Chapter 89

śikhidhvajapravrajyāvarṇanaṃ nāma sargaḥ |
ekonanavatitamaḥ sargaḥ |
vasiṣṭhaḥ |
evaṃ śikhidhvajaḥ parṇamaṭhikāyāṃ vane sthitaḥ |
idānīṃ śṛṇu cūḍālā sā kiṃ kṛtavatī gṛhe || 1 ||
[Analyze grammar]

tatrārdharātrasamaye dūraṃ yāte śikhidhvaje |
hariṇī grāmasupteva cūḍālā bubudhe bhayāt || 2 ||
[Analyze grammar]

apaśyatpatinirhīnaṃ śayanaṃ śūnyatāṃ gatam |
abhāskaramapūrṇenduṃ śāntaśobhamivāmbaram || 3 ||
[Analyze grammar]

uttasthau kiñcidāmlānavadanā khedaśālinī |
kusikteva mahāvallī nirutsāhāṅgapallavā || 4 ||
[Analyze grammar]

na prasannā na vimalā babhūvākulatāṃ gatā |
dinaśrīriva nīhāradhūsarā sā vyatiṣṭhata || 5 ||
[Analyze grammar]

kṣaṇaṃ śayyopaviṣṭaiva cintayāmāsa cintayā |
kaṣṭaṃ rājyaṃ prabhustyaktvā vanaṃ yāto gṛhāditi || 6 ||
[Analyze grammar]

tanmayehādya kiṃ kāryaṃ tatsamīpaṃ vrajāmyaham |
bhartaiva gatiruddiṣṭā vidhinā prakṛtā striyaḥ || 7 ||
[Analyze grammar]

iti sañcintya bhartāramanugantuṃ samutthitā |
cūḍālā vātarandhreṇa nirgatyāmbaramāyayau || 8 ||
[Analyze grammar]

babhrāmāmbaramārgeṇa vātaskandhena yoginī |
kurvatī siddhasārthasya mukhenānyenduvibhramam || 9 ||
[Analyze grammar]

dadarśātha pathā yāntaṃ rātrau khaḍgakaraṃ patim |
bhramantamekamekānte vetāleśamivotthitam || 10 ||
[Analyze grammar]

tādṛśaṃ patimālokya ruddhā gaganakoṭare |
bhaviṣyaccintayāmāsa sarvaṃ bharturakhaṇḍitam || 11 ||
[Analyze grammar]

yathā tena yadā yatra yāvatkāryaṃ yathodayam |
yathā ca nirvṛtiḥ sphārā gantavyā tena rāghava || 12 ||
[Analyze grammar]

avaśyabhavitavyaṃ tadbharturdṛṣṭvā purassthitam |
tadeva sampādayituṃ gamanātsā nyavartata || 13 ||
[Analyze grammar]

āstāṃ mamādya gamanaṃ kālenāticireṇa hi |
mayāsya pārśvaṃ gantavyaṃ niyatereṣa niścayaḥ || 14 ||
[Analyze grammar]

iti sañcintya cūḍālā praviśyāntaḥpuraṃ punaḥ |
suṣvāpa śayane śambhośśirasīvaindavī kalā || 15 ||
[Analyze grammar]

kenacitkāraṇenāsau gataḥ samprati bhūpatiḥ |
iti paurajanaṃ sarvamāśvāsyātiṣṭhadaṅganā || 16 ||
[Analyze grammar]

rājyaṃ rarakṣa bhartustatkrameṇa samadarśanā |
yathā kalamakedāraṃ pakvaṃ kalamagopikā || 17 ||
[Analyze grammar]

tayostadāvahatkālo dampatyoḥ sthitayostathā |
adṛṣṭānyo'nyamukhayo rājyakānanapālayoḥ || 18 ||
[Analyze grammar]

jagāmātha dinaṃ pakṣo māso'thartuśca vatsaraḥ |
śikhidhvajasya vipine cūḍālāyāḥ svamandire || 19 ||
[Analyze grammar]

bahunātra kimuktena varṣāṇyaṣṭādaśāṅganā |
cūḍālovāsa sadane vanakacche śikhidhvajaḥ || 20 ||
[Analyze grammar]

atha yāteṣu bahuṣu varṣeṣu jarasā vṛte |
śikhidhvaje mahāśailataṭakoṭaravāsini || 21 ||
[Analyze grammar]

