Chapter 12

[English text for this chapter is available]

śaunaka uvāca |
kena puṇyena bho sūta cānyena gatapātakaḥ |
naro yāti hareḥ sthānaṃ tadvadasvānukaṃpayā || 1 ||
[Analyze grammar]

sūta uvāca |
brāhmaṇasya dhanaiḥ prāṇānprāṇairvāpi dvijottama |
rakṣāṃ karoti yo martyo viṣṇulokaṃ sa gacchati || 2 ||
[Analyze grammar]

purā rājā dīnanātho dvāpare saṃjñake yuge |
āsīdaputro balavānvaiṣṇavaḥ sa tu yājakaḥ || 3 ||
[Analyze grammar]

ekadā gālavaṃ rājā papraccha vinayānvitaḥ |
kena puṇyena jāyeta putro vai karuṇārṇava || 4 ||
[Analyze grammar]

vadasva muniśārdūla kariṣyāmi tavājñayā |
yeṣāṃ nṛṇāṃ nāsti suto jīvanaṃ hi nirarthakam || 5 ||
[Analyze grammar]

gālava uvāca |
rājanśṛṇuṣvāvahito yatpṛṣṭo'smi tavāgrataḥ |
kathayāmi samāsena putrasyodbhavakāraṇam || 6 ||
[Analyze grammar]

kratuṃ ca naramedhākhyaṃ kuruṣva rājasattama |
tadā te saṃtatiḥ syādvai sarvalakṣaṇasaṃyutā || 7 ||
[Analyze grammar]

rājovāca |
naramedhaṃ mahāyajñaṃ yajñānāṃ pravaraṃ dvija |
kīdṛśaṃ naramānīya kariṣyāmi guro vada || 8 ||
[Analyze grammar]

gālava uvāca |
suṃdarāṃgaḥ suvadanaḥ samastaśāstravidbhavet |
satkule yadi jātaḥ sa tadā yajñāya kalpate || 9 ||
[Analyze grammar]

aṃgahīnaḥ kṛṣṇavarṇo mūrkho yogyo bhavennahi |
ityukte gālave vipra sa rājā manujeśvaraḥ || 10 ||
[Analyze grammar]

preṣayāmāsa dūtāṃśca kathayitvā munervacaḥ |
draviṇaṃ bahu datvā ca gālavapramukhāndvijān || 11 ||
[Analyze grammar]

yajñārthe varayāmāsa samastaśāstrapāragān |
tato rājājñayā dūtāḥ deśaṃ deśaṃ mudā gatāḥ || 12 ||
[Analyze grammar]

grāme grāme dvijaśreṣṭha pattane'pi samāhitāḥ |
kutrāpi na prāptavaṃto gatā janapadaṃ tataḥ || 13 ||
[Analyze grammar]

nāmnā daśapuraṃ vipra prakīrṇaṃ guṇibhirdvijaiḥ |
yatra nārīḥ sukeśīśca mṛgaśāvaka cakṣuṣaḥ || 14 ||
[Analyze grammar]

dṛṣṭvā muhyaṃti puruṣāścaṃdramukhyaśca tā yataḥ |
tasminpure manoramye kṛṣṇadeva iti dvijaḥ || 15 ||
[Analyze grammar]

āsītputraistribhiḥ sārddhaṃ bhāryayā ca suśīlayā |
vaiṣṇavaḥ priyavādī ca viṣṇupūjārataḥ sadā || 16 ||
[Analyze grammar]

sāgnikaḥ pitṛbhaktaśca vaiṣṇavānāṃ priyaṃkaraḥ |
prārthanāṃ cakruratha te rājño dūtā dvijottamam || 17 ||
[Analyze grammar]

putraṃ dehīti dehīti vada brāhmaṇasattama |
nāsti rājño dvijaśreṣṭha putraḥ saṃtāpanāśanaḥ || 18 ||
[Analyze grammar]

tadarthaṃ naramedhākhye yajñebhava sa dīkṣitaḥ |
neṣyāmastava putraṃ vai baliṃ dātuṃ mahākratau || 19 ||
[Analyze grammar]

suvarṇānāṃ caturlakṣaṃ brahmannaya samāhitaḥ |
sukhena yadi dātavyo no putraḥ putralālasāt || 20 ||
[Analyze grammar]

tadā balena neṣyāmo rājājñākāriṇo vayam |
dūtānāṃ vacanaṃ śrutvā brāhmaṇau śokavihvalau || 21 ||
[Analyze grammar]

