Chapter 160

vaiśaṃpāyana uvāca |
kathāntaramathāsādya khaḍgayuddhaviśāradaḥ |
nakulaḥ śaratalpasthamidamāha pitāmaham || 1 ||
[Analyze grammar]

dhanuḥ praharaṇaṃ śreṣṭhamiti vādaḥ pitāmaha |
matastu mama dharmajña khaḍga eva susaṃśitaḥ || 2 ||
[Analyze grammar]

viśīrṇe kārmuke rājanprakṣīṇeṣu ca vājiṣu |
khaḍgena śakyate yuddhe sādhvātmā parirakṣitum || 3 ||
[Analyze grammar]

śarāsanadharāṃścaiva gadāśaktidharāṃstathā |
ekaḥ khaḍgadharo vīraḥ samarthaḥ pratibādhitum || 4 ||
[Analyze grammar]

atra me saṃśayaścaiva kautūhalamatīva ca |
kiṃ svitpraharaṇaṃ śreṣṭhaṃ sarvayuddheṣu pārthiva || 5 ||
[Analyze grammar]

kathaṃ cotpāditaḥ khaḍgaḥ kasyārthāya ca kena vā |
pūrvācāryaṃ ca khaḍgasya prabrūhi prapitāmaha || 6 ||
[Analyze grammar]

tasya tadvacanaṃ śrutvā mādrīputrasya dhīmataḥ |
sarvakauśalasaṃyuktaṃ sūkṣmacitrārthavacchubham || 7 ||
[Analyze grammar]

tatastasyottaraṃ vākyaṃ svaravarṇopapāditam |
śikṣānyāyopasaṃpannaṃ droṇaśiṣyāya pṛcchate || 8 ||
[Analyze grammar]

uvāca sarvadharmajño dhanurvedasya pāragaḥ |
śaratalpagato bhīṣmo nakulāya mahātmane || 9 ||
[Analyze grammar]

tattvaṃ śṛṇuṣva mādreya yadetatparipṛcchasi |
prabodhito'smi bhavatā dhātumāniva parvataḥ || 10 ||
[Analyze grammar]

salilaikārṇavaṃ tāta purā sarvamabhūdidam |
niṣprakampamanākāśamanirdeśyamahītalam || 11 ||
[Analyze grammar]

tamaḥsaṃvṛtamasparśamatigambhīradarśanam |
niḥśabdaṃ cāprameyaṃ ca tatra jajñe pitāmahaḥ || 12 ||
[Analyze grammar]

so'sṛjadvāyumagniṃ ca bhāskaraṃ cāpi vīryavān |
ākāśamasṛjaccordhvamadho bhūmiṃ ca nairṛtim || 13 ||
[Analyze grammar]

nabhaḥ sacandratāraṃ ca nakṣatrāṇi grahāṃstathā |
saṃvatsarānahorātrānṛtūnatha lavānkṣaṇān || 14 ||
[Analyze grammar]

tataḥ śarīraṃ lokasthaṃ sthāpayitvā pitāmahaḥ |
janayāmāsa bhagavānputrānuttamatejasaḥ || 15 ||
[Analyze grammar]

marīcimṛṣimatriṃ ca pulastyaṃ pulahaṃ kratum |
vasiṣṭhāṅgirasau cobhau rudraṃ ca prabhumīśvaram || 16 ||
[Analyze grammar]

prācetasastathā dakṣaḥ kanyāḥ ṣaṣṭimajījanat |
tā vai brahmarṣayaḥ sarvāḥ prajārthaṃ pratipedire || 17 ||
[Analyze grammar]

tābhyo viśvāni bhūtāni devāḥ pitṛgaṇāstathā |
gandharvāpsarasaścaiva rakṣāṃsi vividhāni ca || 18 ||
[Analyze grammar]

patatrimṛgamīnāśca plavaṃgāśca mahoragāḥ |
nānākṛtibalāścānye jalakṣitivicāriṇaḥ || 19 ||
[Analyze grammar]

audbhidāḥ svedajāścaiva aṇḍajāśca jarāyujāḥ |
jajñe tāta tathā sarvaṃ jagatsthāvarajaṅgamam || 20 ||
[Analyze grammar]

bhūtasargamimaṃ kṛtvā sarvalokapitāmahaḥ |
śāśvataṃ vedapaṭhitaṃ dharmaṃ ca yuyuje punaḥ || 21 ||
[Analyze grammar]

tasmindharme sthitā devāḥ sahācāryapurohitāḥ |
ādityā vasavo rudrāḥ sasādhyā marudaśvinaḥ || 22 ||
[Analyze grammar]

bhṛgvatryaṅgirasaḥ siddhāḥ kāśyapaśca tapodhanaḥ |
vasiṣṭhagautamāgastyāstathā nāradaparvatau || 23 ||
[Analyze grammar]