bhartuḥ kaṣāyapākaṃ tadālakṣya phalitaṃ cirāt |
tadā tasyātmakāryasya bhavitavyatayā tayā || 22 ||
[Analyze grammar]

bhartuḥ samīpagamane mama kālo'yamityapi |
sañcintya mandaropāntaṃ gantuṃ buddhiṃ cakāra sā || 23 ||
[Analyze grammar]

cacālāntaḥpurād rātrau tatāra ca nabhaḥpatham |
jagāma vātaskandhena gacchantī khe dadarśa ca || 24 ||
[Analyze grammar]

kalpavṛkṣāṃśukacchannā ratnastabakabhūṣitāḥ |
nandanodyānanilayā raktāḥ siddhābhisārikāḥ || 25 ||
[Analyze grammar]

parāmṛṣṭenduśakalānprāleyakaṇakarṣiṇaḥ |
siddhottaṃsāttasaugandhyān sparśayāmāsa mārutān || 26 ||
[Analyze grammar]

candrabimbāmṛtāmbhodhimahāvīciparamparām |
apaśyannirmalāṃ jyotsnāmambarāmbaratāṃ gatām || 27 ||
[Analyze grammar]

meghāntareṇa gacchantī meghalagnāśca vidyutaḥ |
abhiyuktā svabhartrā sā bhūyo bhūyo vyalokayat || 28 ||
[Analyze grammar]

uvāca cātmanaivāho yāvajjīvaṃ śarīriṇām |
na svabhāvaśśamaṃ yāti mamāpyutkaṇṭhate manaḥ || 29 ||
[Analyze grammar]

kadā mṛgendraskandhaṃ taṃ praṇayapravaṇaṃ puraḥ |
paśyāmi kāntamityantarmamāpyutkaṇṭhitaṃ manaḥ || 30 ||
[Analyze grammar]

mañjarītvaṃ latātvaṃ vā varametāstaruṃ patim |
na muñcanti kṣaṇamapi mamāpyutkaṇṭhitaṃ manaḥ || 31 ||
[Analyze grammar]

yatheyamagragaṃ kāntameti siddhābhisārikā |
tathā kadāhameṣyāmi mamāpīti manaḥ sthitam || 32 ||
[Analyze grammar]

ime mandāramaruta ete ca śaśinaḥ karāḥ |
vanarājaya etāśca māmapyutkaṇṭhayantyaho || 33 ||
[Analyze grammar]

he cittājñavadevāntaḥ kiṃ tvaṃ tāṇḍavitaṃ sthitam |
sā vyomanirmalā sādho kva te yātā vivekitā || 34 ||
[Analyze grammar]

atha vā citta bhartāraṃ svaṃ pratyutkaṇṭhase sakhe |
tiṣṭhotkaṇṭhāvivalitaṃ kimanutkaṇṭhitena te || 35 ||
[Analyze grammar]

kiṃ kilotkaṇṭhase vāpi bhartā yāto jarāṃ bhavet |
tapasvī kṛśagātraśca bhavennirvāsanastathā || 36 ||
[Analyze grammar]

matto rājyācca bhogebhyo manye'syāmūlatāṃ gatā |
vāsanā latikā prāvṛṇnadītaṭagatā yathā || 37 ||
[Analyze grammar]

ekāntamatirekātmā nīrasaśśāntavāsanaḥ |
manye bhavati me bhartā śuṣkavṛkṣasamasthitiḥ || 38 ||
[Analyze grammar]

tathāpi citta kotkaṇṭhā bhava votkaṇṭhayānvitam |
patimudbodhya yogena śleṣayiṣyāmyahaṃ gale || 39 ||
[Analyze grammar]

pramṛṣṭavāsanaṃ bhartuḥ samīkṛtya mano muneḥ |
rājya eva niyokṣyāmi nivatsyāvaḥ sukhaṃ ciram || 40 ||
[Analyze grammar]

aho nu cirakālena manorathamimaṃ śubham |
ahamāsādayiṣyāmi yadbhartrā samacittatā || 41 ||
[Analyze grammar]

samagrānandavṛndānāmetadevopari sthitam |
yatsamānamanovṛttisaṅgamāsvādane sukham || 42 ||
[Analyze grammar]

