Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

bhīṣma uvāca |
atrāpyudāharantīmamitihāsaṃ purātanam |
tulādhārasya vākyāni dharme jājalinā saha || 1 ||
[Analyze grammar]

vane vanacaraḥ kaścijjājalirnāma vai dvijaḥ |
sāgaroddeśamāgamya tapastepe mahātapāḥ || 2 ||
[Analyze grammar]

niyato niyatāhāraścīrājinajaṭādharaḥ |
malapaṅkadharo dhīmānbahūnvarṣagaṇānmuniḥ || 3 ||
[Analyze grammar]

sa kadācinmahātejā jalavāso mahīpate |
cacāra lokānviprarṣiḥ prekṣamāṇo manojavaḥ || 4 ||
[Analyze grammar]

sa cintayāmāsa munirjalamadhye kadācana |
viprekṣya sāgarāntāṃ vai mahīṃ savanakānanām || 5 ||
[Analyze grammar]

na mayā sadṛśo'stīha loke sthāvarajaṅgame |
apsu vaihāyasaṃ gacchenmayā yo'nyaḥ saheti vai || 6 ||
[Analyze grammar]

sa dṛśyamāno rakṣobhirjalamadhye'vadattataḥ |
abruvaṃśca piśācāstaṃ naivaṃ tvaṃ vaktumarhasi || 7 ||
[Analyze grammar]

tulādhāro vaṇigdharmā vārāṇasyāṃ mahāyaśāḥ |
so'pyevaṃ nārhate vaktuṃ yathā tvaṃ dvijasattama || 8 ||
[Analyze grammar]

ityukto jājalirbhūtaiḥ pratyuvāca mahātapāḥ |
paśyeyaṃ tamahaṃ prājñaṃ tulādhāraṃ yaśasvinam || 9 ||
[Analyze grammar]

iti bruvāṇaṃ tamṛṣiṃ rakṣāṃsyuddhṛtya sāgarāt |
abruvangaccha panthānamāsthāyemaṃ dvijottama || 10 ||
[Analyze grammar]

ityukto jājalirbhūtairjagāma vimanāstadā |
vārāṇasyāṃ tulādhāraṃ samāsādyābravīdvacaḥ || 11 ||
[Analyze grammar]

yudhiṣṭhira uvāca |
kiṃ kṛtaṃ sukṛtaṃ karma tāta jājalinā purā |
yena siddhiṃ parāṃ prāptastanno vyākhyātumarhasi || 12 ||
[Analyze grammar]

bhīṣma uvāca |
atīva tapasā yukto ghoreṇa sa babhūva ha |
nadyupasparśanarataḥ sāyaṃ prātarmahātapāḥ || 13 ||
[Analyze grammar]

agnīnparicaransamyaksvādhyāyaparamo dvijaḥ |
vānaprasthavidhānajño jājalirjvalitaḥ śriyā || 14 ||
[Analyze grammar]

satye tapasi tiṣṭhansa na ca dharmamavaikṣata |
varṣāsvākāśaśāyī sa hemante jalasaṃśrayaḥ || 15 ||
[Analyze grammar]

vātātapasaho grīṣme na ca dharmamavindata |
duḥkhaśayyāśca vividhā bhūmau ca parivartanam || 16 ||
[Analyze grammar]

tataḥ kadācitsa munirvarṣāsvākāśamāsthitaḥ |
antarikṣājjalaṃ mūrdhnā pratyagṛhṇānmuhurmuhuḥ || 17 ||
[Analyze grammar]

atha tasya jaṭāḥ klinnā babhūvurgrathitāḥ prabho |
araṇyagamanānnityaṃ malino malasaṃyutāḥ || 18 ||
[Analyze grammar]

sa kadācinnirāhāro vāyubhakṣo mahātapāḥ |
tasthau kāṣṭhavadavyagro na cacāla ca karhicit || 19 ||
[Analyze grammar]