ṛṣayo vālakhilyāśca prabhāsāḥ sikatāstathā |
ghṛtācāḥ somavāyavyā vaikhānasamarīcipāḥ || 24 ||
[Analyze grammar]

akṛṣṭāścaiva haṃsāśca ṛṣayo'thāgniyonijāḥ |
vānaprasthāḥ pṛśnayaśca sthitā brahmānuśāsane || 25 ||
[Analyze grammar]

dānavendrāstvatikramya tatpitāmahaśāsanam |
dharmasyāpacayaṃ cakruḥ krodhalobhasamanvitāḥ || 26 ||
[Analyze grammar]

hiraṇyakaśipuścaiva hiraṇyākṣo virocanaḥ |
śambaro vipracittiśca prahrādo namucirbaliḥ || 27 ||
[Analyze grammar]

ete cānye ca bahavaḥ sagaṇā daityadānavāḥ |
dharmasetumatikramya remire'dharmaniścayāḥ || 28 ||
[Analyze grammar]

sarve sma tulyajātīyā yathā devāstathā vayam |
ityevaṃ hetumāsthāya spardhamānāḥ surarṣibhiḥ || 29 ||
[Analyze grammar]

na priyaṃ nāpyanukrośaṃ cakrurbhūteṣu bhārata |
trīnupāyānatikramya daṇḍena rurudhuḥ prajāḥ |
na jagmuḥ saṃvidaṃ taiśca darpādasurasattamāḥ || 30 ||
[Analyze grammar]

atha vai bhagavānbrahmā brahmarṣibhirupasthitaḥ |
tadā himavataḥ pṛṣṭhe suramye padmatārake || 31 ||
[Analyze grammar]

śatayojanavistāre maṇimuktācayācite |
tasmingirivare putra puṣpitadrumakānane |
tasthau sa vibudhaśreṣṭho brahmā lokārthasiddhaye || 32 ||
[Analyze grammar]

tato varṣasahasrānte vitānamakarotprabhuḥ |
vidhinā kalpadṛṣṭena yathoktenopapāditam || 33 ||
[Analyze grammar]

ṛṣibhiryajñapaṭubhiryathāvatkarmakartṛbhiḥ |
marudbhiḥ parisaṃstīrṇaṃ dīpyamānaiśca pāvakaiḥ || 34 ||
[Analyze grammar]

kāñcanairyajñabhāṇḍaiśca bhrājiṣṇubhiralaṃkṛtam |
vṛtaṃ devagaṇaiścaiva prababhau yajñamaṇḍalam || 35 ||
[Analyze grammar]

tathā brahmarṣibhiścaiva sadasyairupaśobhitam |
tatra ghoratamaṃ vṛttamṛṣīṇāṃ me pariśrutam || 36 ||
[Analyze grammar]

candramā vimalaṃ vyoma yathābhyuditatārakam |
vidāryāgniṃ tathā bhūtamutthitaṃ śrūyate tataḥ || 37 ||
[Analyze grammar]

nīlotpalasavarṇābhaṃ tīkṣṇadaṃṣṭraṃ kṛśodaram |
prāṃśu durdarśanaṃ caivāpyatitejastathaiva ca || 38 ||
[Analyze grammar]

tasminnutpatamāne ca pracacāla vasuṃdharā |
tatrormikalilāvartaścukṣubhe ca mahārṇavaḥ || 39 ||
[Analyze grammar]

peturulkā mahotpātāḥ śākhāśca mumucurdrumāḥ |
aprasannā diśaḥ sarvāḥ pavanaścāśivo vavau |
muhurmuhuśca bhūtāni prāvyathanta bhayāttathā || 40 ||
[Analyze grammar]

tataḥ sutumulaṃ dṛṣṭvā tadadbhutamupasthitam |
maharṣisuragandharvānuvācedaṃ pitāmahaḥ || 41 ||
[Analyze grammar]

mayaitaccintitaṃ bhūtamasirnāmaiṣa vīryavān |
rakṣaṇārthāya lokasya vadhāya ca suradviṣām || 42 ||
[Analyze grammar]

tatastadrūpamutsṛjya babhau nistriṃśa eva saḥ |
vimalastīkṣṇadhāraśca kālāntaka ivodyataḥ || 43 ||
[Analyze grammar]

