Chapter 39

[English text for this chapter is available]

ṛṣaya ūcuḥ |
kathaṃ veno gataḥ svargaṃ pāpaṃ tyaktvā pradūrataḥ |
tanno vistarato'trāpi vada satyavatāṃ vara || 1 ||
[Analyze grammar]

sūtauvāca |
ṛṣīṇāṃ puṇyasaṃsargātsaṃvādācca dvijottama |
kāyasya mathanātpāpo bahistasya vinirgataḥ || 2 ||
[Analyze grammar]

paścādvenaḥ sa puṇyātmā jñānaṃ lebhe ca śāśvatam |
revāyā dakṣiṇe kūle tapaścacāra sa dvijāḥ || 3 ||
[Analyze grammar]

tṛṇabindorṛṣeścaiva āśrame pāpanāśane |
varṣāṇāṃ tu śataṃ sāgraṃ kāmakrodhavivarjitaḥ || 4 ||
[Analyze grammar]

tasyogratapasādevaḥ śaṃkhacakragadādharaḥ |
prasannobhūnmahābhāgā niṣpāpasya nṛpasya vai || 5 ||
[Analyze grammar]

uvāca ca prasanno'smi vriyatāṃ varauttamaḥ |
vena uvāca |
yadi deva prasanno'si dehi me varamuttamam || 6 ||
[Analyze grammar]

anenāpi śarīreṇa gaṃtumicchāmi tvatpadam |
pitrā sārdhaṃ mahābhāga mātrā caiva sureśvara |
tavaiva tejasā deva tadviṣṇoḥ paramaṃ padam || 7 ||
[Analyze grammar]

śrīvāsudeva uvāca |
kvagato'sau mahāmoho yena tvaṃ mohito nṛpa |
lobhena mohayuktena tamomārge nipātitaḥ || 8 ||
[Analyze grammar]

vena uvāca |
yanme pūrvakṛtaṃ pāpaṃ tenāhaṃ mohito vibho |
ato māmuddharāsmāttvaṃ pāpāccaiva sudāruṇāt || 9 ||
[Analyze grammar]

prajaptavyamatho paṭhyaṃ tadvadānugrahādvibho |
bhagavānuvāca |
sādhu bhūpa mahābhāga pāpaṃ te nāśamāgatam || 10 ||
[Analyze grammar]

śuddhosi tapasā ca tvaṃ tataḥ puṇyaṃ vadāmyaham |
purā vai brahmaṇā tāta pṛṣṭohaṃ bhavatā yathā || 11 ||
[Analyze grammar]

tasmai yaduditaṃ vatsa tatte sarvaṃ vadāmyaham |
ekadā brahmaṇā dhyānasthitena nābhipaṃkaje || 12 ||
[Analyze grammar]

prādurāsa tadā tasya varadānāya suvrata |
tena pṛṣṭaṃ mahatpuṇyaṃ stotraṃ pāpapraṇāśanam || 13 ||
[Analyze grammar]

vāsudevābhidhānaṃ ca sugatipradamicchatā |
stotrāṇāṃ paramaṃ tasmai vāsudevābhidhaṃ mahat || 14 ||
[Analyze grammar]

sarvasaukhyapradaṃ nṝṇāṃ paṭhatāṃ japatāṃ sadā |
upādiśaṃ mahābhāga viṣṇuprītikaraṃ param || 15 ||
[Analyze grammar]

viṣṇuruvāca |
etatsarvaṃ jagadvyāptaṃ mayā tvavyaktamūrtinā |
ato māṃ munayaḥ prāhurviṣṇuṃ viṣṇuparāyaṇāḥ || 16 ||
[Analyze grammar]

vasaṃti yatra bhūtāni vasatyeṣu ca yo vibhuḥ |
sa vāsudevo vijñeyo vidvadbhirahamādarāt || 17 ||
[Analyze grammar]

saṃkarṣati prajāścāṃte hyavyaktāya yato vibhuḥ |
tataḥ saṃkarṣaṇo nāmnā vijñeyaḥ śaraṇāgataiḥ || 18 ||
[Analyze grammar]

iṃgite kāmarūpohaṃ bahu syāmiti kāmyayā |
pradyumnohaṃ budhaistasmādvijñeyosmi sutārthibhiḥ || 19 ||
[Analyze grammar]

atra loke vinā ceśau sarveśau harakeśavau |
niruddhohaṃ yogabalānna kenātoniruddhavat || 20 ||
[Analyze grammar]

