Chapter 30

[English text for this chapter is available]

nārada uvāca |
brahmansaṃvatsarākhyasya dīpasya vidhimuttamam |
sarvavratapradhānasya māhātmyaṃ pravadasva me || 1 ||
[Analyze grammar]

yena vratāni sarvāṇi kṛtānyeva na saṃśayaḥ |
sarvakāmasamṛddhiśca sarvapāpakṣayo bhavet || 2 ||
[Analyze grammar]

mahādeva uvāca |
vadāmi tava devarṣe rahasyaṃ pāpanāśanam |
yacchrutvā brahmahā goghno mitraghno gurutalpagaḥ || 3 ||
[Analyze grammar]

viśvāsaghātī krūrātmā muktimāpnoti śāśvatīm |
śataṃ kulānāmuddhṛtya viṣṇorlokaṃ sa gacchati || 4 ||
[Analyze grammar]

tadahaṃ kathayiṣyāmi dīpavratamanuttamam |
saṃvatsarapramāṇasya vidhiṃ māhātmyameva ca || 5 ||
[Analyze grammar]

hemaṃte prathame māsi prāpya hyekādaśīṃ śubhām |
brāhme muhūrtte cotthāya kāmakrodhavivarjitaḥ || 6 ||
[Analyze grammar]

nadīsaṃgamatīrtheṣu taḍāgeṣu saritsu ca |
snānaṃ samācarettatra gṛhe vā niyatātmavān || 7 ||
[Analyze grammar]

snāto'haṃ sarvatīrthe tatsnānaṃ dehi me sadā || 8 ||
[Analyze grammar]

snānamaṃtraḥ |
devānpitṝṃśca saṃtarpya kṛtajapyo jiteṃdriyaḥ |
tataḥ saṃpūjayeddevaṃ lakṣmīnārāyaṇaṃ prabhum |
paṃcāmṛtena saṃsnāpya tato gaṃdhodakena ca || 9 ||
[Analyze grammar]

snāto'si lakṣmyā sahito devadeva jagatpate |
māṃ samuddhara deveśa ghorātsaṃsārabaṃdhanāt || 10 ||
[Analyze grammar]

tataḥ saṃpūjayeddevaṃ lakṣmyā saha janārdanam |
maṃtraistu vaidikairbhaktyā tathā paurāṇikairapi || 11 ||
[Analyze grammar]

ato deveti gaṃdhādi pauruṣeṇāpi vā punaḥ |
namo matsyāya devāya kūrmadevāya vai namaḥ || 12 ||
[Analyze grammar]

namo vārāhadevāya narasiṃhāya vai namaḥ |
namo'stu buddhadevāya kalkine ca namonamaḥ || 13 ||
[Analyze grammar]

namo'stu rāmadevāya viṣṇudevāya te namaḥ |
namaḥ sarvātmane tubhyaṃ śi raityabhipūjayet |
keśavādīni nāmāni tairvā saṃpūjayeddharim || 14 ||
[Analyze grammar]

vanaspatiraso divyaḥ surabhirgaṃdhavāñchuciḥ |
dhūpo'yaṃ devadeveśa namaste pratigṛhyatām || 15 ||
[Analyze grammar]

dīpastamo nāśayati dīpaḥ kāṃtiṃ prayacchati |
tasmāddīpapradānena prīyatāṃ me janārdanaḥ || 16 ||
[Analyze grammar]

naivedyamidamannādyaṃ devadeva jagatpate |
lakṣmyā saha gṛhāṇa tvaṃ paramāmṛtamuttamam || 17 ||
[Analyze grammar]

arghyaṃ dadyāttato bhaktyā evaṃ dhyātvā janārdanam |
phalena caiva hastena śaṃkhenādāya codakam || 18 ||
[Analyze grammar]

janmāṃtarasahasreṇa yanmayā pātakaṃ kṛtam |
tatsarvaṃ nāśamāyātu prasādāttava keśava || 19 ||
[Analyze grammar]

tataḥ kuṃbhaṃ navaṃ śubhraṃ ghṛtapūrṇaṃ samānayet |
lakṣmīnārāyaṇasyāgre tailapūrṇamathāpi vā || 20 ||
[Analyze grammar]

tasyopari nyasetpātraṃ tāmraṃ mṛnmayameva ca |
navataṃtusamāṃ vartiṃ tasminpātre tu nirvapet || 21 ||
[Analyze grammar]

