Chapter 250

vāyuparamaṇvantarjagadvarṇanaprasaṅgena paramārthasargayoraikyapratipādanaṃ nāma sargaḥ |
pañcāśaduttaradviśatatamaḥ sargaḥ |
vasiṣṭhaḥ |
athaivaṃrūpasaṃvitteḥ parāvṛtya prayatnataḥ |
tamambarakuṭīkośadeśamāgatavānaham || 1 ||
[Analyze grammar]

yāvattatra na paśyāmi svadehaṃ kvacana sthitam |
paśyāmi kevalaṃ siddhaṃ kamapyanyaṃ puraḥ sthitam || 2 ||
[Analyze grammar]

upaviṣṭaṃ samādhānaniṣṭhamiṣṭapadaṃ gatam |
somyodayamivādityaṃ dagdhendhanamivānalam || 3 ||
[Analyze grammar]

baddhapadmāsanaṃ śāntaṃ samādhānaniriṅganam |
gulphadvitayamadhyasthavṛṣaṇaṃ viṣayātigam || 4 ||
[Analyze grammar]

mṛṣṭasomyasamābhogaskandhabandhurakandharam |
susthirodaraviśrāntasthānakasthitisundaram || 5 ||
[Analyze grammar]

nābhīnikaṭagottānapāṇidvitayadīptibhiḥ |
hṛdayāmbhojatejobhirbahissthairiva bhāsitam || 6 ||
[Analyze grammar]

śliṣṭapakṣmekṣaṇaṃ kṣīṇasarvecchaṃ svacchatāṃ gatam |
saro nimīlitāmbhojamiva suptaṃ dinātyaye || 7 ||
[Analyze grammar]

avikṣubhitamāśāntamantaḥkaraṇakoṭaram |
dadhānaṃ dhīrayā vṛttyā śāntotpātamivāmbaram || 8 ||
[Analyze grammar]

apaśyatā nijaṃ dehaṃ taṃ muniṃ paśyatā puraḥ |
idaṃ mayā tadā tatra cintitaṃ cārucetasā || 9 ||
[Analyze grammar]

ayaṃ kaścinmahāsiddhaḥ samprāpto'smindigambare |
cirāyāhamivaikāntaviśramārthī mahāmbaram || 10 ||
[Analyze grammar]

samādhiyogyamekāntaṃ labheyetīha cintayā |
kuṭī dṛṣṭeyametena satyasaṅkalpaśālinā || 11 ||
[Analyze grammar]

madāgamanametena tato'cintayatācalam |
taṃ maddehaṃ śavībhūtamapāsyeha kṛtā sthitiḥ || 12 ||
[Analyze grammar]

tadihāstāmayaṃ yāmi svaṃ lokamiti niścayī |
yāvadgantuṃ pravṛtto'smi tāvatsaṅkalpanakṣayāt || 13 ||
[Analyze grammar]

sā nivṛttā kuṭī tatra sampannaṃ vyoma kevalam |
sa siddho'tha nirādhāraḥ patito'dhaḥ samādhimān || 14 ||
[Analyze grammar]

svapnasaṅkalpasaṃśāntau svapnasaṅkalpapattanam |
yathā sāśu kuṭī naṣṭā matsaṅkalpopaśāntitaḥ || 15 ||
[Analyze grammar]

sa papāta tato dhyānī jalotpīḍa ivāmbudāt |
khādivānilanunno'bda indurdiva iva kṣaye || 16 ||
[Analyze grammar]

vaimānika ivāpuṇyaśchinnamūla iva drumaḥ |
khāttyakta iva pāṣāṇaḥ sa papāta tato'vanau || 17 ||
[Analyze grammar]

ahaṃ yāvadiyaṃ tāvatkuṭikāstviti kalpane |
kṣīṇe kuṭīkṣaye jāte sa siddhaḥ patitaḥ kṣaṇāt || 18 ||
[Analyze grammar]

patatā tena siddhena tataḥ saujanyakautukāt |
sārdhamevāhamagamaṃ nabhaso vasudhātalam || 19 ||
[Analyze grammar]

