Chapter 251

pāṣāṇopākhyāne ākāśāmaṇḍape siddhasamāgamagāthāvarṇanaṃ nāma sargaḥ |
ekapañcāśaduttaradviśatatamaḥ sargaḥ |
vasiṣṭhaḥ |
atha hemamayākāśavistīrṇāyāṃ mahābhuvi |
sauhārdādeva siddhasya tasyedamahamuktavān || 1 ||
[Analyze grammar]

tvayā na kevalaṃ yāvanmayāpi na vicāritam |
avyāptirahitā nāma na sambhavati dehatā || 2 ||
[Analyze grammar]

yasmānmayā tavodantaṃ vicāryāsau sthirīkṛtā |
na kuṭī vyomni yena tvamabhaviṣyaḥ sthirasthitiḥ || 3 ||
[Analyze grammar]

tasmātkamalapatrākṣa yadgataṃ gatameva tat |
vicāryātītamutsṛjya paśya sāmpratikīṃ sthitim || 4 ||
[Analyze grammar]

uttiṣṭha siddhalokeṣu nivasāvo yathāsthitam |
svāspadasthitayaḥ saumyāḥ svātmasiddhau susādhanam || 5 ||
[Analyze grammar]

iti nirṇīya tāvāvāmutplutau tārakopamau |
samamekapuṭoḍḍīnau vyoma yantropalāviva || 6 ||
[Analyze grammar]

praṇāmapūrvamanyo'nyamatha kṛtvā visarjanam |
gataḥ so'bhimataṃ deśamahaṃ cābhimataṃ gataḥ || 7 ||
[Analyze grammar]

iti vṛttāntamakhilamuktavānasmi rāghava |
tavāścaryamayīṃ paśya saṃsṛtīnāṃ vicitratām || 8 ||
[Analyze grammar]

rāmaḥ |
bhagavaṃstava deho'sau pṛthivyāmaṇutāṃ gataḥ |
bhrāntaḥ kena śarīreṇa siddhalokāṃstato bhavān || 9 ||
[Analyze grammar]

vasiṣṭhaḥ |
āṃ sṃrtaṃ śṛṇu kiṃ vṛttaṃ tato mama jagadgṛhe |
bhramataḥ siddhasenāsu lokapālapurīṣu ca || 10 ||
[Analyze grammar]

ahamindrapuraṃ prāpto na kaścittatra dṛṣṭavān |
māmimaṃ deharahitamātivāhikadehinam || 11 ||
[Analyze grammar]

ahaṃ kila tadā rāma sampanno gaganākṛtiḥ |
na cādhāro na cādheyaścidākāśamayātmakaḥ || 12 ||
[Analyze grammar]

na grahītā na ca grāhyastvādṛśārthāvabodhinām |
na caiva deśakālānāṃ kvacidāvṛtikārakaḥ || 13 ||
[Analyze grammar]

aruddhaśca padārthaughaiḥ svayaṃ svānubhavonmukhaḥ |
vyavahartā tathābhūtaireva pumbhirmanomayaiḥ || 14 ||
[Analyze grammar]

svapnānubhūtayo rāma dṛṣṭānto'trāvikhaṇḍitaḥ |
anubhūtyapalāpaṃ tu yaḥ kuryāttena te'stvalam || 15 ||
[Analyze grammar]

yathā svapne naro gehe vyavahartā na dṛśyate |
tathā tadā na dṛṣṭo'smi purasstho'pi nabhogataiḥ || 16 ||
[Analyze grammar]

ahamanyaṃ prapaśyāmi pārthivākārabhāvanam |
māmātivāhikātmānaṃ na kaścidapi paśyati || 17 ||
[Analyze grammar]

rāmaḥ |
na dṛśyate videhatvādbhavānvyomavapuryadi |
tatkathaṃ tena siddhena dṛṣṭo'si kanakāvanau || 18 ||
[Analyze grammar]

vasiṣṭhaḥ |
asmadādirjano rāma yathāsaṅkalpitārthabhāk |
nāsaṅkalpitamāpnoti satyakāmavapuryataḥ || 19 ||
[Analyze grammar]

vyavahāreṣu magnena laukikeṣvamalātmanā |
kṣaṇādvismāryate puṃsā svātivāhikatātmanaḥ || 20 ||
[Analyze grammar]