iti cintāvatī vyomnā cūḍālollaṅghya parvatān |
deśānabdāndigantāṃśca prāpa mandarakandaram || 43 ||
[Analyze grammar]

adṛśyaiva nabhassthaiva praviveśa vanāntaram |
vātyeva pādapalatāspandacihnagamāgamā || 44 ||
[Analyze grammar]

vanaikadeśe kasmiṃścitkṛtaparṇoṭaje patim |
dṛṣṭvā yogena bubudhe dehāntaramivāsthitam || 45 ||
[Analyze grammar]

hārakeyūrakaṭakakuṇḍalādivibhūṣitaḥ |
abhavanmerukāntiryastamevātra dadarśa sā || 46 ||
[Analyze grammar]

kṛśāṅgaṃ kṛṣṇavarṇaṃ ca jīrṇaparṇamiva sthitam |
kajjalāmbubharasnātaṃ bhṛṅgīśamiva nissaham || 47 ||
[Analyze grammar]

cīrāmbaradharaṃ śāntamekākinamavasthitam |
sthale niṣaṇṇaṃ puṣpāṇi grathayantaṃ jarāṃ gatam || 48 ||
[Analyze grammar]

tamālokyānavadyāṅgī cūḍālā pīvarastanī |
kiñcijjātaviṣādedamuvācātmani cetasā || 49 ||
[Analyze grammar]

aho nu viṣamaṃ maurkhyaṃ yadanātmajñatātmakam |
evaṃvidhāḥ samāyānti daśā maurkhyaprasādataḥ || 50 ||
[Analyze grammar]

ayaṃ sa rājā lakṣmīvānyo mamāpi priyaḥ patiḥ |
hṛdi mohaghuṇakṣuṇṇāmimāmadyāgato daśām || 51 ||
[Analyze grammar]

tadavaśyamihaivādya nāthaṃ viditavedyatām |
nayāmyenaṃ na sandeho bhogamokṣaśriyaṃ tathā || 52 ||
[Analyze grammar]

idaṃ rūpaṃ parityajya rūpeṇānyena kenacit |
sakāśamasya gacchāmi bodhaṃ dātumanuttamam || 53 ||
[Analyze grammar]

bāleyaṃ mama kānteti maduktaṃ na karotyayam |
tasmāttāpasarūpeṇa bodhayāmi patiṃ kṣaṇāt || 54 ||
[Analyze grammar]

bhartā kaṣāyapākena paripakvamatiḥ sthitaḥ |
cetasyasyādya vimale svaṃ tattvaṃ pratibimbati || 55 ||
[Analyze grammar]

iti sañcintya cūḍālā babhūva dvijadārakaḥ |
īṣaddhyānādgatānyatvaṃ kṣaṇādambutaraṅgavat || 56 ||
[Analyze grammar]

papāta vipine tasmindvijaputrakarūpiṇī |
bharturabhyājagāmāgraṃ mandasmitalasanmukhī || 57 ||
[Analyze grammar]

dadarśa dvijaputraṃ taṃ puro yātaṃ śikhidhvajaḥ |
vanāntarādupagataṃ tapomūrtimivāsthitam || 58 ||
[Analyze grammar]

dravatkanakagaurāṅgaṃ muktāhāravibhūṣitam |
śuklayajñopavītāṅgaṃ śuklāmbarayugāvṛtam || 59 ||
[Analyze grammar]

kamaṇḍaludharaṃ kāntaṃ śāntaṃ dāntamanāmayam |
vyāptaprakoṣṭhaṃ dviguṇenākṣasūtreṇa cāruṇā || 60 ||
[Analyze grammar]

bhūmāvalagnacaraṇaṃ kiṣkumātropari sthitam |
kuntalavyāptamūrdhānaṃ sālimālamivāmbujam || 61 ||
[Analyze grammar]

bhāsayantaṃ pradeśaṃ taṃ śārīrairdīptimaṇḍalaiḥ |
kuṇḍalābhūṣitamukhaṃ navamarkamivoditam || 62 ||
[Analyze grammar]

