Chapter 13

[English text for this chapter is available]

nārada uvāca |
tato jālaṃdharaḥ śrutvā daityakolāhalaṃ raṇe |
ājagāma rathārūḍho yatra devaḥ sadāśivaḥ || 1 ||
[Analyze grammar]

sārathiṃ khaḍgaromāṇaṃ kopātsatvaramabravīt |
saṃpreṣaya rathaṃ śīghraṃ sahasrahayayojitam || 2 ||
[Analyze grammar]

hanmi taṃ tāpasaṃ śauryājjaṭābhasmāsthibhūṣitam |
vṛṣārūḍhasya kā śaktiḥ paṃgoryuddhe mayā saha || 3 ||
[Analyze grammar]

nārada uvāca |
ityuktvā khaḍgaromāṇamābhāṣya ca tathoddhataḥ |
gṛhītvā kārmukaṃ ghoraṃ rathenādhāvata drutam || 4 ||
[Analyze grammar]

taṃ rurodha tadāyāṃtaṃ vīrabhadraḥ śitaiḥ śaraiḥ |
nirucchvāsīkṛtenāpi sa kāyena śarairvṛtaḥ || 5 ||
[Analyze grammar]

devairyadyapi tulyo'bhūdbhūteśasya parigrahaḥ |
tathāpi kiṃ kapālāni tulāṃ yāṃti kalānidheḥ || 6 ||
[Analyze grammar]

vivyādha maṇibhadro'pi śaraiḥ sāgaranaṃdanam |
pāśena maṇibhadraṃ tu hatvovāceśvaraṃ vacaḥ || 7 ||
[Analyze grammar]

ehi yoddhuṃ mahādeva śastrābhyāso'sti te yadi |
tvaṃ māṃ prahara na tvāhamādau hanmi jaṭādharam || 8 ||
[Analyze grammar]

iti bruvaṃtaṃ taṃ garvādvīrabhadro'tha sāyakaiḥ |
pūrayāmāsa saṃkruddho yathā padmaṃ raviḥ karaiḥ || 9 ||
[Analyze grammar]

maṇibhadro'tha gadayā sainyaṃ tasya samāhanat |
rathopari rathaṃ vīra turagaṃ turagopari || 10 ||
[Analyze grammar]

gajopari gajaṃ hatvā pātayāmāsa bhūtale |
raktapaṃkāruṇā bhūmiḥ saṃjātā durgamā kṣaṇāt || 11 ||
[Analyze grammar]

śailācca gaṇamukhyāśca dānavāñjaghnurāhave |
pataṃti dānavāḥ śūrā gataprāṇā mahītale || 12 ||
[Analyze grammar]

ruṃḍadordaṃḍamuṃḍaiśca karipṛṣṭhakarorubhiḥ |
pataṃti dānavāḥ śūrā pūritā vasudhā nṛpa || 13 ||
[Analyze grammar]

nārada uvāca |
evaṃvidhaṃ raṇe dṛṣṭvā haramatyaṃtadurjayam |
bhuvane ca tathānyāni dṛṣṭavāṃllakṣaṇāni saḥ || 14 ||
[Analyze grammar]

tejo'nyadevanakṣatra śaśāṃka sakalādiṣu |
uddhāṭitajagatkośamanyadevaravermahaḥ || 15 ||
[Analyze grammar]

bhagnaḥ punaściṃtitavāṃstato jālaṃdharo nṛpa |
na dṛṣṭā sā mayā gaurī yāṃ māmāhāti nāradaḥ || 16 ||
[Analyze grammar]

sāṃprataṃ śāśvate sthāne kathaṃ drakṣyāmyumāṃ sthitām |
tāṃ hi draṣṭuṃ vrajāmyādau paścādyotsyāmi śaṃbhunā || 17 ||
[Analyze grammar]

ciṃtayitveti manasā daityaṃ prāhārṇavātmajaḥ |
śuṃbhaṃ caṃḍajaye vīra mama tulyaparākrama || 18 ||
[Analyze grammar]