mayā paśyatu māmeṣa iti saṅkalpitaṃ tadā |
tena māṃ dṛṣṭavāneṣa svasaṅkalpārthabhājanam || 21 ||
[Analyze grammar]

jano jaraḍhabhedatvānna saṅkalpārthabhājanam |
sa eva jīrṇabhedatvātsatyakāmatvabhājanam || 22 ||
[Analyze grammar]

dvayostu siddhayoḥ siddha viruddhepsitayormithaḥ |
adhikaikāvadātātmā jayī puruṣayatnavān || 23 ||
[Analyze grammar]

bhramataḥ siddhasenāsu lokapālapurīṣu me |
vismṛtā vyavahāraughaiḥ sātivāhikatātmanaḥ || 24 ||
[Analyze grammar]

yadā tadāhamamarairvyavahartuṃ sahāmbare |
pravṛtto na ca māṃ kaścittatra paśyati cañcalam || 25 ||
[Analyze grammar]

atyantamapyāraṭataśśabdo na śrūyate mama |
kenacitsuralokeṣu svapnapuṃsa ivānagha || 26 ||
[Analyze grammar]

avaṣṭabdhuṃ pravṛttasya nānyāvaṣṭabdhaye mama |
sampadyate kiñcidapi manomananadehinaḥ || 27 ||
[Analyze grammar]

evaṃ vyomapiśāco'haṃ sampanno raghunandana |
mayānubhūtā kāpyeṣā devāgārapiśācatā || 28 ||
[Analyze grammar]

rāmaḥ |
piśācāḥ santi loke'smin kimākārāḥ kimāspadāḥ |
kiṃjātiyāḥ kimācārāḥ kīdṛśāḥ kīdṛśāśayāḥ || 29 ||
[Analyze grammar]

vasiṣṭhaḥ |
piśācāḥ santi lokeṣu yādṛśāstānimāñchṛṇu |
na sabhyo'sau na yo vakti prasaṅgāpatitaṃ vacaḥ || 30 ||
[Analyze grammar]

piśācāḥ kecidākāśasadṛśāśśūnyadehakāḥ |
hastapādādisaṃyuktāṃ paśyanti tvamivākṛtim || 31 ||
[Analyze grammar]

chāyayā bhayadāyinyā tvanyārthabhramarūpayā |
te cittākramaṇaṃ kṛtvā vedhayanti narāśayam || 32 ||
[Analyze grammar]

ghnantyadanti pibantyāśu laghusattvaṃ calaṃ janam |
balamāṃsamatho jīvān hiṃsantyākramya cittakam || 33 ||
[Analyze grammar]

ākāśasadṛśāḥ kecitkecinnīhārasannibhāḥ |
kecitsvapnanarākārāḥ sākārā api khātmakāḥ || 34 ||
[Analyze grammar]

kecitsvapnanaraprakhyāḥ kecitpavanadehakāḥ |
kecidbhramātmakā eva sarve buddhimanomayāḥ || 35 ||
[Analyze grammar]

grahītuṃ naiva yujyante grahītuṃ śaknuvanti no |
ākāśaśūnyavapuṣaḥ paśyantyākṛtimātmanaḥ || 36 ||
[Analyze grammar]

śītātapādivihitaṃ sukhaṃ duḥkhaṃ vidanti ca |
pātumattumavaṣṭabdhumīhante śaknuvanti no || 37 ||
[Analyze grammar]

icchādveṣabhayakrodhalobhamohasamanvitāḥ |
mantrauṣadhatapodānadhairyadharmavaśīkṛtāḥ || 38 ||
[Analyze grammar]

sattvāvaṣṭambhayantreṇa mantreṇārādhitena vā |
dṛśyante'pi ca gṛhyante kadācitkenacitkvacit || 39 ||
[Analyze grammar]

devayonirhi sā tena keciddevopamarddhayaḥ |
kecinnarasamaśrīkāḥ kecinnāgasamarddhayaḥ || 40 ||
[Analyze grammar]

