Chapter 177

bharadvāja uvāca |
ete te dhātavaḥ pañca brahmā yānasṛjatpurā |
āvṛtā yairime lokā mahābhūtābhisaṃjñitaiḥ || 1 ||
[Analyze grammar]

yadāsṛjatsahasrāṇi bhūtānāṃ sa mahāmatiḥ |
pañcānāmeva bhūtatvaṃ kathaṃ samupapadyate || 2 ||
[Analyze grammar]

bhṛguruvāca |
amitānāṃ mahāśabdo yānti bhūtāni saṃbhavam |
tatasteṣāṃ mahābhūtaśabdo'yamupapadyate || 3 ||
[Analyze grammar]

ceṣṭā vāyuḥ khamākāśamūṣmāgniḥ salilaṃ dravaḥ |
pṛthivī cātra saṃghātaḥ śarīraṃ pāñcabhautikam || 4 ||
[Analyze grammar]

ityetaiḥ pañcabhirbhūtairyuktaṃ sthāvarajaṅgamam |
śrotraṃ ghrāṇaṃ rasaḥ sparśo dṛṣṭiścendriyasaṃjñitāḥ || 5 ||
[Analyze grammar]

bharadvāja uvāca |
pañcabhiryadi bhūtaistu yuktāḥ sthāvarajaṅgamāḥ |
sthāvarāṇāṃ na dṛśyante śarīre pañca dhātavaḥ || 6 ||
[Analyze grammar]

anūṣmaṇāmaceṣṭānāṃ ghanānāṃ caiva tattvataḥ |
vṛkṣāṇāṃ nopalabhyante śarīre pañca dhātavaḥ || 7 ||
[Analyze grammar]

na śṛṇvanti na paśyanti na gandharasavedinaḥ |
na ca sparśaṃ vijānanti te kathaṃ pāñcabhautikāḥ || 8 ||
[Analyze grammar]

adravatvādanagnitvādabhaumatvādavāyutaḥ |
ākāśasyāprameyatvādvṛkṣāṇāṃ nāsti bhautikam || 9 ||
[Analyze grammar]

bhṛguruvāca |
ghanānāmapi vṛkṣāṇāmākāśo'sti na saṃśayaḥ |
teṣāṃ puṣpaphale vyaktirnityaṃ samupalabhyate || 10 ||
[Analyze grammar]

ūṣmato glānaparṇānāṃ tvakphalaṃ puṣpameva ca |
mlāyate caiva śīte na sparśastenātra vidyate || 11 ||
[Analyze grammar]

vāyvagnyaśaniniṣpeṣaiḥ phalapuṣpaṃ viśīryate |
śrotreṇa gṛhyate śabdastasmācchṛṇvanti pādapāḥ || 12 ||
[Analyze grammar]

vallī veṣṭayate vṛkṣaṃ sarvataścaiva gacchati |
na hyadṛṣṭeśca mārgo'sti tasmātpaśyanti pādapāḥ || 13 ||
[Analyze grammar]

puṇyāpuṇyaistathā gandhairdhūpaiśca vividhairapi |
arogāḥ puṣpitāḥ santi tasmājjighranti pādapāḥ || 14 ||
[Analyze grammar]

pādaiḥ salilapānaṃ ca vyādhīnāmapi darśanam |
vyādhipratikriyatvācca vidyate rasanaṃ drume || 15 ||
[Analyze grammar]

vaktreṇotpalanālena yathordhvaṃ jalamādadet |
tathā pavanasaṃyuktaḥ pādaiḥ pibati pādapaḥ || 16 ||
[Analyze grammar]

grahaṇātsukhaduḥkhasya chinnasya ca virohaṇāt |
jīvaṃ paśyāmi vṛkṣāṇāmacaitanyaṃ na vidyate || 17 ||
[Analyze grammar]

tena tajjalamādattaṃ jarayatyagnimārutau |
āhārapariṇāmācca sneho vṛddhiśca jāyate || 18 ||
[Analyze grammar]

jaṅgamānāṃ ca sarveṣāṃ śarīre pañca dhātavaḥ |
pratyekaśaḥ prabhidyante yaiḥ śarīraṃ viceṣṭate || 19 ||
[Analyze grammar]

tvakca māṃsaṃ tathāsthīni majjā snāyu ca pañcamam |
ityetadiha saṃkhyātaṃ śarīre pṛthivīmayam || 20 ||
[Analyze grammar]

tejo'gniśca tathā krodhaścakṣurūṣmā tathaiva ca |
agnirjarayate cāpi pañcāgneyāḥ śarīriṇaḥ || 21 ||
[Analyze grammar]

