Chapter 30

[English text for this chapter is available]

ṛṣaya ūcuḥ |
yo'sau venastvayākhyātaḥ pāpācāreṇa vartitaḥ |
tasya pāpasya kā vṛttiḥ kiṃ phalaṃ prāptavāndvija || 1 ||
[Analyze grammar]

caritraṃ tasya venasya samākhyāhi yathā purā |
vistareṇa vidāṃ śreṣṭha tvaṃ na etanmahāmate || 2 ||
[Analyze grammar]

sūta uvāca |
caritraṃ tasya venasya vainyasyāpi mahātmanaḥ |
pravakṣyāmi supuṇyaṃ ca yathānyāyaṃ śrutaṃ purā || 3 ||
[Analyze grammar]

jāte putre mahābhāgastasminpṛthau mahātmani |
vimalatvaṃ gato rājā dharmatvaṃ gatavānpunaḥ || 4 ||
[Analyze grammar]

mahāpāpāni sarvāṇi arjitāni narādhamaiḥ |
tīrthasaṃgaprasaṃgena teṣāṃ pāpaṃ prayāti ca || 5 ||
[Analyze grammar]

satāṃ saṃgātprajāyeta puṇyameva na saṃśayaḥ |
pāpānāṃ tu prasaṃgena pāpameva prajāyate || 6 ||
[Analyze grammar]

saṃbhāṣāddarśanātsparśādāsanādbhojanātkila |
pāpināṃ saṃgamāccaiva kilbiṣaṃ parisaṃcaret || 7 ||
[Analyze grammar]

tathā puṇyātmakānāṃ ca puṇyameva prasaṃcaret |
mahātīrthaprasaṃgena pāpāḥ śudhyaṃti nānyathā || 8 ||
[Analyze grammar]

puṇyāṃ gatiṃ prayāntyete nirddhūtāśeṣa kalmaṣāḥ |
ṛṣaya ūcuḥ |
tatkathaṃ yāṃti te pāpāḥ parāṃ siddhiṃ dvijottama || 9 ||
[Analyze grammar]

tanno vistarato brūhi śrotuṃ śraddhā pravartate || 10 ||
[Analyze grammar]

sūta uvāca |
lubdhakāśca mahāpāpāḥ saṃjātā dāsadhīvarāḥ |
revā ca yamunā gaṃgāstāsāmaṃbhasi saṃsthitāḥ || 11 ||
[Analyze grammar]

jñānato'jñānataḥ snātvā saṃkrīḍaṃti ca vai jale |
mahānadyāḥ prasaṃgena te yāṃti paramāṃ gatim || 12 ||
[Analyze grammar]

dāsatvaṃ pāpasaṃghātaṃ parityajya vrajaṃti te |
puṇyatoyaprasaṃgācca hyāplutāḥ sarva eva te || 13 ||
[Analyze grammar]

mahānadyāḥ prasaṃgācca anyāsāṃ naiva sattamāḥ |
mahāpuṇyajanasyāpi pāpaṃ naśyati pāpinām || 14 ||
[Analyze grammar]

prasaṃgāddarśanātsparśānnātra kāryā vicāraṇā |
atrārthe śrūyate viprā itihāso'ghanāśanaḥ || 15 ||
[Analyze grammar]

taṃ vo adya pravakṣyāmi bahupuṇyapradāyakam |
kaścidasti mṛgavyādhaḥ sulobhākhyo mahāvane || 16 ||
[Analyze grammar]

śvabhirvāgurijālaiśca dhanurbāṇaistathaiva ca |
mṛgānghātayate nityaṃ piśitāsvādalaṃpaṭaḥ || 17 ||
[Analyze grammar]

ekadā tu suduṣṭātmā bāṇapāṇirdhanurdharaḥ |
śvabhiḥ parivṛto durgaṃ vanaṃ viṃdhyasya vai gataḥ || 18 ||
[Analyze grammar]

mṛgānrurūnvarāhāṃśca bhītānsūditavānbahūn |
revātīraṃ samāsādya kaścicchapharaghātakaḥ || 19 ||
[Analyze grammar]

śapharānsūdayitvā sa nirjagāma bahirjalāt |
mṛgavyādhasya lobhasya bhayatrastā tato mṛgī || 20 ||
[Analyze grammar]

jīvatrāṇaparā sārtā bhītā calitacetanā |
tvaramāṇā palāyaṃtī revātīraṃ samāśritā || 21 ||
[Analyze grammar]

