Chapter 13

tattvamāhātmyapratipādanaṃ nāma sargaḥ |
trayodaśaḥ sargaḥ |
vasiṣṭhaḥ |
etāṃ dṛṣṭimavaṣṭabhya puṣṭātmānaḥ subuddhayaḥ |
vicarantyasamunnaddhā mahānto'bhyuditā iva || 1 ||
[Analyze grammar]

na śocanti na yācante na vāñchanti śubhāśubham |
sarvameva ca kurvanti kurvanti na ca kiñcana || 2 ||
[Analyze grammar]

svasthamevāvatiṣṭhanti svasthaṃ kurvanti yānti ca |
heyopādeyatāpakṣarahitāḥ svātmani sthitāḥ || 3 ||
[Analyze grammar]

āyānti ca na cāyānti vanaṃ yānti na yānti ca |
na kurvantyapi kurvanti na vadanti vadanti ca || 4 ||
[Analyze grammar]

ye kecana samārambhā yāśca kāścana dṛṣṭayaḥ |
heyādeyadṛśo yāstāḥ kṣīyante'dhigate pade || 5 ||
[Analyze grammar]

parityaktasamastehaṃ mano madhuravṛttimat |
sarvataḥ sukhamabhyeti candrabimba iva sthitam || 6 ||
[Analyze grammar]

api nirmananārambhamapyastākhilakautukam |
ātmanyeva na mātyantarindāviva rasāyanam || 7 ||
[Analyze grammar]

na karotīndrajālāni nānudhāvati vāsanām |
bālacāpalamutsṛjya pūrṇameva virājate || 8 ||
[Analyze grammar]

evaṃvidhā hi vṛttaya ātmatattvāvalokanāl labhyante |
nānyataḥ |
tasmādvicāreṇātmānveṣṭavyaḥ upāsanīyo jñātavyo yāvajjīvaṃ puruṣeṇa netaraditi || 9 ||
[Analyze grammar]

svānubhūteḥ suśāstrasya guroścaivaikavākyatā |
yatrābhyāsena tenātmā santatenāvalokyate || 10 ||
[Analyze grammar]

avahelitaśāstrārthairavajñātamahājanaiḥ |
kaṣṭāmapyāpadaṃ prāpto na mūḍhaiḥ samatāmiyāt || 11 ||
[Analyze grammar]

na vyādhirna viṣaṃ nāpattathā nāmāsti bhūtale |
khedāya svaśarīrasthaṃ maurkhyameva yathā nṛṇām || 12 ||
[Analyze grammar]

kiñcitsaṃskṛtabuddhīnāṃ śravyaṃ śāstramidaṃ yathā |
maurkhyāpahaṃ tathā śāstramanyadasti na kiñcana || 13 ||
[Analyze grammar]

idaṃ śravyaṃ sukhakaraṃ kathādṛṣṭāntasundaram |
aviruddhamaśeṣeṇa śāstravākyārthabandhunā || 14 ||
[Analyze grammar]

āpado yā duruttārā yāśca tucchāḥ kuyonayaḥ |
tāstā maurkhyātprasūyante khadirātkaṇṭakā iva || 15 ||
[Analyze grammar]

varaṃ śarāvahastasya caṇḍālāgāravīthiṣu |
bhikṣārthamaṭanaṃ rāma na maurkhyahatajīvitam || 16 ||
[Analyze grammar]

imamālokamāsādya mokṣopāyamayaṃ janaḥ |
andhatāmeti na punaḥ kaścinmohatamasyapi || 17 ||
[Analyze grammar]

tāvannayati saṅkocaṃ tṛṣṇāśyāmā narāmbujam |
yāvadvivekasūryasya noditā vimalā prabhā || 18 ||
[Analyze grammar]

saṃsāraduḥkhamokṣārthaṃ mādṛśaiḥ saha bandhubhiḥ |
svarūpamātmano jñātvā guruśāstrapramāṇataḥ || 19 ||
[Analyze grammar]

jīvanmuktāścarantīha yathā hariharādayaḥ |
yathā brahmarṣayaścānye tathā vihara rāghava || 20 ||
[Analyze grammar]

