Chapter 236

ekārṇavavarṇanaṃ nāma sargaḥ |
ṣaṭtriṃśaduttaradviśatatamaḥ sargaḥ |
vasiṣṭhaḥ |
etasminnantare cakṣurvyomastho'hamathātyajam |
brahmaloke mahīloke prabhāte'rkaḥ prabhāmiva || 1 ||
[Analyze grammar]

yāvaddṛṣṭo mayā tatra śailādiva vinirmitaḥ |
parameṣṭhī samādhisthaḥ pradhānaparivāravān || 2 ||
[Analyze grammar]

samūhaścaiva vedānāṃ munīnāṃ bhāvitātmanām |
śukro bṛhaspatiścaiva śakro vaiśravaṇo yamaḥ || 3 ||
[Analyze grammar]

somo'tha varuṇo'gniśca tathānye ca surarṣayaḥ |
devagandharvasiddhānāṃ sādhyānāṃ caiva nāyakāḥ || 4 ||
[Analyze grammar]

lipikarmārpitākārāḥ sarve dhyānaparāyaṇāḥ |
baddhapadmāsanāstatra nirjīvā iva saṃsthitāḥ || 5 ||
[Analyze grammar]

athaite dvādaśādityāstamevoddeśamāgatāḥ |
baddhapadmāsanāstasthustathaivāśu yathaiva te || 6 ||
[Analyze grammar]

tato muhūrtamātreṇa dṛṣṭavānnāhamabjajam |
puro vinidratāṃ yātaḥ svapnadṛṣṭamivāgragam || 7 ||
[Analyze grammar]

brahmalokajanaṃ sarvamahaṃ tāmapi vāsanām |
nāpaśyaṃ svapnanagaraṃ budhyamāna ivāgragam || 8 ||
[Analyze grammar]

araṇyaṃ śūnyamevāsīttadbrahmanagaraṃ tadā |
kaṭhinākāṇḍavidhvastaṃ pṛthivyāmiva pattanam || 9 ||
[Analyze grammar]

sarva eva gatāḥ kvāpi te tathā tādṛśāstadā |
ṛṣayo munayo vedā devā vidyādharādayaḥ || 10 ||
[Analyze grammar]

jñātaṃ tato'vadhānena mayā nabhasi tiṣṭhatā |
yāvannirvāṇamāpannā brahmavatsarva eva te || 11 ||
[Analyze grammar]

vāsanāyāṃ vilīnāyāmadarśanamupāgatāḥ |
svapnalokāḥ prabuddhānāmiva svaṃ rūpamāgatāḥ || 12 ||
[Analyze grammar]

ākāśātmaiva deho'yaṃ bhāti vāsanayā sphuṭaḥ |
tadabhāvāttu nābhāti svapno bodhavato yathā || 13 ||
[Analyze grammar]

antarikṣagato deho yathā svapne'valokyate |
bodhe tadvāsanāśāntau na kiñcidapi lakṣyate || 14 ||
[Analyze grammar]

jāgratyapi tathaivāyaṃ vāsanāyāḥ parikṣaye |
naivātivāhiko naiva lakṣyate'trādhibhautikaḥ || 15 ||
[Analyze grammar]

svapnānubhava eṣo'tra dṛṣṭāntaḥ kena khaṇḍyate |
ābālametatsaṃsiddhamanubhūtaṃ śrutaṃ smṛtam || 16 ||
[Analyze grammar]

apahnavecca vā yo'pi svamevānubhavaṃ śaṭhaḥ |
sa tyājyaḥ ko hyalīkena suptamudbodhayetkila || 17 ||
[Analyze grammar]

dehakāraṇakaḥ svapno dehābhāve na dṛśyate |
iti cettadadehānāṃ paraloko'pi nāsti vaḥ || 18 ||
[Analyze grammar]

ityetadabhaviṣyaccettaccharīrakasaṅkṣaye |
nābhaviṣyadayaṃ sargaḥ sa cāstyeva hi sarvadā || 19 ||
[Analyze grammar]

avayavavibhāgātmanyavaśyaṃbhāvini kṣaye |
na kadācidanitthaṃ tajjagadityapyasaṃsthitam || 20 ||
[Analyze grammar]

na kadācijjagannāśe dehādbhūtagaṇādiyam |
madaśaktiriva jñaptirudetītyasi vakṣi cet || 21 ||
[Analyze grammar]

tatpurāṇetihāsānāṃ sarvasaṅkṣayavādinām |
smṛtyādīnāṃ ca vedānāṃ vaiyarthyamupajāyate || 22 ||
[Analyze grammar]

apramāṇatayaitasminnarthe teṣāṃ mahāmate |
anyatrāpi pramāṇatvaṃ vidyādāvapi kiṃ bhavet || 23 ||
[Analyze grammar]

na caitadvidyate loke jagaducchedakāraṇāt |
anyaccāstāmetadaṅga mamedamaparaṃ śṛṇu || 24 ||
[Analyze grammar]

madaśaktyātmani jñāne dṛṣṭā deśāntareṣu yā |
pramṛtānāṃ piśācādidehatā sā na sidhyati || 25 ||
[Analyze grammar]

atha sāpi mudhābhrāntiryāvaddehaṃ pradṛśyate |
iti cettanmudhānāma satyamityeva vo bhavet || 26 ||
[Analyze grammar]

evaṃ cettatpare loke satsvarganarakādikam |
ityeṣāpi na saṃvitkiṃ satyatāmupagacchati || 27 ||
[Analyze grammar]

piśācapratibhā satyā madajñaptimato yadi |
pratibhāsya na satyā syātparalokātmikā katham || 28 ||
[Analyze grammar]

piśāco'stīti cetsaṃvitsatyārthā tena saṃvidaḥ |
mṛtasyāsti paro loka ityasyāḥ kiṃ na satyatā || 29 ||
[Analyze grammar]

kākatālīyavaddehātpaiśācī jñaptirasti cet |
paralokārthasaṃvittiḥ kathaṃ nāsti sakāraṇā || 30 ||
[Analyze grammar]

yāntarvetti yathā saṃvitsā tathānubhavatyalam |
astu satyamasatyaṃ vā siddhamityanubhūtitaḥ || 31 ||
[Analyze grammar]

mṛtasyāsti paro loko vidityevammayī bhavet |
sati cāsati dehe'smiṃstena kiṃ sadasacca kim || 32 ||
[Analyze grammar]

tasmātsvabhāvaḥ prathamaṃ prasphuranvetti saṃvidam |
vāsanākāraṇaṃ paścādbuddhvā sampaśyati bhramam || 33 ||
[Analyze grammar]

tatkṣayācchamamāyāti draṣṭṛdṛśyadṛgāmayaḥ |
tatsattāyāmudetīyaṃ saṃsṛtyākhyā piśācikā || 34 ||
[Analyze grammar]

upalambha udetyādau brahmaṇo vāsanā tataḥ |
tacchāntiṃ viddhi nirvāṇaṃ tatsattāṃ saṃsṛtibhramam || 35 ||
[Analyze grammar]

utpannaiva na sānādau pare brahmaṇyasambhavāt |
utpannāpi ca vā yāsau brahmaiva parameva sat || 36 ||
[Analyze grammar]

etāvad yatparijñānaṃ tannirvāṇaṃ vidurbudhāḥ |
yadatraivāparijñānaṃ taṃ bandhaṃ viddhi rāghava || 37 ||
[Analyze grammar]

vijñānaghana evāyaṃ kacanākacanātmakaḥ |
svayameva kacatyantarna kacatyeva vā svayam || 38 ||
[Analyze grammar]

saṃvidaṃśaparāvṛttimātrapelavarūpiṇī |
bandhadṛṅ mokṣadṛkceti kleśastatsādhane kiyān || 39 ||
[Analyze grammar]

saṃvidudbodhanaṃ bandhastadanudbodhanaṃ śivam |
asatsadvajjagadbhāti saṃvidudbodhanodaram || 40 ||
[Analyze grammar]

ajaḍaṃ bodhanaṃ suptaṃ mokṣa ityabhidhīyate |
prabuddhaṃ bandha ityāhuryadicchasi tadāhara || 41 ||
[Analyze grammar]

nirvāṇavāsanamanantamajāḍyamacchabodhaikatānamapayantraṇamastaśaṅkam |
advaitamaikyarahitaṃ ca nirastaśūnyamākāśakośaviśadāśaya śāntamāssva || 42 ||
[Analyze grammar]