bhasmadhārī viśeṣeṇa strīgohatyādipātakaiḥ |
vīrahatyāśvahatyābhyāṃ mucyate nātra saṃśayaḥ || 55 ||
[Analyze grammar]

paradra vyāpaharaṇaṃ paradārābhimarśanam |
paranindā parakṣetraharaṇaṃ parapīḍanam || 56 ||
[Analyze grammar]

sasyārāmādiharaṇaṃ gṛhadāhādikarma ca |
gohiraṇyamahiṣyāditilakambalavāsasām || 57 ||
[Analyze grammar]

annadhānyajalādīnāṃ nīcebhyaśca parigrahaḥ |
daśaveśyāmataṃgīṣu vṛṣalīṣu naṭīṣu ca || 58 ||
[Analyze grammar]

rajasvalāsu kanyāsu vidhavāsu ca maithunam |
māṃsacarmarasādīnāṃ lavaṇasya ca vikrayaḥ || 59 ||
[Analyze grammar]

paiśunyaṃ kūṭavādaśca sākṣimithyābhilāṣiṇām |
evamādīnyasaṃkhyāni pāpāni vividhāni ca |
sadya eva vinaśyaṃti tripuṃḍrasya ca dhāraṇāt || 60 ||
[Analyze grammar]

śivadra vyāpaharaṇaṃ śivaniṃdā ca kutracit |
niṃdā ca śivabhaktānāṃ prāyaścittairna śuddhyati || 61 ||
[Analyze grammar]

rudrā kṣaṃ yasya gātreṣu lalāṭe tu tripaṃḍrakam |
sacāṃḍālopi saṃpūjyassarvavarṇottamottamaḥ || 62 ||
[Analyze grammar]

yāni tīrthāni lokesmingaṃgādyāssaritaśca yāḥ |
snāto bhavati sarvatra lalāṭe yastripuṃḍrakam || 63 ||
[Analyze grammar]

saptakoṭi mahāmaṃtrāḥ paṃcākṣarapurassarāḥ |
tathānye koṭiśo maṃtrāḥ śaivakaivalyahetavaḥ || 64 ||
[Analyze grammar]

anye maṃtrāśca devānāṃ sarvasaukhyakarā mune |
te sarve tasya vaśyāḥ syuryo bibharti tripuṃḍrakam || 65 ||
[Analyze grammar]

sahasraṃ pūrvajātānāṃ sahasraṃ janayiṣyatām |
svavaṃśajānāṃ jñātīnāmuddharedyastripuṃḍrakṛt || 66 ||
[Analyze grammar]

iha bhuktvā khilānbhogāndīrghāyurvyādhivarjitaḥ |
jīvitāṃte ca maraṇaṃ sukhenaiva prapadyate || 67 ||
[Analyze grammar]

aṣṭaiśvaryaguṇopetaṃ prāpya divyavapuḥ śivam |
divyaṃ vimānamāruhya divyatridaśasevitam || 68 ||
[Analyze grammar]

vidyādharāṇāṃ sarveṣāṃ gaṃdharvāṇāṃ mahaujasām |
iṃdrā dilokapālānāṃ lokeṣu ca yathākramam || 69 ||
[Analyze grammar]

bhuktvā bhogānsuvipulānprajeśānāṃ padeṣu ca |
brahmaṇaḥ padamāsādya tatra kanyāśataṃ ramet || 70 ||
[Analyze grammar]

tatra brahmāyuṣo mānaṃ bhuktvā bhogānanekaśaḥ |
viṣṇorloke labhedbhogaṃ yāvadbrahmaśatātyayaḥ || 71 ||
[Analyze grammar]

śivalokaṃ tataḥ prāpya labdhveṣṭaṃ kāmamakṣayam |
śivasāyujyamāpnoti saṃśayo nātra jāyate || 72 ||
[Analyze grammar]

sarvopaniṣadāṃ sāraṃ samālokya muhurmuhuḥ |
idameva hi nirṇītaṃ paraṃ śreyastripuṃḍrakam || 73 ||
[Analyze grammar]

vibhūtiṃ niṃdate yo vai brāhmaṇaḥ sonyajātakaḥ |
yāti ca narake ghore yāvadbrahmā caturmukhaḥ || 74 ||
[Analyze grammar]