śvasṛgālopamāḥ kecidgrāmajaṅgalavāsinaḥ |
kulyāvakararathyāsu vasanti nirayeṣu ca || 41 ||
[Analyze grammar]

etadāspadameteṣāmityākārāḥ prakīrtitāḥ |
piśācā evamācārā janmaiṣāṃ śrūyatāmidam || 42 ||
[Analyze grammar]

acetyacinmayaṃ brahma sarvaśaktisvabhāvataḥ |
yatsthitaṃ buddhamevāntaścetyaṃ saṅkalpayattviva || 43 ||
[Analyze grammar]

tajjīvaṃ viddhi sa prauḍhastvahaṅkāra iti smṛtaḥ |
so'haṅkāraḥ smṛtaḥ puṣṭo mana ityuditātmabhiḥ || 44 ||
[Analyze grammar]

sa eṣa kathyate brahmā saṅkalpākāśarūpavān |
asadevāsato bījaṃ jagato vigatākṛti || 45 ||
[Analyze grammar]

evaṃ manaḥ sthito brahmā sadeho'pyamalaṃ nabhaḥ |
tatsvapnapuruṣākāraḥ sannevāsadvapuḥ sadā || 46 ||
[Analyze grammar]

pṛthvyādimūrtirahitastvātivāhikadehavān |
pṛthvyādayaḥ kila kutaḥ saṅkalpapuruṣasya khe || 47 ||
[Analyze grammar]

bhavanmano yathākāśapuraṃ paśyati kalpitam |
tathā mano viriñcatvaṃ paśyatyātmani kalpitam || 48 ||
[Analyze grammar]

yadvetti kalpitaṃ tatsa paśyatyanubhavatyapi |
yo yāvanmātrakastatsa kasmātkila na paśyati || 49 ||
[Analyze grammar]

sa yatpaśyati tattādṛk śūnyātmā śūnyamambare |
brahma brahmaṇi vā brahmā tadidaṃ jagaducyate || 50 ||
[Analyze grammar]

tathā sa pratibhāso'sya cirakālaikabhāvanāt |
ghanībhūtaḥ sthitaḥ puṣṭaḥ sudīrghasvapnasundaraḥ || 51 ||
[Analyze grammar]

ātivāhikadehasya tasya taccirabhāvanāt |
sargānubhavanaṃ bhūri brahmaṇo brahmarūpyapi || 52 ||
[Analyze grammar]

gataṃ prakaṭatotkarṣādādhibhautikadehatām |
tenaiva sarga ityukto bhedasantatibhāsuraḥ || 53 ||
[Analyze grammar]

sa brahmā brahmamātrātmā brahmamātrātmanostayoḥ |
ajātayoreva sadā tadātmajagatordvayoḥ || 54 ||
[Analyze grammar]

abhinnayoreva bhṛśaṃ śūnyatvāmbarayoriva |
aikātmyenaiva lasatoḥ pavanaspandayoriva || 55 ||
[Analyze grammar]

vetti bhūtamayatvaṃ tanmithyaiva na tu vāstavam |
tathā yathā tvaṃ saṅkalpapuruṣasya sato'sataḥ || 56 ||
[Analyze grammar]

tataśśarīradhātūnāṃ tena pṛthvyādikāḥ kṛtāḥ |
abhidhāḥ pañca citṣaṣṭhā jagadityeva tāḥ sthitāḥ || 57 ||
[Analyze grammar]

yathā tvasatya evāyaṃ saṅkalpaḥ satya eva te |
tathāsāvātmasaṅkalpaṃ satyamevānubhūtavān || 58 ||
[Analyze grammar]

sa svayaṃ cinmayākāśastatsaṅkalpaścidambaram |
ataḥ svapno jagatsarvaṃ kva tau nāśodbhavau sthitau || 59 ||
[Analyze grammar]

yathaiva tanmanaḥ satyaṃ tadaṃśāḥ satyameva te |
tathaiva tatkṛtāścandrarudrārkendramarīcayaḥ || 60 ||
[Analyze grammar]

evaṃsthite jagajjālaṃ tanmanorājyamucyate |
tacca śūnyaṃ nirālambamākāśamaghanaṃ citi || 61 ||
[Analyze grammar]

yathā svapnapuraṃ vyoma saṅkalpādriryathā nabhaḥ |
tathā brahma jagaccaiva khamevācchamanākṛti || 62 ||
[Analyze grammar]

evamābhāsamātrasya kacato'niśamavyayam |
sargādimadhyāntadṛśo mudhaivātroditāḥ sthitāḥ || 63 ||
[Analyze grammar]

kiṃ cidākāśakośasya tava vā mama vānagha |
jagato vāpi jāyeta kiṃ vā naśyati me vada || 64 ||
[Analyze grammar]

