Chapter 254

bhīṣma uvāca |
ityuktaḥ sa tadā tena tulādhāreṇa dhīmatā |
provāca vacanaṃ dhīmāñjājalirjapatāṃ varaḥ || 1 ||
[Analyze grammar]

vikrīṇānaḥ sarvarasānsarvagandhāṃśca vāṇija |
vanaspatīnoṣadhīśca teṣāṃ mūlaphalāni ca || 2 ||
[Analyze grammar]

adhyagā naiṣṭhikīṃ buddhiṃ kutastvāmidamāgatam |
etadācakṣva me sarvaṃ nikhilena mahāmate || 3 ||
[Analyze grammar]

evamuktastulādhāro brāhmaṇena yaśasvinā |
uvāca dharmasūkṣmāṇi vaiśyo dharmārthatattvavit |
jājaliṃ kaṣṭatapasaṃ jñānatṛptastadā nṛpa || 4 ||
[Analyze grammar]

vedāhaṃ jājale dharmaṃ sarahasyaṃ sanātanam |
sarvabhūtahitaṃ maitraṃ purāṇaṃ yaṃ janā viduḥ || 5 ||
[Analyze grammar]

adroheṇaiva bhūtānāmalpadroheṇa vā punaḥ |
yā vṛttiḥ sa paro dharmastena jīvāmi jājale || 6 ||
[Analyze grammar]

paricchinnaiḥ kāṣṭhatṛṇairmayedaṃ śaraṇaṃ kṛtam |
alaktaṃ padmakaṃ tuṅgaṃ gandhāṃścoccāvacāṃstathā || 7 ||
[Analyze grammar]

rasāṃśca tāṃstānviprarṣe madyavarjānahaṃ bahūn |
krītvā vai prativikrīṇe parahastādamāyayā || 8 ||
[Analyze grammar]

sarveṣāṃ yaḥ suhṛnnityaṃ sarveṣāṃ ca hite rataḥ |
karmaṇā manasā vācā sa dharmaṃ veda jājale || 9 ||
[Analyze grammar]

nāhaṃ pareṣāṃ karmāṇi praśaṃsāmi śapāmi vā |
ākāśasyeva viprarṣe paśyaṃllokasya citratām || 10 ||
[Analyze grammar]

nānurudhye virudhye vā na dveṣmi na ca kāmaye |
samo'smi sarvabhūteṣu paśya me jājale vratam || 11 ||
[Analyze grammar]

iṣṭāniṣṭavimuktasya prītirāgabahiṣkṛtaḥ |
tulā me sarvabhūteṣu samā tiṣṭhati jājale || 12 ||
[Analyze grammar]

iti māṃ tvaṃ vijānīhi sarvalokasya jājale |
samaṃ matimatāṃ śreṣṭha samaloṣṭāśmakāñcanam || 13 ||
[Analyze grammar]

yathāndhabadhironmattā ucchvāsaparamāḥ sadā |
devairapihitadvārāḥ sopamā paśyato mama || 14 ||
[Analyze grammar]

yathā vṛddhāturakṛśā niḥspṛhā viṣayānprati |
tathārthakāmabhogeṣu mamāpi vigatā spṛhā || 15 ||
[Analyze grammar]

yadā cāyaṃ na bibheti yadā cāsmānna bibhyati |
yadā necchati na dveṣṭi tadā sidhyati vai dvijaḥ || 16 ||
[Analyze grammar]

yadā na kurute bhāvaṃ sarvabhūteṣu pāpakam |
karmaṇā manasā vācā brahma saṃpadyate tadā || 17 ||
[Analyze grammar]

na bhūto na bhaviṣyaśca na ca dharmo'sti kaścana |
yo'bhayaḥ sarvabhūtānāṃ sa prāpnotyabhayaṃ padam || 18 ||
[Analyze grammar]

yasmādudvijate lokaḥ sarvo mṛtyumukhādiva |
vākkrūrāddaṇḍapāruṣyātsa prāpnoti mahadbhayam || 19 ||
[Analyze grammar]

yathāvadvartamānānāṃ vṛddhānāṃ putrapautriṇām |
anuvartāmahe vṛttamahiṃsrāṇāṃ mahātmanām || 20 ||
[Analyze grammar]

pranaṣṭaḥ śāśvato dharmaḥ sadācāreṇa mohitaḥ |
tena vaidyastapasvī vā balavānvā vimohyate || 21 ||
[Analyze grammar]

ācārājjājale prājñaḥ kṣipraṃ dharmamavāpnuyāt |
evaṃ yaḥ sādhubhirdāntaścaredadrohacetasā || 22 ||
[Analyze grammar]

nadyāṃ yathā ceha kāṣṭhamuhyamānaṃ yadṛcchayā |
yadṛcchayaiva kāṣṭhena saṃdhiṃ gaccheta kenacit || 23 ||
[Analyze grammar]

tatrāparāṇi dārūṇi saṃsṛjyante tatastataḥ |
tṛṇakāṣṭhakarīṣāṇi kadā cinnasamīkṣayā |
evamevāyamācāraḥ prādurbhūto yatastataḥ || 24 ||
[Analyze grammar]

yasmānnodvijate bhūtaṃ jātu kiṃcitkathaṃcana |
abhayaṃ sarvabhūtebhyaḥ sa prāpnoti sadā mune || 25 ||
[Analyze grammar]

yasmādudvijate vidvansarvaloko vṛkādiva |
krośatastīramāsādya yathā sarve jalecarāḥ || 26 ||
[Analyze grammar]

