Chapter 14

[English text for this chapter is available]

yudhiṣṭhira uvāca |
iti māyāmaheśena mohitā girijā yadā |
ataḥ kiṃ samabhūdbrahmantanmamākhyātumarhasi || 1 ||
[Analyze grammar]

nārada uvāca |
kṣīrābdhau tu śayānasya cukṣobha hṛdayaṃ hareḥ |
akasmādeva rājeṃdra nayane'śrupariplute || 2 ||
[Analyze grammar]

dṛṣṭvā tanmahadutpātalakṣaṇaṃ bhagavāṃstataḥ |
utthāya śeṣaparyaṃkānmāṃ ca vāyuṃ vilokya ca || 3 ||
[Analyze grammar]

kiṃ kāryamiti goviṃdastannāgārimathāsmarat |
sa cāgre smṛtimātreṇa tasthau baddhāṃjaliḥ prabho || 4 ||
[Analyze grammar]

vinatānaṃdanaṃ dṛṣṭvā purataḥ prāha keśavaḥ |
suparṇa tatra gaccha tvaṃ yatra yuddhaṃ pravartate || 5 ||
[Analyze grammar]

hato jālaṃdharo vīro haro vā tena mohitaḥ |
dṛṣṭvā taṃ śīghramāgatya kathayasva mamākhilam || 6 ||
[Analyze grammar]

jālaṃdhareśayoryuddhaṃ draṣṭuṃ śaktastvameva hi |
ko'nyo mahāhave tasminjñātvā yāti śarīravān || 7 ||
[Analyze grammar]

kadāciddurgamaṃ tatra yuddhaṃ śastrāstravṛṣṭibhiḥ |
atha tvaṃ bāṇasaṃcāraṃ gatvāpi hitavigrahaḥ || 8 ||
[Analyze grammar]

saṃdṛṣṭvā pārvatīvṛttiṃ śīghramāyātumarhasi |
daityamāyānirāsārthaṃ viciṃtya bhagavāṃstvaran || 9 ||
[Analyze grammar]

guṭikāṃ sarvasiddhāṃ ca garuḍāya dadau hariḥ |
anayā na bhramo vīra tathetyuktvā mukhekṣipat || 10 ||
[Analyze grammar]

evaṃ saṃpreritaḥ patrī hariṃ kṛtvā pradakṣiṇam |
niścakrāma khamāviśya jagāmādbhutavegavān || 11 ||
[Analyze grammar]

tatra gatvā raṇaṃ ghoraṃ daityasaṃghaiḥ sa duḥsaham |
dṛṣṭavānakhilenāsau na kiṃcijjñātavānkila || 12 ||
[Analyze grammar]

tasmādutpatya vegena gato'sau mānasottaram |
śailaṃ tuṃgataraṃ durgamagamyaṃ marutāmapi || 13 ||
[Analyze grammar]

vilokayanna dadṛśe gaurīsthānaṃ pataṃgarāṭ |
tatrāgatya bhujaṃgārirdhvaniṃ saṃśrutavānkila || 14 ||
[Analyze grammar]

gatvā samīpe dadṛśe māyāpaśupatiṃ tataḥ |
garuḍo guṭikāṃ kṣipya mukhena bhramamāpa saḥ || 15 ||
[Analyze grammar]

jñātvā buddhvātha daityo'yamiti nāyaṃ vṛṣadhvajaḥ |
hā kaṣṭamiti coktvā ca rudannāgatya cārṇavam || 16 ||
[Analyze grammar]

kathayāmāsa vṛttāṃtaṃ purataḥ kaiṭabhadviṣaḥ |
deva jālaṃdhareṇāyaṃ haro devo viḍaṃbitaḥ || 17 ||
[Analyze grammar]

umā pratāritā tena pāpena chadmarūpiṇā |
surastvaṃ yadi goviṃda samaraṃ pratiyāhyataḥ || 18 ||
[Analyze grammar]