tasya sma sthāṇubhūtasya nirviceṣṭasya bhārata |
kuliṅgaśakunau rājannīḍaṃ śirasi cakratuḥ || 20 ||
[Analyze grammar]

sa tau dayāvānviprarṣirupapraikṣata dampatī |
kurvāṇaṃ nīḍakaṃ tatra jaṭāsu tṛṇatantubhiḥ || 21 ||
[Analyze grammar]

yadā sa na calatyeva sthāṇubhūto mahātapāḥ |
tatastau pariviśvastau sukhaṃ tatroṣatustadā || 22 ||
[Analyze grammar]

atītāsvatha varṣāsu śaratkāla upasthite |
prājāpatyena vidhinā viśvāsātkāmamohitau || 23 ||
[Analyze grammar]

tatrāpātayatāṃ rājañśirasyaṇḍāni khecarau |
tānyabudhyata tejasvī sa vipraḥ saṃśitavrataḥ || 24 ||
[Analyze grammar]

buddhvā ca sa mahātejā na cacālaiva jājaliḥ |
dharme dhṛtamanā nityaṃ nādharmaṃ sa tvarocayat || 25 ||
[Analyze grammar]

ahanyahani cāgamya tatastau tasya mūrdhani |
āśvāsitau vai vasataḥ saṃprahṛṣṭau tadā vibho || 26 ||
[Analyze grammar]

aṇḍebhyastvatha puṣṭebhyaḥ prajāyanta śakuntakāḥ |
vyavardhanta ca tatraiva na cākampata jājaliḥ || 27 ||
[Analyze grammar]

sa rakṣamāṇastvaṇḍāni kuliṅgānāṃ yatavrataḥ |
tathaiva tasthau dharmātmā nirviceṣṭaḥ samāhitaḥ || 28 ||
[Analyze grammar]

tatastu kālasamaye babhūvuste'tha pakṣiṇaḥ |
bubudhe tāṃśca sa munirjātapakṣāñśakuntakān || 29 ||
[Analyze grammar]

tataḥ kadācittāṃstatra paśyanpakṣīnyatavrataḥ |
babhūva paramaprītastadā matimatāṃ varaḥ || 30 ||
[Analyze grammar]

tathā tānabhisaṃvṛddhāndṛṣṭvā cāpnuvatāṃ mudam |
śakunau nirbhayau tatra ūṣatuścātmajaiḥ saha || 31 ||
[Analyze grammar]

jātapakṣāṃśca so'paśyaduḍḍīnānpunarāgatān |
sāyaṃ sāyaṃ dvijānvipro na cākampata jājaliḥ || 32 ||
[Analyze grammar]

kadācitpunarabhyetya punargacchanti saṃtatam |
tyaktā mātṛpitṛbhyāṃ te na cākampata jājaliḥ || 33 ||
[Analyze grammar]

atha te divasaṃ cārīṃ gatvā sāyaṃ punarnṛpa |
upāvartanta tatraiva nivāsārthaṃ śakuntakāḥ || 34 ||
[Analyze grammar]

kadāciddivasānpañca samutpatya vihaṃgamāḥ |
ṣaṣṭhe'hani samājagmurna cākampata jājaliḥ || 35 ||
[Analyze grammar]

krameṇa ca punaḥ sarve divasāni bahūnyapi |
nopāvartanta śakunā jātaprāṇāḥ sma te yadā || 36 ||
[Analyze grammar]

kadācinmāsamātreṇa samutpatya vihaṃgamāḥ |
naivāgacchaṃstato rājanprātiṣṭhata sa jājaliḥ || 37 ||
[Analyze grammar]

tatasteṣu pralīneṣu jājalirjātavismayaḥ |
siddho'smīti matiṃ cakre tatastaṃ māna āviśat || 38 ||
[Analyze grammar]

sa tathā nirgatāndṛṣṭvā śakuntānniyatavrataḥ |
saṃbhāvitātmā saṃbhāvya bhṛśaṃ prītastadābhavan || 39 ||
[Analyze grammar]