śikhāsamprotamandāraṃ śṛṅgasthendumivācalam |
kāntopaśāntavapuṣamūrjitaṃ vijitendriyam || 63 ||
[Analyze grammar]

himābhabhasmatilakabhūṣitālikasundaram |
meruṃ hemataṭālīnapūrṇendumiva cañcalam || 64 ||
[Analyze grammar]

tamālokya dvijasutaṃ samuttasthau śikhidhvajaḥ |
devaputrāgamadhiyā samparityaktapādukaḥ || 65 ||
[Analyze grammar]

devaputra namaskāra idamāsanamāsyatām |
ityasya darśayāmāsa pāṇinā pattraviṣṭaram || 66 ||
[Analyze grammar]

dadau ca dvijaputrasya puṣpavṛṣṭiṃ karodare |
candraḥ kumudaṣaṇḍasya prāleyamiva pallave || 67 ||
[Analyze grammar]

he rājarṣe namastubhyamiti dvijasuto vadan |
gṛhītvā kusumānyasmādviveśa dalaviṣṭare || 68 ||
[Analyze grammar]

śikhidhvajaḥ |
devaputra mahābhāga kuta āgamanaṃ kṛtam |
divasaḥ saphalo'yaṃ me yattvāmadyāsmi dṛṣṭavān || 69 ||
[Analyze grammar]

idamarghyamidaṃ pādyaṃ puṣpānīmāni mānada |
imāḥ pragrathitā mālā gṛhyantāṃ bhadramastu te || 70 ||
[Analyze grammar]

ityuktvā pādyamarghyaṃ ca mālāḥ puṣpāṇi cānagha |
śikhidhvajastadiṣṭāyai dadau devyai yathākhilam || 71 ||
[Analyze grammar]

cūḍālā |
subahūni paribhrānto bhūtalāyatanānyaham |
tvattaḥ pūjā yathā prāptā mayeyaṃ na tathānyataḥ || 72 ||
[Analyze grammar]

peśalenānurūpeṇa praśrayeṇāmunānagha |
manye'haṃ nūnamatyantacirajīvī bhaviṣyasi || 73 ||
[Analyze grammar]

śāntena manasodāramārādunmuktakalpanam |
nirvāṇārhaṃ tapaḥ sādho kaccitsambhṛtavānasi || 74 ||
[Analyze grammar]

asidhārāsamaṃ somya śāntaṃ vratamidaṃ tava |
sphītaṃ yad rājyamutsṛjya mahāvananiṣevaṇam || 75 ||
[Analyze grammar]

śikhidhvajaḥ |
jānāsi bhagavan sarvaṃ devastvaṃ ko'tra vismayaḥ |
śriyaiva lokottarayā jñāyase cihnabhūtayā || 76 ||
[Analyze grammar]

etānyaṅgāni te candrādghaṭitānīti me matiḥ |
anyathā kiṃ samālokādamṛteneva siñcasi || 77 ||
[Analyze grammar]

asti me dayitā kāntā pāti me rājyamadya tat |
taveva tasyā dṛṣṭāni tānyaṅgānyadya sundara || 78 ||
[Analyze grammar]

upaśāntaṃ ca kāntaṃ ca vapurāpādamastakam |
śṛṅgaṃ śubhrāmbudeneva puṣpeṇācchādayāmunā || 79 ||
[Analyze grammar]

niṣkalaṅkendusaṅkāśamaṅgamādityatejasā |
manye te mlānimāyāti sumanaḥpattrapelavam || 80 ||
[Analyze grammar]

devārcanāyāvacitamidaṃ yatkusumaṃ mayā |
aṅga tvadaṅgasaṅgena tatprayātu kṛtārthatām || 81 ||
[Analyze grammar]

jīvitaṃ yāti sāphalyaṃ mamābhyāgatapūjayā |
devādapyadhikaṃ pūjyaḥ satāmabhyāgato janaḥ || 82 ||
[Analyze grammar]

tatkastvaṃ kasya putrastvaṃ kimāyāto'syanugrahāt |
etaṃ me saṃśayaṃ chinddhi vimalendusamānana || 83 ||
[Analyze grammar]

cūḍālā |
rājarṣe śṛṇu vakṣyāmi yathāpṛṣṭamakhaṇḍitam |
avarṇanaṃ hi jihmatvaṃ tatsatāmatininditam || 84 ||
[Analyze grammar]

astyasmiñjagataḥ kośe śuddhātmā nārado muniḥ |
puṇyalakṣmyā mukhe kānte karpūratilakopamaḥ || 85 ||
[Analyze grammar]