tataḥ prabodhayeddīpaṃ sthāpya kuṃbhaṃ suniścalam |
puṣpagaṃdhādibhiḥ pūjya tataḥ saṃkalpayecchuciḥ || 22 ||
[Analyze grammar]

maṃtreṇānena devarṣe asamīreṣu dhāmasu |
kāmo bhūtasya bhavyasya samrāḍeko virājate || 23 ||
[Analyze grammar]

dīpaḥ saṃvatsaraṃ yāvatmayāyaṃ parikalpitaḥ |
agnihotramavicchinnaṃ prīyatāṃ mama keśava || 24 ||
[Analyze grammar]

tato jiteṃdriyo bhūtvā śrutijñānaparāyaṇaḥ |
nālapetpatitānpāpāṃstathā pākhaṇḍino narān || 25 ||
[Analyze grammar]

rātrau jāgaraṇaṃ gītaṃ nṛtyavādyādikaistathā |
puṇyapāṭhaiśca vividhairdharmākhyānairupoṣaṇaiḥ || 26 ||
[Analyze grammar]

tataḥ prabhātasamaye kṛtapūrvāhṇika kriyaḥ |
brāhmaṇānbhojayedbhaktyā yathāśaktyā prapūjayet || 27 ||
[Analyze grammar]

svayaṃ ca pāraṇaṃ kṛtvā praṇipatya visarjayet |
evaṃ saṃvatsaraṃ yāvadahorātraṃ dṛḍhavrataḥ || 28 ||
[Analyze grammar]

dīpaṃ palasuvarṇena tadarddhārddhena vā punaḥ |
vartistu rājatī proktā dvipalārddhārddhikāpi vā || 29 ||
[Analyze grammar]

ghṛtapūrṇaṃ tathā kuṃbhaṃ tāmrapātrasamanvitam |
lakṣmīnārāyaṇo devo yathāśaktyā hiraṇmayaḥ || 30 ||
[Analyze grammar]

kāryo bhaktimatā puṃsā muktidvāramabhīpsatā |
tato nimaṃtrayedvidvānbrahmaṇānsādhusattamān || 31 ||
[Analyze grammar]

dvādaśottamapakṣe tu viprānṣaṇmadhyame tathā |
anyathā kārayettrīnvā ekaṃ karmakaraṃ dvijam || 32 ||
[Analyze grammar]

sapatnīkaṃ dvijaṃ śāṃtaṃ kriyāvaṃtaṃ viśeṣataḥ |
itihāsapurāṇajñaṃ dharmajñaṃ mṛdumeva ca || 33 ||
[Analyze grammar]

pitṛbhaktaṃ guruparaṃ devabrāhmaṇapūjakam |
pādārghadānavidhinā vastrālaṃkārabhūṣaṇaiḥ || 34 ||
[Analyze grammar]

saṃpūjya patnyā sahitamekaṃ bhaktyā ca pūrvavat |
lakṣmīnārāyaṇaṃ devaṃ dīpavartiyutaṃ tathā || 35 ||
[Analyze grammar]

tāmrapātroparisthāpya ghṛtakuṃbhena saṃyutam |
brāhmaṇāya tato dadyāddhyātvā nārāyaṇaṃ param |
maṃtreṇānena devarṣe tamahaṃ kathayāmi te || 36 ||
[Analyze grammar]

avidyā tamasā vyāpte saṃsāre pāpanāśanaḥ |
jñānaprado mokṣadaśca tasmāddatto mayānagha || 37 ||
[Analyze grammar]

dakṣiṇāṃ ca yathāśaktyā dattvā viprāya bhaktitaḥ |
bhojayedbrāhmaṇānpaścādghṛtapāyasamodakaiḥ || 38 ||
[Analyze grammar]

vastrairācchādayetpaścātsapatnīkaṃ tathā dvijam |
śayyāṃ sopaskarāṃ dadyāddhenuṃ caiva savatsakām || 39 ||
[Analyze grammar]

tebhyastu dakṣiṇāṃ dadyādyathāvittānusārataḥ |
suhṛtsvajanabaṃdhūśca bhojayetpūjayettathā || 40 ||
[Analyze grammar]

