Chapter 43

saṃjaya uvāca |
pūrvāhṇe tasya raudrasya yuddhamahno viśāṃ pate |
prāvartata mahāghoraṃ rājñāṃ dehāvakartanam || 1 ||
[Analyze grammar]

kurūṇāṃ pāṇḍavānāṃ ca saṃgrāme vijigīṣatām |
siṃhānāmiva saṃhrādo divamurvīṃ ca nādayan || 2 ||
[Analyze grammar]

āsītkilakilāśabdastalaśaṅkharavaiḥ saha |
jajñire siṃhanādāśca śūrāṇāṃ pratigarjatām || 3 ||
[Analyze grammar]

talatrābhihatāścaiva jyāśabdā bharatarṣabha |
pattīnāṃ pādaśabdāśca vājināṃ ca mahāsvanāḥ || 4 ||
[Analyze grammar]

tottrāṅkuśanipātāśca āyudhānāṃ ca nisvanāḥ |
ghaṇṭāśabdāśca nāgānāmanyonyamabhidhāvatām || 5 ||
[Analyze grammar]

tasminsamudite śabde tumule lomaharṣaṇe |
babhūva rathanirghoṣaḥ parjanyaninadopamaḥ || 6 ||
[Analyze grammar]

te manaḥ krūramādhāya samabhityaktajīvitāḥ |
pāṇḍavānabhyavartanta sarva evocchritadhvajāḥ || 7 ||
[Analyze grammar]

svayaṃ śāṃtanavo rājannabhyadhāvaddhanaṃjayam |
pragṛhya kārmukaṃ ghoraṃ kāladaṇḍopamaṃ raṇe || 8 ||
[Analyze grammar]

arjuno'pi dhanurgṛhya gāṇḍīvaṃ lokaviśrutam |
abhyadhāvata tejasvī gāṅgeyaṃ raṇamūrdhani || 9 ||
[Analyze grammar]

tāvubhau kuruśārdūlau parasparavadhaiṣiṇau |
gāṅgeyastu raṇe pārthaṃ viddhvā nākampayadbalī |
tathaiva pāṇḍavo rājanbhīṣmaṃ nākampayadyudhi || 10 ||
[Analyze grammar]

sātyakiśca maheṣvāsaḥ kṛtavarmāṇamabhyayāt |
tayoḥ samabhavadyuddhaṃ tumulaṃ lomaharṣaṇam || 11 ||
[Analyze grammar]

sātyakiḥ kṛtavarmāṇaṃ kṛtavarmā ca sātyakim |
ānarchatuḥ śarairghoraistakṣamāṇau parasparam || 12 ||
[Analyze grammar]

tau śarācitasarvāṅgau śuśubhāte mahābalau |
vasante puṣpaśabalau puṣpitāviva kiṃśukau || 13 ||
[Analyze grammar]

abhimanyurmaheṣvāso bṛhadbalamayodhayat |
tataḥ kosalako rājā saubhadrasya viśāṃ pate |
dhvajaṃ ciccheda samare sārathiṃ ca nyapātayat || 14 ||
[Analyze grammar]

saubhadrastu tataḥ kruddhaḥ pātite rathasārathau |
bṛhadbalaṃ mahārāja vivyādha navabhiḥ śaraiḥ || 15 ||
[Analyze grammar]

athāparābhyāṃ bhallābhyāṃ pītābhyāmarimardanaḥ |
dhvajamekena ciccheda pārṣṇimekena sārathim |
anyonyaṃ ca śaraistīkṣṇaiḥ kruddhau rājaṃstatakṣatuḥ || 16 ||
[Analyze grammar]

māninaṃ samare dṛptaṃ kṛtavairaṃ mahāratham |
bhīmasenastava sutaṃ duryodhanamayodhayat || 17 ||
[Analyze grammar]

tāvubhau naraśārdūlau kurumukhyau mahābalau |
anyonyaṃ śaravarṣābhyāṃ vavṛṣāte raṇājire || 18 ||
[Analyze grammar]

tau tu vīkṣya mahātmānau kṛtinau citrayodhinau |
vismayaḥ sarvabhūtānāṃ samapadyata bhārata || 19 ||
[Analyze grammar]

duḥśāsanastu nakulaṃ pratyudyāya mahāratham |
avidhyanniśitairbāṇairbahubhirmarmabhedibhiḥ || 20 ||
[Analyze grammar]

