Chapter 77

[English text for this chapter is available]

mahādeva uvāca |
papracchāhaṃ jagannāthaṃ vratānāmuttamaṃ vratam |
putrapautravivṛddhyarthaṃ sukhasaubhāgyadāyakam || 1 ||
[Analyze grammar]

tavāgre saṃpravakṣyāmi śṛṇu suṃdari sāṃpratam |
idaṃ kathānakaṃ divyamṛṣīṇāṃ vratamuttamam || 2 ||
[Analyze grammar]

rajasvalā tu yā nārī sahasā pāparūpiṇī |
kṛtena ca vratenaiva mahāpāpaiḥ pramucyate |
pitṝṇāmakṣayaṃ deyaṃ dharmakāmārthasādhanam || 3 ||
[Analyze grammar]

śrīviṣṇuruvāca |
pūrvamāsīnmahābāhurbrāhmaṇo vedapāragaḥ |
sadādhyayanaśīlastu devaśarmā iti dvijaḥ || 4 ||
[Analyze grammar]

agnihotrakriyāyuktaḥ ṣaṭkarmanirataḥ sadā |
sarvavarṇeṣu saṃpūjyaḥ saputrapaśubāṃdhavaḥ || 5 ||
[Analyze grammar]

tasya brāhmaṇamukhyasya bhagnā ca gṛhavāhinī |
prāpte bhādrapade māse śuklapakṣe tu paṃcamī || 6 ||
[Analyze grammar]

pituḥkṣayāhaṃ kurute yatātmā ca jiteṃdriyaḥ |
rātrau nimaṃtrayedviprānsukhasaubhāgyadāyakān || 7 ||
[Analyze grammar]

prabhāte vimale prāpte bhāṃḍānyanyāni kārayet |
pākaṃ sarveṣu pātreṣu sa kārayati jāyayā || 8 ||
[Analyze grammar]

aṣṭādaśarasopetaṃ pitṝṇāṃ prītidāyakam |
ākāraṇaṃ tato dattvā viprāṇāṃ ca pṛthakpṛthak || 9 ||
[Analyze grammar]

sarve viprāstu saṃprāptā madhyāhne vedapāṭhakāḥ |
arghapādyādi vidhivatkṛtavāndvijasattamaḥ || 10 ||
[Analyze grammar]

rajasā dūṣitaḥ śrāddhe prakṣālya vidhivattadā |
gṛhamadhye gatāḥ sarve āsane te nirūpitāḥ || 11 ||
[Analyze grammar]

pradattaṃ bhojanaṃ tena miṣṭānnena viśeṣataḥ |
vidhinā ca kṛtaṃ śrāddhaṃ piṃḍadānaprapūrvakam || 12 ||
[Analyze grammar]

tāṃbūlaṃ dakṣiṇāṃ caiva vastrāṇi vividhāni ca |
sarvaṃ dadau dvijebhyo vai pitṛdhyānaparāyaṇaḥ || 13 ||
[Analyze grammar]

viprā visarjitāḥ sarve āśīrvādaparāyaṇāḥ |
gotriṇāṃ bāṃdhavānāṃ ca anyeṣāṃ ca bubhukṣatām || 14 ||
[Analyze grammar]

dattamannaṃ tadā tena bhojane vidhipūrvakam |
niśāyāṃ tu kuṭīdvāre upaviṣṭo yadā tadā || 15 ||
[Analyze grammar]

brāhmaṇyā vāri saṃgṛhya pādaprakṣālanaṃ kṛtam |
tadā śunī balīvardau parasparamabhāṣatām || 16 ||
[Analyze grammar]

śṛṇu kāṃta vaco mahyaṃ yādṛkkṛtavatī vadhūḥ |
tādṛśaṃ saṃpravakṣyāmi nānyathā prabravīmyaham || 17 ||
[Analyze grammar]

kadāciddaivayogena gatāhaṃ putrasadmani |
tatrasthitaṃ payaḥ pātuṃ vadhvā dṛṣṭaṃ na tatpunaḥ || 18 ||
[Analyze grammar]

pītaṃ payastu sarpeṇa taddṛṣṭaṃ tu mayā punaḥ |
paścātpītaṃ mayā samyakdṛṣṭaṃ vadhvā tadā punaḥ || 19 ||
[Analyze grammar]

tena saṃparkadoṣeṇakaṭirbhagnā ca me sadā |
tena duḥkhena bho svāminjātāhaṃ duḥkhabhāginī |
bhagnā kaṭiśca saṃjātā hyāhāro naiva rocate || 20 ||
[Analyze grammar]