abhūtāṃ vigataprāṇāviva saṃśayamānasau |
kiṃ dhanena suvarṇena jīvanenāpi sadmanā |
provācedaṃ vacaḥ so'pi brāhmaṇo rājapūruṣān || 22 ||
[Analyze grammar]

brāhmaṇa uvāca |
yadi dūtāḥ samānetuṃ putraṃ śokatamopaham |
āgatā niścitaṃ yūyaṃ śṛṇudhvaṃ vacanaṃ mama || 23 ||
[Analyze grammar]

sthitvā pṛthivyāṃ ko bhraṣṭāṃ rājājñāṃ kartumicchati |
putraṃ hitvā kiṃtu yūyaṃ vṛddhaṃ māṃ nayata dvijam || 24 ||
[Analyze grammar]

iti tasya vacaḥ śrutvā dūtāḥ krodhasamanvitāḥ |
balātkāreṇa tadgehe suvarṇāni ca tatyajuḥ || 25 ||
[Analyze grammar]

yadā netuṃ manaścakrustatputraṃ kila te krudhā |
baddhāṃjalipuṭobhūtvā rudanprovoca sa dvijaḥ || 26 ||
[Analyze grammar]

putrāṇāṃ jyeṣṭhaputraṃ me hitvānyaṃ putramuttamam |
nayateti vaco vaktuṃ vaktrenāyāti he janāḥ || 27 ||
[Analyze grammar]

dvijasya vacanaṃ śrutvā brāhmaṇīṃ rudatīṃ satīm |
procurdūtāḥ kanīyāṃsaṃ putraṃ dehīti sattama || 28 ||
[Analyze grammar]

teṣāmiti vacaḥ śrutvā brāhmaṇī bhūmitastadā |
papāta vātyayā sārddhaṃ raṃbheva bhṛśaduḥkhinī || 29 ||
[Analyze grammar]

mudgaraṃ sā samādāya maulau cātāḍayadbalāt |
kaniṣṭhaṃ matsutaṃ dūtā nāpi dāsyāmi sarvathā || 30 ||
[Analyze grammar]

etasminsamaye vipra viprasya madhyamaḥ sutaḥ |
provāca vinayāviṣṭaḥ praṇamya pitarau rudan || 31 ||
[Analyze grammar]

mātā yadi viṣaṃ dadyātpitrā vikrīyate sutaḥ |
rājā harati sarvasvaṃ kastatra pālako bhavet || 32 ||
[Analyze grammar]

ityuktvā tatsuto mūrdhnā praṇamya pitarau saha |
dūtairjagāma tvaritai rājño'sya dīkṣitasya ca || 33 ||
[Analyze grammar]

atha tau brāhmaṇau putravicchedakliṣṭamānasau |
ruditvā ca ruditvā ca aṃdhabhāvaṃ prajagmatuḥ || 34 ||
[Analyze grammar]

atha te pathyagacchaṃta viśvāmitramuneḥ kila |
āśramaṃ śiṣyayuktaṃ ca sevitaṃ mṛgaśāvakaiḥ || 35 ||
[Analyze grammar]

sa munī rājapuruṣāndṛṣṭvā papraccha sādaram |
ke yūyaṃ ho kutra gatā yathākā vṛttirucyatām || 36 ||
[Analyze grammar]

rājadūtā ūcuḥ |
śṛṇuṣvāvahito vipra rājñaḥ putro na jāyate |
tadarthaṃ naramedhākhye yajñe rājā sudīkṣitaḥ || 37 ||
[Analyze grammar]

nayāmastatra balyarthamimaṃ brāhmaṇaputrakam |
iti teṣāṃ vacaḥ śrutvā sa vipraḥ sadayo'bhavat || 38 ||
[Analyze grammar]

prāṇā mamāpi gacchaṃtu sukhī bhavatu bālakaḥ |
bālakārthe dvijārthe ca svāmyarthe ye janā iha || 39 ||
[Analyze grammar]

tyajanti tṛṇavatprāṇāṃsteṣāṃ lokāḥ sanātanāḥ |
vimṛśyeti muniḥ svāṃte sa provāca dvijarṣabhaḥ || 40 ||
[Analyze grammar]

yajñe baliṃ samādātumimaṃ brāhmaṇabālakam |
hitvā māṃ nayathāthāśu hyayaṃ bālaka uttamaḥ || 41 ||
[Analyze grammar]

saṃsāre janmasaṃprāpya na labdhaṃ sukhamatra ca |
anena bālakenāpi mariṣyati kathaṃ tvayam || 42 ||
[Analyze grammar]

