Chapter 321

yudhiṣṭhira uvāca |
gṛhastho brahmacārī vā vānaprastho'tha bhikṣukaḥ |
ya icchetsiddhimāsthātuṃ devatāṃ kāṃ yajeta saḥ || 1 ||
[Analyze grammar]

kuto hyasya dhruvaḥ svargaḥ kuto niḥśreyasaṃ param |
vidhinā kena juhuyāddaivaṃ pitryaṃ tathaiva ca || 2 ||
[Analyze grammar]

muktaśca kāṃ gatiṃ gacchenmokṣaścaiva kimātmakaḥ |
svargataścaiva kiṃ kuryādyena na cyavate divaḥ || 3 ||
[Analyze grammar]

devatānāṃ ca ko devaḥ pitṝṇāṃ ca tathā pitā |
tasmātparataraṃ yacca tanme brūhi pitāmaha || 4 ||
[Analyze grammar]

bhīṣma uvāca |
gūḍhaṃ māṃ praśnavitpraśnaṃ pṛcchase tvamihānagha |
na hyeṣa tarkayā śakyo vaktuṃ varṣaśatairapi || 5 ||
[Analyze grammar]

ṛte devaprasādādvā rājañjñānāgamena vā |
gahanaṃ hyetadākhyānaṃ vyākhyātavyaṃ tavārihan || 6 ||
[Analyze grammar]

atrāpyudāharantīmamitihāsaṃ purātanam |
nāradasya ca saṃvādamṛṣernārāyaṇasya ca || 7 ||
[Analyze grammar]

nārāyaṇo hi viśvātmā caturmūrtiḥ sanātanaḥ |
dharmātmajaḥ saṃbabhūva pitaivaṃ me'bhyabhāṣata || 8 ||
[Analyze grammar]

kṛte yuge mahārāja purā svāyaṃbhuve'ntare |
naro nārāyaṇaścaiva hariḥ kṛṣṇastathaiva ca || 9 ||
[Analyze grammar]

tebhyo nārāyaṇanarau tapastepaturavyayau |
badaryāśramamāsādya śakaṭe kanakāmaye || 10 ||
[Analyze grammar]

aṣṭacakraṃ hi tadyānaṃ bhūtayuktaṃ manoramam |
tatrādyau lokanāthau tau kṛśau dhamanisaṃtatau || 11 ||
[Analyze grammar]

tapasā tejasā caiva durnirīkṣau surairapi |
yasya prasādaṃ kurvāte sa devau draṣṭumarhati || 12 ||
[Analyze grammar]

nūnaṃ tayoranumate hṛdi hṛcchayacoditaḥ |
mahāmerorgireḥ śṛṅgātpracyuto gandhamādanam || 13 ||
[Analyze grammar]

nāradaḥ sumahadbhūtaṃ lokānsarvānacīcarat |
taṃ deśamagamadrājanbadaryāśramamāśugaḥ || 14 ||
[Analyze grammar]

tayorāhnikavelāyāṃ tasya kautūhalaṃ tvabhūt |
idaṃ tadāspadaṃ kṛtsnaṃ yasmiṃllokāḥ pratiṣṭhitāḥ || 15 ||
[Analyze grammar]

sadevāsuragandharvāḥ sarṣikiṃnaralelihāḥ |
ekā mūrtiriyaṃ pūrvaṃ jātā bhūyaścaturvidhā || 16 ||
[Analyze grammar]

dharmasya kulasaṃtāno mahānebhirvivardhitaḥ |
aho hyanugṛhīto'dya dharma ebhiḥ surairiha |
naranārāyaṇābhyāṃ ca kṛṣṇena hariṇā tathā || 17 ||
[Analyze grammar]

tatra kṛṣṇo hariścaiva kasmiṃścitkāraṇāntare |
sthitau dharmottarau hyetau tathā tapasi dhiṣṭhitau || 18 ||
[Analyze grammar]

etau hi paramaṃ dhāma kānayorāhnikakriyā |
pitarau sarvabhūtānāṃ daivataṃ ca yaśasvinau |
kāṃ devatāṃ nu yajataḥ pitṝnvā kānmahāmatī || 19 ||
[Analyze grammar]

iti saṃcintya manasā bhaktyā nārāyaṇasya ha |
sahasā prādurabhavatsamīpe devayostadā || 20 ||
[Analyze grammar]

kṛte daive ca pitrye ca tatastābhyāṃ nirīkṣitaḥ |
pūjitaścaiva vidhinā yathāproktena śāstrataḥ || 21 ||
[Analyze grammar]

taṃ dṛṣṭvā mahadāścaryamapūrvaṃ vidhivistaram |
upopaviṣṭaḥ suprīto nārado bhagavānṛṣiḥ || 22 ||
[Analyze grammar]

