Chapter 35

svotthavibhavavarṇanaṃ nāma sargaḥ |
pañcatriṃśaḥ sargaḥ |
vasiṣṭhaḥ |
athāpṛcchatsutastatra jambudvīpe mahāniśi |
kadambāgrāvacūlasthaṃ pitaraṃ pāvanāśayaḥ || 1 ||
[Analyze grammar]

putraḥ |
ko'sau svottha iti khyāto bhūpastātottamākṛtiḥ |
kathitaṃ ca kimetanme tvayaitadbrūhi tattvataḥ || 2 ||
[Analyze grammar]

kva bhaviṣyati nirmāṇaṃ vartamāne kva gamyatām |
ubhayārthaviruddhatvānmohārthāya vacastava || 3 ||
[Analyze grammar]

dāśūraḥ |
śṛṇu putra yathābhūtametatte kathayāmyaham |
yena saṃsāracakrasya tattvamasyāvabudhyase || 4 ||
[Analyze grammar]

asadabhyutthitārambhamavastumayamātatam |
saṃsārasaṃsthānamidamevamākathitaṃ mayā || 5 ||
[Analyze grammar]

paramānnabhaso jātaḥ saṅkalpaḥ svottha ucyate |
jāyate svayamevāsau svayameva vilīyate || 6 ||
[Analyze grammar]

tatsvarūpamidaṃ sarvaṃ jagadābhogi vidyate |
jāyate tena jātena tasminnaṣṭe vinaśyati || 7 ||
[Analyze grammar]

brahmaviṣṇvindrarudrādīṃstasyaivāvayavānviduḥ |
viṭapāniva vṛkṣasya śṛṅgāṇīva mahībhṛtaḥ || 8 ||
[Analyze grammar]

śūnye vyomani tenedaṃ nirmitaṃ trijagatpuram |
pratibhāsānusandhānamātreṇaitya viriñcatām || 9 ||
[Analyze grammar]

yatreme vitatālokā lokakośāścaturdaśa |
vanopavanapālyaśca yatrodyānaparamparāḥ || 10 ||
[Analyze grammar]

krīḍāśikhariṇo yatra sahyamandarameravaḥ |
śītoṣṇadīptī candrārkau dīpau yatrānilākṣatau || 11 ||
[Analyze grammar]

sūryāṃśukacadālolataraṅgottuṅgamauktikāḥ |
vahantyaḥ sarito yatra sanmuktāvalayaścalāḥ || 12 ||
[Analyze grammar]

ikṣukṣīrādisalilā maṇiratnabisāṅkurāḥ |
aurvānalāmbujā yatra vāpyaḥ sapta mahārṇavāḥ || 13 ||
[Analyze grammar]

adha urvyāṃ tathordhve khe puṇyāpuṇyadhanaśriyaḥ |
narāmarakirāṭānāṃ yatrātikrayavikrayau || 14 ||
[Analyze grammar]

tasminneva jagatyasminpure saṅkalpabhūbhujā |
krīḍārthamātmanaścitrā dehāvavarakāḥ kṛtāḥ || 15 ||
[Analyze grammar]

kecidgīrvāṇanāmāna ūrdhva eva niyojitāḥ |
naroragādayaḥ kecidadha eva niveśitāḥ || 16 ||
[Analyze grammar]

vātayantrapravāheṇa calanto māṃsamṛṇmayāḥ |
sitāsthidāravaścitrāstvaglepamasṛṇāmalāḥ || 17 ||
[Analyze grammar]

keciccireṇa naśyanti kecicchīghravināśinaḥ |
kacakṛṣṇolapollāsaracitācchādanaśriyaḥ || 18 ||
[Analyze grammar]

karṇākṣināsāpramukhairdvārairnavabhiranvitāḥ |
anāratavahatprāṇapavanenoṣṇaśītalāḥ || 19 ||
[Analyze grammar]

karṇanāsāsyatālvādivātāyanagaṇānvitāḥ |
bhujādyaṅgapratolīkāḥ pañcendriyakudīpakāḥ || 20 ||
[Analyze grammar]

māyayā racitāsteṣu saṅkalpena mahāmate |
ahaṅkāramahāyakṣāḥ paramālokabhīravaḥ || 21 ||
[Analyze grammar]

dehāvavarakeṣvantarmahāhaṅkārayakṣakaiḥ |
sa hi saṅkrīḍate'tyarthamasadevāsadutthitaiḥ || 22 ||
[Analyze grammar]

yathā kusūle mārjāro bhastrāyāṃ bhujago yathā |
muktāphalaṃ yathā veṇāvahaṅkārastanau tathā || 23 ||
[Analyze grammar]

kṣaṇamabhyudayaṃ yāti kṣaṇaṃ śāmyati dīpavat |
dehageheṣu saṅkalpastaraṅgaḥ sāgareṣviva || 24 ||
[Analyze grammar]

bhaviṣyannavanirmāṇamapyāpnoti tadā puram |
yadā saṅkalpitaṃ vastu pura eva prapaśyati || 25 ||
[Analyze grammar]

asaṅkalpanamātreṇa svenaivāśu vinaśyati |
śreyase paramāyāsya nāśaḥ svo na tu sambhavaḥ || 26 ||
[Analyze grammar]

svayaṃ saṅkalpanāmātrājjāyate bālayakṣavat |
anantāyātmaduḥkhāya nānandāya kadācana || 27 ||
[Analyze grammar]

idaṃ sphāraṃ jagadduḥkhaṃ pratanotyātmasattayā |
asattayā nāśayati kṣaṇamāndhyaṃ yathā tamaḥ || 28 ||
[Analyze grammar]

svayaiva duḥkhadāyinyā ceṣṭayā pariroditi |
kāṣṭhāvaṣṭabdhavṛṣaṇaḥ kīlotpāṭī kapiryathā || 29 ||
[Analyze grammar]

saṅkalpitānandalavastiṣṭhatyuddhurakandharam |
akasmātkhacyutamadhubindubhukkarabho yathā || 30 ||
[Analyze grammar]

svayaṃ viratimāyāti kṣaṇameti ratiṃ kṣaṇam |
kṣaṇaṃ vikāramāyāti saṅkalpo'bhavyabālavat || 31 ||
[Analyze grammar]

enaṃ sakalabhāvebhyaḥ kṛtvā nirmalamādarāt |
matimantaḥ padaṃ yātā yathā putra tathā kuru || 32 ||
[Analyze grammar]

trayastvasyā materdehā uttamādhamamadhyamāḥ |
tamassattvarajassañjñāḥ kāraṇaṃ jagataḥ sthiteḥ || 33 ||
[Analyze grammar]

tamorūpo hi saṅkalpo nityaṃ prākṛtaceṣṭayā |
parāṃ kṛpaṇatāmetya prayāti krimikīṭatām || 34 ||
[Analyze grammar]

sattvarūpo hi saṅkalpo dharmajñānaparāyaṇaḥ |
adūrakevalībhāvaḥ sāmrājyamadhitiṣṭhati || 35 ||
[Analyze grammar]

rajorūpo hi saṅkalpo lokasaṃvyavahāravān |
paritiṣṭhati saṃsāre putradārānurañjitaḥ || 36 ||
[Analyze grammar]

trividhaṃ tu parityajya rūpametanmahāmate |
saṅkalpaḥ paramāyāti padamātmaparikṣaye || 37 ||
[Analyze grammar]

sarvā dṛṣṭīḥ parityajya niyamya manasā manaḥ |
sabāhyābhyantarārthasya saṅkalpasya kṣayaṃ kuru || 38 ||
[Analyze grammar]

yadi varṣasahasrāntaṃ tapaścarasi dāruṇam |
yadi vā līlayātmānaṃ śilayā cūrṇayasyalam || 39 ||
[Analyze grammar]

yadyambudhiṃ praviśasi vaḍavāgnimathāpi vā |
yadi vā patasi śvabhre khaḍgadhārājale'tha vā || 40 ||
[Analyze grammar]

haro yadyupadeṣṭā te hariḥ kamalajo'pi vā |
atyantakaruṇākrānto lokanātho'tha vākpatiḥ || 41 ||
[Analyze grammar]

pātālasthasya bhūsthasya svargasthasyāpi tattava |
nānyaḥ kaścidupāyo'sti saṅkalpopaśamādṛte || 42 ||
[Analyze grammar]

anādāvavikāre ca sukhe paramapāvane |
saṅkalpopaśame yatnaṃ pauruṣeṇa paraṃ kuru || 43 ||
[Analyze grammar]

saṅkalpatantāvakhilā bhāvāḥ protāḥ kilānagha |
bhinne tantau na jāne te kva yānti viśarāravaḥ || 44 ||
[Analyze grammar]

asatsatsadasatsarvaṃ saṅkalpādeva nānyataḥ |
saṅkalpātsadasaccaivamiha satyaṃ kimucyatām || 45 ||
[Analyze grammar]

saṅkalpyate yathā yad yattattathā bhavati kṣaṇāt |
mā kiñcidapi tattvajña saṅkalpaya kadācana || 46 ||
[Analyze grammar]

nissaṅkalpo yathāprāptavyavahāraparo bhava |
cidacetyonmukhatvaṃ hi yāti saṅkalpasaṅkṣaye || 47 ||
[Analyze grammar]

utthāyāsatyarūpeṇa yenāsatyamayātmakam |
tataṃ jagadduḥkhamidaṃ vyarthaṃ sadṛśamātmanaḥ || 48 ||
[Analyze grammar]

tena duḥkhāya mahate kiṃ śritena kilānagha |
yadaduḥkhāya tatprājñāḥ saṃśrayantīha netarat || 49 ||
[Analyze grammar]

adhigataparamārthatāmupetya prasabhamapāsya vikalpajālamuccaiḥ |
adhigamaya padaṃ tadadvitīyaṃ vitatasukhāya suṣuptacittavṛttiḥ || 50 ||
[Analyze grammar]