sa kadācinmunirmerorguhāyāṃ dhyānamāsthitaḥ |
adhityakāyāṃ bhūtānāmadṛśyaśśāntamānasaḥ || 86 ||
[Analyze grammar]

tatra hemataṭe gaṅgā vahatyurutaraṅgiṇī |
merulakṣmyāḥ sphuradrūpā bhāti hāralateva yā || 87 ||
[Analyze grammar]

ekadā nāradamunirdhyānānte saritastaṭe |
dhvanadvalayamaśrauṣīl līlākalakalāravam || 88 ||
[Analyze grammar]

kimetadityasau kiñcijjātaprāyakutūhalaḥ |
helayālokayannadyāmapaśyal lalanāgaṇam || 89 ||
[Analyze grammar]

rambhātilottamāprāyaṃ niryātaṃ jalalīlayā |
krīḍantaṃ tyaktavasanaṃ deśe puruṣavarjite || 90 ||
[Analyze grammar]

kāñcanāmbhojamukulasundaraiḥ stanamaṇḍalaiḥ |
parivellitamanyo'nyaṃ phalaiḥ kāntadrumaṃ yathā || 91 ||
[Analyze grammar]

drutahemarasāpūranirjharābhogabhāsuraiḥ |
kurvantamūrubhiḥ kāmamandirastambhavibhramam || 92 ||
[Analyze grammar]

nirmalīkṛtacandreṇa vyāptavyomnā vilāsinā |
lāvaṇyarasapūreṇa tarjayantamivāpagām || 93 ||
[Analyze grammar]

prākārairamarodyāne rathacakrairmanobhuvaḥ |
utpathārpitagaṅgāmbunitambataṭasetubhiḥ || 94 ||
[Analyze grammar]

sarvatra dṛṣṭasarvāṅgaṃ viśvarūpamivāsthitam |
pratibimbitasarvārthamanyo'nyādarśatāṃ gatam || 95 ||
[Analyze grammar]

kālakalpatarorvarṣaviṭapātpakṣapallavāt |
vividhartulatājālāddinaśrīkalikākulāt || 96 ||
[Analyze grammar]

ālokapuṣparajaso jātādgaganakānane |
sphurajjagatkhagavrātātsaptābdhyekālavālakāt || 97 ||
[Analyze grammar]

māsastabakavṛnteṣu vṛddhiṃ yāntaṃ rasānvitam |
uddhṛtyoddhṛtya sampūrṇaṃ cālitāmbhodapallavam || 98 ||
[Analyze grammar]

ālolālakakeśākṣitārakādimadhuvratam |
amṛtāpadvighātāya kośasañcayakāribhiḥ || 99 ||
[Analyze grammar]

duṣprāpe bhūtasaṅghānāṃ vikasatkanakāmbuje |
padmapallavasañchannaṃ guptaṃ merorguhāntare || 100 ||
[Analyze grammar]

śītale svardhunītīre yatnotsṛṣṭamalaṃ puraḥ |
candrabimbaphalāpūramekatraivopasambhṛtam || 101 ||
[Analyze grammar]

straiṇamālokya tatkāntaṃ sahasaiva mano muneḥ |
anāśritavivekāṃśaṃ babhūvānanditaṃ sphurat || 102 ||
[Analyze grammar]

ānandavalite citte kṣubdhe prāṇānile sthite |
babhūva tasya tuṣṭasya madanaskhalitaṃ tadā || 103 ||
[Analyze grammar]

phalaṃ rasāpūrṇamiva grīṣmānta iva toyadaḥ |
pratyagraḥ pādapaśchinnalatāvṛnta ivottamaḥ || 104 ||
[Analyze grammar]

avaśyāyakaṇasyandī śaśāṅka iva vā muniḥ |
bisaṃ dvidhā yātamiva galatsāraraso'bhavat || 105 ||
[Analyze grammar]