nārāyaṇaṃ saṃnirīkṣya prasannenāntarātmanā |
namaskṛtvā mahādevamidaṃ vacanamabravīt || 23 ||
[Analyze grammar]

vedeṣu sapurāṇeṣu sāṅgopāṅgeṣu gīyase |
tvamajaḥ śāśvato dhātā mato'mṛtamanuttamam |
pratiṣṭhitaṃ bhūtabhavyaṃ tvayi sarvamidaṃ jagat || 24 ||
[Analyze grammar]

catvāro hyāśramā deva sarve gārhasthyamūlakāḥ |
yajante tvāmaharaharnānāmūrtisamāsthitam || 25 ||
[Analyze grammar]

pitā mātā ca sarvasya jagataḥ śāśvato guruḥ |
kaṃ tvadya yajase devaṃ pitaraṃ kaṃ na vidmahe || 26 ||
[Analyze grammar]

śrībhagavānuvāca |
avācyametadvaktavyamātmaguhyaṃ sanātanam |
tava bhaktimato brahmanvakṣyāmi tu yathātatham || 27 ||
[Analyze grammar]

yattatsūkṣmamavijñeyamavyaktamacalaṃ dhruvam |
indriyairindriyārthaiśca sarvabhūtaiśca varjitam || 28 ||
[Analyze grammar]

sa hyantarātmā bhūtānāṃ kṣetrajñaśceti kathyate |
triguṇavyatirikto'sau puruṣaśceti kalpitaḥ |
tasmādavyaktamutpannaṃ triguṇaṃ dvijasattama || 29 ||
[Analyze grammar]

avyaktā vyaktabhāvasthā yā sā prakṛtiravyayā |
tāṃ yonimāvayorviddhi yo'sau sadasadātmakaḥ |
āvābhyāṃ pūjyate'sau hi daive pitrye ca kalpite || 30 ||
[Analyze grammar]

nāsti tasmātparo'nyo hi pitā devo'tha vā dvijaḥ |
ātmā hi nau sa vijñeyastatastaṃ pūjayāvahe || 31 ||
[Analyze grammar]

tenaiṣā prathitā brahmanmaryādā lokabhāvinī |
daivaṃ pitryaṃ ca kartavyamiti tasyānuśāsanam || 32 ||
[Analyze grammar]

brahmā sthāṇurmanurdakṣo bhṛgurdharmastapo damaḥ |
marīciraṅgirātriśca pulastyaḥ pulahaḥ kratuḥ || 33 ||
[Analyze grammar]

vasiṣṭhaḥ parameṣṭhī ca vivasvānsoma eva ca |
kardamaścāpi yaḥ proktaḥ krodho vikrīta eva ca || 34 ||
[Analyze grammar]

ekaviṃśatirutpannāste prajāpatayaḥ smṛtāḥ |
tasya devasya maryādāṃ pūjayanti sanātanīm || 35 ||
[Analyze grammar]

daivaṃ pitryaṃ ca satataṃ tasya vijñāya tattvataḥ |
ātmaprāptāni ca tato jānanti dvijasattamāḥ || 36 ||
[Analyze grammar]

svargasthā api ye kecittaṃ namasyanti dehinaḥ |
te tatprasādādgacchanti tenādiṣṭaphalāṃ gatim || 37 ||
[Analyze grammar]

ye hīnāḥ saptadaśabhirguṇaiḥ karmabhireva ca |
kalāḥ pañcadaśa tyaktvā te muktā iti niścayaḥ || 38 ||
[Analyze grammar]

muktānāṃ tu gatirbrahmankṣetrajña iti kalpitaḥ |
sa hi sarvagataścaiva nirguṇaścaiva kathyate || 39 ||
[Analyze grammar]

dṛśyate jñānayogena āvāṃ ca prasṛtau tataḥ |
evaṃ jñātvā tamātmānaṃ pūjayāvaḥ sanātanam || 40 ||
[Analyze grammar]

taṃ vedāścāśramāścaiva nānātanusamāsthitāḥ |
bhaktyā saṃpūjayantyādyaṃ gatiṃ caiṣāṃ dadāti saḥ || 41 ||
[Analyze grammar]

ye tu tadbhāvitā loke ekāntitvaṃ samāsthitāḥ |
etadabhyadhikaṃ teṣāṃ yatte taṃ praviśantyuta || 42 ||
[Analyze grammar]

iti guhyasamuddeśastava nārada kīrtitaḥ |
bhaktyā premṇā ca viprarṣe asmadbhaktyā ca te śrutaḥ || 43 ||
[Analyze grammar]