Chapter 322

bhīṣma uvāca |
sa evamukto dvipadāṃ variṣṭho nārāyaṇenottamapūruṣeṇa |
jagāda vākyaṃ dvipadāṃ variṣṭhaṃ nārāyaṇaṃ lokahitādhivāsam || 1 ||
[Analyze grammar]

yadarthamātmaprabhaveha janma tavottamaṃ dharmagṛhe caturdhā |
tatsādhyatāṃ lokahitārthamadya gacchāmi draṣṭuṃ prakṛtiṃ tavādyām || 2 ||
[Analyze grammar]

vedāḥ svadhītā mama lokanātha taptaṃ tapo nānṛtamuktapūrvam |
pūjāṃ gurūṇāṃ satataṃ karomi parasya guhyaṃ na ca bhinnapūrvam || 3 ||
[Analyze grammar]

guptāni catvāri yathāgamaṃ me śatrau ca mitre ca samo'smi nityam |
taṃ cādidevaṃ satataṃ prapanna ekāntabhāvena vṛṇomyajasram |
ebhirviśeṣaiḥ pariśuddhasattvaḥ kasmānna paśyeyamanantamīśam || 4 ||
[Analyze grammar]

tatpārameṣṭhyasya vaco niśamya nārāyaṇaḥ sātvatadharmagoptā |
gaccheti taṃ nāradamuktavānsa saṃpūjayitvātmavidhikriyābhiḥ || 5 ||
[Analyze grammar]

tato visṛṣṭaḥ parameṣṭhiputraḥ so'bhyarcayitvā tamṛṣiṃ purāṇam |
khamutpapātottamavegayuktastato'dhimerau sahasā nililye || 6 ||
[Analyze grammar]

tatrāvatasthe ca munirmuhūrtamekāntamāsādya gireḥ sa śṛṅge |
ālokayannuttarapaścimena dadarśa cātyadbhutarūpayuktam || 7 ||
[Analyze grammar]

kṣīrodadheruttarato hi dvīpaḥ śvetaḥ sa nāmnā prathito viśālaḥ |
meroḥ sahasraiḥ sa hi yojanānāṃ dvātriṃśatordhvaṃ kavibhirniruktaḥ || 8 ||
[Analyze grammar]

atīndriyāścānaśanāśca tatra niṣpandahīnāḥ susugandhinaśca |
śvetāḥ pumāṃso gatasarvapāpāścakṣurmuṣaḥ pāpakṛtāṃ narāṇām || 9 ||
[Analyze grammar]

vajrāsthikāyāḥ samamānonmānā divyānvayarūpāḥ śubhasāropetāḥ |
chatrākṛtiśīrṣā meghaughaninādāḥ satpuṣkaracatuṣkā rājīvaśatapādāḥ || 10 ||
[Analyze grammar]

ṣaṣṭyā dantairyuktāḥ śuklairaṣṭābhirdaṃṣṭrābhirye |
jihvābhirye viṣvagvaktraṃ lelihyante sūryaprakhyam || 11 ||
[Analyze grammar]

bhaktyā devaṃ viśvotpannaṃ yasmātsarve lokāḥ sūtāḥ |
vedā dharmā munayaḥ śāntā devāḥ sarve tasya visargāḥ || 12 ||
[Analyze grammar]

yudhiṣṭhira uvāca |
atīndriyā nirāhārā aniṣpandāḥ sugandhinaḥ |
kathaṃ te puruṣā jātāḥ kā teṣāṃ gatiruttamā || 13 ||
[Analyze grammar]

ye vimuktā bhavantīha narā bharatasattama |
teṣāṃ lakṣaṇametaddhi yacchvetadvīpavāsinām || 14 ||
[Analyze grammar]

tasmānme saṃśayaṃ chindhi paraṃ kautūhalaṃ hi me |
tvaṃ hi sarvakathārāmastvāṃ caivopāśritā vayam || 15 ||
[Analyze grammar]