tasya mādrīsutaḥ ketuṃ saśaraṃ ca śarāsanam |
ciccheda niśitairbāṇaiḥ prahasanniva bhārata |
athainaṃ pañcaviṃśatyā kṣudrakāṇāṃ samārdayat || 21 ||
[Analyze grammar]

putrastu tava durdharṣo nakulasya mahāhave |
yugeṣāṃ cicchide bāṇairdhvajaṃ caiva nyapātayat || 22 ||
[Analyze grammar]

durmukhaḥ sahadevaṃ tu pratyudyāya mahābalam |
vivyādha śaravarṣeṇa yatamānaṃ mahāhave || 23 ||
[Analyze grammar]

sahadevastato vīro durmukhasya mahāhave |
śareṇa bhṛśatīkṣṇena pātayāmāsa sārathim || 24 ||
[Analyze grammar]

tāvanyonyaṃ samāsādya samare yuddhadurmadau |
trāsayetāṃ śarairghoraiḥ kṛtapratikṛtaiṣiṇau || 25 ||
[Analyze grammar]

yudhiṣṭhiraḥ svayaṃ rājā madrarājānamabhyayāt |
tasya madrādhipaścāpaṃ dvidhā ciccheda māriṣa || 26 ||
[Analyze grammar]

tadapāsya dhanuśchinnaṃ kuntīputro yudhiṣṭhiraḥ |
anyatkārmukamādāya vegavadbalavattaram || 27 ||
[Analyze grammar]

tato madreśvaraṃ rājā śaraiḥ saṃnataparvabhiḥ |
chādayāmāsa saṃkruddhastiṣṭha tiṣṭheti cābravīt || 28 ||
[Analyze grammar]

dhṛṣṭadyumnastato droṇamabhyadravata bhārata |
tasya droṇaḥ susaṃkruddhaḥ parāsukaraṇaṃ dṛḍham |
tridhā ciccheda samare yatamānasya kārmukam || 29 ||
[Analyze grammar]

śaraṃ caiva mahāghoraṃ kāladaṇḍamivāparam |
preṣayāmāsa samare so'sya kāye nyamajjata || 30 ||
[Analyze grammar]

athānyaddhanurādāya sāyakāṃśca caturdaśa |
droṇaṃ drupadaputrastu prativivyādha saṃyuge |
tāvanyonyaṃ susaṃkruddhau cakratuḥ subhṛśaṃ raṇam || 31 ||
[Analyze grammar]

saumadattiṃ raṇe śaṅkho rabhasaṃ rabhaso yudhi |
pratyudyayau mahārāja tiṣṭha tiṣṭheti cābravīt || 32 ||
[Analyze grammar]

tasya vai dakṣiṇaṃ vīro nirbibheda raṇe bhujam |
saumadattistathā śaṅkhaṃ jatrudeśe samāhanat || 33 ||
[Analyze grammar]

tayoḥ samabhavadyuddhaṃ ghorarūpaṃ viśāṃ pate |
dṛptayoḥ samare tūrṇaṃ vṛtravāsavayoriva || 34 ||
[Analyze grammar]

bāhlīkaṃ tu raṇe kruddhaṃ kruddharūpo viśāṃ pate |
abhyadravadameyātmā dhṛṣṭaketurmahārathaḥ || 35 ||
[Analyze grammar]

bāhlīkastu tato rājandhṛṣṭaketumamarṣaṇam |
śarairbahubhirānarchatsiṃhanādamathānadat || 36 ||
[Analyze grammar]

cedirājastu saṃkruddho bāhlīkaṃ navabhiḥ śaraiḥ |
vivyādha samare tūrṇaṃ matto mattamiva dvipam || 37 ||
[Analyze grammar]

tau tatra samare kruddhau nardantau ca muhurmuhuḥ |
samīyatuḥ susaṃkruddhāvaṅgārakabudhāviva || 38 ||
[Analyze grammar]

rākṣasaṃ krūrakarmāṇaṃ krūrakarmā ghaṭotkacaḥ |
alambusaṃ pratyudiyādbalaṃ śakra ivāhave || 39 ||
[Analyze grammar]

ghaṭotkacastu saṃkruddho rākṣasaṃ taṃ mahābalam |
navatyā sāyakaistīkṣṇairdārayāmāsa bhārata || 40 ||
[Analyze grammar]

alambusastu samare bhaimaseniṃ mahābalam |
bahudhā vārayāmāsa śaraiḥ saṃnataparvabhiḥ || 41 ||
[Analyze grammar]

vyabhrājetāṃ tatastau tu saṃyuge śaravikṣatau |
yathā devāsure yuddhe balaśakrau mahābalau || 42 ||
[Analyze grammar]