so'patatpavanaskandhavalanāvartavṛttibhiḥ |
saptadvīpasamudrāntagīrvāṇaramaṇāvanau || 20 ||
[Analyze grammar]

prāṇāpānordhvagāmitvātkhād yathāsthitameva saḥ |
spaṣṭa evordhvamūrdhorvyāṃ baddhapadmāsano'patat || 21 ||
[Analyze grammar]

na prabuddho babhūvāsāviva nūnamacetanaḥ |
pāṣāṇadeha iva vā vātūlātmeva vā laghuḥ || 22 ||
[Analyze grammar]

mayā tadavabodhārthamatha yatnavatā tadā |
kṛtvā jaladatāṃ vyomno vṛṣṭaṃ garjitamūrjitam || 23 ||
[Analyze grammar]

karakāśanipātena tena tasmindigantare |
mayūraḥ prāvṛṣīvāsau buddho'bodhi vanāvaneḥ || 24 ||
[Analyze grammar]

babhāvāsāditāṅgaśrīrvikāsitavilocanaḥ |
dhārānikaraphullātmā prāvṛṣīvāmbujākaraḥ || 25 ||
[Analyze grammar]

prabuddhaṃ sampraśāntāyāṃ vṛṣṭau tamahamagrataḥ |
apṛcchaṃ svacchamāvṛttyā nivṛttaṃ paramārthataḥ || 26 ||
[Analyze grammar]

kva sthito'si karoṣīdaṃ kiṃ ca bho munināyaka |
kastvaṃ kasmādalaṃ dūrānna bhraṃśamapi cetasi || 27 ||
[Analyze grammar]

ityukto māmasau prekṣya saṃsmṛtya prāktanīṃ gatim |
uvāca vacanaṃ cāru cātako jaladaṃ yathā || 28 ||
[Analyze grammar]

siddhaḥ |
pratipālaya me yāvatsvavṛttāntaṃ smarāmyaham |
kathayiṣyāmi te paścātpāścātyaṃ vṛttamātmanaḥ || 29 ||
[Analyze grammar]

vasiṣṭhaḥ |
ityuktvā cintayitvāśu sa yathāvṛttamakṣatam |
smṛtavān sāyamahnīva samācaritamātmanaḥ || 30 ||
[Analyze grammar]

māmathovāca vacanaṃ cāru candrāṃśuśītalam |
āhlādakamanindyaṃ ca niravadyaṃ sukhodayam || 31 ||
[Analyze grammar]

siddhaḥ |
adhunā tvaṃ mayā brahmanparijñāto'bhivādaye |
atikramo'yaṃ kṣantavyaḥ svabhāvo hi satāṃ kṣamā || 32 ||
[Analyze grammar]

mune ciramahaṃ bhrānto devopavanabhūmiṣu |
bhogāmodavimoheṣu ṣaṭpadaḥ padminīṣviva || 33 ||
[Analyze grammar]

dṛśyanadyāmatho cittajalakallolahelayā |
cakrāvartohyamānena mayodvignena cintitam || 34 ||
[Analyze grammar]

saṃsārasāgare dṛśyakalollairahamākulaḥ |
kālenodvegamāyātaścātako'vagrahe yathā || 35 ||
[Analyze grammar]

saṃvinmātraikasāreṣu ramyaṃ bhogeṣu nāma kim |
avatiṣṭhe gatodvegaṃ saṃvidvyomnyeva kevalam || 36 ||
[Analyze grammar]

