Chapter 25

[English text for this chapter is available]

nāradauvāca |
evaṃ tulasyā māhātmyaṃ tvatprasādācchrutaṃ mayā |
sāṃprataṃ tu samācakṣva trirātraṃ tulasīvratam || 1 ||
[Analyze grammar]

sadāśiva uvāca |
śṛṇu vipra mahābuddhe vratametatpurātanam |
yacchrutvā sarvapāpebhyo mucyate nātra saṃśayaḥ || 2 ||
[Analyze grammar]

purā raibhyaṃtare kalpe rājā hyāsītprajāpatiḥ |
tasya bhāryā ca vikhyātā caṃdrarūpā mahāsatī || 3 ||
[Analyze grammar]

sā vai vratamidaṃ cakre sarvakāmaphalapradam |
trirātraṃ tu vrataṃ tasyā dharmakāmārtha mokṣadam || 4 ||
[Analyze grammar]

saphalaṃ jīvitaṃ teṣāṃ yaiḥ śrutaṃ tulasīvratam |
kārtike śuklapakṣe tu navamyāṃ caiva nārada || 5 ||
[Analyze grammar]

niyamastho vratī tiṣṭhedbhūmiśāyī jiteṃdriyaḥ |
vrataṃ trirātramuddiśya śuciḥ saṃyatamānasaḥ || 6 ||
[Analyze grammar]

svapenniyamapūrvaṃ tu tulasīvanasaṃnidhau |
tato madhyāhnasamaye nadyādau vimale jale || 7 ||
[Analyze grammar]

snānaṃ kṛtvā pitṝndevāṃstarpayedvidhipūrvakam |
suvarṇaṃ kārayeddevaṃ lakṣmyā saha janārdanam || 8 ||
[Analyze grammar]

vittaśāṭhyaṃ na kartavyamātmanaḥ śreyamicchatā |
vastrayugmaṃ tataḥ kāryaṃ pīte śukle'pi vāsasī |
navagrahāṇāmāraṃbhaṃ śāṃtikaṃ vidhipūrvakam || 9 ||
[Analyze grammar]

śrapayitvā caruṃ tatra vaiṣṇavaṃ homamācaret |
dvādaśyāṃ devadeveśaṃ pūjayitvā prayatnataḥ || 10 ||
[Analyze grammar]

avraṇaṃ śuddhakalaśaṃ sthāpayedvidhipūrvakam |
paṃcaratnasamopetaṃ pallavaiścoṣadhīyutam || 11 ||
[Analyze grammar]

tasyoparinyasetpātre lakṣmyā saha janārdanam |
sthāpayettulasīmūle maṃtrairvedapurāṇakaiḥ || 12 ||
[Analyze grammar]

payasā kevalenaiva siṃcayettulasīvanam |
paṃcāmṛtena saṃsnāpya devadevaṃ jagadgurum || 13 ||
[Analyze grammar]

yo'naṃtarūpo'khilaviśvarūpo garbhodake lokavidhiṃ bibhartti |
prasīdatāmeṣa sadeva devo yo māyayā viśvakṛdeṣa devī || 14 ||
[Analyze grammar]

prārthanāmaṃtraḥ |
āgacchācyuta deveśa tejorāśe jagatpate |
sadaiva timiradhvaṃsī pāhi māṃ bhavasāgarāt || 15 ||
[Analyze grammar]

āvāhanamaṃtraḥ |
paṃcāmṛtena susnānaṃ tathā gaṃdhodakena ca |
gaṃgādīnāṃ ca toyena snāto'naṃtaḥprasīdatu || 16 ||
[Analyze grammar]

snānamaṃtraḥ |
śrīkhaṃḍāgurukarpūraṃ kuṃkumādivilepanam |
bhaktyā dattaṃ mayā deva lakṣmyā saha gṛhāṇa vai || 17 ||
[Analyze grammar]

vilepanamaṃtraḥ |
nārāyaṇa namaste'stu narakārṇavatāraṇa |
trailokyādhipate tubhyaṃ dadāmi vasane śubhe || 18 ||
[Analyze grammar]

vastramaṃtraḥ |
dāmodara namastestu trāhi māṃ bhavasāgarāt |
brahmasūtraṃ mayā dattaṃ gṛhāṇa puruṣottama || 19 ||
[Analyze grammar]

upavītamaṃtraḥ |
puṣpāṇi ca sugaṃdhīni mālatyādīni vai prabho |
mayā dattāni deveśa prītitaḥ pratigṛhyatām || 20 ||
[Analyze grammar]

puṣpamaṃtraḥ |
naivedyaṃ gṛhyatāṃ nātha bhakṣyabhojyaiḥ samanvitam |
sarvai rasaiḥ susaṃpannaṃ gṛhāṇa parameśvara || 21 ||
[Analyze grammar]