evaṃ mahotsavaṃ kuryāddīpavrata samāpane |
tato visarjayetpaścātpraṇipatya kṣamāpayet || 41 ||
[Analyze grammar]

evaṃ kṛte tu yatpuṇyaṃ tathā sāṃkrāṃtikaiśca yat |
saṃvatsarākhya dīpasya tatphalaṃ prāpyate naraiḥ || 42 ||
[Analyze grammar]

māsavrataiśca yatpuṇyaṃ tatpuṇyaṃ prāpyate naraiḥ |
saṃvatsarasya dīpasya vratena caritena ca || 43 ||
[Analyze grammar]

dānavratairyathāsaṃkhyairyaśca yogavrataistathā |
tatphalaṃ samavāpnoti dīpe sāṃvatsare kṛte || 44 ||
[Analyze grammar]

gobhūhiraṇyadānāni gṛhādīnāṃ viśeṣataḥ |
yatphalaṃ labhate vidvāntatphalaṃ dīpado bhavet || 45 ||
[Analyze grammar]

dīpadaḥ kāṃtimāpnoti dīpado dhanamakṣayam |
dīpado jñānamāpnoti dīpadaḥ paramaṃ sukham || 46 ||
[Analyze grammar]

dīpadānācca saubhāgyaṃ vidyāmatyaṃtanirmalām |
ārogyaṃ paramāmṛddhiṃ labhate nātra saṃśayaḥ || 47 ||
[Analyze grammar]

dīpadaḥ subhagāṃ bhāryāṃ sarvalakṣaṇasaṃyutām |
putrānpautrānprapautrāṃśca saṃtatiṃ cākṣayā labhet || 48 ||
[Analyze grammar]

brāhmaṇaḥ paramaṃ jñānaṃ kṣatriyo rājyamuttamam |
vaiśyo dhanapaśūnsarvāñchūdraḥ sukhamavāpnuyāt || 49 ||
[Analyze grammar]

kumārī cāpi bhartāraṃ sarvalakṣaṇasaṃyutam |
prāpnoti paramāyuśca putrānpautrāṃśca puṣkalān || 50 ||
[Analyze grammar]

vaidhavyaṃ naiva yuvatī kadācidapi paśyati |
na viyogamavāpnoti dīpadānaprabhāvataḥ || 51 ||
[Analyze grammar]

nādhayo vyādhayaścaiva jāyaṃte dīpadānataḥ |
bhayātpramucyate bhīto baddho mucyeta baṃdhanāt || 52 ||
[Analyze grammar]

brahmahatyādibhiḥ pāpairdīpavrataparāyaṇaḥ |
mucyate nātra saṃdeho brahmaṇo vacanaṃ yathā || 54 ||
[Analyze grammar]

cāṃdrāyaṇāni kṛcchrāṇi caritāni na saṃśayaḥ |
yena sāṃvatsaro dīpo bodhitaḥ śāśvato hareḥ || 55 ||
[Analyze grammar]

te dhanyāste mahātmānastaiḥ prāptaṃ janmanaḥ phalam |
yaiḥ saṃpūjya hariṃ bhaktyā dīpaḥsāṃvatsaraḥ kṛtaḥ || 56 ||
[Analyze grammar]

ye'pi saṃvarttayaṃtīha dīpavartivilokanāḥ |
te yāṃti paramaṃ sthānaṃ yatsurairapi durlabham || 57 ||
[Analyze grammar]

yena tailaṃ ca vartiṃ ca yathāśaktyā pradīpake |
prakṣepayaṃti satataṃ te yāṃti paramāṃ gatim || 58 ||
[Analyze grammar]

gacchaṃtaṃ dīpakaṃ śāṃtiṃ na śaknoti prabodhitum |
kathayatyanyalokānāṃ te'pi tatphalabhāginaḥ || 59 ||
[Analyze grammar]

stokaṃ stokaṃ ca bhikṣitvā tailaṃ dīpārthameva ca |
karoti dīpakaṃ viṣṇoḥ puṇyaṃ tenāpi labhyate || 60 ||
[Analyze grammar]

dīpaṃ prajvālyamānaṃ tu yaḥ paśyatyadhamo naraḥ |
kṛtāṃjalipuṭo viṣṇorviṣṇulokamavāpnuyāt || 61 ||
[Analyze grammar]