śabdarūparasasparśagandhamātrādṛte param |
neha kiñcana nāmāsti kimetāvatyalaṃ rame || 37 ||
[Analyze grammar]

vinmātrākāśamevaitatsarvaṃ vinmātrameva vā |
tatkimatrāsadākāre rame naṣṭamatiryathā || 38 ||
[Analyze grammar]

viṣayā viṣavaiṣamyā vāmāḥ kāmavimohadāḥ |
rasā virasavairasyā luṭhanneṣu na ko hataḥ || 39 ||
[Analyze grammar]

jīrṇajīvitajambālajaracchapharikāṃ matim |
kāyadrumagatādātuṃ jarecchati bṛhadbakī || 40 ||
[Analyze grammar]

kāyo'yamacirāpāyo budbudo'mbunidhāviva |
sphuranneva puro'ntardhiṃ yāti dīpaśikhā yathā || 41 ||
[Analyze grammar]

vividhākulakallolā cakrāvartavidhāyinī |
mṛtijanmabṛhatkūlā sukhaduḥkhataraṅgiṇī || 42 ||
[Analyze grammar]

yauvanollāsakalilā jarādhavalaphenilā |
kākatālīyayogena sampannasukhabudbudā || 43 ||
[Analyze grammar]

vyavahāramahāvāhalekhā jaḍarayākulā |
rāgadveṣaghanollāsā bhūtalāloladehikā || 44 ||
[Analyze grammar]

lobhamohamahāvartā pātotpātavivartinī |
hā taptā jīvitākhyeyaṃ nadī nadanaśītalā || 45 ||
[Analyze grammar]

apūrvāṇyupagacchanti tathā pūrvāṇi yāntyalam |
saṃsārasaridambūni saṅgatāni dhanāni ca || 46 ||
[Analyze grammar]

pravṛttā ye nivartante tairalaṃ hatabhāvakaiḥ |
apūrvā ye pravartante teṣvapyāstheha kīdṛśī || 47 ||
[Analyze grammar]

sarvasyāḥ sarito vāri prayātyāyāti cākarāt |
dehanadyāḥ payastvāyuḥ prayātyāyāti no punaḥ || 48 ||
[Analyze grammar]

śataśaḥ parivartante pratipiṇḍaṃ kṣaṇaṃ prati |
kulālacakrikābhāvā iva bhāvā bhavāmbudhau || 49 ||
[Analyze grammar]

caranti caturāścaurā viṣamā viṣayārayaḥ |
haranti bhāvasarvasvaṃ jāgarmi svapimīha kim || 50 ||
[Analyze grammar]

āyuṣaḥ khaṇḍakhaṇḍāśca nipatantaḥ punaḥ punaḥ |
na kaścidvetti kālena kṛtāni divasānyaho || 51 ||
[Analyze grammar]

idamadya tathedaṃ śvastathedamidamadya me |
evaṃkalanayā loko gataṃ prāptaṃ na vettyaho || 52 ||
[Analyze grammar]

bhuktaṃ pītamanantāsu bhrāntaṃ ca bhavabhūmiṣu |
dṛṣṭāni sukhaduḥkhāni kimanyadiha sādhyate || 53 ||
[Analyze grammar]

sukhaduḥkhānubhavanādbhūyo bhūyo vivartanāt |
anityatvācca bhāvānāṃ sthitā niṣkautukā vayam || 54 ||
[Analyze grammar]

bhuktāni bhogavṛndāni dṛṣṭā cānityatā bhṛśam |
nopalabhyata evātiviśrāntiriha kutracit || 55 ||
[Analyze grammar]

bhrāntamuttuṅgaśṛṅgāsu merūpavanabhūmiṣu |
lokapālapurīṣūccaiḥ samprāptaṃ kimakṛtrimam || 56 ||
[Analyze grammar]

sarvatra dārubhirvṛkṣā māṃsairbhūtāni bhūrmṛdā |
duḥkhānyanityatā ceti kathamāśvāsyate vada || 57 ||
[Analyze grammar]

na dhanāni na mitrāṇi na sukhāni na bandhavaḥ |
śaknuvanti paritrātuṃ kālena kalitaṃ janam || 58 ||
[Analyze grammar]

jano jaraḍhajīmūtajālavadgirikukṣiṣu |
yātyantaśśūnya evāstaṃ pāṃsūpacayapelavaḥ || 59 ||
[Analyze grammar]

neme manoramāḥ kāmā na ca ramyā vibhūtayaḥ |
idaṃ mattāṅganāpāṅgabhaṅgalolaṃ ca jīvitam || 60 ||
[Analyze grammar]

kveva kasya kathaṃ nāma kuta āśvāsanaṃ mune |
adya śvo vā padaṃ pāpo mṛtyurmūrdhni niyacchati || 61 ||
[Analyze grammar]

