Chapter 38

[English text for this chapter is available]

sūta uvāca |
evaṃ saṃbodhito venaḥ pāpabhāvaṃ gataḥ kila |
puruṣeṇa tena jainena mahāpāpena mohitaḥ || 1 ||
[Analyze grammar]

namaskṛtya tataḥ pādau tasyaiva ca durātmanaḥ |
vedadharmaṃ parityajya satyadharmādikāṃ kriyām || 2 ||
[Analyze grammar]

suyajñānāṃ nivṛttiḥ syādvedānāṃ hitathaiva ca |
puṇyaśāstramayo dharmastadā naiva pravartitaḥ || 3 ||
[Analyze grammar]

sarvapāpamayo lokaḥ saṃjātastasya śāsanāt |
naiva yāgāśca vedāśca dharmaśāstrārthamuttamam || 4 ||
[Analyze grammar]

na dānādhyayanaṃ viprāstasmiñchāsati pārthive |
evaṃ dharmapralopobhūnmahatpāpaṃ pravartitam || 5 ||
[Analyze grammar]

aṃgena vāryamāṇastu anyathā kurute bhṛśam |
na nanāma pituḥ pādau mātuścaiva durātmavān || 6 ||
[Analyze grammar]

sanakasyāpi viprasya ahamekaḥ pratāpavān |
pitrā nivāryamāṇaśca mātrā caiva durātmavān || 7 ||
[Analyze grammar]

na karoti śubhaṃ puṇyaṃ tīrthadānādikaṃ kadā |
ātmabhāvānurūpaṃ ca bahukālaṃ mahāyaśāḥ || 8 ||
[Analyze grammar]

punaḥ sarvairvicāryaivaṃ kasmātpāpī vyajāyata |
aṃgaprajāpateḥ putro vaṃśalāñchanamāgataḥ || 9 ||
[Analyze grammar]

punaḥ papraccha dharmātmā sutāṃ mṛtyormahātmanaḥ |
kasya doṣātsamutpanno vada satyaṃ mama priye || 10 ||
[Analyze grammar]

sunīthovāca |
pūrvameva svavṛttāṃtamātmapuṇyaṃ ca naṃdinī |
samācaṣṭa ca aṃgāya mama doṣānmahāmate || 11 ||
[Analyze grammar]

bālye kṛtaṃ mayā pāpaṃ suśaṃkhasya mahātmanaḥ |
tapasi saṃsthitasyāpi nānyatkiṃcitkṛtaṃ mayā || 12 ||
[Analyze grammar]

śaptāhaṃ kupyatā tena duṣṭā te saṃtatirbhavet |
iti jāne mahābhāga tenāyaṃ duṣṭatāṃ gataḥ || 13 ||
[Analyze grammar]

samākarṇya mahātejāstayā saha vanaṃ yayau |
gate tasminmahābhāge sabhārye ca vane tadā || 14 ||
[Analyze grammar]

saptaite ṛṣayastatra venapārśvaṃ gatāstathā |
samāhūya tataḥ procuraṃgasya tanayaṃ prati || 15 ||
[Analyze grammar]

ṛṣaya ūcuḥ |
mā vena sāhasaṃ kārṣīḥprajāpālo bhavāniha |
tvayā sarvamidaṃ lokaṃ trailokyaṃ sacarācaram || 16 ||
[Analyze grammar]

dharme caiva mahābhāga sakalaṃ hi pratiṣṭhitam |
pāpakarmaparityajya puṇyaṃ karma samācara || 17 ||
[Analyze grammar]

evamukteṣu teṣveva prahasanvākyamabravīt |
vena uvāca |
ahameva paro dharmo'hamevārhaḥ sanātanaḥ || 18 ||
[Analyze grammar]

ahaṃ dhātā ahaṃ goptā ahaṃ vedārtha eva ca |
ahaṃ dharmo mahāpuṇyo jainadharmaḥ sanātanaḥ || 19 ||
[Analyze grammar]

māmeva karmaṇā viprā bhajadhvaṃ dharmarūpiṇam |
ṛṣaya ucuḥ |
brāhmaṇāḥ kṣattriyā vaiśyāstrayovarṇā dvijātayaḥ || 20 ||
[Analyze grammar]

sarveṣāmeva varṇānāṃ śrutireṣā sanātanī |
vedācāreṇa vartaṃte tena jīvaṃti jaṃtavaḥ || 21 ||
[Analyze grammar]

