Chapter 38

[English text for this chapter is available]

sūta uvāca |
etadākhyānakaṃ śrutvā vātsyāyana udāradhīḥ |
paramaṃ harṣamāpede jagāda ca phaṇīśvaram || 1 ||
[Analyze grammar]

vātsyāyana uvāca |
kathāṃ saṃśṛṇvate mahyaṃ tṛptirnāsti phaṇīśvara |
raghunāthasya bhaktārtihārikīrtikarasya vai || 2 ||
[Analyze grammar]

dhanya āraṇyako nāma munirvedadharaḥ paraḥ |
raghunāthaṃ samālokya dehaṃ tatyāja naśvaram || 3 ||
[Analyze grammar]

tato rājño hayaḥ kutra gataḥ kena niyaṃtritaḥ |
kathaṃ tatra ramānātha kīrtirjātā phaṇīśvara || 4 ||
[Analyze grammar]

sarvaṃ kathaya me tathyaṃ sarvajño'sti yato bhavān |
dharādharavapurdhārī sākṣāttasya svarūpadhṛk || 5 ||
[Analyze grammar]

vyāsa uvāca |
iti vākyaṃ samākarṇya prahṛṣṭenāṃtarātmanā |
uvāca rāmacāritraṃ tattadguṇakathodayam || 6 ||
[Analyze grammar]

śeṣa uvāca |
sādhu pṛcchasi viprarṣe raghunāthaguṇānmuhuḥ |
śrutā na śrutavatkṛtvā teṣu lolupatāṃ dadhat || 7 ||
[Analyze grammar]

tato niragamadvāhaḥ sainikairbahubhivṛtaḥ |
revātīre manojñe tu munivṛṃdaniṣevite || 8 ||
[Analyze grammar]

senācarāstataḥ sarve yatra vāhastatastataḥ |
prasarpaṃti nirīkṣaṃtastanmārgaṃ raṇakovidāḥ || 9 ||
[Analyze grammar]

vājī gato'tha revāyā hrade'gādhajalānvite |
bhāle svarṇabhavaṃ patraṃ dhārayanpūjitāṃgakaḥ || 10 ||
[Analyze grammar]

tato jale mamajjāsau rāmacaṃdra hayo varaḥ |
tadā sarve mahāśūrāstatra vismayamāgatāḥ || 11 ||
[Analyze grammar]

taiḥ parasparamevoce kathaṃ hayasamāgamaḥ |
ko'tra gaṃtā jale vāhamānetuṃ taṃ mahodayam || 12 ||
[Analyze grammar]

iti yāvatsamudvignā maṃtrayaṃte parasparam |
tāvadvīraśataiḥ sārdhamājagāma raghoḥ patiḥ || 13 ||
[Analyze grammar]

tānsarvānvimanaskānsa dṛṣṭvā śatrughnasaṃjñitaḥ |
papraccha meghagaṃbhīravācā vīraśiromaṇiḥ || 14 ||
[Analyze grammar]

kiṃ sthitaṃ nikhilairadya yuṣmābhiḥ saṃghaśo jale |
kutrāśvo raghunāthasya svarṇapatreṇa śobhitaḥ || 15 ||
[Analyze grammar]

jale kiṃ vinimagno'sau hṛto vā kena māninā |
tanme kathayata kṣipraṃ kathaṃ yūyaṃ vimohitāḥ || 16 ||
[Analyze grammar]

śeṣa uvāca |
iti vākyaṃ samākarṇya rājño raghuvarasya hi |
kathayāmāsuste sarvaṃ vīrāḥ śūraśiromaṇim || 17 ||
[Analyze grammar]

janā ūcuḥ |
svāminvayaṃ na jānīmo muhūrtamabhavajjale |
nimamajja tato nāyāddhayastava manoharaḥ || 18 ||
[Analyze grammar]

tvameva tatra gatvemaṃ vāhamānaya vegataḥ |
asmābhistatra gaṃtavyaṃ tvayā sārddhaṃ mahāmate || 19 ||
[Analyze grammar]

iti śrutvā vacasteṣāṃ sainikānāṃ raghūdvahaḥ |
khedaṃ prāpa janānpaśyañjalasaṃtaraṇodyatān || 20 ||
[Analyze grammar]

uvāca maṃtrimukhyaṃ sa kiṃ kartavyamataḥ param |
kathaṃ vāhasya saṃprāptirbhaviṣyati vadasva tat || 21 ||
[Analyze grammar]