dhṛtvā matsadṛśaṃ rūpaṃ saṃgrāmaṃ kartumarhasi |
tava yuddhasya bhāro'yaṃ śibirasya balasya ca || 19 ||
[Analyze grammar]

ahaṃ yāsyāmi tāṃ draṣṭuṃ gaurīṃ maccittahāriṇīm |
ityuktvātha dadau tasmai svāṃgāduttārya maṃḍanam || 20 ||
[Analyze grammar]

varmaśastrādikaṃ datvā rathaṃ sārathisaṃyutam |
durvāraṇena sahitaḥ sainyaṃ muktvodadheḥ sutaḥ || 21 ||
[Analyze grammar]

alakṣitastato gatvā guhāṃ guptāṃ tu pārthiva |
mānasottaraśailasya hararūpaṃ dadhāra saḥ || 22 ||
[Analyze grammar]

dhṛtvā durvāraṇe rūpaṃ naṃdinaḥ sadṛśaṃ tathā |
athāruruhatuḥ śailaṃ chadmaśaṃkaranaṃdinau || 23 ||
[Analyze grammar]

yatrāsti śikhare gaurī sakhibhiḥ sahitā nṛpa |
tamāyāṃtaṃ śarairbhinnaṃ skaṃdhamālambya naṃdinaḥ || 24 ||
[Analyze grammar]

raktāktamaṃbaraṃ dṛṣṭvā bhavānī vismitābhavat |
sakhyastasyā jayādyāstāḥ jagmustaṃ saṃbhramānvitāḥ || 25 ||
[Analyze grammar]

śaṃkarasyāṃtikaṃ gatvā papracchustaṃ suduḥkhitāḥ |
kiṃ jātaṃ tava deveśa kena tvaṃ saṃgare jitaḥ || 26 ||
[Analyze grammar]

saśalyastvaṃ kathaṃ nātha saṃsārīva prarodiṣi |
ityuktaḥ pradadau tābhyo bhūṣaṇāni pṛthakpṛthak || 27 ||
[Analyze grammar]

uttārya śanakairaṃgāt vāsukiprabhṛtīni ca |
gaṇeśaskaṃdaśirasīcchinne kukṣau vilokya ca || 28 ||
[Analyze grammar]

hā skaṃda hā gaṇeśeti hā rudretyaṃbikārudat |
tasyāḥ sakhyastataḥ sarvā ruruduḥ śokakarśitāḥ || 29 ||
[Analyze grammar]

atrābravījjayāṃ naṃdī tvamenaṃ paripālaya |
maṇibhadro vīrabhadraḥ puṣpadaṃtaśca vīryavān || 30 ||
[Analyze grammar]

daṃbhano dhūmatimiraḥ kūṣmāṃḍādyā raṇe hatāḥ |
caṃḍī bhṛṃgī kirīṭiśca mahākālaśca śṛṃkhalī || 31 ||
[Analyze grammar]

caṃḍīśo guptanetraśca kālādyāśca hatā raṇe |
vināyakasya skaṃdasya śirasī bhramatā mayā || 32 ||
[Analyze grammar]

dṛṣṭe mahāraṇe devi ityuktvātha purokṣipat |
tacchrutvā naṃdino vākyaṃ śirasī gṛhya putrayoḥ || 33 ||
[Analyze grammar]

pārvatī vilalāpoccaiḥ putraputreti jalpatī |
tārakāre kathaṃ yuddhe hatastvaṃ siṃdhusūnunā || 34 ||
[Analyze grammar]

tvaṃ hi trivāsaro devaiḥ senāpatyo'bhiṣecitaḥ |
tadā tvayā kathaṃ vīra tārakākhyo nipātitaḥ || 35 ||
[Analyze grammar]