sahāyavāndravyavānyaḥ subhago'nyo'parastathā |
tatastāneva kavayaḥ śāstreṣu pravadantyuta |
kīrtyarthamalpahṛllekhāḥ paṭavaḥ kṛtsnanirṇayāḥ || 27 ||
[Analyze grammar]

tapobhiryajñadānaiśca vākyaiḥ prajñāśritaistathā |
prāpnotyabhayadānasya yadyatphalamihāśnute || 28 ||
[Analyze grammar]

loke yaḥ sarvabhūtebhyo dadātyabhayadakṣiṇām |
sa sarvayajñairījānaḥ prāpnotyabhayadakṣiṇām |
na bhūtānāmahiṃsāyā jyāyāndharmo'sti kaścana || 29 ||
[Analyze grammar]

yasmānnodvijate bhūtaṃ jātu kiṃcitkathaṃcana |
so'bhayaṃ sarvabhūtebhyaḥ saṃprāpnoti mahāmune || 30 ||
[Analyze grammar]

yasmādudvijate lokaḥ sarpādveśmagatādiva |
na sa dharmamavāpnoti iha loke paratra ca || 31 ||
[Analyze grammar]

sarvabhūtātmabhūtasya samyagbhūtāni paśyataḥ |
devāpi mārge muhyanti apadasya padaiṣiṇaḥ || 32 ||
[Analyze grammar]

dānaṃ bhūtābhayasyāhuḥ sarvadānebhya uttamam |
bravīmi te satyamidaṃ śraddadhasva ca jājale || 33 ||
[Analyze grammar]

sa eva subhago bhūtvā punarbhavati durbhagaḥ |
vyāpattiṃ karmaṇāṃ dṛṣṭvā jugupsanti janāḥ sadā || 34 ||
[Analyze grammar]

akāraṇo hi nehāsti dharmaḥ sūkṣmo'pi jājale |
bhūtabhavyārthameveha dharmapravacanaṃ kṛtam || 35 ||
[Analyze grammar]

sūkṣmatvānna sa vijñātuṃ śakyate bahunihnavaḥ |
upalabhyāntarā cānyānācārānavabudhyate || 36 ||
[Analyze grammar]

ye ca chindanti vṛṣaṇānye ca bhindanti nastakān |
vahanti mahato bhārānbadhnanti damayanti ca || 37 ||
[Analyze grammar]

hatvā sattvāni khādanti tānkathaṃ na vigarhase |
mānuṣā mānuṣāneva dāsabhogena bhuñjate || 38 ||
[Analyze grammar]

vadhabandhavirodhena kārayanti divāniśam |
ātmanā cāpi jānāsi yadduḥkhaṃ vadhatāḍane || 39 ||
[Analyze grammar]

pañcendriyeṣu bhūteṣu sarvaṃ vasati daivatam |
ādityaścandramā vāyurbrahmā prāṇaḥ kraturyamaḥ || 40 ||
[Analyze grammar]

tāni jīvāni vikrīya kā mṛteṣu vicāraṇā |
kā taile kā ghṛte brahmanmadhunyapsvauṣadheṣu vā || 41 ||
[Analyze grammar]

adaṃśamaśake deśe sukhaṃ saṃvardhitānpaśūn |
tāṃśca mātuḥ priyāñjānannākramya bahudhā narāḥ |
bahudaṃśakuśāndeśānnayanti bahukardamān || 42 ||
[Analyze grammar]

vāhasaṃpīḍitā dhuryāḥ sīdantyavidhināpare |
na manye bhrūṇahatyāpi viśiṣṭā tena karmaṇā || 43 ||
[Analyze grammar]

kṛṣiṃ sādhviti manyante sā ca vṛttiḥ sudāruṇā |
bhūmiṃ bhūmiśayāṃścaiva hanti kāṣṭhamayomukham |
tathaivānaḍuho yuktānsamavekṣasva jājale || 44 ||
[Analyze grammar]

aghnyā iti gavāṃ nāma ka enānhantumarhati |
mahaccakārākuśalaṃ pṛṣadhro gālabhanniva || 45 ||
[Analyze grammar]

ṛṣayo yatayo hyetannahuṣe pratyavedayan |
gāṃ mātaraṃ cāpyavadhīrvṛṣabhaṃ ca prajāpatim |
akāryaṃ nahuṣākārṣīrlapsyāmastvatkṛte bhayam || 46 ||
[Analyze grammar]

śataṃ caikaṃ ca rogāṇāṃ sarvabhūteṣvapātayan |
ṛṣayaste mahābhāgāḥ prajāsveva hi jājale |
bhrūṇahaṃ nahuṣaṃ tvāhurna te hoṣyāmahe haviḥ || 47 ||
[Analyze grammar]

ityuktvā te mahātmānaḥ sarve tattvārthadarśinaḥ |
ṛṣayo yatayaḥ śāntāstarasā pratyavedayan || 48 ||
[Analyze grammar]

īdṛśānaśivānghorānācārāniha jājale |
kevalācaritatvāttu nipuṇānnāvabudhyase || 49 ||
[Analyze grammar]

kāraṇāddharmamanvicchenna lokacaritaṃ caret |
yo hanyādyaśca māṃ stauti tatrāpi śṛṇu jājale || 50 ||
[Analyze grammar]

samau tāvapi me syātāṃ na hi me staḥ priyāpriye |
etadīdṛśakaṃ dharmaṃ praśaṃsanti manīṣiṇaḥ || 51 ||
[Analyze grammar]

upapattyā hi saṃpanno yatibhiścaiva sevyate |
satataṃ dharmaśīlaiśca naipuṇyenopalakṣitaḥ || 52 ||
[Analyze grammar]