śrāddhe yajñe jape home vaiśvadeve surārcane |
dhṛtatripuṃḍraḥ pūtātmā mṛtyuṃ jayati mānavaḥ || 75 ||
[Analyze grammar]

jalasnānaṃ malatyāge bhasmasnānaṃ sadā śuci |
maṃtrasnānaṃ haretpāpaṃ jñānasnāne paraṃ padam || 76 ||
[Analyze grammar]

sarvatīrtheṣu yatpuṇyaṃ sarvatīrtheṣu yatphalam |
tatphalaṃ samavāpnoti bhasmasnānakaro naraḥ || 77 ||
[Analyze grammar]

bhasmasnānaṃ paraṃ tīrthaṃ gaṃgāsnānaṃ dine dine |
bhasmarūpī śivaḥ sākṣādbhasma trailokyapāvanam || 78 ||
[Analyze grammar]

na tadūnaṃ na taddhyānaṃ na taddānaṃ japo na saḥ |
tripuṃḍreṇa vināyena vipreṇa yadanuṣṭhitam || 79 ||
[Analyze grammar]

vānaprasthasya kanyānāṃ dīkṣāhīnanṛṇāṃ tathā |
madhyāhnātprāgjalairyuktaṃ parato jalavarjitam || 80 ||
[Analyze grammar]

evaṃ tripuṃḍraṃ yaḥ kuryyānnityaṃ niyatamānasaḥ |
śivabhaktaḥ savijñeyo bhuktiṃ muktiṃ ca viṃdati || 81 ||
[Analyze grammar]

yasyāṃgenaiva rudrā kṣa ekopi bahupuṇyadaḥ |
tasya janmanirarthaṃ syāttripuṃḍrarahito yadi || 82 ||
[Analyze grammar]

evaṃ tripuṃḍramāhātmyaṃ samāsātkathitaṃ mayā |
rahasyaṃ sarvajaṃtūnāṃ gopanīyamidaṃ tvayā || 83 ||
[Analyze grammar]

tisro rekhā bhavaṃtyeva sthāneṣu munipuṃgavāḥ |
lalāṭādiṣu sarveṣu yathokteṣu budhairmune || 84 ||
[Analyze grammar]

bhruvormadhyaṃ samārabhya yāvadaṃto bhavedbhruvoḥ |
tāvatpramāṇaṃ saṃdhāryaṃ lalāṭe ca tripuṃḍrakam || 85 ||
[Analyze grammar]

madhyamānāmikāṃgulyā madhye tu pratilomataḥ |
aṃguṣṭhena kṛtā rekhā tripuṃḍrākhyā bhidhīyate || 86 ||
[Analyze grammar]

madhyeṃgulibhirādāya tisṛbhirbhasma yatnataḥ |
tripuṇḍradhārayedbhaktyā bhuktimuktipradaṃ param || 87 ||
[Analyze grammar]

tisṛṇāmapi rekhānāṃ pratyekaṃ navadevatāḥ |
sarvatrāṃgeṣu tā vakṣye sāvadhānatayā śṛṇu || 88 ||
[Analyze grammar]

akāro gārhapatyāgnirbhūdharmaśca rajoguṇaḥ |
ṛgvedaśca kriyāśaktiḥ prātaḥsavanameva ca || 89 ||
[Analyze grammar]

mahadevaśca rekhāyāḥ prathamāyāśca devatā |
vijñeyā muniśārdūlāḥ śivadīkṣāparāyaṇaiḥ || 90 ||
[Analyze grammar]

ukāro dakṣiṇāgniśca nabhastattvaṃ yajustathā |
madhyaṃdinaṃ ca savanamicchāśaktyaṃtarātmakau || 91 ||
[Analyze grammar]

maheśvaraśca rekhāyā dvitīyāyāśca devatā |
vijñeyā muniśārdūla śivadīkṣāparāyaṇaiḥ || 92 ||
[Analyze grammar]

makārāhavanīyau ca paramātmā tamodivau |
jñānaśaktiḥ sāmavedastṛtīyaṃ savanaṃ tathā || 93 ||
[Analyze grammar]