nīlakaṃṭhena kiṃ tyakto yatastvaṃ patito bhuvi |
snuṣāmukhaṃ na dṛṣṭaṃ ca mayā putrāvabhāgyayā || 36 ||
[Analyze grammar]

na bhogā vatsa te bhuktā saṃsārasyāpi yebhavan |
tāta heraṃba vighneśa laṃbodara gajānana || 37 ||
[Analyze grammar]

raṇāṃgaṇe kena putra siddhaiḥ pūjyo nipātitaḥ |
vāhano'sau kuto vatsa mūṣakaḥ kena hiṃsitaḥ || 38 ||
[Analyze grammar]

evaṃ vilapatī gaurī śivaṃ prāha suduḥkhitam |
sākṣādrudro'si deveśa harastvaṃ mā bhayaṃ kuru || 39 ||
[Analyze grammar]

vṛṣabhaḥ kva gato deva hato jālaṃdhareṇa vai |
śarajarjaradehasya kiṃ karomi priyaṃ tava || 40 ||
[Analyze grammar]

tataḥ śrutvā vaco devyā niśvasyovāca śaṃkaraḥ |
dīrghaṃ vinihatau putrau vṛthā śocasi kiṃ priye || 41 ||
[Analyze grammar]

adhunā teṃgasaṃgena devi māṃ trātumarhasi |
śaṃkarasya vacaḥ śrutvā'samayocitamāturam |
pratyuvācāṃbikā devaṃ babhāṣe nocitaṃ vacaḥ || 42 ||
[Analyze grammar]

mahāviṣāde patite bhaye ca kṛte samādhau vamane mahājvare |
śrāddhe prayāṇe guruvṛddhasannidhau ratiṃ budhāḥ śaṃkara varjayaṃti || 43 ||
[Analyze grammar]

kathaṃ māṃ duḥkhaduḥkhārtāṃ putraśokena pīḍitām |
mlānāṃ bāṣpaparimlānāṃ saṃprārthayasi cāturām || 44 ||
[Analyze grammar]

bhavānyā iti vākyāni śrutvā māyāmaheśvaraḥ |
uvāca svārthamuddiśya gauryārūpeṇa mohitaḥ || 45 ||
[Analyze grammar]

puruṣasyārtiyuktasya na yacchaṃti ratiṃ striyaḥ |
tathaiva raurave ghore patiṣyaṃti na saṃśayaḥ || 46 ||
[Analyze grammar]

gaṇaśūnyaḥ putraśūnyo dhīśūnyo'haṃ varānane |
sāṃprataṃ gṛhya śūnyo'haṃ sarvaśūnyo'smi bhāmini || 47 ||
[Analyze grammar]

sujīvitaṃ vihīno'haṃ tvāṃ praṣṭumiha cāgataḥ |
svaṃ gṛhaṃ tu praviśyāśu tyajāmi prakṛtiṃ svakām || 48 ||
[Analyze grammar]

uttiṣṭha naṃdinsaṃyāvastīrthe bhava puraḥsaraḥ |
tvaṃ yāhi svecchayā kāṃte prakṛtiṃ svāṃ parityaja || 49 ||
[Analyze grammar]

iti māyāmaheśasya vacaḥ śrutvāṃbikā tataḥ |
dīrghaṃ dadhyo mahāśvāsaṃ śokena ca jaḍīkṛtā || 50 ||
[Analyze grammar]

tasyaivaṃ parame kṣobhe kiṃcinnovāca sā kṣaṇam |
yayā saṃmohitaṃ sarvaṃ jagatsthāvarajaṃgamam |
saiva saṃmohitā tena na jāne duḥkhamātmanaḥ || 51 ||
[Analyze grammar]

iti śrīpādme mahāpurāṇe paṃcapaṃcāśatasahasrasaṃhitāyāṃ uttarakhaṇḍe yudhiṣṭhiranāradasamvāde jālaṃdharamāyāmaheśāgamanaṃnāma trayodaśo'dhyāyaḥ || 13 ||
[Analyze grammar]