dīpaprajvālane buddhiṃ yo dadyātkurute svayam |
sarvapāpavinirmukto viṣṇulokamavāpnuyāt || 62 ||
[Analyze grammar]

atrāpyudāharaṃtīmamitihāsaṃ purātanam |
yasya śravaṇamātreṇa mucyate sarvakilbiṣaiḥ || 63 ||
[Analyze grammar]

sarasvatyāstaṭe ramye siddhāśrama iti śrutaḥ |
tatrovāsa dvijaḥ pūrvaṃ kapilo nāma vedavit || 64 ||
[Analyze grammar]

vratopavāsanirato daridra śroḥtriyastathā |
bhikṣāvṛttyā ca kurute kuṭuṃba paripālanam || 65 ||
[Analyze grammar]

vratopavāsaniyamairviṣṇumārādhayatyasau |
viṣṇuṃ saṃpūjya vidhivaddīpaṃ bodhayate sadā || 66 ||
[Analyze grammar]

samādāya ca tattailaṃ svagṛhe pūjya keśavam |
dīpaṃ bhaktyā ca parayā bodhayeddharituṣṭaye || 67 ||
[Analyze grammar]

evaṃ pravarttamānasya kapilasya mahātmanaḥ |
mārjārastīkṣṇaṃdaṃṣṭrastu mūṣakānbhakṣayetsadā || 68 ||
[Analyze grammar]

tatrāgacchati bhakṣyārthaṃ mūṣakānāmaharniśam |
kṛtvā dhyānaṃ sa bhakṣyārthaṃ nityaṃ nārāyaṇāgrataḥ || 69 ||
[Analyze grammar]

bhakṣitā bahavastena mūṣakā dvijaveśmani |
ye ye tailārthamāyāṃti vartyapāharaṇāya ca || 70 ||
[Analyze grammar]

tāṃstāṃstu bhakṣayatyeva mūṣakāndhyānatatparaḥ |
evaṃ pravartamānasya kadācitkālaparyayāt || 71 ||
[Analyze grammar]

ekādaśyāṃ sa kapilo brāhmaṇaḥ svagṛhe śuciḥ |
sopavāsaḥ sapatnīkaḥ pūjayāmāsa cācyutam || 72 ||
[Analyze grammar]

tato jāgaraṇaṃ cakre stutinṛtyaparāyaṇaḥ |
arddharātre tu saṃprāpte nidrayā mohito dvijaḥ || 73 ||
[Analyze grammar]

mārjāraścāgatastatra tīkṣṇadaṃṣṭro laghukramaḥ |
lakṣayāmāsa naivedyaṃ gṛhakoṇe sthitaḥ sadā || 74 ||
[Analyze grammar]

adrākṣīnmūṣikāṃ kṣudrā tailapānārthamāgatām |
maṃdatejasi dīpe tu vartyapāharaṇocitām || 75 ||
[Analyze grammar]

samutpatya padākramya tadā sā bilamāviśat |
tasyāḥ pādena vai vartyā dīpaḥ saṃbodhito bhṛśam || 76 ||
[Analyze grammar]

tailapātraṃ ca namitaṃ suprakāśo'bhavattadā |
brāhmaṇo'pi jajāgāra tyaktvā nidrāṃ vimohinīm || 77 ||
[Analyze grammar]

mārjāro'pi ca tāṃ rātrīmajāgraccākhubhakṣakaḥ |
tataḥ prabhāte vimale kṛtvā nityakriyāṃ dvijaḥ || 78 ||
[Analyze grammar]

tataśca pāraṇaṃ cakre vipro baṃdhujanaiḥ saha |
evaṃ pravarttamānasya kapilasya mahātmanaḥ || 79 ||
[Analyze grammar]

babhūvuḥ putrapautrāśca dhanadhānyamanuttamam |
ārogyaṃ paramāmṛddhimavāpa mahatīṃ śriyam || 80 ||
[Analyze grammar]

dīpavrataprabhāvena kapilo mokṣamāgataḥ |
saṃbhedya maṃḍalaṃ puṇyaṃ savituḥ śaśinastathā || 81 ||
[Analyze grammar]

dīpajyotiḥsvarūpeṇa paramātmā niyuktavān |
mūṣikāpi ca kālena mamāra bilamadhyataḥ || 82 ||
[Analyze grammar]