māyāyuddhaṃ tu deveśa kuru jālaṃdharaṃ prati |
tasya rājñī mayā dṛṣṭā pīṭhe jālaṃdhare śubhe || 19 ||
[Analyze grammar]

prāsādabhūmyāṃ krīḍaṃtī vādyagītādivarttanaiḥ |
sā suṃdaratarā gauryā raṃbhorvaśyoḥ śatādapi || 20 ||
[Analyze grammar]

nedānīṃ mānuṣe loke na pātāleṣu tatsamā |
bhāryā tena samā veśyā nārīṇāṃ kā kathā hare || 21 ||
[Analyze grammar]

yastāṃ spṛśati dehena sakṛtārthaḥ pumānbhavet |
tava śyālakapatnī ca hara tvaṃ tāṃ rama priyām |
śaṃkarasyopakāraṃ ca kuru caivātmanaḥ sukham || 22 ||
[Analyze grammar]

nārada uvāca |
śrutvā tārkṣyasya vacanaṃ taṃ nirbhartsya ramāpriyaḥ |
samyagvyavasya copāyaṃ visasarja drutaṃ dvijam || 23 ||
[Analyze grammar]

śriyaṃpatāryya saṃchādya maṃcake pītavāsasā |
nirgato'nyena rūpeṇa yogi māyābalena ca || 24 ||
[Analyze grammar]

vṛṃdārikānurāgeṇa mohito madhusūdanaḥ |
dṛṣṭvā hariṃ tu gacchaṃtaṃ pratichannaṃ yudhiṣṭhira || 25 ||
[Analyze grammar]

śeṣopyanyatamenāsau rūpeṇāgatya keśavam |
jagāda bhaktyā tvaṃ tiṣṭha mamānujñātumarhasi || 26 ||
[Analyze grammar]

kiṃ karomi kva gacchāmi brūhi kāryaṃ janārdana |
sadā tava mukhaṃ dṛṣṭvā bhokṣyāmīti bhavetsukham || 27 ||
[Analyze grammar]

śrībhagavānuvāca |
jālaṃdharastriyaṃ ramyāṃ hariṣye harakāraṇāt |
pārvatyāścopakārāya saṃchādya svātmanastanum || 28 ||
[Analyze grammar]

ehi yāmo vayaṃ baṃdho kāṃtāraṃ duratikramam |
vṛṃdākarṣaṇasiddhyarthamityuktvā tau vanaṃ gatau || 29 ||
[Analyze grammar]

tato viṣṇuśca śeṣaśca jaṭāvalkaladhāriṇau |
āśramaṃ cakratuḥ puṇyaṃ sarvakāmaphalapradam || 30 ||
[Analyze grammar]

tayoḥ śiṣyāḥ praśiṣyāśca babhūvuḥ kāmarūpiṇaḥ |
siṃhavyāghravarāhāśca ṛkṣavānaramarkaṭāḥ || 31 ||
[Analyze grammar]

atha tasminvane vṛṃdāṃ maṃtreṇākarṣayaddhariḥ |
tasyā hṛdayasaṃtāpaṃ cakāra madhusūdanaḥ || 32 ||
[Analyze grammar]

etasminnaṃtare rājñī tāpamugramupāgatā |
cāmarāṃścālayāmāsa divyastrīkaracālitān || 33 ||
[Analyze grammar]

priyasyāgamanaṃ tanvīṃ ciṃtayaṃtī muhurmuhuḥ |
caṃdanāguruliptāṃgī mūrcchāṃ yāti hi satvaram || 34 ||
[Analyze grammar]

turyayāme vibhāvaryāścaturdaśyāṃ nṛpāṃganā |
svapnaṃ dadarśa bhayadaṃ vaidhavyabhayasūcakam || 35 ||
[Analyze grammar]

jālaṃdharaśiraḥ śuṣkaṃ marditaṃ pāṃḍubhasmanā |
gṛdhreṇa kṛṣṭanayanaṃ chinnakarṇāgranāsikam || 36 ||
[Analyze grammar]

muktakeśī karālāsyā kṛṣṇavarṇāruṇāṃbarā |
cakhāda kālī raktāsyā haste vidhṛtakharparā || 37 ||
[Analyze grammar]