viśvākhyohaṃ pratijagajjñānavijñānasaṃyutaḥ |
ahamityabhimānī ca jāgracciṃtāsamākulaḥ || 21 ||
[Analyze grammar]

taijasohaṃ jagacceṣṭāmayaśceṃdriyarūpavān |
jñānakarmasamudriktaḥ svapnāvasthāṃ gato hyaham || 22 ||
[Analyze grammar]

prājñohamadhidaivātmā viśvādhiṣṭhānagocaraḥ |
suṣuptāvāsthito lokādudāsīno vikalpitaḥ || 23 ||
[Analyze grammar]

turīyo'haṃ nirvikārī guṇāvasthāvivarjitaḥ |
nirliptaḥ sākṣivadviśva pratibiṃbita vigrahaḥ || 24 ||
[Analyze grammar]

cidābhāsaścidānaṃdaścinmayaścitsvarūpavān |
nityokṣaro brahmarūpo brahmannevamavehi mām || 25 ||
[Analyze grammar]

bhagavānuvāca |
ityuktvāṃtardadhe viṣṇuḥ svarūpaṃ brahmaṇe purā |
sopi jñātvā jagadvyāptiṃ kṛtātmā samabhūtkṣaṇāt || 26 ||
[Analyze grammar]

rājaṃstvamapi śuddhātmā pṛthorjanmana eva ca |
tathāpyārādhaya vibhuṃ stotreṇānena suvrata || 27 ||
[Analyze grammar]

tuṣṭo viṣṇustamabhyāha varaṃ varaya mānada |
vena uvāca |
sugatiṃ dehi me viṣṇo duṣkṛtāttārayasva mām || 28 ||
[Analyze grammar]

śaraṇaṃ tvāṃ prapannosmi kāraṇaṃ vada sadgateḥ |
viṣṇuruvāca |
pūrvameva mahābhāga tvaṃgenāpi mahātmanā || 29 ||
[Analyze grammar]

ahamārādhitastena tasmai datto varo mayā |
prayāsyasi mahābhāga vaiṣṇavaṃ lokamuttamam || 30 ||
[Analyze grammar]

karmaṇā svena vipreṃdra puṇyena nṛpanaṃdana |
ātmārthe tvaṃ mahābhāga varameva prayācaya || 31 ||
[Analyze grammar]

śṛṇu vena mahābhāga vṛttāṃtaṃ pūrvasaṃbhavam |
tava mātre purā dattaḥ śāpaḥ kruddhena bhūpate || 32 ||
[Analyze grammar]

suśaṃkhena sunīthāyai bālye pūrvaṃ mahātmanā |
tatastvaṃge varo datto mayaiva viditātmanā || 33 ||
[Analyze grammar]

tvāṃ samuddharttukāmena suputraste bhaviṣyati |
evamuktvā tu pitaraṃ tavāhaṃ guṇavatsala || 34 ||
[Analyze grammar]

bhavadaṃgātsamudbhūtaḥ kariṣye lokapālanam |
divīṃdro hi yathā bhāti tathāhaṃ bhūtale sthitaḥ || 35 ||
[Analyze grammar]

ātmā vai jāyate putra iti satyavatī śrutiḥ |
atastvaṃ sugatiṃ vatsa labhiṣyasi varānmama || 36 ||
[Analyze grammar]

gatyarthamātmano rājandānamekaṃ samācara |
yastvāṃ pātakarūpo'haṃ sunīthāyāḥ paraṃtapa || 37 ||
[Analyze grammar]

abruvannagnarūpeṇa kartuṃ tvāṃ tu vidharmagam |
anyathā tu suśaṃkhasya vākyamevānyathā bhavet || 38 ||
[Analyze grammar]

ato vidhirniṣedhaśca hyahameva nṛpottama |
karmānurūpaphalado buddhyatīto guṇāgrahaḥ || 39 ||
[Analyze grammar]

dānameva paraṃ śreṣṭhaṃ dānaṃ sarvaprabhāvakam |
tasmāddānaṃ dadasva tvaṃ dānātpuṇyaṃ pravartate || 40 ||
[Analyze grammar]

dānena naśyate pāpaṃ tasmāddānaṃ dadasva hi |
aśvamedhādibhiryajñairyajasva nṛpasattama || 41 ||
[Analyze grammar]

bhūmidānādikaṃ dānaṃ brāhmaṇebhyo dadasva vai |
sudānātprāpyate bhogaḥ sudānātprāpyate yaśaḥ || 42 ||
[Analyze grammar]

