Chapter 7

[English text for this chapter is available]

nārada uvāca |
tato jālaṃdharaḥ kruddhaḥ prāha taṃ daityasūdanam |
kapaṭena balaṃ hatvā kva yāsyasi balādhama || 1 ||
[Analyze grammar]

ityuktvā taṃ śatamakhaṃ siṃdhusūnuḥ pratāpavān |
sasūtāśvadhvajarathaṃ chādayāmāsa mārgaṇaiḥ || 2 ||
[Analyze grammar]

papāta mūrcchitaḥ śakro rathopari śaraiḥ kṣataḥ |
dṛṣṭvā taṃ patitaṃ śakraṃ jagarjārṇavanaṃdanaḥ || 3 ||
[Analyze grammar]

mūrcchāṃ tyaktvā mumoceṃdro vajraṃ jālaṃdharaṃ prati |
tadādridalanaṃ haste gṛhītvā siṃdhusaṃbhavaḥ || 4 ||
[Analyze grammar]

vajraṃ kakṣāpuṭe dhṛtvā rathāduttīrya satvaram |
abhyadhāvata daityeṃdro deveṃdraṃ dhartumāhave || 5 ||
[Analyze grammar]

tato dudrāva maghavā rathaṃ tyaktvā hariṃ smaran |
rathamiṃdrasya madavānāruhyārṇavanaṃdanaḥ || 6 ||
[Analyze grammar]

yaṃtāraṃ mātaliṃ kṛtvā yayau prāptamanorathaḥ |
rathamiṃdrasya tarasā yatra yatra yayau bale || 7 ||
[Analyze grammar]

jālaṃdharo mahābāhuḥ svayaṃ cāṃbudharo yathā |
tataḥ sa kopātpuruṣottamaḥ svayaṃ khaḍgaṃ samudyamya ca naṃdakaṃ raṇe || 8 ||
[Analyze grammar]

saṃprerayitvā garuḍaṃ manojavaṃ jaghāna kopena ca daityavāhinīm |
rathānhayānkuṃjarapattisaṃghānsa pātayāmāsa balātsahasraśaḥ || 9 ||
[Analyze grammar]

janārdanaḥ kaśyapasūnusaṃvṛtaścakāra saṃkhye caritaṃ bhayāvaham |
keśāsthimajjārudhiraughavāhinīṃ piśācavetālavihaṃgasevitām || 10 ||
[Analyze grammar]

karorujaṃghāyudhaśastrapūritāṃ sudustarāṃ vyāghragajeṃdra sevitām |
raktāṃtrahārāṃgadabhūṣitāṃtāṃ vighūrṇanetrotsavakāṃtivāsasam || 11 ||
[Analyze grammar]

viṣṇunā nihataṃ sainyaṃ dṛṣṭvā dānavapuṃgavāḥ |
jālaṃdharājñayā sarve rurudhuḥ parito harim || 12 ||
[Analyze grammar]

daityāste tatra bāṇaughānvarṣamāṇā yathāṃbudāḥ |
yathādvirephāḥ kamalaṃ parvataṃ jaladā iva || 13 ||
[Analyze grammar]

cūtaṃ yathā pakṣigaṇā gaganaṃ dhūpasaṃcayaḥ |
na dṛśyo'bhūttadā viṣṇurna tārkṣyo raṇasaṃkaṭe || 14 ||
[Analyze grammar]

sarve te rathamārūḍhā sarvaśastrairmahāsurāḥ |
vaikuṃṭhādhipatiṃ jaghnurgarjaṃto bhīmanisvanaiḥ || 15 ||
[Analyze grammar]

tānsarvānbhīmarūpeṇa daityāriḥ kupitastadā |
raṇe nipātayāmāsa vāyuḥ parṇacayaṃ yathā || 16 ||
[Analyze grammar]

śailaromā tato viṣṇuṃ daityaḥ kopādadhāvata |
harerapi śarāstasya śarīre śīrṇatāṃ gatāḥ || 17 ||
[Analyze grammar]

śailaromā ca daityāri śarīraṃ cāhanaccharaiḥ |
hariḥ khaḍgaṃ vinirdhūya śirastasya jahāra ha || 18 ||
[Analyze grammar]

chinne śirasi daityasya kabaṃdho vikramanraṇe |
śailaromā bhujābhyāṃ ca tārkṣyaṃ jagrāha pakṣayoḥ || 19 ||
[Analyze grammar]

śiraścotpatya tarasā vilagnaṃ skaṃdhayordṛḍham |
tatastatrāsyayuddhena hṛṣīkeśo'pi vismitaḥ || 20 ||
[Analyze grammar]

śiraḥ saṃlagnamālokya garuḍo nyapatadbhuvi |
punaścotpatya vegena śiraḥsthānaṃ samāśrayat || 21 ||
[Analyze grammar]