vimānavaramāsādya viṣṇulokaṃ jagāma sā |
mārjāro'pi ca kālāṃte mṛtaḥ svargaṃ jagāma saḥ || 82 ||
[Analyze grammar]

vimānavaramāruhya devagaṃdharvasevitam |
apsarobhiḥ parivṛto vidyādharagaṇairyutaḥ || 83 ||
[Analyze grammar]

stūyamāno mahātejā jayaśabdādi maṃgalaiḥ |
stūyamānaḥ sa vai nāgairviṣṇulokaṃ jagāma saḥ || 84 ||
[Analyze grammar]

kalpakoṭisahasrāṇi kalpakoṭiśatāni ca |
bhuktvā ca vipulānbhogāntato rājābhavadbhuvi || 85 ||
[Analyze grammar]

sudharmā nāma dharmātmā devabrāhmaṇapūjakaḥ |
rūpavānsubhagaścaiva mahābalaparākramaḥ || 86 ||
[Analyze grammar]

tasya priyatamā bhāryā sarvalakṣaṇasaṃyutā |
bhartṛbhaktā tathā śīlā nāmnā sā rūpasuṃdarī || 87 ||
[Analyze grammar]

sarvāsāṃ caiva nārīṇāṃ madhye sā subhagābhavat |
putrāśca bahavo jātāstathā duhitaro ghanāḥ || 88 ||
[Analyze grammar]

evaṃ viharatostadvaddaṃpatyoḥ prītipūrvakam |
āgataḥ kārttiko māso harinetrāvabodhakṛt || 89 ||
[Analyze grammar]

tasmindīpāḥ prabodhyaṃte nārāyaṇaparāyaṇaiḥ |
kṛcchracāṃdrāyaṇādīni vratāni niyamāstathā || 90 ||
[Analyze grammar]

kriyaṃte viṣṇubhaktaiśca saṃsārabhayabhīrubhiḥ |
atha prabodhinīṃ prāpya rājā rājñīmathābravīt || 91 ||
[Analyze grammar]

bhadre prabodhinī puṇyā viṣṇornābhisaroruhe |
kariṣyāmyadya pūjāṃ ca sopavāso jiteṃdriyaḥ || 92 ||
[Analyze grammar]

snātvā ca puṣkare tīrthe puṃḍarīkākṣamacyutam |
pūjayiṣyāmi deveśaṃ lakṣmyā saha janārdanam || 93 ||
[Analyze grammar]

iti sā vāṃchitaṃ śrutvā bhartuḥ priyahite ratā |
uvāca vacanaṃ guhyaṃ bharttāraṃ cāruhāsinī || 94 ||
[Analyze grammar]

rūpasuṃdaryuvāca |
mamāpi hṛdaye kāmaḥ samutpanno narādhipa |
rūpasauṃdaryavāṃchā ca hṛdaye mama varttate || 95 ||
[Analyze grammar]

puṣkaraṃ prathamaṃ tīrthaṃ gaṃtumicche tvayā saha |
tato rājā tayā sārddhamāgataḥ puṣkaraṃ tadā || 96 ||
[Analyze grammar]

hastyaśvarathavṛṃdaiśca samāgatya purohitaiḥ |
tataḥ snātvā tathā dhyāyantarpayanpitṛdevatāḥ || 97 ||
[Analyze grammar]

pūjayāmāsa deveśaṃ puṃḍarīkākṣamacyutam |
dīpamālākule tatra sarvataḥ sumanohare || 98 ||
[Analyze grammar]

dadarśa likhitaṃ tatra mārjāraṃ devatālaye |
taṃ dṛṣṭvā prākṛtaṃ karma janma smṛtvā nṛpastadā || 99 ||
[Analyze grammar]

mukhapaṃkajamālokya priyāyāḥ prajahāsa ca |
rūpasuṃdaryuvāca |
mama sanmukhamālokya bhartaḥ kiṃ smitakāraṇam || 100 ||
[Analyze grammar]

kathayāmāsa hṛṣṭātmā prāktanaṃ karmaṇaḥ phalam |
rājovāca |
ahamāsaṃ purā devi mārjāro brāhmaṇālaye || 101 ||
[Analyze grammar]

bhakṣitā mūṣakāstatra mayā śatasahasraśaḥ |
tato nārāyaṇasyāgre dīpaḥ saṃrakṣito yataḥ || 102 ||
[Analyze grammar]