sudānājjāyate kīrtiḥ sudānātprāpyate sukham |
dānena svargamāpnoti phalaṃ tatra bhunakti ca || 43 ||
[Analyze grammar]

dattasyāpi sudānasya śraddhāyuktasya sattama |
kāle prāpte vrajettīrthaṃ puṇyasyāpi phalaṃ tvidam || 44 ||
[Analyze grammar]

pātrabhūtāya viprāya śraddhāpūtena cetasā |
yo dadāti mahādānaṃ mayi bhāvaṃ niveśya ca || 45 ||
[Analyze grammar]

tasyāhaṃ sakalaṃ dadmi manasā yaṃyamicchati |
vena uvāca |
kālaṃ dānasya me brūhi kīdṛkkālasya lakṣaṇam || 46 ||
[Analyze grammar]

tīrthasyāpi ca yadrūpaṃ pātrasyāpi sulakṣaṇam |
dānasyāpi jagannātha vidhiṃ vistarato vada || 47 ||
[Analyze grammar]

prasādasumukho bhūtvā dayā me yadi varttate |
śrīkṛṣṇa uvāca |
dānakālaṃ pravakṣyāmi nityaṃ naimittikaṃ nṛpa || 48 ||
[Analyze grammar]

kāmyaṃ cānyaṃ mahārāja caturthaprāpakaṃ punaḥ |
sūryodayasya velāyāṃ pāpaṃ naśyati sarvataḥ || 49 ||
[Analyze grammar]

aṃdhakārādhikā ghorā narāṇāṃ nāśakārakāḥ |
divi sūryo mamāṃśo'yaṃ tejasāṃ kalpito nidhiḥ || 50 ||
[Analyze grammar]

tasyaiva tejasā dagdhā bhasmatāṃ yāṃti kilbiṣāḥ |
udayaṃtaṃ mamāṃśaṃ yo dṛṣṭvā datte tu vāryapi || 51 ||
[Analyze grammar]

tasya kiṃ kathyate bhūpa nityaṃ puṇyavivarddhanam |
saṃprāptāyāṃ suvelāyāṃ tasyāṃ puṇyakaro naraḥ || 52 ||
[Analyze grammar]

snātvābhyarcya pitṝndevāndānadātā bhavetpunaḥ |
yathāśaktiprabhāvena śraddhāpūtena cetasā || 53 ||
[Analyze grammar]

annaṃ payaḥ phalaṃ puṣpaṃ vastraṃ tāṃbūlabhūṣaṇam |
hemaratnādikaṃ caiva tasya puṇyamanaṃtakam || 54 ||
[Analyze grammar]

madhyāhne tu tato rājannaparāhṇe tathaiva ca |
māmuddiśya ca yo dadyāttasya puṇyamanaṃtakam || 55 ||
[Analyze grammar]

khādyapānādikaṃ miṣṭa lepanaṃ gaṃdhakuṃkumam |
karpūrādikamevāpi vastrālaṃkārasaṃyutam || 56 ||
[Analyze grammar]

avicchinnaṃ dadātyevaṃ bhogasaukhyapradāyakam |
nityakālo mayā khyāto dānapūjārthināṃ śubhaḥ || 57 ||
[Analyze grammar]

athātaḥ saṃpravakṣyāmi naimittikamanuttamam |
trikāleṣvapi dātavyaṃ dānameva na saṃśayaḥ || 58 ||
[Analyze grammar]

śūnyaṃ dinaṃ na kartavyamātmano hitamicchatā |
yasminkāle pradattaṃ hi kiṃciddānaṃ narādhipa || 59 ||
[Analyze grammar]

tatprabhāvānmahāprājño bahusāmarthyasaṃyutaḥ |
dhanāḍhyo guṇavānprājñaḥ paṃḍito'pi vicakṣaṇaḥ || 60 ||
[Analyze grammar]

pakṣaṃ māsaṃ dinaṃ yāvanna dattaṃ vai yadāśanam |
tameva vārayāmyeva bhakṣyāccaiva narottamam || 61 ||
[Analyze grammar]

svamalaṃ bhakṣitaṃ caiva adatvā dānamuttamam |
utpādayāmyahaṃ rogaṃ sarvabhoganivāraṇam || 62 ||
[Analyze grammar]

teṣāṃ kāyeṣvasaṃtuṣṭo bahupīḍāpradāyakam |
maṃdānalena saṃyuktaṃ jvarasaṃtāpakārakam || 63 ||
[Analyze grammar]