tatastaṃ śitikaṇṭhāya rudrāyarṣabhaketave |
brahmā dadāvasiṃ dīptamadharmaprativāraṇam || 44 ||
[Analyze grammar]

tataḥ sa bhagavānrudro brahmarṣigaṇasaṃstutaḥ |
pragṛhyāsimameyātmā rūpamanyaccakāra ha || 45 ||
[Analyze grammar]

caturbāhuḥ spṛśanmūrdhnā bhūsthito'pi nabhastalam |
ūrdhvadṛṣṭirmahāliṅgo mukhājjvālāḥ samutsṛjan |
vikurvanbahudhā varṇānnīlapāṇḍuralohitān || 46 ||
[Analyze grammar]

bibhratkṛṣṇājinaṃ vāso hemapravaratārakam |
netraṃ caikaṃ lalāṭena bhāskarapratimaṃ mahat |
śuśubhāte ca vimale dve netre kṛṣṇapiṅgale || 47 ||
[Analyze grammar]

tato devo mahādevaḥ śūlapāṇirbhagākṣihā |
saṃpragṛhya tu nistriṃśaṃ kālārkānalasaṃnibham || 48 ||
[Analyze grammar]

trikūṭaṃ carma codyamya savidyutamivāmbudam |
cacāra vividhānmārgānmahābalaparākramaḥ |
vidhunvannasimākāśe dānavāntacikīrṣayā || 49 ||
[Analyze grammar]

tasya nādaṃ vinadato mahāhāsaṃ ca muñcataḥ |
babhau pratibhayaṃ rūpaṃ tadā rudrasya bhārata || 50 ||
[Analyze grammar]

tadrūpadhāriṇaṃ rudraṃ raudrakarma cikīrṣavaḥ |
niśamya dānavāḥ sarve hṛṣṭāḥ samabhidudruvuḥ || 51 ||
[Analyze grammar]

aśmabhiścāpyavarṣanta pradīptaiśca tatholmukaiḥ |
ghoraiḥ praharaṇaiścānyaiḥ śitadhārairayomukhaiḥ || 52 ||
[Analyze grammar]

tatastaddānavānīkaṃ saṃpraṇetāramacyutam |
rudrakhaḍgabaloddhūtaṃ pracacāla mumoha ca || 53 ||
[Analyze grammar]

citraṃ śīghrataratvācca carantamasidhāriṇam |
tamekamasurāḥ sarve sahasramiti menire || 54 ||
[Analyze grammar]

chindanbhindanrujankṛntandārayanpramathannapi |
acaraddaityasaṃgheṣu rudro'gniriva kakṣagaḥ || 55 ||
[Analyze grammar]

asivegaprarugṇāste chinnabāhūruvakṣasaḥ |
saṃprakṛttottamāṅgāśca petururvyāṃ mahāsurāḥ || 56 ||
[Analyze grammar]

apare dānavā bhagnā rudraghātāvapīḍitāḥ |
anyonyamabhinardanto diśaḥ saṃpratipedire || 57 ||
[Analyze grammar]

bhūmiṃ kecitpraviviśuḥ parvatānapare tathā |
apare jagmurākāśamapare'mbhaḥ samāviśan || 58 ||
[Analyze grammar]

tasminmahati saṃvṛtte samare bhṛśadāruṇe |
babhau bhūmiḥ pratibhayā tadā rudhirakardamā || 59 ||
[Analyze grammar]

dānavānāṃ śarīraiśca mahadbhiḥ śoṇitokṣitaiḥ |
samākīrṇā mahābāho śailairiva sakiṃśukaiḥ || 60 ||
[Analyze grammar]

rudhireṇa pariklinnā prababhau vasudhā tadā |
raktārdravasanā śyāmā nārīva madavihvalā || 61 ||
[Analyze grammar]

sa rudro dānavānhatvā kṛtvā dharmottaraṃ jagat |
raudraṃ rūpaṃ vihāyāśu cakre rūpaṃ śivaṃ śivaḥ || 62 ||
[Analyze grammar]

tato maharṣayaḥ sarve sarve devagaṇāstathā |
jayenādbhutakalpena devadevamathārcayan || 63 ||
[Analyze grammar]

tataḥ sa bhagavānrudro dānavakṣatajokṣitam |
asiṃ dharmasya goptāraṃ dadau satkṛtya viṣṇave || 64 ||
[Analyze grammar]

viṣṇurmarīcaye prādānmarīcirbhagavāṃśca tam |
maharṣibhyo dadau khaḍgamṛṣayo vāsavāya tu || 65 ||
[Analyze grammar]

mahendro lokapālebhyo lokapālāstu putraka |
manave sūryaputrāya daduḥ khaḍgaṃ suvistaram || 66 ||
[Analyze grammar]