śrotraṃ ghrāṇamathāsyaṃ ca hṛdayaṃ koṣṭhameva ca |
ākāśātprāṇināmete śarīre pañca dhātavaḥ || 22 ||
[Analyze grammar]

śleṣmā pittamatha svedo vasā śoṇitameva ca |
ityāpaḥ pañcadhā dehe bhavanti prāṇināṃ sadā || 23 ||
[Analyze grammar]

prāṇātpraṇīyate prāṇī vyānādvyāyacchate tathā |
gacchatyapāno'vākcaiva samāno hṛdyavasthitaḥ || 24 ||
[Analyze grammar]

udānāducchvasiti ca pratibhedācca bhāṣate |
ityete vāyavaḥ pañca ceṣṭayantīha dehinam || 25 ||
[Analyze grammar]

bhūmergandhaguṇānvetti rasaṃ cādbhyaḥ śarīravān |
jyotiḥ paśyati cakṣurbhyāṃ sparśaṃ vetti ca vāyunā || 26 ||
[Analyze grammar]

tasya gandhasya vakṣyāmi vistarābhihitānguṇān |
iṣṭaścāniṣṭagandhaśca madhuraḥ kaṭureva ca || 27 ||
[Analyze grammar]

nirhārī saṃhataḥ snigdho rūkṣo viśada eva ca |
evaṃ navavidho jñeyaḥ pārthivo gandhavistaraḥ || 28 ||
[Analyze grammar]

śabdaḥ sparśaśca rūpaṃ ca rasaścāpāṃ guṇāḥ smṛtāḥ |
rasajñānaṃ tu vakṣyāmi tanme nigadataḥ śṛṇu || 29 ||
[Analyze grammar]

raso bahuvidhaḥ proktaḥ sūribhiḥ prathitātmabhiḥ |
madhuro lavaṇastiktaḥ kaṣāyo'mlaḥ kaṭustathā |
eṣa ṣaḍvidhavistāro raso vārimayaḥ smṛtaḥ || 30 ||
[Analyze grammar]

śabdaḥ sparśaśca rūpaṃ ca triguṇaṃ jyotirucyate |
jyotiḥ paśyati rūpāṇi rūpaṃ ca bahudhā smṛtam || 31 ||
[Analyze grammar]

hrasvo dīrghastathā sthūlaścaturasro'ṇu vṛttavān |
śuklaḥ kṛṣṇastathā rakto nīlaḥ pīto'ruṇastathā |
evaṃ dvādaśavistāro jyotīrūpaguṇaḥ smṛtaḥ || 32 ||
[Analyze grammar]

śabdasparśau tu vijñeyau dviguṇo vāyurucyate |
vāyavyastu guṇaḥ sparśaḥ sparśaśca bahudhā smṛtaḥ || 33 ||
[Analyze grammar]

kaṭhinaścikkaṇaḥ ślakṣṇaḥ picchalo mṛdudāruṇaḥ |
uṣṇaḥ śītaḥ sukho duḥkhaḥ snigdho viśada eva ca |
evaṃ dvādaśavistāro vāyavyo guṇa ucyate || 34 ||
[Analyze grammar]

tatraikaguṇamākāśaṃ śabda ityeva tatsmṛtam |
tasya śabdasya vakṣyāmi vistaraṃ vividhātmakam || 35 ||
[Analyze grammar]

ṣaḍja ṛṣabhagāndhārau madhyamaḥ pañcamastathā |
dhaivataścāpi vijñeyastathā cāpi niṣādakaḥ || 36 ||
[Analyze grammar]

eṣa saptavidhaḥ prokto guṇa ākāśalakṣaṇaḥ |
traisvaryeṇa tu sarvatra sthito'pi paṭahādiṣu || 37 ||
[Analyze grammar]

ākāśajaṃ śabdamāhurebhirvāyuguṇaiḥ saha |
avyāhataiścetayate na vetti viṣamāgataiḥ || 38 ||
[Analyze grammar]

āpyāyante ca te nityaṃ dhātavastaistu dhātubhiḥ |
āpo'gnirmārutaścaiva nityaṃ jāgrati dehiṣu || 39 ||
[Analyze grammar]