śailaromā tato viṣṇuṃ jahāra garuḍādbalī |
harirjaghne talenāśu gatāyuścāpatadbhuvi || 22 ||
[Analyze grammar]

tato jālaṃdharaḥ sūtaṃ khaḍgaromāṇamabravīt |
saṃpreṣaya rathaṃ tatra yatra devo janārdanaḥ || 23 ||
[Analyze grammar]

jālaṃdharasya vacanātkhaṅgaromānayadratham |
dṛṣṭvā taṃ purato viṣṇumuvācārṇavanaṃdanaḥ || 24 ||
[Analyze grammar]

niḥśaṃkaṃ jahi māṃ viṣṇo nāhaṃ tvā hanmi mādhava |
tasya tadvacanaṃ śrutvā krodhasaṃraktalocanaḥ || 25 ||
[Analyze grammar]

nārāyaṇaḥ prāṇaharaiḥ śarairenamapūrayat |
viṣṇunā ca vibhinnāṃgo'rṇavasūnuḥ pratāpavān || 26 ||
[Analyze grammar]

hariṃ saṃpūrayāmāsa mārgaṇaughairniraṃtaram |
nārāyaṇaḥ prāṇaharaiḥ śarairenamapūrayat || 27 ||
[Analyze grammar]

garuḍaṃ patitaṃ dṛṣṭvāsiṃdhusūnoḥ śarairbhuvi |
rathaṃ saṃsmārayāmāsa vaikuṃṭhasthaṃ janārdanaḥ || 28 ||
[Analyze grammar]

sarathastasya saṃprāptaḥ sūtahīno hayairvṛtaḥ |
aśvairyutaṃ rathaṃ dṛṣṭvā vismito bhagavānraṇe || 29 ||
[Analyze grammar]

saṃbodhayitvā garuḍaṃ sārathye samayojayat |
sa dhṛtvā mukuṭaṃ mūrdhni kaustubhaṃ hṛdaye maṇim || 30 ||
[Analyze grammar]

puruṣārthānhayānkṛtvā yayau jālaṃdharaṃ hariḥ |
medinīṃ rathacakreṇa dārayaṃśca suraiḥ saha || 31 ||
[Analyze grammar]

jaghāna tarasā bāṇairdānavānāṃ ca vāhinīm |
devarājena saṃdiṣṭo vītihotro raṇāṃgaṇe || 32 ||
[Analyze grammar]

dadāha dānavānīkaṃ samīraṇasamanvitam |
tadāha taṃ bhagavatā daityasainyaṃ suraiḥ saha || 33 ||
[Analyze grammar]

jālaṃdharaḥ svalpaśeṣaṃ dadhyau dṛṣṭvā balaṃ svakam |
athāha bhārgavaṃ rājā matsainyaṃ nihataṃ suraiḥ || 34 ||
[Analyze grammar]

tvayi tiṣṭhati maṃtrajñe vikhyāto vidyayā bhavān |
kiṃ tayā vidyayā brahmankṣatreṇātha balena ca || 35 ||
[Analyze grammar]

yā na rakṣati rogārtānyadbalaṃ śaraṇāgatān |
jālaṃdharavacaḥ śrutvā bhārgavastamabhāṣata || 36 ||
[Analyze grammar]

paśya rājanmama balaṃ brāhmaṇasya raṇāṃgaṇe |
ityuktvā vāriṇā spṛṣṭā huṃkāreṇa prabodhitāḥ || 37 ||
[Analyze grammar]

utthāpitāste kavinā śaraughaiḥ prāṇahārakaiḥ |
devāhatā raṇe petuḥ samaṃtātsiṃdhusūnunā || 38 ||
[Analyze grammar]

bāṇairjarjaradehāste dhṛtaprāṇā narādhipa |
na mṛtāstvamaratvācca bāṇairbhinnāśca sattama || 39 ||
[Analyze grammar]

tato nārāyaṇo devo bṛhaspatimabhāṣata |
dhigbalaṃ daivataguro yo na jīvayase surān || 40 ||
[Analyze grammar]

dhiṣaṇastu jagannāthamuvāca tvaritaṃ tadā |
oṣadhībhirahaṃ svāminjīvayiṣyāmi nirjarān || 41 ||
[Analyze grammar]

ityuktvā dhiṣaṇaḥ so'pi yayau kṣīrārṇavasthitam |
droṇamadriṃ tadā gatvā sukhaṃ gṛhyauṣadhīḥ svayam || 42 ||
[Analyze grammar]

gurustāsāṃ ca yogena jīvayāmāsa nirjarān |
utthitāste tato devā jaghnurdānavavāhinīm || 43 ||
[Analyze grammar]

devānsamutthitāndṛṣṭvā babhāṣe siṃdhujaḥ kavim |
vinā tvadvidyayā kāvya kathamete samutthitāḥ || 44 ||
[Analyze grammar]

iti daityoktamākarṇya śukraḥ prāhārṇavātmajam |
kṣīrasāgaramadhyastho droṇonāma mahāgiriḥ || 45 ||
[Analyze grammar]

auṣadhyastatra tiṣṭhaṃti jīvayaṃti ca yā mṛtān |
tatra gatvā surācāryo gṛhītvoṣadhisaṃcayam || 46 ||
[Analyze grammar]

raṇe vinihatāndevānutthāpayati maṃtrataḥ |
bhārgavoktamathākarṇya sainyabhāraṃ mahābalaḥ || 47 ||
[Analyze grammar]