śvabhiśca cālitā sā tu bāṇaghātakṣatāturā |
śvasanasyāpi vegena sulabho mṛgaghātakaḥ || 22 ||
[Analyze grammar]

pṛṣṭha eva samāyāti purato yāti sā mṛgī |
dṛṣṭavāṃstāṃ śapharahā bāṇapāṇiḥ samudyataḥ || 23 ||
[Analyze grammar]

dhanurānamya vegena anurudhya ca tāṃ mṛgīm |
tāvallubdhaka lobhākhyaḥ śvabhiḥ sārddhaṃ samāgataḥ || 24 ||
[Analyze grammar]

na haṃtavyā madīyeyaṃ mṛgayāṃ me samāgatā |
tasya vākyaṃ samākarṇya mīnahā māṃsalaṃpaṭaḥ || 25 ||
[Analyze grammar]

bāṇaṃ mumoca duṣṭātmā tāmuddiśya mahābalaḥ |
nihatā mṛgalubdhena bāṇena niśitena ca || 26 ||
[Analyze grammar]

pramṛtā sā mṛgī tatra bāṇābhyāṃ pāpacetasoḥ |
śvabhirdaṃtaiḥ samākrāṃtā tvaramāṇā papāta sā || 27 ||
[Analyze grammar]

śikharācca hrade puṇye revāyāḥ pāpanāśane |
śvānaśca tvaramāṇāste patitā vimale hrade || 28 ||
[Analyze grammar]

mṛgavyādho vadatyeva dhīvaraṃ krodhamūrcchitaḥ |
madīyeyaṃ mṛgī duṣṭa kasmādbāṇairhatā tvayā || 29 ||
[Analyze grammar]

tamuvāca punaḥ so'pi mīnahā mṛgaghātakam |
madīyeyaṃ na saṃdeho avalipta prabhāṣase || 30 ||
[Analyze grammar]

yudhyamānau tatastau tu dvāvetau tu parasparam |
krodhalobhānmahābhāgau patitau vimale jale || 31 ||
[Analyze grammar]

tasminkāle mahāparva vartate gatidāyakam |
amāvāsyā samāyogaṃ mahāpuṇyaphalapradam || 32 ||
[Analyze grammar]

velāyāṃ patitāḥ sarve parvaṇastasya sattama |
japadhyānavihīnāste bhāvasatyavivarjitāḥ || 33 ||
[Analyze grammar]

tīrthasnānaprasaṃgena mṛgī śvā ca sa lubdhakaḥ |
sarvapāpavinirmuktāste gatāḥ paramāṃ gatim || 34 ||
[Analyze grammar]

tīrthānāṃ ca prabhāveṇa satāṃ saṃgāddvijottamāḥ |
nāśayetpāpināṃ pāpaṃ dahedagniriveṃdhanam || 35 ||
[Analyze grammar]

sūta uvāca |
teṣāmevaṃ hi saṃsargādṛṣīṇāṃ ca mahātmanām |
saṃbhāṣāddarśanānnaṣṭaṃ sparśāccaiva nṛpasya ca || 36 ||
[Analyze grammar]

venasya kalmaṣaṃ naṣṭaṃ satāṃ saṃgātpurā kila |
atyugrapuṇyasaṃsargātpāpaṃ naśyati pāpinām || 37 ||
[Analyze grammar]

atyugrapāpināṃ saṃgātpāpameva prasaṃcaret |
mātāmahasya doṣeṇa saṃlipto vena eva saḥ || 38 ||
[Analyze grammar]

ṛṣaya ūcuḥ |
mātāmahasya ko doṣastaṃ no vistarato vada |
sa mṛtyuḥ sa ca vai kālaḥ sa yamo dharma eva ca || 39 ||
[Analyze grammar]

na hiṃsako hi kasyāpi pade tasminpratiṣṭhitaḥ |
carācarāśca ye lokāḥ svakarmavaśavartinaḥ || 40 ||
[Analyze grammar]

jīvaṃti ca mriyaṃte ca bhuṃjaṃtyevaṃ svakarmabhiḥ |
pāpāḥ paśyaṃti taṃ ghoraṃ teṣāṃ karmavipākataḥ || 41 ||
[Analyze grammar]

nirayeṣu ca sarveṣu karmaṇaivaṃ supuṇyavān |
yojayettāḍayetsūta yama eṣa dinedine || 42 ||
[Analyze grammar]

sarveṣveva supuṇyeṣu karmasvevaṃ sapuṇyavān |
yojayatyeva dharmātmā tasya doṣo na dṛśyate || 43 ||
[Analyze grammar]