trikāleṣu na dattaṃ yairbrāhmaṇeṣu sureṣu ca |
svayamaśnāti miṣṭaṃ tu tena pāpaṃ mahatkṛtam || 64 ||
[Analyze grammar]

prāyaścittena raudreṇa tamevaṃ pariśodhayet |
upavāsairmahārāja kāyaśoṣakarādikaiḥ || 65 ||
[Analyze grammar]

carmakāro yathā carma kuṃḍasthopari nirghṛṇaḥ |
śodhayecca kaṣāyaiśca taccarmasphoṭayedyathā || 66 ||
[Analyze grammar]

tathāhaṃ pāpakartāraṃ śodhayāmi na saṃśayaḥ |
auṣadhīnāṃ suyogācca kaṣāyaiḥ kaṭukairdhruvam || 67 ||
[Analyze grammar]

uṣṇodakaiśca saṃtāpairvaidyarūpeṇa nānyathā |
anye bhuṃjanti tasyogra bhogānpuṇyānmanonugān || 68 ||
[Analyze grammar]

kiṃ karoti samarthaśca na dattaṃ dānamuttamam |
mahatā pāparūpeṇa tamevaṃ paritāpaye || 69 ||
[Analyze grammar]

nityakālasya yaddānamātmārthaṃ pāpibhiryathā |
na dattaṃ rājarājeṃdra śraddhāpūtena cetasā || 70 ||
[Analyze grammar]

tathā tāñjārayāmyetānupāyairdāruṇaiḥ kila |
vāsudeva uvāca |
naimittikaṃ tathā kālaṃ puṇyaṃ caiva tavāgrataḥ || 71 ||
[Analyze grammar]

pravakṣyāmi naraśreṣṭha subuddhyā śṛṇu tatparaḥ |
amāvāsyā mahārāja paurṇamāsī tathaiva ca || 72 ||
[Analyze grammar]

yadā bhavati saṃkrāṃtirvyatīpāto nareśvara |
vaidhṛtiśca yadā proktā yadā ekādaśī bhavet || 73 ||
[Analyze grammar]

mahāmāghī tathāṣāḍhī vaiśākhī kārtikī tathā |
amāsomasamāyoge manvādiṣu yugādiṣu || 74 ||
[Analyze grammar]

gajacchāyā tathā proktā pitṛkṣayā tathaiva ca |
ete naimittikāḥ khyātāstavāgre nṛpasattama || 75 ||
[Analyze grammar]

eteṣu dīyate dānaṃ tasya dānasya yatphalam |
tatphalaṃ tu pravakṣyāmi śrūyatāṃ nṛpasattama || 76 ||
[Analyze grammar]

māmuddiśya naro bhaktyā brāhmaṇāya prayacchati |
tasyāhaṃ nirvikalpena prayacchāmi na saṃśayaḥ || 77 ||
[Analyze grammar]

gṛhaṃ saukhyaṃ mahārāja svargamokṣādikaṃ bahu |
kāmyaṃ kālaṃ pravakṣyāmi dānasya phaladāyakam || 78 ||
[Analyze grammar]

vratānāmeva sarveṣāṃ devādīnāṃ tathaiva ca |
dānasya puṇyakālaṃ tu saṃproktaṃ dvijasattamaiḥ || 79 ||
[Analyze grammar]

ābhyudayikamevāpi kālaṃ vakṣyāmi te nṛpa |
makhānāmeva sarveṣāṃ vaivāhikamanuttamam || 80 ||
[Analyze grammar]

putrasya jātamātrasya caulamauṃjyādikaṃ tathā |
prāsādadhvajadevānāṃ pratiṣṭhādikakarmaṇi || 81 ||
[Analyze grammar]

vāpīkūpataḍāgānāṃ gṛhavāstumayaṃ nṛpa |
tadābhyudayikaṃ proktaṃ mātṝṇāṃ yatra pūjanam || 82 ||
[Analyze grammar]

tasminkāle dadeddānaṃ sarvasiddhipradāyakam |
ābhyudayika evāyaṃ kālaḥ prokto nṛpottama || 83 ||
[Analyze grammar]

anyaccaiva pravakṣyāmi pāpapīḍānivāraṇam |
mṛtyukāle ca saṃprāpte kṣayaṃ jñātvā narottama || 84 ||
[Analyze grammar]

tatra dānaṃ pradātavyaṃ yamamārgasukhapradam |
nityanaimittikāḥ kālāḥ kāmyābhyudayikāstathā || 85 ||
[Analyze grammar]

