Chapter 8

[English text for this chapter is available]

yudhiṣṭhira uvāca |
devānviklāvya samare viṣṇuṃ sthāpyātmamaṃdire |
jālaṃdhareṇābdhijena yatkṛtaṃ brūhi nārada || 1 ||
[Analyze grammar]

nārada uvāca |
śuṃbhādīnāṃ tu vīrāṇāṃ dattvā dānaṃ prasādajam |
jālaṃdharo jagāmātha svargaṃ prāpyāvalokayat || 2 ||
[Analyze grammar]

hiraṇyavarṣeṇa janānbhūṣayaṃtaṃ dinedine |
phalaṃti taravo'jasraṃ vājimedhakratoḥ phalam || 3 ||
[Analyze grammar]

gajavastrasuvarṇāni dhenu kanyā tilāni ca |
puṣpakarpūratāṃbūla kastūrī kuṃkumāni ca || 4 ||
[Analyze grammar]

ye yacchaṃti mahātmānaste paśyaṃtyamarāvatīm |
varṣāsu gṛhadānena śiśire'gnipradānataḥ || 5 ||
[Analyze grammar]

vāditrāṇi ca sarvāṇi vādayaṃti śivālaye |
prapāṃ kurvaṃti ye caitre dadhyodanasamanvitām || 6 ||
[Analyze grammar]

yatra hiṃdolaparyaṃkaṃ svayamāṃdolayaṃti ca |
sārikāśukahaṃsāśca bhramadbhramarakokilāḥ || 7 ||
[Analyze grammar]

kurvaṃto dūtakāryāṇi yacchaṃte priyasaṃgamam |
raṃbhā yatra pure rāma menakā ca tilottamā || 8 ||
[Analyze grammar]

suṣamā suṃdarī yatra ghṛtācī puṃjikasthalī |
sukeśī sumukhī rāmā maṃjughoṣā ca mālinī || 9 ||
[Analyze grammar]

mṛgodbhavā ca sukhadā dhanadaṃṣṭrā tilaprabhā |
vājimedhaphalagrāhā rājasūyaphalaṃti yāḥ || 10 ||
[Analyze grammar]

koṭiśo yatra niḥṣpāpāḥ krīḍaṃtyapsaraso nṛpa |
evaṃ bhūrisukhe svarge sthāpayāmāsa siṃdhujaḥ || 11 ||
[Analyze grammar]

śuṃbhaṃ prāṇasamaṃ daityaṃ niśuṃbhaṃ yuvarājake |
svayaṃ jālaṃdhare pīṭhe svargādāgatya siṃdhurāṭ |
varṣārbudadvayaṃ rājyaṃ cakārātmabalena ca || 12 ||
[Analyze grammar]

yudhiṣṭhira uvāca |
yuyudhe'sura saṃgrāme sasurairaparājitaḥ || 13 ||
[Analyze grammar]

tataḥ kimakarodrājā siṃdhusūnuḥ pratāpavān |
tanmamācakṣva devarṣe śrotukāmasya vistarāt || 14 ||
[Analyze grammar]

nārada uvāca |
śṛṇu rājanyathātathyaṃ kṛtasāgarasūnunā |
sa devānsamare jitvā rājyaṃ cakre hyakaṃṭakam || 15 ||
[Analyze grammar]

gaṃdharvāścitrasenādyāḥ sevaṃte cāsureśvaram |
yajñabhāgāṃśca yo bhuṃkte sarveṣāmasureśvaraḥ || 16 ||
[Analyze grammar]

kṣīrasāgarato devairhṛtaṃ ratnādikaṃ ca yat |
tatsarvaṃ ca tathānyacca nirjitya hṛtavānbalī || 17 ||
[Analyze grammar]

samudratanaye rājyaṃ bhuvo rājanpraśāsati |
na kaścinmriyate martyo narakaṃ ko'pi na vrajet || 18 ||
[Analyze grammar]

na kalipraṇayādanyo na bhogādaparaḥ kṣayaḥ |
na vaṃdhyā durbhagā nārī nālaṃkārairvivarjitā || 19 ||
[Analyze grammar]

kurūpā durgatā duṣṭā'yaśasyā na ca dṛśyate |
na tatra vidhavā nārī na kaścinnirddhano janaḥ || 20 ||
[Analyze grammar]

dātāraḥ saṃti sarvatra na pratigrāhiṇaḥ kvacit |
puṇyā janāḥ prayacchaṃti dvijebhyo hyātmano dhanam || 21 ||
[Analyze grammar]

rūpayauvanaśālinyaḥ sīmaṃtinyo gṛhe gṛhe |
gokṣīraṃ dadhisarpiśca yatra nirjaraso janāḥ || 22 ||
[Analyze grammar]

maṃgalaṃ tatra sarveṣāṃ na kvacidvadhabaṃdhanam |
śareṇa na ca hiṃsāsti na kaścitkena bādhyate || 23 ||
[Analyze grammar]

ṛṇaṃ na dṛśyate rājandhaninaḥ saṃti sarvataḥ |
saṃtuṣṭāḥ sarvasasyāḍhyāḥ prajāḥ sarvatrapārthiva || 24 ||
[Analyze grammar]

kelīkṣudaṃḍaprabhavaśca dugdharaso'ti susvādutaro gṛhe nṛṇām |
śuśrāva nārīnarayorhitaṃ vaco na cāpahartādhvani gacchatāṃ sadā || 25 ||
[Analyze grammar]

pataṃtyakhaṃḍā nabhaso yatastato dhārāśca karmāravimiśrasarpiṣaḥ |
saṃmiśritāḥ śarkarayā pariśrutāḥ samudrasūnoḥ smaraṇānmukhe nṛṇām || 26 ||
[Analyze grammar]

iti śrīpādme mahāpurāṇe uttarakhaṃḍe paṃcapaṃcāśatsahasra |
saṃhitāyāṃ yudhiṣṭhiranāradasamvāde jālaṃdharasaurājyavarṇanaṃnāmāṣṭamo'dhyāyaḥ || 8 ||
[Analyze grammar]