īdṛśaṃ dadṛśe svapnaṃ tathātmānaṃ viḍaṃbitam |
daityakṣayaguṇopetaṃ sā dadarśa nṛpāṃganā || 38 ||
[Analyze grammar]

tataḥ prabuddhā'surarājapatnī gītena vādyena ca māgadhānām |
geyaprabaṃdhaiḥ stavanairva cobhirvaṃ śastavaiḥ kiṃpuruṣaprapāṭhitaiḥ || 39 ||
[Analyze grammar]

tatastānsakalānśrāṃtāndhanaṃ datvā prasādajam |
nivārya viprānāhūya svapnaṃ dṛṣṭaṃ nyavedayat |
taṃ svapnaṃ brāhmaṇāḥ śrutvā tāmūcuḥ śāstrapāragāḥ || 40 ||
[Analyze grammar]

dvijā ūcuḥ |
devi duḥsvapnamatyugramaciṃtyaṃ bhayadāyakam |
dehi dānaṃ dvijātibhyo hyaciṃtya bhayanāśakam || 41 ||
[Analyze grammar]

dhenurvāsāṃsi ratnāni gajāṃścābharaṇāni ca |
brāhmaṇāḥ parisaṃtuṣṭāḥ siṣicustāṃ nṛpastriyam || 42 ||
[Analyze grammar]

abhiṣiktāpi sā vṛṃdā jvareṇa paritapyate |
visṛjya viprapravarānprāsādamagamattadā || 43 ||
[Analyze grammar]

tatra sthitāpi svapuraṃ dadṛśe dīptamaṃgalā |
tataḥ svakarmaṇā rājannākṛṣṭā hariṇā tu sā || 44 ||
[Analyze grammar]

na śaśāka gṛhe sthātuṃ tato rājñī vanaṃ yayau |
rathamaśvatarīyuktaṃ smaradūtīsakhīvaham || 45 ||
[Analyze grammar]

samāruhya kṣaṇāttanvī prāptā saubhāgyakānanam |
nānāvṛkṣasamāyuktaṃ nānāpakṣigaṇānvitam || 46 ||
[Analyze grammar]

puṣpaprasravaṇopetaṃ svarganārīvibhūṣitam |
maṃdānilapraveśo'sti yatra nānyasya kasyacit || 47 ||
[Analyze grammar]

vanaṃ vṛṃdārikā dṛṣṭvā sasmāra patimātmanaḥ |
kathaṃ jālaṃdharaṃ vīraṃ drakṣyāmi prāptamagrataḥ || 48 ||
[Analyze grammar]

sā tatra na sukhaṃ lebhe viveśānyatamaṃ vanam |
sakhīrathasamāyuktā viṣṇumāyāvimohitā || 49 ||
[Analyze grammar]

tato vilokayāmāsa vipinaṃ tarusaṃkulam |
urupāṣāṇasaṃruddhaṃ kuraṃgākṣī bhayāvaham || 50 ||
[Analyze grammar]

siṃhavyāghrabhayākīrṇaṃśṛgālavyālasevitam |
drumaiḥ spṛśacchikhākāśairguhāsu dhvāṃtapūritam || 51 ||
[Analyze grammar]

vanaṃ vilokya sā bhīmaṃ cakitā capalekṣaṇā |
smaradūtīṃ sakhīṃ vṛṃdā jagāda rathavāhinīm |
rathaṃ preṣaya me śīghraṃ smaradūti gṛhaṃ prati || 52 ||
[Analyze grammar]

smaradūtiruvāca |
nāhaṃ jānāmi digbhāgaṃ na yāmi kva rathaṃ sakhi |
śrāṃtā aśvyaḥ pravartaṃte mārgaścātra na vidyate || 53 ||
[Analyze grammar]

prerito daivakenāpi syaṃdano yātu yatra ca |
atra kopi ca māṃsādo bhakṣayiṣyati nānyathā || 54 ||
[Analyze grammar]