anantānīha duḥkhāni sukhaṃ kṣaṇalavopamam |
nātaḥ sukheṣu badhnīyāddṛṣṭiṃ duḥkhānubandhiṣu || 21 ||
[Analyze grammar]

yadanantamanāyāsaṃ tatpadaṃ sārasiddhaye |
sādhanīyaṃ prayatnena puruṣeṇa vijānatā || 22 ||
[Analyze grammar]

ta eva puruṣārthasya bhājanaṃ puruṣottamāḥ |
anuttamapadālambi mano yeṣāṃ gatajvaram || 23 ||
[Analyze grammar]

sambhogāśanamātreṣu rājyādiṣu sukheṣu ye |
santuṣṭā duṣṭamanaso viddhi tānandhaḍuṇḍubhān || 24 ||
[Analyze grammar]

ye śaṭheṣu duranteṣu duṣkṛtārambhaśāliṣu |
dviṣatsu mitrarūpeṣu bhaktā vai bhogabhogiṣu || 25 ||
[Analyze grammar]

te yānti durgamāddurgaṃ duḥkhādduḥkhaṃ bhayādbhayam |
narakānnarakaṃ mūḍhā mohamantharabuddhayaḥ || 26 ||
[Analyze grammar]

parasparavināśotke śreyasyau na kadācana |
sukhaduḥkhadaśe rāma taḍitprasarabhaṅgure || 27 ||
[Analyze grammar]

ye viraktā mahātmānaḥ suviviktā bhavādṛśaḥ |
puruṣānviddhi tānvandyānbhogamokṣaikabhāginaḥ || 28 ||
[Analyze grammar]

vivekaṃ paramāśritya vairāgyābhyāsayogataḥ |
saṃsārasaritaṃ ghorāmimāmāpadamuttaret || 29 ||
[Analyze grammar]

na svaptavyaṃ tu saṃsāramāyāsviha vijānatā |
viṣamūrchanasammohadāyinīṣu vivekinā || 30 ||
[Analyze grammar]

saṃsāramimamāsādya yastiṣṭhatyavahelayā |
jvalitasya gṛhasyoccaiśśete tārṇasya so'ntare || 31 ||
[Analyze grammar]

yatprāpya na nivartante yadāsādya na śocyate |
tatpadaṃ śemuṣīlabhyamastyevātra na saṃśayaḥ || 32 ||
[Analyze grammar]

nāsti cettadvicāreṇa doṣaḥ ko bhavatāṃ bhavet |
asti cettatsamuttīrṇā bhaviṣyatha bhavārṇavāt || 33 ||
[Analyze grammar]

pravṛttiḥ puruṣasyeha mokṣopāyavicāraṇe |
yadā bhavatyāśu tadā mokṣabhāgī sa ucyate || 34 ||
[Analyze grammar]

anapāyi nirāśaṅkaṃ svāsthyaṃ vigatavibhramam |
na vinā kevalībhāvaṃ vidyate bhuvanatraye || 35 ||
[Analyze grammar]

tatprāptāv uttamaprāptau na kleśa upayujyate |
na mitrāṇyupakurvanti na dhanāni na bandhavaḥ || 36 ||
[Analyze grammar]

na hastapādacalanaṃ na deśāntarasaṅgamaḥ |
kleśātiśayasādhyo vā na tīrthāyatanāśrayaḥ || 37 ||
[Analyze grammar]

puruṣārthaikasādhyena vāsanaikārthakarmaṇā |
kevalaṃ tanmanomātrajayenāsādyate padam || 38 ||
[Analyze grammar]

vivekamātrasādhyaṃ tadvicāraikāntaniścayam |
tyajatā duḥkhajālāni nareṇa tadavāpyate || 39 ||
[Analyze grammar]

sukhasevyāsanasthena tadvicārayatā svayam |
na śocyate padaṃ prāpya na ca bhūyo'bhijāyate || 40 ||
[Analyze grammar]