śarīraṃ parṇavadbhraṃśi jīvitaṃ jīrṇasaṃsthiti |
dhīradhīratayā grastā rasā nīrasatāṃ gatāḥ || 62 ||
[Analyze grammar]

nītaṃ manorathaireva nīrasairāyurātatam |
na manasvi camatkārakāri kiñcidapīhitam || 63 ||
[Analyze grammar]

moho'dya māndyamāyāto deho nehopapadyate |
anāsthaivottamāvasthā sthānāsthaivādhamasthitiḥ || 64 ||
[Analyze grammar]

āpadāpatitaiveyaṃ mahāmohavidhāyinī |
nityamityeva mantavyaṃ saktavyaṃ neha saṃsṛtau || 65 ||
[Analyze grammar]

vidhibhiḥ pratiṣedhaiśca śāstritairapyaśāstritaiḥ |
yatheṣṭaṃ nīyate loko jalaṃ nimnonnatairiva || 66 ||
[Analyze grammar]

vivekāmodasarvasvaṃ cetaḥkusumakośataḥ |
hṛtvā mūrchāṃ prayacchanti viṣayā viṣavāyavaḥ || 67 ||
[Analyze grammar]

asadeva tathā nāma dṛśyaṃ sattāmupāgatam |
yathā sadevāsadrūpaṃ sampannamasadeva sat || 68 ||
[Analyze grammar]

dolayantyo'vanau dehaṃ sāgarān sāgarāṅganāḥ |
yathā dhāvanti dhāvanti janatā viṣayāṃstathā || 69 ||
[Analyze grammar]

dhāvanti viṣayaṃ lakṣyamunmuktāścittasāyakāḥ |
spṛśanti na guṇaṃ bhūyaḥ kṛtaghnāḥ sauhṛdaṃ yathā || 70 ||
[Analyze grammar]

utpātavāyurevāyurmitrāṇyevātiśatravaḥ |
bandhavo bandhanānyeva dhanānyevātinaidhanam || 71 ||
[Analyze grammar]

sukhānyevātiduḥkhāni sampadaḥ paramāpadaḥ |
bhogā bhavamahārogā ratireva parāratiḥ || 72 ||
[Analyze grammar]

āpadaḥ sampadaḥ sarvāḥ sukhaṃ duḥkhāya kevalam |
jīvitaṃ maraṇāyaiva bata māyā vijṛmbhate || 73 ||
[Analyze grammar]

bahūn kālaparāvartāniṣṭāniṣṭān sukhaṃ manāk |
paśyanpriyaviyogāṃśca yāti jarjaratāṃ janaḥ || 74 ||
[Analyze grammar]

bhogā viṣayasambhogā bhogā iva phaṇāvatām |
daśantyapi manākspṛṣṭā dṛṣṭanaṣṭāḥ pratikṣaṇam || 75 ||
[Analyze grammar]

āyuryāti nirāyāsapadasamprāptivarjitaiḥ |
udarkabhaṅgurākāraiḥ karālaiḥ kaṣṭaceṣṭitaiḥ || 76 ||
[Analyze grammar]

bhogāśābaddhatṛṣṇānāmavamānaḥ pade pade |
ālānaparilīnānāṃ vanyānāmiva dantinām || 77 ||
[Analyze grammar]

sampadaḥ pramadāścaiva taraṅgotsaṅgabhaṅgurāḥ |
kastāsvahiphaṇācchattracchāyāsu ramate budhaḥ || 78 ||
[Analyze grammar]

satyaṃ manoramāḥ kāmāḥ satyaṃ ramyā vibhūtayaḥ |
kiṃ tu mattāṅganāpāṅgabhaṅgalolaṃ hi jīvitam || 79 ||
[Analyze grammar]