śikhidhvajaḥ |
tādṛśo'pi bahujño'pi jīvanmukto'pyasau muniḥ |
niriccho'pi nirāstho'pi nakiñcidupamo'pyalam || 106 ||
[Analyze grammar]

sabāhyābhyantaraṃ nityamākāśaviśado'pi ca |
nārado'pi kathaṃ brahmanmadanaskhalito'bhavat || 107 ||
[Analyze grammar]

cūḍālā |
sarvasyā eva rājendra bhūtajāterjagattraye |
devāderapi deho'yaṃ dvayātmaivaṃ svabhāvataḥ || 108 ||
[Analyze grammar]

ajñamastvatha vā tajjñaṃ yāvanmattaṃ śarīrakam |
sarvameva jagatyaṅga sukhaduḥkhamayaṃ smṛtam || 109 ||
[Analyze grammar]

hṛdyādinā padārthena kenacidvardhate sukham |
āloka iva dīpena mahāmbudhirivendunā || 110 ||
[Analyze grammar]

tucchādinā padārthena duḥkhaṃ kenacideti hi |
tamo meghapaṭeneva svabhāvo hyatra kāraṇam || 111 ||
[Analyze grammar]

svarūpe nirmale satye nimeṣamapi vismṛte |
dṛśyamullāsamāpnoti prāvṛṣīva payodharaḥ || 112 ||
[Analyze grammar]

anāratānusandhānādanunmeṣamavistṛte |
svarūpe nollasatyeṣa citi dṛśyapiśācakaḥ || 113 ||
[Analyze grammar]

yathā tamaḥprakāśābhyāmahorātraṃ sthitiṃ gatam |
tathaiva sukhaduḥkhābhyāṃ śarīraṃ sthitimāgatam || 114 ||
[Analyze grammar]

ete hi sukhaduḥkhe dve janmakāraṇadarśanāt |
ajñasya lagataśśuklapaṭakuṅkumavaddṛḍham || 115 ||
[Analyze grammar]

tajjñasya tvaṅga lagato manāgapi citervaśāt |
yathā śubhāśubhau rāgāvanākrāntāntarau maṇeḥ || 116 ||
[Analyze grammar]

purassthavastvabhāvena rañjanāṃ sphaṭiko yathā |
tajjñastyajati he sādho jīvanmuktamatirmuniḥ || 117 ||
[Analyze grammar]

vastu saṃśleṣamātreṇa ghanaṃ rañjitacetasaḥ |
gate'pi vastuni dṛḍhaṃ durdhiyaḥ paritāpinaḥ || 118 ||
[Analyze grammar]

gate'pi kuṅkume bhastrā tadīyamanurañjanam |
na jahāti yathā mūḍhastathā viṣayarañjanam || 119 ||
[Analyze grammar]

anenaiva krameṇaitau bandhamokṣau vyavasthitau |
bhāvanātānavaṃ mokṣo bandho hi dṛḍhabhāvanam || 120 ||
[Analyze grammar]

śikhidhvajaḥ |
svotpattikāraṇaprāptau kathaṃ duḥkhaṃ sukhaṃ ca vā |
abhyudetīti vada me dūrasthāyāmapi prabho || 121 ||
[Analyze grammar]

atyudāramatīvācchaṃ bahvarthaṃ vacanaṃ tava |
śrotuṃ tṛptiṃ na gacchāmi mayūro'bhraraveṣviva || 122 ||
[Analyze grammar]

cūḍālā |
svotpattikāraṇaṃ hṛdyaṃ vastvādāyākṣapāṇibhiḥ |
sukhasaṃvidiyaṃ bālā nūnamullasati svataḥ || 123 ||
[Analyze grammar]

hṛdgatā kṣobhamāyātā jīvaṃ kuṇḍalinīgatam |
somyamudbodhayatyantaḥ siṃhamabhraravo yathā || 124 ||
[Analyze grammar]

prāṇāvapūritā nāḍīrjīva ākramati sphuran |
samyaksekaprabuddhātmā raso drumalatā iva || 125 ||
[Analyze grammar]

sukhaprabodhasañcāre duḥkhabodhagame tathā |
jīvasya niyatā nāḍyaḥ pṛthagdehe sthitiṃ gatāḥ || 126 ||
[Analyze grammar]

sukhitaḥ prasphuratyeṣa yāsu tāsu na duḥkhitaḥ |
ye hi mārgāḥ suveṣasya kuveṣasya na te śubhāḥ || 127 ||
[Analyze grammar]