tatsamastasukhāsārasīmāntaṃ sādhavo viduḥ |
tadanuttamaniṣṣyandaṃ paramāhū rasāyanam || 41 ||
[Analyze grammar]

kṣayitvātsarvabhāvānāṃ svargamānuṣyayordvayoḥ |
sukhaṃ nāstyeva salilaṃ mṛgatṛṣṇāsvivaitayoḥ || 42 ||
[Analyze grammar]

ato manojayaścintyaśśamaḥ santoṣasādhanaḥ |
anantaśamasambhogastasmādānanda āpyate || 43 ||
[Analyze grammar]

jīvatā gacchatā caiva bhramatā patatā tathā |
rakṣasā dānavenāpi devena puruṣeṇa vā || 44 ||
[Analyze grammar]

manaḥpraśamanodbhūtaṃ tatprāpya paramaṃ sukham |
vikāsiśamapuṣpasya vivekoccataroḥ phalam || 45 ||
[Analyze grammar]

vyavahārapareṇāpi kāryavṛndamacinvatā |
bhānunevāmbarasthena nojjhyate na ca vāñchyate || 46 ||
[Analyze grammar]

manaḥ praśāntamatyacchaṃ viśrāntaṃ gatavibhramam |
anīhaṃ vigatābhīṣṭaṃ nābhivāñchati nojjhati || 47 ||
[Analyze grammar]

mokṣadvāre dvārapālānimāñchṛṇu yathākramam |
yeṣāmekatamāsaktyā mokṣadvāre praviśyate || 48 ||
[Analyze grammar]

duḥkhadoṣadaśā dīrghā saṃsāramarumaṇḍalī |
jantośśītalatāmeti śītalena śamāmbunā || 49 ||
[Analyze grammar]

śamenāsādyate śreyaśśamo hi paramaṃ padam |
śamaśśivaṃ śamaśśāntiśśamo bhrāntinivāraṇam || 50 ||
[Analyze grammar]

puṃsaḥ praśamatṛptasya śītalācchatarātmanaḥ |
śamatoṣitacittasya śatrurapyeti mitratām || 51 ||
[Analyze grammar]

śamacandramasā yeṣāmāśayaḥ samalaṅkṛtaḥ |
kṣīrābdhīnāmivodeti teṣāṃ paramaśuddhatā || 52 ||
[Analyze grammar]

hṛtkuśeśayakośeṣu yeṣāṃ śamakuśeśayam |
satāṃ vikasitaṃ te hi dvihṛtpadmāḥ samā hareḥ || 53 ||
[Analyze grammar]

śamaśrīśśobhate yeṣāṃ mukhendāvakalaṅkite |
te'mī kulendavo vandyāḥ saundaryavijitendavaḥ || 54 ||
[Analyze grammar]

trailokyodaravartinyo nānandāya tathā śriyaḥ |
sāmrājyasampatpratimā yathā śamavibhūtayaḥ || 55 ||
[Analyze grammar]

yāni duḥkhāni yāstṛṣṇā dussahā ye durādhayaḥ |
tatsarvaṃ śāntacetassu tamo'rkeṣviva naśyati || 56 ||
[Analyze grammar]

mano hi sarvabhūtānāṃ prasādamanugacchati |
na tathendau yathā śānte jane janitakautukam || 57 ||
[Analyze grammar]

śamaśālini sauhārdavati sarveṣu jantuṣu |
sujane paramaṃ tattvaṃ svayameva prasīdati || 58 ||
[Analyze grammar]

mātarīva paraṃ yānti viṣamāṇi mṛdūni ca |
viśvāsamiha bhūtāni sarvāṇi śamaśālini || 59 ||
[Analyze grammar]

na rasāyanapānena na lakṣmyāliṅganena ca |
tathā sukhamavāpnoti śamenāntaryathā janaḥ || 60 ||
[Analyze grammar]

sarvādhivyādhivalitaṃ krāntaṃ tṛṣṇāvaratrayā |
manaśśamāmṛtāsekaiḥ samāśvāsaya rāghava || 61 ||
[Analyze grammar]

yatkaroṣi yadaśnāsi śamaśītalayā dhiyā |
tatte'tisvadate svādu netarattāta mānase || 62 ||
[Analyze grammar]