sa mṛtyoḥ kena doṣeṇa pāpī venastvajāyata |
sūta uvāca |
sa mṛtyuḥ śāsako nityaṃ pāpānāṃ duṣṭacetasām || 44 ||
[Analyze grammar]

vartate kālarūpeṇa teṣāṃ karma vimṛśyati |
duṣkṛtaṃ karma yasyāpi karmaṇā tena ghātayet || 45 ||
[Analyze grammar]

tasya pāpaṃ viditvā'sau nayatyevaṃ hi taṃ yamaḥ |
sukṛtātmā labhetsvargaṃ karmaṇā sukṛtena vai || 46 ||
[Analyze grammar]

yojayatyeṣa tānsarvānmṛtyureva sudūtakaiḥ |
mahatā saukhyabhāvena gītamaṃgalakāriṇā || 47 ||
[Analyze grammar]

dānabhogādibhiścaiva yojayecca kṛtātmakān |
pīḍābhirvividhābhiśca kleśaiḥ kāṣṭhaiśca dāruṇaiḥ || 48 ||
[Analyze grammar]

trāsayettāḍayedviprānsa krodho mṛtyureva tān |
karmaṇyevaṃ hi tasyāpi vyāpāraḥ parivartate || 49 ||
[Analyze grammar]

mṛtyoścāpi mahābhāga lobhātpuṇyātprajāyate |
sunīthā nāma vai kanyā saṃjātaiṣā mahātmanaḥ || 50 ||
[Analyze grammar]

pituḥkarma vimṛśyaiva krīḍamānā sadaiva sā |
prajānāṃ śāsti kartāraṃ puṇyapāpanirīkṣaṇam || 51 ||
[Analyze grammar]

sā tu kanyā mahābhāgā sunīthā nāma tasya sā |
ramamāṇā vanaṃ prāptā sakhībhiḥ parivāritā || 52 ||
[Analyze grammar]

tatrāpaśyanmahābhāgaṃ gaṃdharvatanayaṃ varam |
gītakolāhalasyāpi suśaṃkhaṃ nāma sā tadā || 53 ||
[Analyze grammar]

dadarśa cārusarvāṃgaṃ tapyaṃtaṃ sumahattapaḥ |
gītavidyāsu siddhyarthaṃ dhyāyamānaṃ sarasvatīm || 54 ||
[Analyze grammar]

tasyopaghātamevāsau sā cakāra dine dine |
suśaṃkhaḥ kṣamate nityaṃ gacchagaccheti so'bravīt || 55 ||
[Analyze grammar]

preṣitā naiva gacchetsā vighnameva samācaret |
tenāpyuktā sā hi kruddhā tāḍayattapasi sthitam || 56 ||
[Analyze grammar]

tāmuvāca tataḥ kruddhaḥ suśaṃkhaḥ krodhamūrcchitaḥ |
duṣṭe pāpasamācāre kasmādvighnastvayā kṛtaḥ || 57 ||
[Analyze grammar]

tāḍanāttāḍanaṃ duṣṭe na kurvaṃti mahājanāḥ |
ākruṣṭā naiva kupyaṃti iti dharmasya saṃsthitiḥ || 58 ||
[Analyze grammar]

tvayāhaṃ ghātitaḥ pāpe nirdoṣastapasānvitaḥ |
evamuktvā sa dharmātmā sunīthāṃ pāpacāriṇīm || 59 ||
[Analyze grammar]

virarāma mahākrodhājjñātvā nārīṃ nivartitaḥ |
tataḥ sā pāpamohādvā bālyādvā tamihaiva ca || 60 ||
[Analyze grammar]

samuvāca mahātmānaṃ suśaṃkhaṃ tapasi sthitam |
trailokyavāsināṃ tāto mamaiva parighātakaḥ || 61 ||
[Analyze grammar]

asato ghātayennityaṃ satyānsa paripālayet |
naiva doṣo bhavettasya mahāpuṇyena vartayet || 62 ||
[Analyze grammar]

evamuktvā gatā sā tu pitaraṃ vākyamabravīt |
mayā hi tāḍitastāta gaṃdharvatanayo vane || 63 ||
[Analyze grammar]

tapastapansadaikāṃte kāmakrodhavivarjitaḥ |
sa māmuvāca dharmātmā krodharāgasamanvitaḥ || 64 ||
[Analyze grammar]

