Chapter 37

[English text for this chapter is available]

śeṣa uvāca |
te pṛṣṭā munivaryeṇa rāmacāritramadbhutam |
dhanyaṃ sabhāgyaṃ manvānāḥ procurātmānamādarāt || 1 ||
[Analyze grammar]

janā ūcuḥ |
pavitritā vayaṃ sarve darśanena tavādhunā |
yadrāmakathayāsmānvai pāvayasyadhunā janān || 2 ||
[Analyze grammar]

śṛṇuṣva vacanaṃ tathyaṃ bhavānbrahmarṣisattamaḥ |
tvayā pṛṣṭaṃ yadasmabhyaṃ sarvaṃ tatkathayāma vai || 3 ||
[Analyze grammar]

agastyavākyācchrīrāmo viprahatyāpanuttaye |
yāgaṃ karoti sumahānsarvasaṃbhārasaṃbhṛtam || 4 ||
[Analyze grammar]

taṃ pālayānāḥ sarve vai tvadāśramamupāgatāḥ |
aśvena sahitā vipra tajjānīhi mahāmate || 5 ||
[Analyze grammar]

iti vākyaṃ samākarṇya manohāri rasāyanam |
atyaṃtaṃ harṣamāpede brāhmaṇo rāmabhaktimān || 6 ||
[Analyze grammar]

adya me phalito vṛkṣo manorathaśriyānvitaḥ |
adya me jananī dhanyā jātaṃ māṃ suṣuve tu yā || 7 ||
[Analyze grammar]

adya rājyaṃ mayā prāptaṃ kaṃṭakena vivarjitam |
adya kośāḥ susaṃpannā adya devāḥ sutoṣitāḥ || 8 ||
[Analyze grammar]

agnihotraphalaṃ tvadya prāptaṃ me haviṣā hutam |
yaddrakṣye rāmacaṃdrasya caraṇāṃbhoruhoryugam || 9 ||
[Analyze grammar]

yo nityaṃ dhyāyate svāṃte ayodhyāyāḥ patiḥ prabhuḥ |
sa me dṛggocaro nūnaṃ bhaviṣyati manoharaḥ || 10 ||
[Analyze grammar]

hanūmānmāṃ samāliṃgya prakṣyate kuśalaṃ mama |
bhaktiṃ me mahatīṃ dṛṣṭvā toṣaṃ prāpsyati sattamaḥ || 11 ||
[Analyze grammar]

iti vākyaṃ samākarṇya hanūmānkapisattamaḥ |
jagrāha pādayugalaṃ munerāraṇyakasya hi || 12 ||
[Analyze grammar]

svāminhanūmānviprarṣe sevako'haṃ puraḥsthitaḥ |
jānīhi rāmadāsasya reṇukalpaṃ munīśvara || 13 ||
[Analyze grammar]

ityuktavati tasminvai muniḥ paramaharṣitaḥ |
āliliṃga hanūmaṃtaṃ rāmabhaktyā suśobhitam || 14 ||
[Analyze grammar]

ubhau premavinirbhinnāvubhāvapi sudhāplutau |
sthagitau citralikhitāviva tatra babhūvatuḥ || 15 ||
[Analyze grammar]

upaviṣṭau kathāstatra cakratuḥ sumanoharāḥ |
raghunāthapadāṃbhojaprītinirbharamānasau || 16 ||
[Analyze grammar]

hanūmāṃstamuvācedaṃ vaco vividhaśobhanam |
āraṇyakaṃ munivaraṃ rāmāṃghridhyānanirbhṛtam || 17 ||
[Analyze grammar]

svāminnayaṃ daśarathakulahīrāṃkuro mahān |
rāmabhrātā mahāśūraḥ śatrughnaḥ praṇamatyasau || 18 ||
[Analyze grammar]

lavaṇo yena nihataḥ sarvalokabhayaṃkaraḥ |
kṛtāśca sukhinaḥ sarve munayaḥ sutapodhanāḥ || 19 ||
[Analyze grammar]

eṣa puṣkalanāmā tvāṃ namatyudbhaṭasevitaḥ |
yenādhunā mahāvīrā jitāḥ samaramaṃḍale || 20 ||
[Analyze grammar]

jānīhyenaṃ bahuguṇaṃ rāmāmātyaṃ mahābalam |
prāṇapriyaṃ raghupateḥ sarvajñaṃ dharmakovidam || 21 ||
[Analyze grammar]

subāhurayamatyugro vairivaṃśadavānalaḥ |
rāmapādābjarolaṃbo namati tvāṃ mahāyaśāḥ || 22 ||
[Analyze grammar]

sumado'pyeṣa pārvatyā dattarāmāṃghrisevayā |
prāpto'dhunāsau saṃsāravārdhinistaraṇaṃ mahat || 23 ||
[Analyze grammar]