aṃtyaḥkālo mahārāja samākhyātastavāgrataḥ |
ete kālāḥ samākhyātāḥ svakarmaphaladāyakāḥ || 86 ||
[Analyze grammar]

tīrthasya lakṣaṇaṃ rājanpravakṣyāmi tavāgrataḥ |
sutīrthānāmiyaṃ gaṃgā bhāti puṇyā sarasvatī || 87 ||
[Analyze grammar]

revā ca yamunā tāpī tathā carmaṇvatī nadī |
sarayūrghargharā veṇā sarvapāpapraṇāśinī || 88 ||
[Analyze grammar]

kāverī kapilā cānyā viśālā viśvatāraṇī |
godāvarī samākhyātā tuṃgabhadrā narottama || 89 ||
[Analyze grammar]

pāpānāṃ bhītidā nityaṃ bhīmarathyā prapaṭhyate |
devikā kṛṣṇagaṃgā ca anyāḥ saridvarottamāḥ || 90 ||
[Analyze grammar]

etāsāṃ puṇyakāleṣu saṃti tīrthānyanekaśaḥ |
grāme vā yadi vāraṇye nadyaḥ sarvatra pāvanāḥ || 91 ||
[Analyze grammar]

tatra tatra prakartavyāḥ snānadānādikāḥ kriyāḥ |
yadā na jñāyate nāma tāsāṃ tīrthasya sattamāḥ || 92 ||
[Analyze grammar]

nāmoccāraṃ prakurvīta viṣṇutīrthamidaṃ nṛpa |
tīrthasya devatā tadvadahameva na saṃśayaḥ || 93 ||
[Analyze grammar]

māmevamuccaredyo vai tīrthe deveṣu sādhakaḥ |
tasya puṇyaphalaṃ jātaṃ mannāmnā nṛpanaṃdana || 94 ||
[Analyze grammar]

ajñātānāṃ sutīrthānāṃ devānāṃ nṛpasattama |
snāne dāne mahārāja mannāma hi samuccaret || 95 ||
[Analyze grammar]

tīrthānāmeva rājeṃdra dhātrā dhātrya imāḥ kṛtāḥ |
siṃdhavaḥ sarvapuṇyānāṃ sarvasthāḥ kṣitimaṃḍale || 96 ||
[Analyze grammar]

yatratatra prakarttavyaṃ snānadānādikaṃ nṛpa |
akṣayaṃ phalamāpnoti sutīrthānāṃ prasādataḥ || 97 ||
[Analyze grammar]

tīrtharūpā mahāpuṇyāḥ sāgarā sapta eva ca |
mānasādyāstathā rājansarasyaśca prakīrtitāḥ || 98 ||
[Analyze grammar]

nirjharāḥ palvalāḥ proktāstīrtharūpā na saṃśayaḥ |
svalpā nadyo mahārāja tāsu tīrthaṃ pratiṣṭhitam || 99 ||
[Analyze grammar]

khāteṣvevaṃ ca sarveṣu varjayitvā ca kūpakam |
parvatāstīrtharūpāśca mervādyāśca mahītale || 100 ||
[Analyze grammar]

yajñabhūmiśca yajñaśca agnihotre yathā sthitaḥ |
śrāddhabhūmistathā śuddhā devaśālā tathā punaḥ || 101 ||
[Analyze grammar]

homaśālā tathā proktā vedādhyayanaveśma ca |
gṛheṣu puṇyasaṃyuktaṃ gosthānaṃ varamuttamam || 102 ||
[Analyze grammar]

somapāyī bhavedyatra tīrthaṃ tatra pratiṣṭhitam |
ārāmo yatra vai puṇyo aśvattho yatra tiṣṭhati || 103 ||
[Analyze grammar]

brahmavṛkṣo bhavedyatra vaṭavṛkṣastathaiva ca |
anye ca vanyasaṃsthāne tatra tīrthaṃ pratiṣṭhitam || 104 ||
[Analyze grammar]

ete tīrthāḥ samākhyātāḥ pitāmātā tathaiva ca |
purāṇaṃ paṭhyate yatra gururyatra svayaṃ sthitaḥ || 105 ||
[Analyze grammar]

subhāryā tiṣṭhate yatra tatra tīrthaṃ na saṃśayaḥ |
suputrastiṣṭhate yatra tatra tīrthaṃ na saṃśayaḥ || 106 ||
[Analyze grammar]

ete tīrthāḥ samākhyātā rājaveśma tathaiva ca |
vena uvāca |
pātrasya lakṣaṇaṃ brūhi yasmai deyaṃ surottama || 107 ||
[Analyze grammar]

prasādasumukho bhūtvā kṛpayā mama mādhava |
vāsudeva uvāca |
śṛṇu rājanmahāprājña pātrasyāpi sulakṣaṇam || 108 ||
[Analyze grammar]

yasmai deyaṃ sudānaṃ ca śraddhāpūtairmahātmabhiḥ |
brāhmaṇaṃ sukulopetaṃ vedādhyayanatatparam || 109 ||
[Analyze grammar]

