Chapter 15

[English text for this chapter is available]

nāradauvāca |
nārāyaṇastadā devo jaṭāvalkaladhāryatha |
dvitīyo'nucarastasya hyāyayau phalahastavān || 1 ||
[Analyze grammar]

tau dṛṣṭvā smaradūtī sā vilalāpa mṛgekṣaṇā |
tacchrutvā vacanaṃ tasyāḥ procatustāṃ ca tāvubhau || 2 ||
[Analyze grammar]

bhayaṃ mā gaccha kalyāṇi tvāmāvāṃ trātumāgatau |
vane ghore praviṣṭāsi kathaṃ duṣṭaniṣevite || 3 ||
[Analyze grammar]

evamāśvāsya tāṃ tanvīṃ rākṣasaṃ prāha mādhavaḥ |
muṃcemāmadhamācāra mṛdvaṃgīṃ cāruhāsinīm || 4 ||
[Analyze grammar]

rere mūrkha durācāra kiṃ kartuṃ tvaṃ vyavasthitaḥ |
sarvasvaṃ lokanetrāṇāmāhāraṃ kartumudyataḥ || 5 ||
[Analyze grammar]

bhava puṇyaprabhāveyaṃ haṃsyetāṃ maṃḍanaṃ bhuvaḥ |
adyalokaṃ nirālokaṃ kaṃdarpaṃ darpavarjitam || 6 ||
[Analyze grammar]

kariṣyasyadhunā tvaṃ ca hatvā vṛṃdārikāṃ vane |
tasmādimāṃ vimuṃcāśu sukhaprāsādadevatām || 7 ||
[Analyze grammar]

iti śrutvā harervākyaṃ rākṣasaḥ kupito'bravīt |
samarthastvaṃ yadi tadā mocayādyaiva matkarāt || 8 ||
[Analyze grammar]

ityuktamātre vacane mādhavena krudhekṣitaḥ |
papāta bhasmasādbhūtastyaktvā vṛṃdāṃ sudūrataḥ || 9 ||
[Analyze grammar]

athovāca pramugdhā sā māyayā jagadīśituḥ |
kastvaṃ kāruṇyajaladhiryenāhamiha rakṣitā || 10 ||
[Analyze grammar]

śārīraṃ mānasaṃ duḥkhaṃ satāpaṃ tapasāṃ nidhe |
tvayā madhurayā vācā hṛtaṃ rākṣasanāśanāt || 11 ||
[Analyze grammar]

tavāśrame tapaḥ saumya kariṣyāmi tapodhana || 12 ||
[Analyze grammar]

tāpasa uvāca |
bharadvājātmajaścāhaṃ devaśarmeti viśrutaḥ |
vihāya bhogānakhilānvanaṃ ghoramupāgataḥ || 13 ||
[Analyze grammar]

anena baṭunāsārdhaṃ mama śiṣyeṇa kāmagāḥ |
bahuśaḥ saṃti cānye'pi macchiṣyāḥ kāmarūpiṇaḥ || 14 ||
[Analyze grammar]

tvaṃ cenmamāśrame sthitvā cikīrṣasi tapaḥ śubhe |
ehi rājñyaparaṃ yāmo vanaṃ dūrasthitaṃ yataḥ || 15 ||
[Analyze grammar]

ityuktvā rājapatnīṃ tāṃ yayau prācīṃ diśaṃ hariḥ |
vanaṃ pretapiśācāḍhyaṃ maṃdagatyā narādhipa || 16 ||
[Analyze grammar]

vṛṃdārikāśrupūrṇākṣī tasya pṛṣṭhānugā yayau |
smaradūtī ca tatpṛṣṭhe māṃ pratīkṣeti vādinī || 17 ||
[Analyze grammar]

atrāṃtare durācāraḥ kopi pāpākṛtirvane |
jālaṃ prasārayāmāsa tadyadā jīvapūritam || 18 ||
[Analyze grammar]

tataḥ saṃkocayāmāsa tajjālaṃ pāpanāyakaḥ |
jālasthāṃstu tadā jīvānupāhṛtya mumoca ha || 19 ||
[Analyze grammar]

