Chapter 36

saṃsāravikalpayorvicārayogo nāma sargaḥ |
ṣaṭtriṃśaḥ sargaḥ |
putraḥ |
kīdṛśastāta saṅkalpaḥ kathamutpadyate prabho |
kathaṃ vā vṛddhimāyāti kathaṃ caiva vinaśyati || 1 ||
[Analyze grammar]

dāśūraḥ |
anantasyātmatattvasya sattāsāmānyarūpiṇaḥ |
citaścetyonmukhatvaṃ yattatsaṅkalpāṅkuraṃ viduḥ || 2 ||
[Analyze grammar]

leśataḥ prāptasattākaḥ sa eva ghanatāṃ gataḥ |
yāti cittaṃ khamāpūrya dṛḍhajāḍyāya meghavat || 3 ||
[Analyze grammar]

bhāvayantī citiścetyaṃ vyatiriktamivātmanaḥ |
saṅkalpatāmihāyāti bījamaṅkuratāmiva || 4 ||
[Analyze grammar]

saṅkalpanaṃ hi saṅkalpaḥ svayameṣa prajāyate |
vardhate svata evāśu duḥkhāya na sukhāya tu || 5 ||
[Analyze grammar]

saṅkalpamātraṃ hi bhavāñjalamātraṃ yathārṇavaḥ |
ṛte saṅkalpato'nyā te nāsti saṃsāritā ṛtā || 6 ||
[Analyze grammar]

kākatālīyayogena sañjāto'si mudhaiva hi |
mṛgatṛṣṇādvicandratvavadasatyaṃ ca vardhase || 7 ||
[Analyze grammar]

nigīrṇamātulāṃśasya kanakapratyayo yathā |
svayamabhyetyasatyo'ntaḥ saṅkalpaste tathā bhavet || 8 ||
[Analyze grammar]

asatyameva jātastvamasatyamabhivardhase |
asmiñjāte ca vijñāne asatyaḥ sanvilīyase || 9 ||
[Analyze grammar]

ayaṃ so'hamime bhāvāḥ sukhaduḥkhamayā mama |
vyarthameveti sāsthastvaṃ tenāntaḥ paritapyase || 10 ||
[Analyze grammar]

asannevāsyajāto'si kuto janma kilāsataḥ |
vyarthamevāvamūḍho'si saṅkalpavaśataḥ svataḥ || 11 ||
[Analyze grammar]

mā saṅkalpaya saṅkalpaṃ bhāvaṃ bhāvaya mā sthitau |
etāvataiva bhāvena bhavyo bhavasi bhūtaye || 12 ||
[Analyze grammar]

saṅkalpanāśane yatno na bhūyāṃstava gacchati |
bhāvanābhāvamātreṇa saṅkalpaḥ kṣīyate hṛdi || 13 ||
[Analyze grammar]

sumanaḥkusumāmarde kiñcidvyatikaro bhavet |
susādhe'bhāvamātreṇa na tu saṅkalpanāśane || 14 ||
[Analyze grammar]

puṣpākrāntau karaspandayatnaḥ putropayujyate |
tadapyupakarotyasminna saṅkalpaparikṣaye || 15 ||
[Analyze grammar]

saṅkalpo yena hantavyastena bhāvaviparyayāt |
apyardhena nimeṣeṇa līlayaiva vihanyate || 16 ||
[Analyze grammar]

bhāvamātropaśamane svātmani svasthamāsthite |
sādhyate yadasādhyaṃ tatkasya syātkimivāmateḥ || 17 ||
[Analyze grammar]

saṅkalpenaiva saṅkalpaṃ manasā svamano mune |
bhittvā svātmani tiṣṭha tvaṃ kimetāvati duṣkaram || 18 ||
[Analyze grammar]

upaśānte hi saṅkalpe upaśāntamidaṃ bhavet |
saṃsāraduḥkhamatulaṃ mūlādapi mahāmate || 19 ||
[Analyze grammar]

saṅkalpo hi mano jīvaścittaṃ dhīratha vāsanā |
nāmnaivānyatvamapyeṣāṃ nārthenārthavidāṃ vara || 20 ||
[Analyze grammar]

saṅkalpāṃśādṛte neha kiñcidapyasti kutracit |
tameva hṛdayācchinddhi kimanyatpariśocasi || 21 ||
[Analyze grammar]