ke tatra śūrāḥ saṃyojyā jale'nveṣayituṃ hayam |
ko vā nayiṣyate vāhaṃ kenopāyena tadvada || 22 ||
[Analyze grammar]

iti rājñovacaḥ śrutvā sumatirmaṃtrisattamaḥ |
uvāca samaye yogyaṃ śatrughnaṃ harṣayanniva || 23 ||
[Analyze grammar]

svāminnasti tava śrīmañchaktiradbhutakarmaṇaḥ |
pātālagamane śaktirjalamadhyādiha sphuṭam || 24 ||
[Analyze grammar]

anyacca puṣkalasyāpi śaktirasti mahātmanaḥ |
hanūmato'pi rāmasya pādasevāparasya ca || 25 ||
[Analyze grammar]

tasmādyūyaṃ trayo gatvā hayamānayata dhruvam |
yato bhavedvāhamedho raghunāthasya dhīmataḥ || 26 ||
[Analyze grammar]

śeṣa uvāca |
iti vākyaṃ samāśrutya śatrughnaḥ paravīrahā |
svayaṃ viveśa toyāṃtarhanumatpuṣkalānvitaḥ || 27 ||
[Analyze grammar]

yāvajjalaṃ viveśāsau tāvatpuramadṛśyata |
anekodyānaśobhāḍhyamameyaṃ puṭabhedanam || 28 ||
[Analyze grammar]

tatra māṇikyaracite staṃbhe svarṇamaye hayam |
baddhaṃ dadarśa rāmasya svarṇapatrasuśobhitam || 29 ||
[Analyze grammar]

striyastatra manohāri rūpadhāriṇya uttamāḥ |
sevaṃte suṃdarīmekāṃ paryaṃke sukhamāsthitām || 30 ||
[Analyze grammar]

tāndṛṣṭvā tāḥ striyaḥ sarvāḥ prāvocansvāminīṃ prati |
ete'lpavarṣmavayaso māṃsapuṣṭakalevarāḥ || 31 ||
[Analyze grammar]

bhaviṣyaṃti tava śreṣṭhamāhārasya phalaṃ mahat |
eteṣāṃ śoṇitaṃ svādu puruṣāṇāṃ gatāyuṣām || 32 ||
[Analyze grammar]

etadvacaḥ samākarṇya sevakīnāṃ varāṃganā |
jahāsa kiṃcidvadanaṃ nartayaṃtī bhruvānaghā || 33 ||
[Analyze grammar]

tāvattrayaste saṃprāptāḥ sannāhaśrī viśobhitāḥ |
śirastrāṇāni dadhataḥ śauryavīryasamanvitāḥ || 34 ||
[Analyze grammar]

tā dṛṣṭvā mahilāstatra sauṃdaryaśrīsamanvitāḥ |
procuste vismayaṃ vipra kimidaṃ dṛśyate mahat || 35 ||
[Analyze grammar]

namaścakrurmahātmānaḥ sarve devavarāṃganāḥ |
kirīṭamaṇividyotadyotitāṃghriyugāstataḥ || 36 ||
[Analyze grammar]

sā tānpapraccha puruṣānsarvaśreṣṭhā tu bhāminī |
ke yūyamatra saṃprāptāḥ kathaṃ cāpadharā narāḥ || 37 ||
[Analyze grammar]

matsthalaṃ sarvadevānāmagamyaṃ mohanaṃ mahat |
atra prāptasya tu kvāpi nivṛttirna bhavatyuta || 38 ||
[Analyze grammar]

aśvo'yaṃ kasya rājño vai kathaṃ cāmaravījitaḥ |
svarṇapatreṇa śobhāḍhyaḥ kathayaṃtu mamāgrataḥ || 39 ||
[Analyze grammar]

śeṣa uvāca |
iti tasyā vacaḥ śrutvā mohanācārasaṃyutam |
hanūmāṃstāṃ pratyuvāca gatabhīḥ prahasanniva || 40 ||
[Analyze grammar]

vayaṃ vai kiṃkarā rājñastrailokyasya śikhāmaṇeḥ |
trilokīyaṃ praṇamate sarvadevaśiromaṇim || 41 ||
[Analyze grammar]

rāmabhadrasya jānīhi hayamedhapravartituḥ |
pramuṃca vāhamasmākaṃ kathaṃ baddho varāṅgane || 42 ||
[Analyze grammar]

vayaṃ sarvāstrakuśalāḥ sarvaśastrāstrakovidāḥ |
nayiṣyāmo balādvāhaṃ hatvā tatpratirodhakān || 43 ||
[Analyze grammar]