balīvardda uvāca |
śṛṇu tvaṃ śuni vakṣyāmi mama duḥkhasya kāraṇam |
asminvai divase prāpte brāhmaṇānāṃ tu bhojanam || 21 ||
[Analyze grammar]

kāritaṃ mama putreṇa mama ciṃtā tu no kṛtā |
nodakaṃ na tṛṇaṃ caiva na dattaṃ kenacitkvacit || 22 ||
[Analyze grammar]

anāhārohyahaṃ pāpī baddho'sminpāpabhāvitaḥ |
pūrvapāpaviśeṣeṇa jātaṃ śuni na saṃśayaḥ || 23 ||
[Analyze grammar]

tadvākyaṃ tu tadā devi śrutaṃ putreṇa dhīmatā |
mamāyaṃ tu pitā sākṣājjāto mama gṛhe paśuḥ || 24 ||
[Analyze grammar]

iyaṃ tu jananī sākṣānmama caiva na saṃśayaḥ |
daivayogācchunī jātā kiṃ karomi suniścayam || 25 ||
[Analyze grammar]

evaṃ vicāryāsau vipro naiva nidrāmavāpa saḥ |
rātrau ciṃtāparo bhūtvā smaranviśveśvaraṃ param || 26 ||
[Analyze grammar]

nānādharmaparo'haṃ ca mamaivaṃ ca kathaṃ śubham |
vicārayitvā ca tato rātrau suptastadā punaḥ || 27 ||
[Analyze grammar]

prabhāte vimale prāpte ṛṣīṇāṃ purato gataḥ |
teṣāṃ madhye vasiṣṭhena tasya susvāgataṃ kṛtam || 28 ||
[Analyze grammar]

brūhi tvaṃ brāhmaṇaśreṣṭha tavāgamanakāraṇam |
iti pṛṣṭastadā vipraḥ praṇāmamakarottadā || 29 ||
[Analyze grammar]

adya me saphalaṃ janma adya me saphalā kriyā |
adya me pitarastṛptā durlabhāttava darśanāt || 30 ||
[Analyze grammar]

yathoktaṃ ca kṛtaṃ śrāddhaṃ dvijāścaiva subhojitāḥ |
kuṭuṃbināṃ tu sarveṣāṃ bhojanaṃ kāritaṃ tathā || 31 ||
[Analyze grammar]

bhojanānaṃtaraṃ prāptā śunī tatra uvāca ha |
asmākaṃ tu gṛhe hyeko balīvardastu varttate || 32 ||
[Analyze grammar]

taṃ patiṃ prativākyaṃ yaddivaja mattaḥ śṛṇuṣva tat |
gṛhesthitaṃ dugdhabhāṃḍamahinā dūṣitaṃ mayā || 33 ||
[Analyze grammar]

dṛṣṭaṃ me mahatī ciṃtā tadā jātā na saṃśayaḥ |
anena payasā caiva pakvamannaṃ yadā bhavet || 34 ||
[Analyze grammar]

tadātra sarve viprāśca mriyaṃte bhojanāttataḥ |
evaṃ vicārya tatsvāmindugdhaṃ pītaṃ tadā mayā || 35 ||
[Analyze grammar]

tadā dṛṣṭaṃ tu vadhvā vai tayā me tāḍanaṃ kṛtam |
carāmi tena saṃbhagnā kiṃ karomi suduḥkhitā || 36 ||
[Analyze grammar]

tasyā duḥkhaṃ tu saṃsmṛtya vṛṣaḥ prāha śunīṃ prati |
śṛṇu śuni pravakṣyāmi mama duḥkhasya kāraṇam || 37 ||
[Analyze grammar]

asyāhaṃ tu pitā sākṣātpūrvajanmani vai śuni |
adya vai bhojitā viprā dattamannaṃ tu bhūriśaḥ || 38 ||
[Analyze grammar]

na tṛṇaṃ nodakaṃ caiva mamāgre saṃniveditam |
tena duḥkhena me duḥkhaṃ jātaṃ bahutaraṃ tadā || 39 ||
[Analyze grammar]

etatkathānakaṃ śrutvā rātrau nidrāmavāpa na |
mama ciṃtā tu tatraiva jātā vai ṛṣisattama || 40 ||
[Analyze grammar]

vedādhyayanaśīlo'haṃ kuśalo vedakarmaṇi |
anayośca mahadduḥkhaṃ kiṃ karomīti ciṃtayan |
āgatastvatsamīpe tu mamakaṣṭaṃ nivāraya || 41 ||
[Analyze grammar]