satyavānayamaśvaṃ yaḥ prāptamāśrutya sevakāt |
rājyaṃ nivedayāmāsa sa tvāṃ praṇamati kṣitau || 24 ||
[Analyze grammar]

iti vākyaṃ samākarṇya samāliṃgya samādarāt |
cakārāraṇyaka ṛṣiḥ svāgataṃ phalakādinā || 25 ||
[Analyze grammar]

te hṛṣṭāstatra vasatiṃ cakrurmunivarāśrame |
prātarnityakriyāṃ kṛtvā revāyāṃ te mahodyamāḥ || 26 ||
[Analyze grammar]

narayānamathāropya sevakaiḥ sahitaṃ munim |
śatrughnaḥ prāpayāmāsāyodhyāṃ rāmakṛtālayām || 27 ||
[Analyze grammar]

sa dūrānnagarīṃ dṛṣṭvā sūryavaṃśanṛpoṣitām |
padātirabhavadvegādraghunāthadidṛkṣayā || 28 ||
[Analyze grammar]

saṃprāpya nagarīṃ ramyāmayodhyāṃ janaśobhitām |
manorathasahasreṇa saṃrūḍho rāmadarśane || 29 ||
[Analyze grammar]

dadarśa tatra sarayūtīre maṃḍapaśobhite |
rāmaṃ dūrvādalaśyāmaṃ kaṃjakāṃtivilocanam || 30 ||
[Analyze grammar]

mṛgaśṛṃgaṃ kaṭau ramyaṃ dhārayaṃtaṃ śriyānvitam |
ṛṣivṛṃdairvyāsamukhyairvṛtaṃ śūraiḥ susevitam || 31 ||
[Analyze grammar]

bharatena sumitrāyāstanūjena parīvṛtam |
dadataṃ dīnasaṃdhebhyo dānāni prārthitāni tam || 32 ||
[Analyze grammar]

vilokyāraṇyakākhyo'sau kṛtārtha ityamanyata |
mallocane padmadalasamāne rāmalokake || 33 ||
[Analyze grammar]

adya me sarvaśāstrasya jñātṛtvaṃ bahusārthakam |
yena śrīrāmamājñāya prāpto'yodhyāpurīmimām || 34 ||
[Analyze grammar]

ityevamādivacanāni bahūni hṛṣṭo |
rāmāṃghridarśanasuharṣita gātraśobhī |
prāyādrameśvarasamīpamagamyamanyai |
ryogeśvarairapi vicāraparaiḥ sudūram || 35 ||
[Analyze grammar]

dhanyo'hamadya rāmasya caraṇāvakṣigocarau |
kariṣyāmi vaco ramyaṃ vadanrāmamavekṣayan || 36 ||
[Analyze grammar]

rāmo'pi vāḍavaśreṣṭhaṃ jvalaṃtaṃ svena tejasā |
tapomūrtidharaṃ vīkṣya pratyutthānamathākarot || 37 ||
[Analyze grammar]

rāmacaṃdrastasya pādau suciraṃ natavānmahān |
brahmaṇyadevapāvitryaṃ kṛtamadyatanormama || 38 ||
[Analyze grammar]

iti vākyaṃ vadaṃstasya pādayoḥ patitaḥ prabhuḥ |
surāsuranamanmaulimaṇinīrājitāṃghrikaḥ || 39 ||
[Analyze grammar]

praṇataṃ taṃ nṛpaśreṣṭhaṃ vāḍaveṃdro mahātapāḥ |
gṛhītvā bhujayormadhyamāliliṃga priyaṃ prabhum || 40 ||
[Analyze grammar]

kausalyātanayastaṃ vā uccairmaṇimayāsane |
saṃsthāpya ca padoryugmaṃ jalenākṣālayatprabhuḥ || 41 ||
[Analyze grammar]

pādāvanejanodaṃ tu mastake'dhāddhariḥ svayam |
pavitrito'dya sagaṇaḥ sakuṭuṃba iti bruvan || 42 ||
[Analyze grammar]

caṃdanena vilipyātha gāṃ ca prādātpayasvinīm |
uvāca ca vaco ramyaṃ devadeveṃdra sevitaḥ || 43 ||
[Analyze grammar]

svāminmakho mayā vājimedhasaṃjñaḥ kriyeta ha |
soyaṃ tvaccaraṇā yātādadyapūrṇo bhaviṣyati || 44 ||
[Analyze grammar]

adya me brahmahatyottha pāpahāniṃ kariṣyati |
aśvamedhaḥ kraturyuṣmaccaraṇena pavitritaḥ || 45 ||
[Analyze grammar]