āpātaramaṇīyeṣu ramante viṣayeṣu ye |
atyantavirasānteṣu patanti narakeṣu te || 80 ||
[Analyze grammar]

dvandvadoṣoparuddhāni dussādhānyasthirāṇi ca |
dhanānyabhavyasevyāni mama jātu na tuṣṭaye || 81 ||
[Analyze grammar]

āpātamātramadhurā duḥkhaparyavasāyinī |
mohanāyaiva lokasya lakṣmīḥ kṣaṇavināśinī || 82 ||
[Analyze grammar]

āpātaramaṇīyāni vimardavirasānyati |
sukhānyāpatpradhānāni saṅgatāni khalairiva || 83 ||
[Analyze grammar]

śaradambudharacchāyāgatvaryo yauvanaśriyaḥ |
āpātaramyā viṣayāḥ paryantaparitāpinaḥ || 84 ||
[Analyze grammar]

antakaḥ paryavasthātā jīvite mahatāmapi |
calānyāyūṃṣi śākhāgralambāmbūnīva dehinām || 85 ||
[Analyze grammar]

jīryante jīryataḥ keśā dantā jīryanti jīryataḥ |
kṣīyate jīryataḥ sarvaṃ tṛṣṇaivaikā na jīryate || 86 ||
[Analyze grammar]

bhogābhogātigahane sarvasmin kāyakānane |
paramullāsamāyāti tṛṣṇaikā viṣamañjarī || 87 ||
[Analyze grammar]

bālyaṃ yauvanavad yāti yauvanaṃ yāti bālyavat |
upamānopameyatvaṃ bhaṅguratve mitho'nayoḥ || 88 ||
[Analyze grammar]

jīvitaṃ galati kṣipraṃ jalamañjalito yathā |
pravāha iva vāhinyā gataṃ na vinivartate || 89 ||
[Analyze grammar]

jhagityevāgato dehaḥ kuto'pyarjunavātavat |
yāti paśyata evāstaṃ taraṅgāmbudadīpavat || 90 ||
[Analyze grammar]

ramyeṣvaramyatā dṛṣṭā sthireṣvasthiratāpi ca |
satyeṣvasatyatārtheṣu teneha virasā vayam || 91 ||
[Analyze grammar]

sukhaṃ yadātmaviśrāntau gate manasi sattvatām |
pātāle bhūtale svarge tanna bhogeṣu keṣucit || 92 ||
[Analyze grammar]

api sampūrṇahṛdyārthāḥ pañcāpīndriyavṛttayaḥ |
nāvarjayanti māmetā bhṛṅgaṃ citralatā iva || 93 ||
[Analyze grammar]

adya dīrgheṇa kālena nirahaṅkṛtinā mayā |
svargāpavargavaitṛṣṇyamidamāsāditaṃ dhiyā || 94 ||
[Analyze grammar]

ciramekāntaviśrāntyai tenaitannabhasaḥ padam |
tvamivāgatavānatra dṛṣṭavānasmi tāṃ kuṭīm || 95 ||
[Analyze grammar]

adyaitatsamparijñātaṃ yaddhi sā bhavataḥ kuṭī |
āgantā tvaṃ punaśceti jñāyate kvāvicāritam || 96 ||
[Analyze grammar]

tadā tvatra mayā jñātaṃ kaścitsiddho'yamātmanā |
dehaṃ tyaktveha nirvāṇaṃ gata ityanumāninā || 97 ||
[Analyze grammar]

etanme bhagavanvṛttameṣo'smīti yathāsthitam |
mayā te kathitaṃ sarvaṃ yathā jānāsi tatkuru || 98 ||
[Analyze grammar]

siddhairna yāvadavadhānaparairvicārya nirṇītamuttamadhiyāntaraśeṣavastu |
tāvattrikālakalanāṃ na vidanti kāñcidityabjajādimanaso'pi mune svabhāvaḥ || 99 ||
[Analyze grammar]