ṛṣiruvāca |
ugrajanmanśṛṇuṣva tvaṃ pūrvajanmani yatkṛtam |
ayaṃ vai tu dvijaśreṣṭho kuṃḍane nagare śubhe || 42 ||
[Analyze grammar]

māse bhādrapade caiva paṃcamī yā samāgatā |
tadvrataṃ tena nājñātaṃ pituḥ śrāddhādikāraṇāt || 43 ||
[Analyze grammar]

strīdharmeṇa tu saṃprāptā kṣayahetu tadānagha |
tayā caiva kṛtaṃ sarvaṃ brāhmaṇānāṃ ca bhojanam || 44 ||
[Analyze grammar]

na jñātaṃ ca kṛtaṃ tena pāpiṣṭhena durātmanā |
prathame'hani cāṃḍālī dvitīye brahmaghātinī || 45 ||
[Analyze grammar]

tṛtīye rajakī proktā caturthe'hani śudhyati |
tena pāpena sā jātā śunī svagṛhacāriṇī |
balīvardastvayaṃ jātaḥ karmaṇānena suvrata || 46 ||
[Analyze grammar]

ugrajanmovāca |
vrataṃ dānaṃ tathā yajñaṃ tīrthaṃ vāmamasuvrata |
brūhi yena viśeṣeṇa muktiḥ pitrorbhavenmama || 47 ||
[Analyze grammar]

ṛṣiruvāca |
māse bhādrapade śukle jāyate ṛṣipaṃcamī |
rajasā vikṛtaṃ pāpaṃ naśyate karaṇādyataḥ || 48 ||
[Analyze grammar]

putrapautrapradātrī ca pitṝṇāṃ muktidāyinī |
nadyā kūpe taḍāge vā brāhmaṇasya gṛhe tathā || 49 ||
[Analyze grammar]

gomayaṃ maṃḍalaṃ kuryātkuṃbhaṃ tatraiva vinyaset |
tasyopari nyasetpātramṛṣidhānyena pūritam || 50 ||
[Analyze grammar]

yajñopavītasūtraṃ ca sahiraṇyaṃ phalaṃ tathā |
sthāpyāśca ṛṣayaḥ sapta sukhasaubhāgyadāyakāḥ || 51 ||
[Analyze grammar]

āvāhayitvā te sarve pūjanīyā vratasthitaiḥ |
naivedyamṛṣidhānyaṃ ca ṛṣidhānyaṃ tu bhojanam || 52 ||
[Analyze grammar]

ekabhaktena kartavyamṛṣīṇāmarcanaṃ tadā |
pūjayetparayā bhaktyā maṃtreṇa vidhipūrvakam || 53 ||
[Analyze grammar]

nirvāpaṃ saghṛtaṃ deyaṃ dakṣiṇāsaṃyutaṃ tadā |
deyaṃ viprāya vidhivadṛṣīṇāṃ prīyatāṃ prati || 54 ||
[Analyze grammar]

kathāṃ śrutvā vidhānena kṛtvā caiva pradakṣiṇām |
dhūpaṃ dīpaṃ ca naivedyamarghyaṃ dadyātpṛthakpṛthak || 55 ||
[Analyze grammar]

ṛṣayaḥ saṃtu me nityaṃ vratasaṃpūrṇakāriṇaḥ |
pūjāṃ gṛhṇaṃtu maddattāṃ ṛṣibhyo'stu namonamaḥ || 56 ||
[Analyze grammar]

pulastyaḥ pulahaścaiva kratuḥ prācetasastathā |
vasiṣṭhamaricātreyā arghaṃ gṛhṇaṃtu vo namaḥ || 57 ||
[Analyze grammar]

evaṃ pūjā prakarttavyā dhūpairdīpairmanoramaiḥ |
pitṝṇāṃ jāyate muktiḥ kṛtasyāsya prabhāvataḥ || 58 ||
[Analyze grammar]

pūrvakarmavipākena rajasā doṣabhāvataḥ |
kṛtaṃ hyevaṃ tu bho vatsa muktistasya na saṃśayaḥ || 59 ||
[Analyze grammar]

tadvrataṃ ca kṛtaṃ tena muktyarthaṃ pitṛhetave |
te gatā muktimārgeṇa āśīrvādaparāyaṇāḥ || 60 ||
[Analyze grammar]

ṛṣipaṃcamīvrataṃ puṇyaṃ viprāya parikīrtitam |
ye kurvaṃti naraśreṣṭhāste jñeyāḥ puṇyabhāginaḥ || 61 ||
[Analyze grammar]

ye kurvaṃti naraśreṣṭha ṛṣivratamanuttamam |
bhuktvātra bhogānvipulānyāṃti viṣṇoḥ padaṃ tu te || 62 ||
[Analyze grammar]

itiśrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatinārada |
saṃvāde ṛṣipaṃcamīvrataṃnāma saptasaptatitamo'dhyāyaḥ || 77 ||
[Analyze grammar]