iti vākyaṃ bruvāṇaṃ taṃ rājarājeṃdrasevitam |
āraṇyaka uvācedaṃ hasanmādhvyā girā muniḥ || 46 ||
[Analyze grammar]

svāmiṃstava tu yuktaṃ hi vaco brahmaṇyabhūmipa |
tvanmūrtayo mahārāja brāhmaṇā vedapāragāḥ || 47 ||
[Analyze grammar]

tvaṃ yadā brahmapūjādi śubhaṃ karma kariṣyasi |
tato'khilā nṛpā vipraṃ pūjayiṣyaṃti bhūmipa || 48 ||
[Analyze grammar]

tvayoktaṃ yanmahārāja viprahatyāpanuttaye |
yāgaṃ karomi vimalaṃ tattu hāsyakaraṃ vacaḥ || 49 ||
[Analyze grammar]

tvannāmasmaraṇānmūḍhaḥ sarvaśāstravivarjitaḥ |
sarvapāpābdhimuttīrya sa gacchetparamaṃ padam || 50 ||
[Analyze grammar]

sarvavedetihāsānāṃ sārārtho'yamiti sphuṭam |
yadrāmanāmasmaraṇaṃ kriyate pāpatārakam || 51 ||
[Analyze grammar]

tāvadgarjaṃti pāpāni brahmahatyāsamāni ca |
na yāvatprocyate nāma rāmacaṃdra tava sphuṭam || 52 ||
[Analyze grammar]

tvannāmagarjanaṃ śrutvā mahāpātakakuṃjarāḥ |
palāyaṃte mahārāja kutracitsthānalipsayā || 53 ||
[Analyze grammar]

tasmāttava kathaṃ hatyā mahāpuṇyadadarśana |
rāma tvatsukathāṃ śrutvā pūtaḥ sadyo bhaviṣyati || 54 ||
[Analyze grammar]

mayā pūrvaṃ kṛtayuge gaṃgāyāstīravāsinām |
ṛṣīṇāṃ mukhato vākyaṃ śrutametatpurāvidām || 55 ||
[Analyze grammar]

tāvatpāpabhiyaḥ puṃsāṃ kātarāṇāṃ supāpinām |
yāvanna vadate vācā rāmanāmamanoharam || 56 ||
[Analyze grammar]

tasmāddhanyo'hamadhunā mama saṃsṛtināśanam |
sāṃprataṃ sulabhaṃ rāmacaṃdra tvaddarśanādabhūt || 57 ||
[Analyze grammar]

ityuktavaṃtaṃ sa muniṃ pūjayāmāsa tatra vai |
sarve munijanāḥ sādhu sādhu vākyamiti bruvan || 58 ||
[Analyze grammar]

śeṣa uvāca |
atyāścaryamabhūttatra tanme nigadataḥ śṛṇu |
vātsyāyanamuniśreṣṭha rāmabhaktiparāyaṇa || 59 ||
[Analyze grammar]

rāmaṃ dṛṣṭvā mahārājaṃ yādṛśaṃ dhyānagocaram |
atyaṃtaṃ harṣamāpanno jagāda sa munīśvarān || 60 ||
[Analyze grammar]

munīśvarāḥ saṃśṛṇuta madvākyaṃ sumanoharam |
mādṛśaḥ ko na bhūloke bhaviṣyati subhāgyavān || 61 ||
[Analyze grammar]

nāsti matsadṛśaḥ kopi na jāto na bhaviṣyati |
yadrāmabhadro māṃ natvā svāgataṃ paripṛṣṭavān || 62 ||
[Analyze grammar]

yatpādapaṃkajarajaḥ śrutimṛgyaṃ sadaiva hi |
so'dya matpādayoḥ pāthaḥ pītvā pūtamamanyata || 63 ||
[Analyze grammar]

evaṃ pravadatastasya brahmasphoṭo'bhavattadā |
nirgataṃ tadbhavaṃ tejo viveśa raghunāyake || 64 ||
[Analyze grammar]

paśyatāṃ sarvalokānāṃ sarayūtīramaṃḍape |
sāyujyamuktiṃ saṃprāpa durllabhāṃ yogibhirjanaiḥ || 65 ||
[Analyze grammar]

divi tūryaninādo'bhūdvīṇānādo'bhavattadā |
puṣpavṛṣṭiḥ papātāgre paśyatāṃ citramadbhutam || 66 ||
[Analyze grammar]

munayo'pyetadīkṣitvā praśaṃsaṃto munīśvaram |
kṛtārthoyaṃ muniśreṣṭho yadrāmavapuṣīkṣitaḥ || 67 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe āraṇya |
kamunerviṣṇulokagamanaṃnāma saptatriṃśattamo'dhyāyaḥ || 37 ||
[Analyze grammar]