śuṃbhe nikṣipya tarasā yayau jālaṃdharo'rṇavam |
atha praviṣṭaḥ kṣīrābdhau veśmadivyaṃ mahāprabham || 48 ||
[Analyze grammar]

praviśya tatra kṣīrābdheḥ krīḍāsthānaṃ dadarśa saḥ |
noṣṇo na śītalo vāyurna tamo yatra dṛśyate || 49 ||
[Analyze grammar]

yatra gāyaṃti nṛtyaṃti krīḍaṃti ca varastriyaḥ |
supīnastanabhārāḍhyāḥ kṛśodaryaḥ sudaṃtikāḥ || 50 ||
[Analyze grammar]

netravibhramavikṣepairnitaṃbaparivarttanaiḥ |
aṃgaiḥ saṃmohanai ramyairbāhuvallīvicālanaiḥ || 51 ||
[Analyze grammar]

pādavinyāsaraṇi tairmadhurairvacanastavaiḥ |
saugaṃdhyasaukhyadairvāsairnetrabhramarahuṃkṛtaiḥ || 52 ||
[Analyze grammar]

cāmarāṃdolalīlābhiḥ sragbhiḥ smitavilokitaiḥ |
sevāṃ cakrurvilāsinyastatra sutaḥ || 53 ||
[Analyze grammar]

krīḍaṃtaṃ tatra dugdhābdhiṃ saṃvīkṣya samarotsukaḥ |
athāha praṇipatyāsau kṣīrābdhiṃ tāta haṃsi mām |
droṇācalauṣadhīrvyājādaṃbubhiḥ plāvayasvataḥ || 54 ||
[Analyze grammar]

kṣīrasāgara uvāca |
taṃ prāptaṃ śaraṇaṃ putra plāvayāmyūrmibhiḥ katham |
munīṃdrāstaṃ na śaṃsaṃti yastyajeccharaṇāgatam || 55 ||
[Analyze grammar]

pitṛvyavacanaṃ śrutvā saṃkrodhātsaṃtataṃ girim |
talapraharaṇenaiva tāḍayāmāsa daityarāṭ || 56 ||
[Analyze grammar]

tato droṇagirī rājanbhīto jālaṃdharādbhṛśam |
athājagāma rūpeṇa prāha jālaṃdharaṃ prati || 57 ||
[Analyze grammar]

tavāhamabhavaṃ dāso rakṣa māṃ śaraṇāgatam |
rasātalaṃ mahābāho yāsyāmi tava śāsanāt || 58 ||
[Analyze grammar]

yāvattvaṃ kuruṣe rājyaṃ tāvatsthāsyāmyahaṃ prabho |
oṣadhīnāṃ virāveṇa siddhānāṃ rodanena ca || 59 ||
[Analyze grammar]

rasātalaṃ jagāmādriḥ siṃdhusūnoḥ prapaśyataḥ |
tato jālaṃdharo vīra ājagāma mahāraṇam || 60 ||
[Analyze grammar]

pūrvakalpitamāruhya rathasthaṃ keśavaṃ yayau |
rathasthaṃ mādhavaṃ dṛṣṭvā jahāsoccairnadīsutaḥ || 61 ||
[Analyze grammar]

tāvattvaṃ tiṣṭha śakaṭe yāvaddhanyāmarīnaham |
evamuktvā jaghānāśu śaraistāṃ devavāhinīm || 62 ||
[Analyze grammar]

bāṇairvidāritā devāstrāhītyūcurbṛhaspatim |
tato bṛhaspatiḥ śīghramagamatkṣīrasāgaram || 63 ||
[Analyze grammar]

adṛṣṭvā taṃ tato droṇamabhūccintāparo nṛpa |
athāgatya raṇaṃ tūrṇamamarānprāha gīṣpatiḥ || 64 ||
[Analyze grammar]

palāyadhvaṃ surāḥ sarve droṇādriḥ kṣayamāgataḥ |
evamuktavatastasya gurościccheda siṃdhujaḥ || 65 ||
[Analyze grammar]