sa nadyāṃ samupaspṛśya tarpayitvā hutāśanam |
udayantamathādityamabhyagacchanmahātapāḥ || 40 ||
[Analyze grammar]

saṃbhāvya caṭakānmūrdhni jājalirjapatāṃ varaḥ |
āsphoṭayattadākāśe dharmaḥ prāpto mayeti vai || 41 ||
[Analyze grammar]

athāntarikṣe vāgāsīttāṃ sa śuśrāva jājaliḥ |
dharmeṇa na samastvaṃ vai tulādhārasya jājale || 42 ||
[Analyze grammar]

vārāṇasyāṃ mahāprājñastulādhāraḥ pratiṣṭhitaḥ |
so'pyevaṃ nārhate vaktuṃ yathā tvaṃ bhāṣase dvija || 43 ||
[Analyze grammar]

so'marṣavaśamāpannastulādhāradidṛkṣayā |
pṛthivīmacaradrājanyatrasāyaṃgṛho muniḥ || 44 ||
[Analyze grammar]

kālena mahatāgacchatsa tu vārāṇasīṃ purīm |
vikrīṇantaṃ ca paṇyāni tulādhāraṃ dadarśa saḥ || 45 ||
[Analyze grammar]

so'pi dṛṣṭvaiva taṃ vipramāyāntaṃ bhāṇḍajīvanaḥ |
samutthāya susaṃhṛṣṭaḥ svāgatenābhyapūjayat || 46 ||
[Analyze grammar]

tulādhāra uvāca |
āyānevāsi vidito mama brahmanna saṃśayaḥ |
bravīmi yattu vacanaṃ tacchṛṇuṣva dvijottama || 47 ||
[Analyze grammar]

sāgarānūpamāśritya tapastaptaṃ tvayā mahat |
na ca dharmasya saṃjñāṃ tvaṃ purā vettha kathaṃcana || 48 ||
[Analyze grammar]

tataḥ siddhasya tapasā tava vipra śakuntakāḥ |
kṣipraṃ śirasyajāyanta te ca saṃbhāvitāstvayā || 49 ||
[Analyze grammar]

jātapakṣā yadā te ca gatāścārīmitastataḥ |
manyamānastato dharmaṃ caṭakaprabhavaṃ dvija |
khe vācaṃ tvamathāśrauṣīrmāṃ prati dvijasattama || 50 ||
[Analyze grammar]

amarṣavaśamāpannastataḥ prāpto bhavāniha |
karavāṇi priyaṃ kiṃ te tadbrūhi dvijasattama || 51 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 253

Cover of edition (2013)

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!
Cover of edition (2003)

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!
Cover of edition (2008)

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!
Cover of edition (2017)

Mahabharata (Hindi Translation, Six Volumes)
by Sahityacharya Pandit Ramnarayandutt Shastri Pandey "Ram" (2017)

7350 pages; [महाभारत] [Publisher: Gita Press, Gorakhpur] 44 Color and Black/white illustrations.

Buy now!
Cover of Bengali edition

The Mahabharata in Bengali (Two Volumes)
by Akshay Library, Kolkata (2019)

3049 pages; [মহাভারত] [মহার্ষী বদভ্যাস (Maharishi Vedvyas)]

Buy now!
Cover of Gujarati edition

Mahabharat in Gujarati (20 Volumes)
by Dinkar Joshi (દિનકર જોશી) (2010)

14252 pages; [મહાભારત] [Publisher: Pravin Prakashan Pvt. Ltd, Rajkot]

Buy now!
Cover of edition (2018)

Shri Mahabharatam in Malayalam (2 volumes)
by Swami Mridananda (2018)

1681 pages; [Publisher: Ramakrishna Math, Thrissur]

Buy now!
Cover of edition (2018)

Mahabharata in Telugu (7 Volumes)
by Gita Press, Gorakhpur (2018)

7248pages

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: