Chapter 188

paramārthopanyāsopadeśayogo nāma sargaḥ |
aṣṭāśītyuttaraśatatamaḥ sargaḥ |
vasiṣṭhaḥ |
sarvātmani cidābhāse tadevāśvanubhūyate |
saṃvedyate yadevāntarasatyaṃ satyavastu vā || 1 ||
[Analyze grammar]

tadevābhyāsataḥ pūrvaṃ bāhyārthānubhavātmanā |
sphuratyeva bahiṣṭvena svasvapno'tra nidarśanam || 2 ||
[Analyze grammar]

cidrūpaṃ sarvametacca ciccācchā gaganādapi |
vicca no kiñcidevāto naitatkiñcana kutracit || 3 ||
[Analyze grammar]

na nāśo nāstitā nārtho na janmamaraṇe na kham |
na śūnyatāsti no nāsti sarvaṃ brahmaiva naiva ca || 4 ||
[Analyze grammar]

nāśe jagadahantvāderna kiñcidapi naśyati |
asataḥ kila nāśe'pi svapnādreḥ kiṃ vinaśyati || 5 ||
[Analyze grammar]

mithyāvabhāse saṅkalpanagare keva naṣṭatā |
tathā jagadahantvādau nāśo nāsati vidyate || 6 ||
[Analyze grammar]

kuto jagadupālambha iti cettadavastuni |
na nirṇayaḥ sambhavati khapuṣpāṇāṃ kimumbhyate || 7 ||
[Analyze grammar]

nirṇayastveṣa evātra yadaśeṣamabhāvayan |
yathāsthitaṃ yathācāraṃ pāṣāṇa iva tiṣṭhasi || 8 ||
[Analyze grammar]

jagatsaṅkalpamātrātma tannañarthayutaṃ kṣaṇāt |
śāmyatyaśeṣeṇetyeva nirṇayaḥ sargavibhrame || 9 ||
[Analyze grammar]

sargo'nargala evāyaṃ brahmātmakatayākṣayaḥ |
anyathāpi na sargo'yamasti nāsti ca sargatā || 10 ||
[Analyze grammar]

yeṣāṃ na vidyate sargaḥ svapnapuṃsāmivāsatām |
sa sargaḥ puruṣāste ca mṛgatṛṣṇāmbuvīcivat || 11 ||
[Analyze grammar]

asatāmeva sadbhāvamiva caiṣāmupeyuṣām |
na vayaṃ nirṇayaṃ vidmo vandhyāputragirāmiva || 12 ||
[Analyze grammar]

paripūrṇārṇavaprakhyā kāpyapūrvaiva pūrṇatā |
tajjñānāṃ draṣṭṛdṛśyāṃśadṛṣṭau na hi patanti te || 13 ||
[Analyze grammar]

acalā iva nirvātā dīpā iva śamāmbviva |
sācārā vā nirācārāstiṣṭhanti svasthameva te || 14 ||
[Analyze grammar]

āpūrṇaikārṇavaprakhyā kāpyantaḥpūrṇatoditā |
antaśśītalatā jñaptirjñasyāpūrvaiva lakṣyate || 15 ||
[Analyze grammar]

vāsanaiveha puruṣaḥ prekṣitā sā na vidyate |
tāṃ ca na prekṣate kaścittataḥ saṃsāra ātataḥ || 16 ||
[Analyze grammar]

anālokanasiddhaṃ yattadālokānna vidyate |
kṛṣṇāhyanupalambho'tra dṛṣṭāntaḥ spaṣṭaceṣṭitaḥ || 17 ||
[Analyze grammar]

bhūtāni dehamāṃsādi taccāsadvibhramo jaḍaḥ |
buddhyahaṅkāracetāṃsi tanmayānyeva netarat || 18 ||
[Analyze grammar]

bhūtādimayatāṃ tyaktvā buddhyahaṅkāracetasām |
atyantaṃ sthitirabhyeti yadi tanmuktatoditā || 19 ||
[Analyze grammar]

cicchiṣṭā cetyaniṣṭhatvāttādṛśyevātra kāstitā |
tasmātkeva kutaḥ kutra vāsanā kiṃsvarūpiṇī || 20 ||
[Analyze grammar]

yasya caiṣa bhramaḥ so'sanprekṣayāsanna labhyate |
mṛgatṛṣṇāmbuvattena saṃsāraḥ kasya kaḥ kutaḥ || 21 ||
[Analyze grammar]

tadevaṃ tarhi kasya syāditi cintodayo hi yaḥ |
punaḥ sa eva saṃsāravibhramaḥ sampravartate || 22 ||
[Analyze grammar]

tasmātsarvamanāśritya vyomavatsamamāsyatām |
apunassmaraṇaṃ śreya iha vismaraṇaṃ param || 23 ||
[Analyze grammar]

neha draṣṭā na bhoktāsti nāstitā na ca nāstitā |
yathāsthitamidaṃ śāntamekaṃ spandi sadābdhivat || 24 ||
[Analyze grammar]

sarvaṃ dṛśyaṃ jagadbrahma sadityavagate sphuṭam |
jalaśoṣādivodeti bimbibimbakṣaye śivam || 25 ||
[Analyze grammar]

śāntatā vyavahāro vā rāgadveṣavivarjitaḥ |
viśrāntasya pare tattve dṛśyate samadarśinaḥ || 26 ||
[Analyze grammar]

atha vā śāntataivāsya nirvāṇasyāvaśiṣyate |
nirvāsanaḥ kila muniḥ kathaṃ vyavaharatvasau || 27 ||
[Analyze grammar]

yāvattvasya na nirvāṇaṃ paripoṣamupāgatam |
tāvadvyavaharatyastarāgadveṣabhayodayaḥ || 28 ||
[Analyze grammar]

vītarāgabhayakrodho nirvāṇaśśāntamānasaḥ |
śilevāpyaśilībhūto munirātmani tiṣṭhati || 29 ||
[Analyze grammar]

kośe'sti padmabījasya yathā sarvābjinī tathā |
ananyā svapnavibhrāntirātmanyasti na bāhyatā || 30 ||
[Analyze grammar]

bāhyatābhāvanādbāhyamātmaivātmatvabhāvanāt |
bhavatīdaṃ pare tattve bhāvanaṃ tattadeva hi || 31 ||
[Analyze grammar]

yāntassvapnādivibhrāntiḥ saiveyaṃ bāhyatoditā |
manāgapyanyatā nātra dvibhāṇḍapayasoriva || 32 ||
[Analyze grammar]

sthairyāsthairye tathaivātra bhrāntimātramaye tate |
ādhārādheyate te dve yathā jalataraṅgate || 33 ||
[Analyze grammar]

svapnādāvātmano'nyatvajñānādanyatvavedanam |
ananyabhāvabodhe tu tadananyanna codayi || 34 ||
[Analyze grammar]

kalanārahitaṃ śāntaṃ yad rūpaṃ paramātmanaḥ |
bhavatyasau tattadbhāvādatadbhāvānna tadbhavet || 35 ||
[Analyze grammar]

svapnādijñānasaṃśāntau yad rūpaṃ śuddhamaiśvaram |
na tadasti na tannāsti na vāggocarameti tat || 36 ||
[Analyze grammar]

ātyantike bhrāntilaye mukta evāvagacchati |
svarūpaṃ nopadeśasya viṣayo viduṣo'pi tat || 37 ||
[Analyze grammar]

śāntaṃ nirastabhayamānaviṣādalobhamohātma dehamananendriyacittajāḍyam |
tyaktvāhamakṣayamapāstasamastabhedaṃ nirvāṇamekamajamāsitameva yuktam || 38 ||
[Analyze grammar]