śikhaṇḍī samare rājandrauṇimabhyudyayau balī |
aśvatthāmā tataḥ kruddhaḥ śikhaṇḍinamavasthitam || 43 ||
[Analyze grammar]

nārācena sutīkṣṇena bhṛśaṃ viddhvā vyakampayat |
śikhaṇḍyapi tato rājandroṇaputramatāḍayat || 44 ||
[Analyze grammar]

sāyakena supītena tīkṣṇena niśitena ca |
tau jaghnatustadānyonyaṃ śarairbahuvidhairmṛdhe || 45 ||
[Analyze grammar]

bhagadattaṃ raṇe śūraṃ virāṭo vāhinīpatiḥ |
abhyayāttvarito rājaṃstato yuddhamavartata || 46 ||
[Analyze grammar]

virāṭo bhagadattena śaravarṣeṇa tāḍitaḥ |
abhyavarṣatsusaṃkruddho megho vṛṣṭyā ivācalam || 47 ||
[Analyze grammar]

bhagadattastatastūrṇaṃ virāṭaṃ pṛthivīpatim |
chādayāmāsa samare meghaḥ sūryamivoditam || 48 ||
[Analyze grammar]

bṛhatkṣatraṃ tu kaikeyaṃ kṛpaḥ śāradvato yayau |
taṃ kṛpaḥ śaravarṣeṇa chādayāmāsa bhārata || 49 ||
[Analyze grammar]

gautamaṃ kekayaḥ kruddhaḥ śaravṛṣṭyābhyapūrayat |
tāvanyonyaṃ hayānhatvā dhanuṣī vinikṛtya vai || 50 ||
[Analyze grammar]

virathāvasiyuddhāya samīyaturamarṣaṇau |
tayostadabhavadyuddhaṃ ghorarūpaṃ sudāruṇam || 51 ||
[Analyze grammar]

drupadastu tato rājā saindhavaṃ vai jayadratham |
abhyudyayau saṃprahṛṣṭo hṛṣṭarūpaṃ paraṃtapa || 52 ||
[Analyze grammar]

tataḥ saindhavako rājā drupadaṃ viśikhaistribhiḥ |
tāḍayāmāsa samare sa ca taṃ pratyavidhyata || 53 ||
[Analyze grammar]

tayoḥ samabhavadyuddhaṃ ghorarūpaṃ sudāruṇam |
īkṣitṛprītijananaṃ śukrāṅgārakayoriva || 54 ||
[Analyze grammar]

vikarṇastu sutastubhyaṃ sutasomaṃ mahābalam |
abhyayājjavanairaśvaistato yuddhamavartata || 55 ||
[Analyze grammar]

vikarṇaḥ sutasomaṃ tu viddhvā nākampayaccharaiḥ |
sutasomo vikarṇaṃ ca tadadbhutamivābhavat || 56 ||
[Analyze grammar]

suśarmāṇaṃ naravyāghraṃ cekitāno mahārathaḥ |
abhyadravatsusaṃkruddhaḥ pāṇḍavārthe parākramī || 57 ||
[Analyze grammar]

suśarmā tu mahārāja cekitānaṃ mahāratham |
mahatā śaravarṣeṇa vārayāmāsa saṃyuge || 58 ||
[Analyze grammar]

cekitāno'pi saṃrabdhaḥ suśarmāṇaṃ mahāhave |
prācchādayattamiṣubhirmahāmegha ivācalam || 59 ||
[Analyze grammar]

śakuniḥ prativindhyaṃ tu parākrāntaṃ parākramī |
abhyadravata rājendra matto mattamiva dvipam || 60 ||
[Analyze grammar]

yaudhiṣṭhirastu saṃkruddhaḥ saubalaṃ niśitaiḥ śaraiḥ |
vyadārayata saṃgrāme maghavāniva dānavam || 61 ||
[Analyze grammar]