yajñopavītaṃ keśāṃśca bāṇaistīkṣṇairhasansurān |
tato dudrāva vegena guruḥ prāṇabhayārditaḥ || 66 ||
[Analyze grammar]

devāḥ sarve raṇaṃ hitvā palāyāṃcakrire nṛpa |
evaṃ vidrāvya devānvai janārddanamadhāvata || 67 ||
[Analyze grammar]

hṛṣīkeśo'pi daityeśamanvadhāvadraṇotsukaḥ |
tato yuddhamabhūddhoraṃ viṣṇorjālaṃdharasya ca || 68 ||
[Analyze grammar]

durddharṣaṇo bāṇajālaiḥ plāvayāmāsa keśavam |
tānbāṇānkhaṃḍaśaḥ kṛtvā pūrayitvā śarairmahān || 69 ||
[Analyze grammar]

vāsudevosuraṃ bāṇairjālaṃdharamapīḍayat |
jālaṃdharo rathaṃ tyaktvā śarapīḍitavigrahaḥ || 70 ||
[Analyze grammar]

viṣṇuṃ vijetuṃ dudrāva saṃyatisthamatha drutam |
tamāyāṃtaṃ raṇe dṛṣṭvā harirvivyādha sāyakaiḥ || 71 ||
[Analyze grammar]

bāṇānaṃgesahadviṣṇoḥ prāpto'sau rathasaṃnidhau |
hastenaikena garuḍaṃ dvitīyena rathaṃ hareḥ || 72 ||
[Analyze grammar]

bhrāmayitvāṃbare śaśvatśvetadvīpe nyapātayat |
jālaṃdharakarakṣipto garuḍo'pi papāta ha || 73 ||
[Analyze grammar]

krauṃcadvīpe sa tatraiva viśrāmamakarocciram |
acyutaḥ pracyutastasmādbhramato rathamaṃḍalāt || 74 ||
[Analyze grammar]

raṇamāgatya daityeśaṃ tiṣṭhatiṣṭhetyabhāṣata |
dṛṣṭvā tamāgataṃ bhūyaḥ keśavaṃ samarapriyaḥ || 75 ||
[Analyze grammar]

pūrayanmārgaṇairbhūmiṃ jagarjārṇavanaṃdanaḥ || 76 ||
[Analyze grammar]

vivyādha daityaṃ harirāśu śaktyā hṛdi sphuraṃtyā sa tataḥ papāta |
sūto na yattaṃ samarānnivāsaṃ taṃ prāha re kena kṛtosmyalajjaḥ || 77 ||
[Analyze grammar]

daityāri jālaṃdharayormahattadā babhūva yuddhaṃ dharaṇītalasthayoḥ |
premṇā śriyastaṃ na jaghāna dānavaṃ svayaṃ haristasya śaraiḥ papāta || 78 ||
[Analyze grammar]

tato nirīkṣya goviṃdaṃ patitaṃ dharaṇītale |
pragṛhyārṇavajo daitya āruroha nijaṃ ratham |
tatastamiṃdirā prāptā rudaṃtī viṣṇuvallabhā || 79 ||
[Analyze grammar]

saṃsthitā kamalā tatra patiṃ kamalalocanam |
patitaṃ tu patiṃ vīkṣya lakṣmīḥ prāhārṇavātmajam || 80 ||
[Analyze grammar]

śṛṇuṣva vacanaṃ bhrātarjito viṣṇurdhṛtastvayā |
bhaginyā na ca vaidhavyaṃ dātuṃ yuktaṃ mahābala || 81 ||
[Analyze grammar]

śrutvā tu vacanaṃ tasyā mumoca jagataḥ patim |
jālaṃdharo mahābāhuḥ svasre bhaktyā nanāma ca || 82 ||
[Analyze grammar]

vavaṃde caraṇau viṣṇoḥ svasuḥ snehāttadāṃjasā |
viṣṇurjālaṃdharaṃ prāha tuṣṭo'smi tava karmaṇā |
varaṃ varaya daityeśa kiṃ prayacchāmi te varam || 83 ||
[Analyze grammar]

jālaṃdhara uvāca |
yadi tvaṃ mama tuṣṭo'si śauryeṇānena keśava |
sthātavyaṃ matpituḥ sthāne tvayā kamalayā saha || 84 ||
[Analyze grammar]

tathetyuktvā ca saṃsmṛtya garuḍaṃ dharaṇīdharaḥ |
āruhya ca jagannāthaḥ kṣīrābdhiṃ priyayā saha || 85 ||
[Analyze grammar]

tadāprabhṛti kṛṣṇasya vāsaḥ śvaśuramaṃdire |
abdhau vasati deveśo lakṣmyāḥ priyacikīrṣayā || 86 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitā |
yāmuttarakhaṃḍe yudhiṣṭhiranāradasaṃvāde saptamo'dhyāyaḥ || 7 ||
[Analyze grammar]