bhīṣma uvāca |
vistīrṇaiṣā kathā rājañśrutā me pitṛsaṃnidhau |
saiṣā tava hi vaktavyā kathāsāro hi sa smṛtaḥ || 16 ||
[Analyze grammar]

rājoparicaro nāma babhūvādhipatirbhuvaḥ |
ākhaṇḍalasakhaḥ khyāto bhakto nārāyaṇaṃ harim || 17 ||
[Analyze grammar]

dhārmiko nityabhaktaśca pitṝnnityamatandritaḥ |
sāmrājyaṃ tena saṃprāptaṃ nārāyaṇavarātpurā || 18 ||
[Analyze grammar]

sātvataṃ vidhimāsthāya prāksūryamukhaniḥsṛtam |
pūjayāmāsa deveśaṃ taccheṣeṇa pitāmahān || 19 ||
[Analyze grammar]

pitṛśeṣeṇa viprāṃśca saṃvibhajyāśritāṃśca saḥ |
śeṣānnabhuksatyaparaḥ sarvabhūteṣvahiṃsakaḥ |
sarvabhāvena bhaktaḥ sa devadevaṃ janārdanam || 20 ||
[Analyze grammar]

tasya nārāyaṇe bhaktiṃ vahato'mitrakarśana |
ekaśayyāsanaṃ śakro dattavāndevarāṭsvayam || 21 ||
[Analyze grammar]

ātmā rājyaṃ dhanaṃ caiva kalatraṃ vāhanāni ca |
etadbhagavate sarvamiti tatprekṣitaṃ sadā || 22 ||
[Analyze grammar]

kāmyanaimittikājasraṃ yajñiyāḥ paramakriyāḥ |
sarvāḥ sātvatamāsthāya vidhiṃ cakre samāhitaḥ || 23 ||
[Analyze grammar]

pañcarātravido mukhyāstasya gehe mahātmanaḥ |
prāyaṇaṃ bhagavatproktaṃ bhuñjate cāgrabhojanam || 24 ||
[Analyze grammar]

tasya praśāsato rājyaṃ dharmeṇāmitraghātinaḥ |
nānṛtā vāksamabhavanmano duṣṭaṃ na cābhavat |
na ca kāyena kṛtavānsa pāpaṃ paramaṇvapi || 25 ||
[Analyze grammar]

ye hi te munayaḥ khyātāḥ sapta citraśikhaṇḍinaḥ |
tairekamatibhirbhūtvā yatproktaṃ śāstramuttamam || 26 ||
[Analyze grammar]

marīciratryaṅgirasau pulastyaḥ pulahaḥ kratuḥ |
vasiṣṭhaśca mahātejā ete citraśikhaṇḍinaḥ || 27 ||
[Analyze grammar]

sapta prakṛtayo hyetāstathā svāyaṃbhuvo'ṣṭamaḥ |
etābhirdhāryate lokastābhyaḥ śāstraṃ viniḥsṛtam || 28 ||
[Analyze grammar]

ekāgramanaso dāntā munayaḥ saṃyame ratāḥ |
idaṃ śreya idaṃ brahma idaṃ hitamanuttamam |
lokānsaṃcintya manasā tataḥ śāstraṃ pracakrire || 29 ||
[Analyze grammar]

tatra dharmārthakāmā hi mokṣaḥ paścācca kīrtitaḥ |
maryādā vividhāścaiva divi bhūmau ca saṃsthitāḥ || 30 ||
[Analyze grammar]

ārādhya tapasā devaṃ hariṃ nārāyaṇaṃ prabhum |
divyaṃ varṣasahasraṃ vai sarve te ṛṣibhiḥ saha || 31 ||
[Analyze grammar]

nārāyaṇānuśāstā hi tadā devī sarasvatī |
viveśa tānṛṣīnsarvāṃllokānāṃ hitakāmyayā || 32 ||
[Analyze grammar]

tataḥ pravartitā samyaktapovidbhirdvijātibhiḥ |
śabde cārthe ca hetau ca eṣā prathamasargajā || 33 ||
[Analyze grammar]