yathaivedaṃ nabhaśśūnyaṃ jagacchūnyaṃ tathaiva hi |
asanmayavikalpotthe ubhe ete tate yataḥ || 22 ||
[Analyze grammar]

asiddhaṃ sarvamevaitad yadasiddhena sādhitam |
saṅkalpena jagattasmādbhāvanā kvāvatiṣṭhatām || 23 ||
[Analyze grammar]

satyāsthāyāmasatyāṃ tu kiṃniṣṭhā vāsanā bhavet |
vāsanākṣayataḥ siddhistataḥ prāpyaṃ na śiṣyate || 24 ||
[Analyze grammar]

tasmādasadidaṃ sarvaṃ draṣṭavyaṃ helayeddhayā |
na tu bhāvanayā tena sukhaduḥkhairna lipyate || 25 ||
[Analyze grammar]

avastvitīdaṃ nirṇīya nehāsthā sampravartate |
āsthākṣaye na jāyete harṣāmarṣau bhavābhavau || 26 ||
[Analyze grammar]

mano mithyā karotīdaṃ sukhaduḥkhābhravibhramam |
mano jīvaḥ sphuratyuccairmānasaṃ nagaraṃ jagat || 27 ||
[Analyze grammar]

bhaviṣyadvartamānaṃ ca bhūtaṃ ca parivartayat |
vāsanāvaśato loke sphuracchakti manaḥ sthitam || 28 ||
[Analyze grammar]

karoti svāśayenemāṃ vyavasthāṃ malinaścalaḥ |
ātmanaḥ sadṛśīṃ lolāṃ jīvo hṛdvanamarkaṭaḥ || 29 ||
[Analyze grammar]

dīrghamākāramādāya nimeṣād yānti hrasvatām |
grahītuṃ ca na yujyante saṅkalpā jaḍavīcayaḥ || 30 ||
[Analyze grammar]

manāgdṛṣṭā vivardhante dahanti saparicchadam |
tṛṇamātreṇa dīpyante saṅkalpā vahniśeṣavat || 31 ||
[Analyze grammar]

jagatprakaṭanākārāḥ pradīptāḥ kṣaṇabhaṅgurāḥ |
bhramadā jaḍasaṃsthānāḥ saṅkalpāstaḍidagnayaḥ || 32 ||
[Analyze grammar]

yadaivāsannayaṃ putra tadaivāśu cikitsitum |
śakyate nātra sandeho nāsatsadbhavati kvacit || 33 ||
[Analyze grammar]

san sthito yadi saṅkalpo duścikitsastato bhavet |
kiṃ tvasadbhūta evaiṣa sucikitsastadā bhṛśam || 34 ||
[Analyze grammar]

akṛtrimaṃ cetsaṃsāramalamaṅgārakārṣṇyavat |
tadetatkṣālane sādho kaḥ pravarteta durmatiḥ || 35 ||
[Analyze grammar]

kiṃ tvetattaṇḍule śūkatuṣakambukavatsthitam |
yadā tadā prayatnena pauruṣeṇa vinaśyati || 36 ||
[Analyze grammar]

akṛtrimamapi prāptaṃ bhṛśaṃ kṛtrimatāṃ suta |
sukhocchedyatayā jñasya saṃsāramalamātatam || 37 ||
[Analyze grammar]

taṇḍulasya yathā carma yathā tāmrasya kālimā |
naśyati kriyayā putra puruṣasya tathā malam || 38 ||
[Analyze grammar]

jīvasya taṇḍulasyeva malaṃ sahajamapyalam |
naśyatyeva na sandehastasmādudyamavānbhava || 39 ||
[Analyze grammar]

asatkalpairvikalpairyaḥ saṃsāro janito mudhā |
stokenāsau layaṃ yāti kvāsadvastu kila sthiram || 40 ||
[Analyze grammar]

asattāmeti saṃsāraḥ svāṃ vyavasthāṃ vicinvataḥ |
dīpālokādivāndhatvaṃ dvīndutvaṃ svīkṣitādiva || 41 ||
[Analyze grammar]

nedaṃ tava na cāsya tvaṃ bhrāntiṃ putra parityaja |
asatye satyavaddṛṣṭe bhāvanāṃ mā nyavīviśaḥ || 42 ||
[Analyze grammar]

mama guruvibhavojjvalā vilāsā iti tava māstu vṛthaiva vibhramo'ntaḥ |
tvayi sati vitatāśca te vilāsā vilasati sarvamidaṃ tadātmatattvam || 43 ||
[Analyze grammar]