śikhidhvajaḥ |
jīvaḥ sadaiva sarvatra dehe tiṣṭhati vai kila |
tasya duḥkhe sukhe vāpi niyataṃ sphuritaṃ kutaḥ || 128 ||
[Analyze grammar]

cūḍālā |
yāvatpramāṇaṃ jīvo'yaṃ saṃśāmyatyaparisphuran |
tāvatpramāṇamevainaṃ muktaṃ muktamavaihi vai || 129 ||
[Analyze grammar]

yāvatpramāṇamadhikaṃ sphurati kṣubdhamārutam |
tāvatpramāṇamevainaṃ baddhaṃ baddhamavaihi me || 130 ||
[Analyze grammar]

sukhaduḥkhakalāspando bandho jīvasya netaraḥ |
tadabhāvo hi mokṣaḥ syādbodhātsampadyate ca saḥ || 131 ||
[Analyze grammar]

sukhaduḥkhadaśe yāvadānīte nendriyaiśśaṭhaiḥ |
tāvatsuptasamaḥ somyo jīvastiṣṭhati śāntavat || 132 ||
[Analyze grammar]

sukhamālokya vā duḥkhamakṣānītaṃ caladvapuḥ |
samutphalati jīvo'ntardṛṣṭenduriva toyadhiḥ || 133 ||
[Analyze grammar]

jīvaḥ kṣubhyati dṛṣṭena saṃvidāṅga sukhādinā |
āmiṣeṇeva mārjāro maurkhyamevātra kāraṇam || 134 ||
[Analyze grammar]

bodhena bodhyate jīva ātmajñānātmanātmanā |
sukhaduḥkhādi nāstīti tenāsau yāti somyatām || 135 ||
[Analyze grammar]

na satsukhādi naitanme mudhā cāyamahaṃ sthitaḥ |
iti jīvaḥ prabuddho'ntarnirvāṇaṃ yāti śāmyati || 136 ||
[Analyze grammar]

sukhādivastvasadrūpamityantarbodhasaṃvidā |
na tadunmukhatāṃ yāti jīvaśśāmyati kevalam || 137 ||
[Analyze grammar]

sarvameva cidākāśaṃ brahmeti ghananiścaye |
sthitiṃ yāte śamaṃ yāti jīvo nissnehadīpavat || 138 ||
[Analyze grammar]

dīpavacchamamāyāti sukhādisnehasaṅkṣaye |
sarvamekamiti jñātvā jīvo dvitvāvibhāvanāt || 139 ||
[Analyze grammar]

sarvamākāśameveti buddhvā ksobhaṃ na gacchati |
jīvaśśūnyena śūnyasya kaḥ kila kṣobhavibhramaḥ || 140 ||
[Analyze grammar]

jīvenedṛgvidhenaivaṃ yadā prathamasargataḥ |
svayaṃ saṃvidito mārgastenaivādyāpi gacchati || 141 ||
[Analyze grammar]

śikhidhvajaḥ |
sukhasañcārayogyāsu jīve sarati nāḍiṣu |
devaputra bhavatyetadvīryavicyavanaṃ katham || 142 ||
[Analyze grammar]

cūḍālā |
jīvaḥ kṣubdhayati kṣubdhaḥ prāṇādipavanāvalīm |
saṃvidājñāṃśamātreṇa senāmiva mahīpatiḥ || 143 ||
[Analyze grammar]

vātaspandena medo'ntarmajjāsāraśca svasthitim |
tyajatyambvabhrasaugandhyarajaḥpattratṛṇādi va || 144 ||
[Analyze grammar]

calitaṃ vastvadho yāti vāryādi dahanādi kham |
dehānnāḍīpraṇālena śukraṃ yāti bahissthitim || 145 ||
[Analyze grammar]

śikhidhvajaḥ |
devaputra mahājño'si vetsi pūrvāparaṃ sthiteḥ |
jñāyase vacanādeva svabhāvo hi kimucyate || 146 ||
[Analyze grammar]

cūḍālā |
ādisarge yathā yad yatsphuritaṃ brahma brahmaṇi |
ghaṭāvaṭapaṭādyātma tathaivādyāpi ca sthitam || 147 ||
[Analyze grammar]

kākatālīyavadvāribudbudotpattināśavat |
ghuṇākṣaravaducchūnaṃ taṃ svabhāvaṃ vidurbudhāḥ || 148 ||
[Analyze grammar]

asmin svabhāvavaśato jagati prarūḍhe dehāḥ sphuranti vividhā vividhāvikārāḥ |
prakṣīṇavāsanatayā na bhavanti kecidbhūyo bhavanti ca punastvitare ghanāsthāḥ || 149 ||
[Analyze grammar]