tāḍayennaiva tāḍaṃtaṃ krośaṃtaṃ naiva krośayet |
ityuvāca sa māṃ tāta tanme tvaṃ kāraṇaṃ vada || 65 ||
[Analyze grammar]

evamuktaḥ sa vai mṛtyuḥ sunīthāṃ dvijasattamāḥ |
kiṃcinnovāca dharmātmā praśnapratyuttaraṃ tataḥ || 66 ||
[Analyze grammar]

vanaṃ prāptā punaḥ sā hi suśaṃkho yatra saṃsthitaḥ |
karāghātaistato dauṣṭyādghātitastapatāṃ varaḥ || 67 ||
[Analyze grammar]

suśaṃkhastāḍito viprā mṛtyoścaiva hi kanyayā |
tataḥ kruddho mahātejāḥ śaśāpa tanumadhyamām || 68 ||
[Analyze grammar]

nirdoṣo hi yato duṣṭe tvayaiva paritāḍitaḥ |
ahamatra vane saṃsthastasmācchāpaṃ dadāmyaham || 69 ||
[Analyze grammar]

gārhasthyaṃ ca samāsthāya saha bhartrā yadā śṛṇu |
pāpācāramayaḥ putro devabrāhmaṇaniṃdakaḥ || 70 ||
[Analyze grammar]

sarvapāparato duṣṭe tava garbhe bhaviṣyati |
evaṃ śaptvā gataḥ sopi tapa eva samāśritaḥ || 71 ||
[Analyze grammar]

gate tasminmahābhāge sā sunīthā gṛhaṃ gatā |
samācaṣṭa mahātmānaṃ pitaraṃ taptamānasā || 72 ||
[Analyze grammar]

yathā śaptā tadā tena gaṃdharvatanayena sā |
tatsarvaṃ saṃśrutaṃ tena mṛtyunā paribhāṣitam || 73 ||
[Analyze grammar]

kasmātkṛtastvayāghātastapati doṣavarjite |
yuktaṃ naiva kṛtaṃ putri satyasyaiva hi tāḍanam || 74 ||
[Analyze grammar]

evamābhāṣya dharmātmā mṛtyuḥ paramaduḥkhitaḥ |
babhūva sa hi tattasyādiṣṭamevaṃ viciṃtayan || 75 ||
[Analyze grammar]

sūta uvāca |
atriputro mahātejā aṃgo nāma pratāpavān |
ekadā tu gato viprā naṃdanaṃ prati sa dvijaḥ || 76 ||
[Analyze grammar]

tatra dṛṣṭvā devarājaṃ tamiṃdraṃ pākaśāsanam |
apsarasāṃ gaṇairyuktaṃ gaṃdharvaiḥ kinnaraistathā || 77 ||
[Analyze grammar]

gīyamānaṃ gītagaiśca susvaraiḥ saptakaistathā |
vījyamānaṃ sugaṃdhaiśca vyajanaiḥ sarva eva saḥ || 78 ||
[Analyze grammar]

yoṣidbhī rūpayuktābhiścāmarairhaṃsagāmibhiḥ |
chatreṇa haṃsavarṇena caṃdrabiṃbānukāriṇā || 79 ||
[Analyze grammar]

rājamānaṃ sahasrākṣaṃ sarvābharaṇabhūṣitam |
kāmakrīḍāgataṃ devaṃ dṛṣṭavānamitaujasam || 80 ||
[Analyze grammar]

tasya pārśve mahābhāgāṃ paulomīṃ cārumaṃgalām |
rūpeṇa tejasā caiva tapasā ca yaśasvinīm || 81 ||
[Analyze grammar]

saubhāgyena virājaṃtīṃ pātivratyena tāṃ satīm |
tayā saha sahasrākṣaḥ sa reme naṃdane vane || 82 ||
[Analyze grammar]

tasya līlāṃ samālokya aṃgaścaiva dvijottamaḥ |
dhanyo vai devarājo'yamīdṛśaiḥ parivāritaḥ || 83 ||
[Analyze grammar]

aho'sya tapaso vīryaṃ yena prāptaṃ mahatpadam |
yadā mamedṛśaḥ putraḥ sarvalokapradhārakaḥ || 84 ||
[Analyze grammar]

bhavettadā mahatsaukhyaṃ prāpsyāmīha na saṃśayaḥ |
iti ciṃtāparo bhūtvā tvaramāṇo gṛhāgataḥ || 85 ||
[Analyze grammar]

iti śrīpadmapurāṇe bhūmikhaṃḍe venopākhyāne triṃśo'dhyāyaḥ || 30 ||
[Analyze grammar]