śivaścaiva ca rekhāyāstṛtiyāyāśca devatā |
vijñeyā muniśārdūla śivadīkṣāparāyaṇau || 94 ||
[Analyze grammar]

evaṃ nityaṃ namaskṛtya sadbhaktyā sthānadevatāḥ |
tripuṃḍraṃ dhārayecchuddho bhuktiṃ muktiṃ ca viṃdati || 95 ||
[Analyze grammar]

ityuktāḥ sthānadevāśca sarvāṃgeṣu munīśvaraḥ |
teṣāṃ saṃbaṃdhino bhaktyā sthānāni śṛṇu sāṃpratam || 96 ||
[Analyze grammar]

dvātriṃśatsthānake vārddhaṣoḍaśasthānakepi ca |
aṣṭasthāne tathā caiva paṃcasthānepi nānyaset || 97 ||
[Analyze grammar]

uttamāṃge lalāṭe ca karṇayornetrayostathā |
nāsāvaktragaleṣvevaṃ hastadvaya ataḥ param || 98 ||
[Analyze grammar]

kūrpare maṇibaṃdhe ca hṛdaye pārśvayordvayoḥ |
nābhau muṣkadvaye caivamūrvorgulphe ca jānuni || 99 ||
[Analyze grammar]

jaṃghādvayepadadvandve dvātriṃśatsthānamuttamam |
agnyabbhūvāyudigdeśadikpālānvasubhiḥ saha || 100 ||
[Analyze grammar]

dharā dhruvaśca somaśca apaścevānilonalaḥ |
pratyūṣaśca prabhāsaśca vasavoṣṭau prakīrtitāḥ || 101 ||
[Analyze grammar]

eteṣāṃ nāmamātreṇa tripuṃḍraṃ dhārayedbudhāḥ |
kuryādvā ṣoḍaśasthāne tripuṇḍraṃ tu samāhitaḥ || 102 ||
[Analyze grammar]

śīrṣake ca lalāṭeca kaṃṭhe cāṃsadvaye bhuje |
kūrpare maṇibaṃdhe ca hṛdaye nābhipārśvake || 103 ||
[Analyze grammar]

pṛṣṭhe caivaṃ pratiṣṭhāya yajettatrāśvidaivate |
śivaśaktiṃ tathā rudra mīśaṃ nāradameva ca || 104 ||
[Analyze grammar]

vāmādinavaśaktīśca etāḥ ṣoḍaśadevatāḥ |
nāsatyo dasrakaścaiva aśvinau dvau prakīrtitau || 105 ||
[Analyze grammar]

athavā mūrddhni keśe ca karmayorvadane tathā |
bāhudvaye ca hṛdaye nābhyāmūruyuge tathā || 106 ||
[Analyze grammar]

jānudvaye ca padayoḥ pṛṣṭhabhāge ca ṣoḍaśa |
śivaścandra śca rudra ḥ ko vighneśo viṣṇureva vā || 107 ||
[Analyze grammar]

śrīścaiva hṛdaye śambhustathā nābhau prajāpatiḥ |
nāgaśca nāgakanyāśca ubhayorṛṣikanyakāḥ || 108 ||
[Analyze grammar]

pādayośca samudrā śca tīrthāḥ pṛṣṭhe viśālataḥ |
ityeva ṣoḍaśasthānamaṣṭasthānamathocyate || 109 ||
[Analyze grammar]

guhyasthānaṃ lalāṭaśca karṇadvayamanuttamam |
aṃsayugmaṃ ca hṛdayaṃ nābhirityevamaṣṭakam || 110 ||
[Analyze grammar]

brahmā ca ṛṣayaḥ saptadevatāśca prakīrtitāḥ |
ityevaṃ tu samuddiṣṭaṃ bhasmavidbhirmunīśvarāḥ || 111 ||
[Analyze grammar]

atha vā mastakaṃ bāhūhṛdayaṃ nābhireva ca |
paṃcasthānānyamūnyāhurdhāraṇe bhasmavijjanāḥ || 112 ||
[Analyze grammar]

yathāsaṃbhavanaṃ kuryyāddeśakālādyapekṣayā |
uddhūlanepyaśaktiścettripuṇḍrādīni kārayet || 113 ||
[Analyze grammar]

trinetraṃ triguṇādhāraṃ trivedajanakaṃ śivam |
smarannamaḥ śivāyeti lalāṭe tu tripuṇḍrakam || 114 ||
[Analyze grammar]

īśābhyāṃ nama ityuktvāpārśvayośca tripuṇḍrakam |
bījābhyāṃ nama ityuktvā dhārayettu prakoṣṭhayoḥ || 115 ||
[Analyze grammar]

kuryādadhaḥ pitṛbhyāṃ ca umeśābhyāṃ tathopari |
bhīmāyeti tataḥ pṛṣṭhe śirasaḥ paścime tathā || 116 ||
[Analyze grammar]