naivedyamaṃtraḥ |
pūgāni nāgapatrāṇi karpūrasahitāni ca |
mayā dattāni deveśa tāṃbūlaṃ pratigṛhyatām || 22 ||
[Analyze grammar]

tāṃbūlamaṃtraḥ |
dhūpaṃ datvā guruṃ bhaktyā guggulaṃ ghṛtamiśritam |
evaṃ pūjā prakarttavyā ghṛtena dīpamācaret || 23 ||
[Analyze grammar]

vividhaṃ muniśārdūla dīpaṃ kṛtvā samāhitaḥ |
lakṣmīnārāyaṇasyāgre tulasīvanasannidhau || 24 ||
[Analyze grammar]

arghaṃ tatra pradātavyaṃ devadevāya cakriṇe |
navamyāṃ nālikereṇa putrārthamarghamuttamam || 25 ||
[Analyze grammar]

daśamyāṃ bījapūraṃ tu dharmakāmārthasiddhaye |
ekādaśyāṃ dāḍimena dāridryaṃ nāśayetsadā || 26 ||
[Analyze grammar]

saptadhānyena saṃyuktaṃ vaṃśapātreṇa nārada |
phalasaptakasaṃyuktaṃ patraṃ pūgasamanvitam || 27 ||
[Analyze grammar]

vastreṇācchāditaṃ kṛtvā devasyāgre nivedayet |
maṃtreṇānena vipeṃdra śṛṇuṣvaikāgramānasaḥ || 28 ||
[Analyze grammar]

tulasīsahito deva sadā śaṃkhena saṃyutam |
gṛhāṇārghaṃ mayā dattaṃ devadeva namostute || 29 ||
[Analyze grammar]

evaṃ saṃpūjya deveśaṃ lakṣmyā saha janārdanam |
prārthayeddevadeveśaṃ vratasaṃpūrtisiddhaye || 30 ||
[Analyze grammar]

upoṣito'haṃ deveśa kāmakrodhavivarjitaḥ |
vratenānena deveśa tvamevaśaraṇaṃ mama || 31 ||
[Analyze grammar]

gṛhīte'sminvrate deva yadapūrṇaṃ kṛtaṃ mayā |
sarvaṃ tadastu saṃpūrṇaṃ tvatprasādājjanārdana || 32 ||
[Analyze grammar]

namaḥ kamalapatrākṣa namaste jalaśāyine |
idaṃ vrataṃ mayācīrṇaṃ prasādāttava keśava || 33 ||
[Analyze grammar]

ajñānatimiradhvaṃsinvratenānena keśava |
prasādasumukho bhūtvā jñānadṛṣṭiprado bhava || 34 ||
[Analyze grammar]

tato jāgaraṇaṃ rātrau gītapustakavācanam |
nāda nṛtyakalābhijñaiḥ puṇyākhyānaiḥ subhobhanaiḥ || 35 ||
[Analyze grammar]

vibhātāyāṃ tu śarvaryāmudite vimale ravau |
nimaṃtrya brāhmaṇānbhaktyā śrāddhaṃ kuryācca vaiṣṇavam || 36 ||
[Analyze grammar]

bhojayitvā yathākāmaṃ pāyasena ghṛtena ca |
tāṃbūlapuṣpagaṃdhādi dakṣiṇābhiḥ samanvitam || 37 ||
[Analyze grammar]

upavītāni vāsāṃsi datvā mālāṃ ca caṃdanam |
dāṃpatyatritayaṃ bhojyaṃ vastrabhūṣaṇa kuṃkumaiḥ || 38 ||
[Analyze grammar]

vaṃśapātrāṇi śaktyā ca virūḍhaiḥ paripūrayet |
nālikeraiśca pakvānnairvastraiśca vividhaiḥ phalaiḥ || 39 ||
[Analyze grammar]

sapatnīkaṃ guruṃ tatra vastrāṇi paridhāpayet |
vibhūṣaṇāni divyāni gaṃdhamālyaiḥ prapūjayet || 40 ||
[Analyze grammar]

sarvopaskarasaṃyuktāṃ gāṃ dadyācca payasvinīm |
sadakṣiṇāṃ savastrāṃ ca tanme nigadataḥ śṛṇu || 41 ||
[Analyze grammar]

sarvatīrtheṣu yatpuṇyaṃ snātānāṃ jāyate nṛṇām |
tatphalaṃ sa labhetsarvaṃ devadevaprasādataḥ || 42 ||
[Analyze grammar]

bhuktvā ca vipulānbhogānsarvakāmānmanoramān |
vaiṣṇavaṃ padamāpnoti aṃte viṣṇoḥ prasādataḥ || 43 ||
[Analyze grammar]

iti śrīpādmemahāpurāṇe paṃcapaṃcāśatsahasrasaṃhitāyāṃ uttarakhaṇḍe umāpatināradasaṃvāde tulasītrirātravratavarṇanaṃnāma paṃcaviṃśo'dhyāyaḥ || 25 ||
[Analyze grammar]