ūcuścainaṃ tathaivādyaṃ mānuṣāṇāṃ tvamīśvaraḥ |
asinā dharmagarbheṇa pālayasva prajā iti || 67 ||
[Analyze grammar]

dharmasetumatikrāntāḥ sūkṣmasthūlārthakāraṇāt |
vibhajya daṇḍaṃ rakṣyāḥ syurdharmato na yadṛcchayā || 68 ||
[Analyze grammar]

durvācā nigraho daṇḍo hiraṇyabahulastathā |
vyaṅganaṃ ca śarīrasya vadho vānalpakāraṇāt || 69 ||
[Analyze grammar]

aseretāni rūpāṇi durvācādīni nirdiśet |
asereva pramāṇāni parimāṇavyatikramāt || 70 ||
[Analyze grammar]

adhisṛjyātha putraṃ svaṃ prajānāmadhipaṃ tataḥ |
manuḥ prajānāṃ rakṣārthaṃ kṣupāya pradadāvasim || 71 ||
[Analyze grammar]

kṣupājjagrāha cekṣvākurikṣvākośca purūravāḥ |
āyuśca tasmāllebhe taṃ nahuṣaśca tato bhuvi || 72 ||
[Analyze grammar]

yayātirnahuṣāccāpi pūrustasmācca labdhavān |
āmūrtarayasastasmāttato bhūmiśayo nṛpaḥ || 73 ||
[Analyze grammar]

bharataścāpi dauḥṣantirlebhe bhūmiśayādasim |
tasmācca lebhe dharmajño rājannaiḍabiḍastathā || 74 ||
[Analyze grammar]

tataścaiḍabiḍāllebhe dhundhumāro janeśvaraḥ |
dhundhumārācca kāmbojo mucukundastato'labhat || 75 ||
[Analyze grammar]

mucukundānmaruttaśca maruttādapi raivataḥ |
raivatādyuvanāśvaśca yuvanāśvāttato raghuḥ || 76 ||
[Analyze grammar]

ikṣvākuvaṃśajastasmāddhariṇāśvaḥ pratāpavān |
hariṇāśvādasiṃ lebhe śunakaḥ śunakādapi || 77 ||
[Analyze grammar]

uśīnaro vai dharmātmā tasmādbhojāḥ sayādavāḥ |
yadubhyaśca śibirlebhe śibeścāpi pratardanaḥ || 78 ||
[Analyze grammar]

pratardanādaṣṭakaśca ruśadaśvo'ṣṭakādapi |
ruśadaśvādbharadvājo droṇastasmātkṛpastataḥ |
tatastvaṃ bhrātṛbhiḥ sārdhaṃ paramāsimavāptavān || 79 ||
[Analyze grammar]

kṛttikāścāsya nakṣatramaseragniśca daivatam |
rohiṇyo gotramasyātha rudraśca gururuttamaḥ || 80 ||
[Analyze grammar]

aseraṣṭau ca nāmāni rahasyāni nibodha me |
pāṇḍaveya sadā yāni kīrtayaṃllabhate jayam || 81 ||
[Analyze grammar]

asirviśasanaḥ khaḍgastīkṣṇavartmā durāsadaḥ |
śrīgarbho vijayaścaiva dharmapālastathaiva ca || 82 ||
[Analyze grammar]

agryaḥ praharaṇānāṃ ca khaḍgo mādravatīsuta |
maheśvarapraṇītaśca purāṇe niścayaṃ gataḥ || 83 ||
[Analyze grammar]

pṛthustūtpādayāmāsa dhanurādyamariṃdama |
teneyaṃ pṛthivī pūrvaṃ vainyena parirakṣitā || 84 ||
[Analyze grammar]

tadetadārṣaṃ mādreya pramāṇaṃ kartumarhasi |
aseśca pūjā kartavyā sadā yuddhaviśāradaiḥ || 85 ||
[Analyze grammar]

ityeṣa prathamaḥ kalpo vyākhyātaste suvistaraḥ |
aserutpattisaṃsargo yathāvadbharatarṣabha || 86 ||
[Analyze grammar]

sarvathaitadiha śrutvā khaḍgasādhanamuttamam |
labhate puruṣaḥ kīrtiṃ pretya cānantyamaśnute || 87 ||
[Analyze grammar]