tatkimarthamanarthāya nirarthakamapārthakāḥ |
kasmādabhyuditā brūhi rāgadveṣabhayādayaḥ || 65 ||
[Analyze grammar]

vastuto'ṅga na sargādirna sargo nāpyasargatā |
vidyate sakṛdābhātamidamitthaṃ sadeva tat || 66 ||
[Analyze grammar]

aśūnye vipulābhoge svacchacijjalapūrite |
kalanāpaṅkakalile bhaviṣyaccittadardure || 67 ||
[Analyze grammar]

antarikṣākṣayakṣetre khātmano gaganātmikā |
tasmādbījādiyaṃ jātā bhūribhūtaśilāvaliḥ || 68 ||
[Analyze grammar]

nāsti kiñcidiha kṣetraṃ vyuptaṃ ca na ca kiñcana |
na bījamasti no jātaṃ kiñcitsarvaṃ ca saṃsthitam || 69 ||
[Analyze grammar]

yāśśilāvalayastvatra puṣṭāstā vibudhādayaḥ |
yāstu varṇojjvalā etāstāḥ sthitā buddhabuddhayaḥ || 70 ||
[Analyze grammar]

yāstvardhapakvāstā etā naranāgādijātayaḥ |
yāstvāśyānā rajonaṣṭāstāḥ krimisthāvarādayaḥ || 71 ||
[Analyze grammar]

yāstvagurvyaḥ phalairhīnāśśūnyākārāḥ kṣayaṃ gatāḥ |
aśarīrāśśarīriṇyastāḥ piśācādikāḥ smṛtāḥ || 72 ||
[Analyze grammar]

na hi saṅkalpinaḥ svecchā kvacitparyanuyujyate |
tāstathecchā viriñcasya tathā rāma tadoditāḥ || 73 ||
[Analyze grammar]

sarvā eva cidākāśarūpiṇyo bhūtajātayaḥ |
ātivāhikadehinyaḥ pṛthvyādirahitātmikāḥ || 74 ||
[Analyze grammar]

tāścirābhyāsavaśatastvādhibhautikasaṃvidam |
prāptā dīrghānubhavanātsvapnā jāgraddaśāmiva || 75 ||
[Analyze grammar]

piśācādyāstathā hyete tathābhūtādhibhautikāḥ |
tiṣṭhanti tuṣṭamanasaḥ svasaṃsāravihāriṇaḥ || 76 ||
[Analyze grammar]

paśyanti kāścidanyo'nyaṃ grāmyā grāmeyakāniva |
svapnaikalokavāstavyā ivaitā bhūtajātayaḥ || 77 ||
[Analyze grammar]

kāścidbahunaraprāptasvapnanirmāṇalokavat |
nānyo'nyamabhipaśyanti nānāsaṃsthānasaṃsthitim || 78 ||
[Analyze grammar]

sthitā yathaitā jagati piśācādyāḥ kujātayaḥ |
prāyastathaitāḥ kumbhāṇḍayakṣapretādayaḥ sthitāḥ || 79 ||
[Analyze grammar]

yathā yatreha vai nāgā jalaṃ tatraiva tiṣṭhate |
tathā yatra piśācādyāstamastatrāvatiṣṭhate || 80 ||
[Analyze grammar]

madhyāhne'pi piśācaścedajire tiṣṭhati svayam |
tattasyāndhaṃ tamastatra sannidhānaṃ karotyalam || 81 ||
[Analyze grammar]

na nihanti ca tadbhānurna cānyastatprapaśyati |
sa eva cānubhavati paśya māyāvijṛmbhitam || 82 ||
[Analyze grammar]

avinābhāvi candrādestaijasaṃ maṇḍalaṃ yathā |
piśācāderananyātma tāmasaṃ maṇḍalaṃ tathā || 83 ||
[Analyze grammar]

yānti tejasyanojastvaṃ tamasyojaḥpradhānatām |
ulūkavatpiśācādyā ā sṛṣṭestatsvabhāvataḥ || 84 ||
[Analyze grammar]

eṣā piśācādijanasya jātiḥ proktā mayā te samayānapetā |
piśācatulyaḥ suralokapālalokeṣu jāto'hamiti prasaṅgāt || 85 ||
[Analyze grammar]