śamāmṛtarasasnātaṃ mano yāmeti nirvṛtim |
chinnānyapi tayāṅgāni manye rohanti rāghava || 63 ||
[Analyze grammar]

na piśācā na rakṣāṃsi na daityā na ca śatravaḥ |
na ca vyāghrabhujaṅgādyā dviṣanti śamaśālinam || 64 ||
[Analyze grammar]

susannaddhasamastāṅgaṃ praśamāmṛtavarmaṇā |
vedhayanti na duḥkhāni śarā vajraśilāmiva || 65 ||
[Analyze grammar]

na tathā rājate rājāmātyāntaḥpurasaṃsthitaḥ |
samayā svasthayā vṛttyā yathopaśamaśobhitaḥ || 66 ||
[Analyze grammar]

prāṇātpriyataraṃ dṛṣṭvā tuṣṭimeti na tāṃ janaḥ |
yāmāyāti janaṃ śāntamavalokya samāśayam || 67 ||
[Analyze grammar]

samayā śamaśālinyā vṛttyā yaḥ sādhu vartate |
abhinanditayā loke jīvatīha sa netaraḥ || 68 ||
[Analyze grammar]

anuddhatamanāśśāntaḥ sādhu karma karoti yat |
tatsarvamabhinandanti tasyemā bhūtajātayaḥ || 69 ||
[Analyze grammar]

śrutvā spṛṣṭvā ca dṛṣṭvā ca bhuktvā ghrātvā śubhāśubham |
na hṛṣyati glāyati yaḥ sa śānta iti kathyate || 70 ||
[Analyze grammar]

yaḥ samaḥ sarvabhāveṣu nābhivāñchati nojjhati |
jitvendriyāṇi yatnena sa śānta iti kathyate || 71 ||
[Analyze grammar]

tuṣārakarabimbācchaṃ mano yasya nirākulam |
maraṇotsavayuddheṣu sa śānta iti kathyate || 72 ||
[Analyze grammar]

sthito'pi na sthita iva na hṛṣyati na kupyati |
yaḥ suṣuptamanāḥ svasthaḥ sa śānta iti kathyate || 73 ||
[Analyze grammar]

amṛtasyandasubhagā yasya sarvajanaṃ prati |
dṛṣṭiḥ prasarati prītā sa śānta iti kathyate || 74 ||
[Analyze grammar]

spaṣṭāvadātayā buddhyā yathaivāntastathā bahiḥ |
dṛśyante yasya kāryāṇi sa śānta iti kathyate || 75 ||
[Analyze grammar]

apyāpatsu durantāsu kalpānteṣu dahatsvapi |
tucchehaṃ na mano yasya sa śānta iti kathyate || 76 ||
[Analyze grammar]

antaśśītalatāṃ yāto yo bhāveṣu na majjati |
vyavahārī na sammūḍhaḥ sa śānta iti kathyate || 77 ||
[Analyze grammar]

ākāśasadṛśī yasya nityaṃ svavyavahāriṇaḥ |
kalaṅkameti na matiḥ sa śānta iti kathyate || 78 ||
[Analyze grammar]

tapasviṣu bahujñeṣu yājakeṣu nṛpeṣu ca |
balavatsu guṇāḍhyeṣu śamavāneva rājate || 79 ||
[Analyze grammar]

śamasaṃsaktamanasāṃ mahatāṃ guṇaśālinām |
udeti nirvṛtiścittājjyotsneva himarociṣaḥ || 80 ||
[Analyze grammar]

sīmānto guṇapūgānāṃ pauruṣaikāntabhūṣaṇam |
saṅkaṭeṣvabhayasthānaṃ śamaśśrīmānvirājate || 81 ||
[Analyze grammar]

śamamamṛtamahāryamāryajuṣṭaṃ paramavalambya padaṃ paraṃ prayātāḥ |
raghutanaya yathā mahānubhāvāḥ kramamanupālaya siddhaye tameva || 82 ||
[Analyze grammar]