vyājenāpi mayā deviprāptaṃ tatkarmaṇaḥ phalam |
viṣṇulokamanuprāpya rājyaṃ prāptaṃ mayādhunā || 103 ||
[Analyze grammar]

rūpasuṃdaryuvāca |
mamāpi smaraṇaṃ jātaṃ prākṛtasya ca janmanaḥ |
mūṣikā cāhamapyāsaṃ kṣudrā brāhmaṇaveśmani || 104 ||
[Analyze grammar]

kārtike ca prabodhinyāṃ maṃdībhūte ca dīpake |
vartyagrāharaṇārthāya nirgatāhaṃ tadā bilāt || 105 ||
[Analyze grammar]

dṛṣṭvā nārāyaṇaṃ devaṃ pūjitaṃ kusumaistathā |
nidrābhibhūtaṃ vipraṃ ca varttiḥ kṛṣṭā mayā tadā || 106 ||
[Analyze grammar]

utthitastvaṃ yadā tatra māṃ gṛhītuṃ kṛtakṣaṇaḥ |
dṛṣṭvā tvaṃ ca praṇaṣṭāhaṃ praviṣṭā bilamadhyataḥ || 107 ||
[Analyze grammar]

viśaṃtyā mama pādena dīpavarttirvijṛṃbhitā |
tailapātraṃ ca namitaṃ tenāhaṃ sukhabhāginī || 108 ||
[Analyze grammar]

tanmayā rājarājeṃdra dīpaṃ caiva prakāśitam |
idānīṃ ca mayā prāptaṃ rūpalāvaṇyamuttamam || 109 ||
[Analyze grammar]

tvaṃ ca bharttā tathā rājyaṃ putrāścaivaṃvidhaṃ sukham |
dīpaprabodhanājjātaṃ jñānamatyaṃta durllabham || 110 ||
[Analyze grammar]

tasmātsarvaprayatnena dīpavratamanuttamam |
āvāṃ hi parayā bhaktyā kurvaścaiva viśeṣataḥ || 111 ||
[Analyze grammar]

tadetatkarmaṇaḥ prāptaṃ phalaṃ rājyādisaṃpadaḥ |
pūrvajanmasmṛtaṃ cāpi sarvapāpakṣayastathā || 112 ||
[Analyze grammar]

tasmātsarvaprayatnena vidhimaṃtrādipūrvakam |
dīpavrataṃ kṛtaṃ puṃbhiḥ puṇyaṃ caṃdrārkatārakam || 113 ||
[Analyze grammar]

iti śrutvā vaco rājā cakre dīpavrataṃ tadā |
priyayā saha devarṣe samyakśraddhāsamanvitaḥ || 114 ||
[Analyze grammar]

tasmiṃstu puṣkare tīrthe kṛtvā dīpavrataṃ tu tau |
avāpatuḥ parāṃ muktiṃ devadānavadurllabhām || 115 ||
[Analyze grammar]

etaddīpasya māhātmyaṃ ye śṛṇvaṃti narā bhuvi |
sarvapāpavinirmuktāḥ prayāṃti harimaṃdiram || 116 ||
[Analyze grammar]

ye ca kurvaṃti puruṣāḥ striyo vā bhaktitatparāḥ |
te sarve pāpanirmuktā yāṃti brahmasanātanam || 117 ||
[Analyze grammar]

dīpavratamidaṃ vidvankathitaṃ te vimuktidam |
sarvasaukhyapradaṃ dhanyaṃ mahāvratamidaṃ tava || 117 ||
[Analyze grammar]

netrarogā vinaśyaṃti yathā pāpaprabhāvajāḥ |
ādhayo vyādhayaḥ sarve naśyaṃte hi kṛtekṣaṇāt || 118 ||
[Analyze grammar]

na dāridryaṃ na śokaṃ ca na moho na ca vibhramaḥ |
gṛhe lakṣmīḥ samāyāti janmajanmani vāḍava || 119 ||
[Analyze grammar]

iti śrīpādmemahāpurāṇe paṃcapaṃcāśatsahasrasaṃhitāyāṃ uttarakhaṇḍe umāpatināradasaṃvāde dīpavratamāhātmyaṃnāma triṃśo'dhyāyaḥ || 30 ||
[Analyze grammar]