ādāveva hi tacchāstramoṃkārasvarabhūṣitam |
ṛṣibhirbhāvitaṃ tatra yatra kāruṇiko hyasau || 34 ||
[Analyze grammar]

tataḥ prasanno bhagavānanirdiṣṭaśarīragaḥ |
ṛṣīnuvāca tānsarvānadṛśyaḥ puruṣottamaḥ || 35 ||
[Analyze grammar]

kṛtaṃ śatasahasraṃ hi ślokānāmidamuttamam |
lokatantrasya kṛtsnasya yasmāddharmaḥ pravartate || 36 ||
[Analyze grammar]

pravṛttau ca nivṛttau ca yoniretadbhaviṣyati |
ṛgyajuḥsāmabhirjuṣṭamatharvāṅgirasaistathā || 37 ||
[Analyze grammar]

tathā pramāṇaṃ hi mayā kṛto brahmā prasādajaḥ |
rudraśca krodhajo viprā yūyaṃ prakṛtayastathā || 38 ||
[Analyze grammar]

sūryācandramasau vāyurbhūmirāpo'gnireva ca |
sarve ca nakṣatragaṇā yacca bhūtābhiśabditam || 39 ||
[Analyze grammar]

adhikāreṣu vartante yathāsvaṃ brahmavādinaḥ |
sarve pramāṇaṃ hi yathā tathaitacchāstramuttamam || 40 ||
[Analyze grammar]

bhaviṣyati pramāṇaṃ vai etanmadanuśāsanam |
asmātpravakṣyate dharmānmanuḥ svāyaṃbhuvaḥ svayam || 41 ||
[Analyze grammar]

uśanā bṛhaspatiścaiva yadotpannau bhaviṣyataḥ |
tadā pravakṣyataḥ śāstraṃ yuṣmanmatibhiruddhṛtam || 42 ||
[Analyze grammar]

svāyaṃbhuveṣu dharmeṣu śāstre cośanasā kṛte |
bṛhaspatimate caiva lokeṣu pravicārite || 43 ||
[Analyze grammar]

yuṣmatkṛtamidaṃ śāstraṃ prajāpālo vasustataḥ |
bṛhaspatisakāśādvai prāpsyate dvijasattamāḥ || 44 ||
[Analyze grammar]

sa hi madbhāvito rājā madbhaktaśca bhaviṣyati |
tena śāstreṇa lokeṣu kriyāḥ sarvāḥ kariṣyati || 45 ||
[Analyze grammar]

etaddhi sarvaśāstrāṇāṃ śāstramuttamasaṃjñitam |
etadarthyaṃ ca dharmyaṃ ca yaśasyaṃ caitaduttamam || 46 ||
[Analyze grammar]

asya pravartanāccaiva prajāvanto bhaviṣyatha |
sa ca rājā śriyā yukto bhaviṣyati mahānvasuḥ || 47 ||
[Analyze grammar]

saṃsthite tu nṛpe tasmiñśāstrametatsanātanam |
antardhāsyati tatsatyametadvaḥ kathitaṃ mayā || 48 ||
[Analyze grammar]

etāvaduktvā vacanamadṛśyaḥ puruṣottamaḥ |
visṛjya tānṛṣīnsarvānkāmapi prasthito diśam || 49 ||
[Analyze grammar]

tataste lokapitaraḥ sarvalokārthacintakāḥ |
prāvartayanta tacchāstraṃ dharmayoniṃ sanātanam || 50 ||
[Analyze grammar]

utpanne''ṅgirase caiva yuge prathamakalpite |
sāṅgopaniṣadaṃ śāstraṃ sthāpayitvā bṛhaspatau || 51 ||
[Analyze grammar]

jagmuryathepsitaṃ deśaṃ tapase kṛtaniścayāḥ |
dhāraṇātsarvalokānāṃ sarvadharmapravartakāḥ || 52 ||
[Analyze grammar]