āgate'smingṛhāddūtāḥ pitarāvasya duḥkhitau |
hatabhāgyau gato nūnaṃ yamasyeva gṛhaṃ prati || 43 ||
[Analyze grammar]

evaṃ tasya vacaḥ śrutvā dūtāḥ procuratha dvijam |
bhūpālasya vinājñāṃ vai dīnanāthasya bhūsura || 44 ||
[Analyze grammar]

netuṃ tvāṃ palitaṃ prājña neṣyāmo hi kathaṃ vayam |
evamuktvā ca te dūtā jagmū rājñaḥ purīṃ tadā || 45 ||
[Analyze grammar]

sa munirdūtasaṃghaiśca gatavānyajñamaṃdiram |
rājānaṃ kathayāmāsurdūtā viprasya ceṣṭitam || 46 ||
[Analyze grammar]

tacchrutvāśaṃkitamanāḥ provācedaṃ vacaḥ sa tam |
mune yadyapi me yajñe kṛte putro bhaviṣyati || 47 ||
[Analyze grammar]

baliṃ vināpi bho brahmantadā viprasutaṃ naya || 48 ||
[Analyze grammar]

muniruvāca |
yajñe tvayā kṛte rājanmahāputro bhaviṣyati |
atra te saṃśayo mā bhūdamoghamapi darśanam || 49 ||
[Analyze grammar]

iti tasya vacaḥ śrutvā rājātyaṃtasaharṣakaḥ |
cakre pūrṇāhutiṃ yajñe samastairmunibhiḥ saha || 50 ||
[Analyze grammar]

athātaḥ sa muniḥ śreṣṭho brāhmaṇasya sutaṃ ca tam |
gṛhya daśapuraṃ nāma nagaraṃ gatavāṃstadā || 51 ||
[Analyze grammar]

bhavanaṃ tasya gatvā ca uktavānvacanaṃ muniḥ |
gṛhe tvaṃ tiṣṭhase vipra tiṣṭhāmi mṛtavanmune || 52 ||
[Analyze grammar]

rājā balena me putraṃ nītavānkiṃ karomyaham |
putre gate ca bho vipra daṃpatyorāvayoḥ punaḥ || 53 ||
[Analyze grammar]

gatāni cāṃdhabhāvaṃ vai kraṃdanairlocanānyapi |
athāsau muniśārdūlaḥ putraṃ paśya nayeti ca || 54 ||
[Analyze grammar]

uktavāṃstau yadā vipra brāhmaṇau jātaharṣakau |
putrāyākāraṇaṃ kṛtvā gatāvetau bahiḥ kṣaṇāt || 55 ||
[Analyze grammar]

munervacanasiddhitvāttatkṣaṇaṃ locanaṃ tayoḥ |
ālokaṃ tu gataṃ tūrṇaṃ putrasya darśanādapi || 56 ||
[Analyze grammar]

putrasya mukhapadmaṃ tau locanairalisaṃnibhaiḥ |
pītvā muniṃ ciraṃtaṃ ca namaskṛtya punaḥ punaḥ || 57 ||
[Analyze grammar]

procaturvacanaṃ viprā brāhmaṇau priyavādinau |
aho mune jīvadānamāvayoḥ sukṛtaṃ kila || 58 ||
[Analyze grammar]

tayoreva vacaḥ śrutvā sa muniḥ karuṇārṇavaḥ |
datvāśiṣaṃ ca tau vipra jagāma nijamāśramam || 59 ||
[Analyze grammar]

muniḥ karagataṃ caiva kṛtvā viṣṇoḥ paraṃ padam |
tapastepe mahābhāgo daivatairapi durllabham || 60 ||
[Analyze grammar]

kiṃcitkāle gate vipra tasya rājño'bhavatsutaḥ |
suṃdaro rājayogyaśca iṃduḥkṣīranidhāviva |
putrotsave so'pi vipra rājā datvā dhanāni vai || 61 ||
[Analyze grammar]

bubhuje devavadbhūmyāṃ viśoko jātakautukaḥ |
viprānpālayate yastu prāṇāndatvā dhanānyapi || 62 ||
[Analyze grammar]

sa yāti viṣṇubhavanaṃ punarāvṛttidurllabham |
paṭhaṃti ye'tra bhaktyā ca śṛṇvaṃti viprataḥ kathām || 63 ||
[Analyze grammar]

ākhyānaṃ ślokamekaṃ vā gacchaṃti viṣṇumaṃdiram || 64 ||
[Analyze grammar]

iti śrīpādme mahāpurāṇe sūtaśaunakasaṃvāde brahmakhaṃḍe brāhmaṇapālanaṃ |
nāma dvādaśo'dhyāyaḥ || 12 ||
[Analyze grammar]