śāṃtaṃ dāṃtaṃ tapoyuktaṃ śuklameva viśeṣataḥ |
prajñāvaṃtaṃ jñānavaṃtaṃ devapūjanatatparam || 110 ||
[Analyze grammar]

satyavaṃtaṃ mahāpuṇyaṃ vaiṣṇavaṃ jñānapaṃḍitam |
dharmajñaṃ muktalaulyaṃ ca pākhaṃḍaistu vivarjitam || 111 ||
[Analyze grammar]

evaṃ pātraṃ samākhyātamanyadevaṃ vadāmyaham |
evametairguṇairyuktaṃ svasṛputraṃ narottamam || 112 ||
[Analyze grammar]

etaṃ pātraṃ vijānīhi duhitustanayaṃ tataḥ |
jāmātaraṃ mahārāja bhāvairetaiśca saṃyutam || 113 ||
[Analyze grammar]

guruṃ ca dīkṣitaṃ caiva pātrabhūtaṃ narottama |
etānyeva supātrāṇi dānayogyāni sattama || 114 ||
[Analyze grammar]

vedācārasamopetastṛptiṃ naiva ca gacchati |
varjayetkila taṃ vipraṃ tathā kāṇaṃ sudhūrtakam || 115 ||
[Analyze grammar]

atikṛṣṇaṃ mahārāja kapilaṃ parivarjayet |
karkaṭākṣaṃ sunīlaṃ ca śyāvadantaṃ vivarjayet || 116 ||
[Analyze grammar]

nīladaṃtaṃ tathā rājanpītadaṃtaṃ tathaiva ca |
goghnaṃ sukṛṣṇadaṃtaṃ ca barbaraṃ cātipāṃśulam || 117 ||
[Analyze grammar]

hīnāṃgamadhikāṃgaṃ ca kuṣṭhinaṃ kunakhaṃ tathā |
duścarmāṇaṃ mahārāja khalvāṭaṃ parivarjayet || 118 ||
[Analyze grammar]

anyāyeṣu ratā yasya jāyā viprasya kasya ca |
tasmai dānaṃ na dātavyaṃ yadi brahmasamo bhavet || 119 ||
[Analyze grammar]

strījitāya na dātavyaṃ śākhāraṃḍe mahāmate |
vyādhitāya na dātavyaṃ mṛtabhojiṣu bhūpate || 120 ||
[Analyze grammar]

corāya ca na dātavyaṃ sa yadyatrisamo bhavet |
atṛptāya na dātavyaṃ śāvaṃ tu parivarjayet || 121 ||
[Analyze grammar]

atistabdhāya no deyaṃ śaṭhāya ca viśeṣataḥ |
vedaśāstrasamāyuktaḥ sadācāreṇa varjitaḥ || 122 ||
[Analyze grammar]

śrāddhe dāne ca rājeṃdra naiva yuktaḥ kadā bhavet |
atha dānaṃ pravakṣyāmi saphalaṃ puṇyadāyakam || 123 ||
[Analyze grammar]

kālatīrthasupātrāṇāṃ śraddhā yogātprajāyate |
nāsti śraddhāsamaṃ puṇyaṃ nāsti śraddhāsamaṃ sukham || 124 ||
[Analyze grammar]

nāsti śraddhāsamaṃ tīrthaṃ saṃsāre prāṇināṃ nṛpa |
śraddhābhāvena saṃyukto māmevaṃ parisaṃsmaret || 125 ||
[Analyze grammar]

pātrahaste pradātavyaṃ svalpameva nṛpottama |
evaṃvidhasya dānasya vidhiyuktasya yatphalam || 126 ||
[Analyze grammar]

anaṃtaṃ tadavāpnoti matprasādātsukhī bhavet || 127 ||
[Analyze grammar]

iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe |
venopākhyāne ekonacatvāriṃśo'dhyāyaḥ || 39 ||
[Analyze grammar]