ityuktā sā drutatarā rathaṃ śīghramavāhayat |
sa ratho vegataḥ prāpto yatra siddhā mudānvitāḥ || 55 ||
[Analyze grammar]

tatra siddhāśca dṛśyaṃte kānanaṃ ca bhayāvaham |
na yatra prabalo vāyurna śabdaḥ pakṣiṇāmapi || 56 ||
[Analyze grammar]

na ca tejaḥ prakāśo'sti na jalaṃ pradiśo diśaḥ |
tatra prāptarathasyāpi lakṣaṇe'bhūdviparyayaḥ || 57 ||
[Analyze grammar]

aśvataryo na heṣaṃte na ca śabdaśca nemijaḥ |
na calaṃti patākāstā ghaṃṭikā na kvaṇaṃti ca || 58 ||
[Analyze grammar]

na svanaṃti mahāghaṃṭā dhvajastaṃbhe niveśitāḥ |
vilokyaivaṃvidhaṃ prāha tatra vṛṃdā sakhīṃ prati || 59 ||
[Analyze grammar]

smaradūti kva yāsyāmo vyāghrasiṃhabhayaṃ vanam |
na gṛhe na sukhaṃ rājye mama jātaṃ vane sakhi || 60 ||
[Analyze grammar]

smaradūtiruvāca |
śṛṇuṣva devi paśya tvaṃ puraḥ śailo'tidāruṇaḥ |
dṛṣṭvāgrato na gacchaṃti turaṃgyo bhayavihvalāḥ || 61 ||
[Analyze grammar]

tasyāstadvacanaṃ śrutvā saṃtrastā sā nṛpāṃganā |
dṛṣṭvā hāraṃ svakaṃṭhasthaṃ syaṃdanācchīghramutthitā || 62 ||
[Analyze grammar]

etasminnaṃtare prāpto rākṣaso bhīṣaṇākṛtiḥ |
tripādaḥ paṃcahastaśca saptanetro'tidāruṇaḥ || 63 ||
[Analyze grammar]

piṃgalo vyāghrakarṇaśca siṃhaskaṃdhastathānanaḥ |
vihaṃgeśasamāḥ keśā laṃbaṃte rudhirāruṇāḥ || 64 ||
[Analyze grammar]

taṃ dṛṣṭvā padmakośāṃgī sahasā sabhayābhavat |
netre karābhyāmācchādya cakaṃpe kadalīva sā || 65 ||
[Analyze grammar]

pratihārī pratodaṃ tu tyaktvā rājñīmabhāṣata |
bhītāṃ māṃ trāhi devi tvamayaṃ dhāvati bhakṣitum || 66 ||
[Analyze grammar]

etasminnaṃtare prāpto rākṣaso rathasaṃnidhau |
rathamutkṣipya hastena bhrāmayaṃścāśvinīyutam || 67 ||
[Analyze grammar]

sā rājñī patitā bhūmau mṛgī vyāghrabhayādiva |
smaradūtī tarormūle chinnāśokalatā yathā || 68 ||
[Analyze grammar]

tatastāścāśvinīḥ sarvāḥ bhakṣayāmāsa rākṣasaḥ |
tena rājñī dhṛtā haste siṃhenaiṇavadhūriva || 69 ||
[Analyze grammar]

tāmuvāca tato rakṣaḥ prāṇaiste kāraṇaṃ yadi |
tava bhartā hataḥ saṃkhye hareṇeti śrutaṃ mayā || 70 ||
[Analyze grammar]

māmāsādyādya bhartāraṃ ciraṃjīvākutobhayā |
pibātha vāruṇīṃ svādvīṃ mahāmāṃsasamanvitām |
śṛṇvaṃtīti vaco rājñī gatasatvā ivābhavat || 71 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe jālaṃdharopākhyāne śrīmanmādhavamāyākathanaṃnāma caturdaśo'dhyāyaḥ || 14 ||
[Analyze grammar]