sa ca vyādhaḥ striyau dṛṣṭvā smaradūtī jagāda tām |
devi māmattumāyāti kare gṛhṇātu māṃ sakhī || 20 ||
[Analyze grammar]

vṛṃdā tayoktaṃ śrutvainaṃ vikṛtāsyaṃ vyalokayat |
vīkṣyataṃ bhayavātena nirdhūtā siṃdhujapriyā || 21 ||
[Analyze grammar]

dudrāva vikalaṃ śubhraṃ smaradūtyā samaṃ vane |
vidravaṃtī samaṃ sakhyā tāpasāśramamāgatā || 22 ||
[Analyze grammar]

sā tāpasavane tasmindadarśātyaṃtamadbhutam |
pakṣiṇaḥ kāṃcanīyāṃgānnānāśabdasamākulān || 23 ||
[Analyze grammar]

sāpaśyaddhemapadmāḍhyāṃ vāpīṃ tu svarṇabhūmikām |
kṣīraṃ vahaṃti saritaḥ sravaṃti madhu bhūruhaḥ || 24 ||
[Analyze grammar]

śarkarārāśayastatra modakānāṃ ca saṃcayāḥ |
bhakṣyāṇi svādusarvāṇi bahūnyābharaṇāni ca || 25 ||
[Analyze grammar]

bahuśastrāṇi divyāni nabhasaḥ saṃpataṃti ca |
krīḍaṃti harayastṛptā utpataṃti pataṃti ca || 26 ||
[Analyze grammar]

maṭheti suṃdaraṃ vṛṃdā taṃ dadarśa tapasvinam |
vyāghracarmāsanagataṃ bhāsayaṃtaṃ jagattrayam || 27 ||
[Analyze grammar]

tamuvāca vibho pāhi pāhi pāparddhikādatha |
tapasā kiṃ ca dharmeṇa maunena ca japena ca || 28 ||
[Analyze grammar]

bhītatrāṇātparaṃ nānyatpuṇyamasti tapodhana |
evamuktavatī bhītā sālasāṃgī tapasvinam || 29 ||
[Analyze grammar]

tāvatprāptaḥ saduṣṭātmā sarvajīvaprabaṃdhakaḥ |
vṛṃdādevī bhayatrastā harikaṃṭhe samāśliṣat || 30 ||
[Analyze grammar]

sukhasparśaṃ bhujābhyāṃ sā śokavallīva liṃgitā |
tavāliṃganabhāvena punareva bhaviṣyati || 31 ||
[Analyze grammar]

śiraḥ sarvāṃgasaṃpannaṃ tvadbharturadhikaṃ guṇaiḥ |
atha tvaṃ pramade gaccha patyarthe citraśālikām || 32 ||
[Analyze grammar]

sā citraśālāmityuktā viveśa muninā tadā |
divyaparyaṃkamārūḍhā gṛhya kāṃtasya tacchiraḥ || 33 ||
[Analyze grammar]

cakārādharapānaṃ sā mīlitākṣyatilolupā |
yāvattāvadabhūdrājanrūpaṃ jālaṃdharākṛti || 34 ||
[Analyze grammar]

tatkāṃtasadṛśākārastadvakṣastadvadunnatiḥ |
tadvākyastanmanobhāvastadāsījjagadīśvaraḥ || 35 ||
[Analyze grammar]

atha saṃpūrṇakāyaṃ taṃ priyaṃ vīkṣya jagāda sā |
tava kurve priyaṃ svāminbrūhi tvaṃ svaraṇaṃ ca me || 36 ||
[Analyze grammar]

vṛṃdāvacanamākarṇya prāha māyāsamudrajaḥ |
śṛṇu devi yathā yuddhaṃ vṛttaṃ śaṃbhormayā saha || 37 ||
[Analyze grammar]

priye rudreṇa raudreṇa chinnaṃ cakreṇa me śiraḥ |
tāvatvatsiddhiyogācca tvadgatena mamātmanā || 38 ||
[Analyze grammar]

chinnaṃ tadatra cānītaṃ jīvitaṃ teṃgasaṃgataḥ |
priye tvaṃ madviyogena bāle jātāsi duḥkhitā || 39 ||
[Analyze grammar]