iti vākyaṃ samākarṇya plavaṅgasya varāṅganā |
vivarasthā pratyuvāca hasaṃtī vākyakovidā || 44 ||
[Analyze grammar]

mayānītamimaṃ vāhaṃ na komocayituṃ kṣamaḥ |
varṣāyutena niśitairbāṇakoṭibhirucchikhaiḥ || 45 ||
[Analyze grammar]

paraṃ rāmasya pādābjasaivakī karmakāriṇī |
na grahīṣyāmi tadvāhaṃ rājarājasya dhīmataḥ || 46 ||
[Analyze grammar]

mahāna vinayo jāto mama netryāḥ suvājinaḥ |
kṣamatādrāmacaṃdrastaccharaṇyo bhaktavatsalaḥ || 47 ||
[Analyze grammar]

yūyaṃ kliṣṭāstatpuruṣā hayārthaṃ tasya rakṣituḥ |
yācadhvaṃ varamaprāpyaṃ devānāmapi sattamāḥ || 48 ||
[Analyze grammar]

yathā memīvamatyugraṃ kṣameta puruṣottamaḥ |
vrīḍāṃ tyaktvākhilāṃ yūyaṃ vṛṇudhvaṃ varamuttamam || 49 ||
[Analyze grammar]

tasyā vacaḥ paraṃ śrutvā hanūmānni jagāda tām |
raghunāthaprasādena sarvamasmākamūrjitam || 50 ||
[Analyze grammar]

tathāpi yāce varamekamuttamaṃ |
vidhehi tanme manasaḥ samīhitam |
bhave bhave no raghunāyakaḥ pati |
rvayaṃ ca tatkarmakarāśca kiṃkarāḥ || 51 ||
[Analyze grammar]

etadvacanamākarṇya plavagasya tadāṃganā |
uvāca vākyaṃ madhuraṃ prahasya guṇapūjitam || 52 ||
[Analyze grammar]

bhavadbhiḥ prārthitaṃ yadvai durllabhaṃ sarvadaivataiḥ |
tadbhaviṣyatyasaṃdehaḥ sevakāstadraghoḥ pateḥ || 53 ||
[Analyze grammar]

athāpi varamekaṃ vai dāsyāmi kṛtahelanā |
raghunāthasya tuṣṭyarthaṃ tadṛtaṃ me bhavedvacaḥ || 54 ||
[Analyze grammar]

agre vīramaṇirbhūpo mahāvīrasamanvitaḥ |
grahīṣyati bhavadvāhaṃ śivena parirakṣitaḥ || 55 ||
[Analyze grammar]

tajjayārthe mahāstraṃ me gṛhṇīta sumahābalāḥ |
dvairathe sa tu yoddhavyaḥ śatrughnena tvayā mahān || 56 ||
[Analyze grammar]

idamastraṃ yadā tvaṃ tu kṣepayiṣyasi saṃgare |
anena pūto rāmasya svarūpaṃ jñāsyate punaḥ || 57 ||
[Analyze grammar]

jñātvā taṃ vājinaṃ datvā caraṇe prapatiṣyati |
tasmādgṛhṇīdhvamastraṃ tanmama vairividāraṇam || 58 ||
[Analyze grammar]

tacchrutvā raghunāthasya bhrātā jagrāha cāstrakam |
udaṅmukhaḥ pavitrāṃgo yoginyā dattamadbhutam || 59 ||
[Analyze grammar]

tatprāpyāstraṃ mahātejā babhūva ripukarśanaḥ |
duṣpradharṣyo durārādhyo vairivāraṇasatsṛṇiḥ || 60 ||
[Analyze grammar]

tāṃ natvā rāghavaśreṣṭhaḥ śatrughno hayasattamam |
gṛhītvāgājjalāttasmādrevātīre sukhocite || 61 ||
[Analyze grammar]

taṃ dṛṣṭvā sainikāḥ sarve prahṛṣṭāṃgā mudānvitāḥ |
sādhusādhu praśaṃsaṃtaḥ papracchurhayanirgamam || 62 ||
[Analyze grammar]

hanūmānkathayāmāsa hayasyāgamanaṃ mahat |
varaprāptiṃ ca tābhyo vai te'pi śrutvā mudaṃ gatāḥ || 63 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe śatrughnasya yoginīdarśanajalamadhyādvāhaprāptirnāma aṣṭatriṃśattamo'dhyāyaḥ || 38 ||
[Analyze grammar]