śakuniḥ prativindhyaṃ tu pratividhyantamāhave |
vyadārayanmahāprājñaḥ śaraiḥ saṃnataparvabhiḥ || 62 ||
[Analyze grammar]

sudakṣiṇaṃ tu rājendra kāmbojānāṃ mahāratham |
śrutakarmā parākrāntamabhyadravata saṃyuge || 63 ||
[Analyze grammar]

sudakṣiṇastu samare sāhadeviṃ mahāratham |
viddhvā nākampayata vai mainākamiva parvatam || 64 ||
[Analyze grammar]

śrutakarmā tataḥ kruddhaḥ kāmbojānāṃ mahāratham |
śarairbahubhirānarchaddārayanniva sarvaśaḥ || 65 ||
[Analyze grammar]

irāvānatha saṃkruddhaḥ śrutāyuṣamamarṣaṇam |
pratyudyayau raṇe yatto yattarūpataraṃ tataḥ || 66 ||
[Analyze grammar]

ārjunistasya samare hayānhatvā mahārathaḥ |
nanāda sumahannādaṃ tatsainyaṃ pratyapūrayat || 67 ||
[Analyze grammar]

śrutāyustvatha saṃkruddhaḥ phālguneḥ samare hayān |
nijaghāna gadāgreṇa tato yuddhamavartata || 68 ||
[Analyze grammar]

vindānuvindāvāvantyau kuntibhojaṃ mahāratham |
sasenaṃ sasutaṃ vīraṃ saṃsasajjaturāhave || 69 ||
[Analyze grammar]

tatrādbhutamapaśyāma āvantyānāṃ parākramam |
yadayudhyansthirā bhūtvā mahatyā senayā saha || 70 ||
[Analyze grammar]

anuvindastu gadayā kuntibhojamatāḍayat |
kuntibhojastatastūrṇaṃ śaravrātairavākirat || 71 ||
[Analyze grammar]

kuntibhojasutaścāpi vindaṃ vivyādha sāyakaiḥ |
sa ca taṃ prativivyādha tadadbhutamivābhavat || 72 ||
[Analyze grammar]

kekayā bhrātaraḥ pañca gāndhārānpañca māriṣa |
sasainyāste sasainyāṃśca yodhayāmāsurāhave || 73 ||
[Analyze grammar]

vīrabāhuśca te putro vairāṭiṃ rathasattamam |
uttaraṃ yodhayāmāsa vivyādha niśitaiḥ śaraiḥ |
uttaraścāpi taṃ dhīraṃ vivyādha niśitaiḥ śaraiḥ || 74 ||
[Analyze grammar]

cedirāṭsamare rājannulūkaṃ samabhidravat |
ulūkaścāpi taṃ bāṇairniśitairlomavāhibhiḥ || 75 ||
[Analyze grammar]

tayoryuddhaṃ samabhavadghorarūpaṃ viśāṃ pate |
dārayetāṃ susaṃkruddhāvanyonyamaparājitau || 76 ||
[Analyze grammar]

evaṃ dvaṃdvasahasrāṇi rathavāraṇavājinām |
padātīnāṃ ca samare tava teṣāṃ ca saṃkulam || 77 ||
[Analyze grammar]

muhūrtamiva tadyuddhamāsīnmadhuradarśanam |
tata unmattavadrājanna prājñāyata kiṃcana || 78 ||
[Analyze grammar]

gajo gajena samare rathī ca rathinaṃ yayau |
aśvo'śvaṃ samabhipretya padātiśca padātinam || 79 ||
[Analyze grammar]

tato yuddhaṃ sudurdharṣaṃ vyākulaṃ samapadyata |
śūrāṇāṃ samare tatra samāsādya parasparam || 80 ||
[Analyze grammar]

tatra devarṣayaḥ siddhāścāraṇāśca samāgatāḥ |
praikṣanta tadraṇaṃ ghoraṃ devāsuraraṇopamam || 81 ||
[Analyze grammar]

tato dantisahasrāṇi rathānāṃ cāpi māriṣa |
aśvaughāḥ puruṣaughāśca viparītaṃ samāyayuḥ || 82 ||
[Analyze grammar]

tatra tatraiva dṛśyante rathavāraṇapattayaḥ |
sādinaśca naravyāghra yudhyamānā muhurmuhuḥ || 83 ||
[Analyze grammar]