kṣaṃtavyaṃ vipriyaṃ mahyaṃ yattvāṃ tyaktvā raṇaṃ gataḥ |
ityādi vacanaistena vṛṃdā saṃsmāritā tadā || 40 ||
[Analyze grammar]

tāṃbūlaiśca vinodaiśca vastrālaṃkaraṇaiḥ śubhaiḥ |
atha vṛṃdārikā devī sarvabhogasamanvitā || 41 ||
[Analyze grammar]

priyaṃ gāḍhaṃ samāliṃgya cucuṃba ratilolupā |
mokṣādapyadhikaṃ saukhyaṃ vṛṃdā mohanasaṃbhavam || 42 ||
[Analyze grammar]

mene nārāyaṇo devo lakṣmīpremarasādhikam |
vṛṃdāṃ viyogajaṃ duḥkhaṃ vinodayati mādhave || 43 ||
[Analyze grammar]

tatkrīḍācāruvilasadvāpikā rājahaṃsake |
tadrūpabhāvātkṛṣṇo'sau padmāyāṃ vigataspṛhaḥ || 44 ||
[Analyze grammar]

abhūdvṛṃdāvane tasmiṃstulasīrūpa dhāriṇī |
vṛṃdāṃgasvedato bhūmyāṃ prādurbhūtāti pāvanī || 45 ||
[Analyze grammar]

vṛṃdāṃga saṃgajaṃ cedamanubhūya suṃkhaṃ hariḥ |
dināni katicinmene śivakāryaṃ jagatpatiḥ || 46 ||
[Analyze grammar]

ekadā suratasyāṃte sā svakaṃṭhe tapasvinam |
vṛṃdā dadarśa saṃlagnaṃ dvibhujaṃ puruṣottamam || 47 ||
[Analyze grammar]

taṃ dṛṣṭvā prāha sā kaṃṭhādvimucya bhujabaṃdhanam |
kathaṃ tāpasarūpeṇa tvaṃ māṃ mohitumāgataḥ || 48 ||
[Analyze grammar]

niśamya vacanaṃ tasyāḥ sāṃtvayanprāha tāṃ hariḥ |
śṛṇu vṛṃdārike tvaṃ māṃ viddhi lakṣmīmanoharam || 49 ||
[Analyze grammar]

tava bhartā haraṃ jetuṃ gaurīmānayituṃ gataḥ |
ahaṃ śivaḥ śivaścāhaṃ pṛthaktve na vyavasthitau || 50 ||
[Analyze grammar]

jālaṃdharo hataḥ saṃkhye bhaja māmadhunānaghe |
nārada uvāca |
iti viṣṇorvacaḥ śrutvā viṣaṇṇavadanābhavat |
tato vṛṃdārikā rājankupitā pratyuvāca ha || 51 ||
[Analyze grammar]

raṇe baddho'si yena tvaṃ jīvanmuktaḥ piturgirā |
vividhaiḥ satkṛto ratnairyuktaṃ tasya hṛtā vadhūḥ || 52 ||
[Analyze grammar]

patirdharmasya yo nityaṃ paradārarataḥ katham |
īśvaro'pi kṛtaṃ bhuṃkte karmetyāhurmanīṣiṇaḥ || 53 ||
[Analyze grammar]

ahaṃ mohaṃ yathānītā tvayā māyā tapasvinā |
tathā tava vadhūṃ māyā tapasvīko'pi neṣyati || 54 ||
[Analyze grammar]

iti śaptastathā viṣṇurjagāmādṛśyatāṃ kṣaṇāt |
sā citraśālāparyaṃkaḥ sa ca te'thaplavaṃgamāḥ || 55 ||
[Analyze grammar]

naṣṭaṃ sarvaṃ harau yāte vanaṃ śūnyaṃ vilokya sā |
vṛṃdā prāha sakhīṃ prāpya jihmaṃ tadviṣṇunā kṛtam || 56 ||
[Analyze grammar]

tyaktaṃ puraṃ gataṃ rājyaṃ kāṃtaḥ saṃdehatāṃ gataḥ |
ahaṃ vane viditvaitatkva yāmi vidhinirmitā || 57 ||
[Analyze grammar]