brahmavaṃśātsamudbhūto bhavānbrāhmaṇa eva ca |
paścādrājā pṛthivyāśca saṃjātaḥ kṛtavikramaḥ || 22 ||
[Analyze grammar]

rājapuṇyena rājeṃdra sukhaṃ jīvaṃti vai dvijāḥ |
rājñaḥ pāpena naśyaṃti tasmātpuṇyaṃ samācara || 23 ||
[Analyze grammar]

samādṛtastvayā dharmaḥ kṛtaścāpi narādhipa |
tretāyugasya karmāpi dvāparasya tathā nahi || 24 ||
[Analyze grammar]

kaleścaiva praveśaṃ tu varttayiṣyaṃti mānavāḥ |
jainadharmaṃ samāśritya sarve pāpapramohitāḥ || 25 ||
[Analyze grammar]

vedācāraṃ parityajya pāpaṃ yāsyaṃti mānavāḥ |
pāpasya mūlamevaṃ vai jainadharmaṃ na saṃśayaḥ || 26 ||
[Analyze grammar]

anena mugdhā rājeṃdra mahāmohena pātitāḥ |
mānavāḥ pāpasaṃghātāsteṣāṃ nāśāya nānyathā || 27 ||
[Analyze grammar]

bhaviṣyatyeva goviṃdaḥ sarvapāpāpahārakaḥ |
svecchārūpaṃ samāsādya saṃhariṣyati pātakāt || 28 ||
[Analyze grammar]

pāpeṣu saṃgateṣvevaṃ mlecchanāśāya vai punaḥ |
kalkireva svayaṃ devo bhaviṣyati na saṃśayaḥ || 29 ||
[Analyze grammar]

vyavahāraṃ kaleścaiva tyaja puṇyaṃ samāśraya |
vartayasva hi satyena prajāpālo bhavasva hi || 30 ||
[Analyze grammar]

vena uvāca |
ahaṃ jñānavatāṃ śreṣṭhaḥ sarvaṃ jñātaṃ mayā iha |
yo'nyathā vartate caiva sa daṃḍyo bhavati dhruvam || 31 ||
[Analyze grammar]

atyarthaṃ bhāṣamāṇaṃ taṃ rājānaṃ pāpacetanam |
kupitāste mahātmānaḥ sarve vai brahmaṇaḥ sutāḥ || 32 ||
[Analyze grammar]

kupiteṣveva vipreṣu veno rājā mahātmasu |
brahmaśāpabhayātteṣāṃ valmīkaṃ praviveśa ha || 33 ||
[Analyze grammar]

atha te munayaḥ kruddhā venaṃ paśyaṃti sarvataḥ |
jñātvā pranaṣṭaṃ bhūpaṃ taṃ valmīkasthaṃ susāṃpratam || 34 ||
[Analyze grammar]

balādāninyustaṃ viprāḥ krūraṃ taṃ pāpacetanam |
dṛṣṭvā ca pāpakarmāṇaṃ munayaḥ susamāhitāḥ || 35 ||
[Analyze grammar]

savyaṃ pāṇiṃ mamaṃthuste bhūpasya jātamanyavaḥ |
tasmājjāto mahāhrasvo nīlavarṇo bhayaṃkaraḥ || 36 ||
[Analyze grammar]

barbaro raktanetrastu bāṇapāṇirdhanurddharaḥ |
sarveṣāmeva pāpānāṃ niṣādānāṃ babhūva ha || 37 ||
[Analyze grammar]

dhātā pālayitā rājā mlecchānāṃ tu viśeṣataḥ |
taṃ dṛṣṭvā pāpakarmāṇamṛṣayastu mahāmate || 38 ||
[Analyze grammar]

mamaṃthurdakṣiṇaṃ pāṇiṃ venasyāpi mahātmanaḥ |
tasmājjāto mahātmā sa yena dugdhā vasuṃdharā || 39 ||
[Analyze grammar]

pṛthurnāma mahāprājño rājarājo mahābalaḥ |
tasya puṇyaprasādācca veno dharmārthakovidaḥ || 40 ||
[Analyze grammar]

cakravartipadaṃ bhuktvā prasādāttasya cakriṇaḥ |
jagāma vaiṣṇavaṃ lokaṃ tadviṣṇoḥ paramaṃ padam || 41 ||
[Analyze grammar]

iti śrīpadmapurāṇe bhūmikhaṃḍe venopākhyāne'ṣṭatriṃśo'dhyāyaḥ || 38 ||
[Analyze grammar]