manorathānāṃ viṣayamabhūnme priyadarśanam |
prāha niḥśvasya caivoṣṇaṃ rājñī vṛṃdātiduḥkhitā || 58 ||
[Analyze grammar]

mama prāptaṃ hi maraṇaṃ tvayā hi smaradūtike |
ityuktā sā tayā prāha mama tvaṃ prāṇarūpiṇī || 59 ||
[Analyze grammar]

tasyāstathoktamākarṇya itikarttavyatāṃ tataḥ |
vane niścitya sā vṛṃdā gatvā tatra mahatsaraḥ || 60 ||
[Analyze grammar]

vihāya duḥkhamakarodgātrakṣālanamaṃbunā |
tīre padmāsanaṃ baddhvā kṛtvā nirviṣayaṃ manaḥ || 61 ||
[Analyze grammar]

śoṣayāmāsa dehaṃ svaṃ viṣṇusaṃgena dūṣitam |
tapaścacārasātyugraṃ nirāhārā sakhīsamam || 62 ||
[Analyze grammar]

gaṃdharvalokato vṛṃdāmathāgatyāpsarogaṇaḥ |
prāha yāhīti kalyāṇi svargaṃ mā tyaja vigraham || 63 ||
[Analyze grammar]

gāṃdharvaṃ śastrametattribhuvanavijayaṃ śrīpatistoṣamagryaṃ |
nīto yeneha vṛṃde tyajasi kathamidaṃ tadvapuḥ prāptakāmam |
kāṃtaṃ te viddhi śūlipravaraśarahataṃ puṇyalābhasya bhūṣāsvargasya tvaṃ |
bhavādya drutamamaravanaṃ caṃḍibhadre bhaja tvam || 64 ||
[Analyze grammar]

śrutvā śāstraṃ vadhūnāṃ jaladhijadayitā vākyamāha prahasya |
svargādāhṛtya muktātridaśapati vadhūścātivīreṇa patyā |
ādau pātraṃ sukhānāmahamamarajitā preyasā tadviyuktānirduṣṭā tadya |
tiṣye priyamamṛtagataṃ prāpnuyāṃ yena caiva || 65 ||
[Analyze grammar]

ityuktvā sasakhī vṛṃdā visasarjāpsarogaṇān |
tatprītipāśabaddhāstā nityamāyāṃti yāṃti ca || 66 ||
[Analyze grammar]

yogābhyāsena vṛṃdātha dagdhvā jñānāgninā guṇān |
viṣayebhyaḥ samāhṛtya manaḥ prāpa tataḥ param || 67 ||
[Analyze grammar]

dṛṣṭvā vṛṃdārikāṃ tatra mahāṃtaścāpsarogaṇāḥ |
tuṣṭuvurnabhasastuṣṭā vavṛṣuḥ puṣpavṛṣṭibhiḥ || 68 ||
[Analyze grammar]

śuṣkakāṣṭhacayaṃ kṛtvā tatra vṛṃdākalevaram |
nidhāyāgniṃ ca prajvālya smaradūtī viveśa tam || 69 ||
[Analyze grammar]

dagdhaṃ vṛṃdāṃgarajasāṃ biṃbaṃ tadgolakātmakam |
kṛtvā tadbhasmanaḥ śeṣaṃ maṃdākinyāṃ vicikṣipuḥ || 70 ||
[Analyze grammar]

yatra vṛṃdā parityajya dehaṃ brahmapathaṃ gatā |
āsīdvṛṃdāvanaṃ tatra govarddhanasamīpataḥ || 71 ||
[Analyze grammar]

devyo'tha svargametya tridaśapativadhūsattvasaṃpattimāhurdevībhyastanniśamya pramuditamanaso nirjarādyāśca sarve |
śatrordaityasya hitvā prabalatarabhayaṃ bhīmabheryo nijaghnuḥ śrutvā tatrāsanasthaḥ |
parijananivahovāpaśobhāṃ śubhasya || 72 ||
[Analyze grammar]

iti śrīpādme mahāpurāṇe uttarakhaṃḍe paṃcapaṃcāśatasahasrasaṃhitāyāṃ jālaṃdharopākhyāne vṛṃdāyā brahmapadaprāptirnāma paṃcadaśo'dhyāyaḥ || 15 ||
[Analyze grammar]