Chapter 79

yudhiṣṭhira uvāca |
vyākhyātā kṣatradharmeṇa vṛttirāpatsu bhārata |
kathaṃcidvaiśyadharmeṇa jīvedvā brāhmaṇo na vā || 1 ||
[Analyze grammar]

bhīṣma uvāca |
aśaktaḥ kṣatradharmeṇa vaiśyadharmeṇa vartayet |
kṛṣigorakṣamāsthāya vyasane vṛttisaṃkṣaye || 2 ||
[Analyze grammar]

yudhiṣṭhira uvāca |
kāni paṇyāni vikrīṇansvargalokānna hīyate |
brāhmaṇo vaiśyadharmeṇa vartayanbharatarṣabha || 3 ||
[Analyze grammar]

bhīṣma uvāca |
surā lavaṇamityeva tilānkesariṇaḥ paśūn |
ṛṣabhānmadhu māṃsaṃ ca kṛtānnaṃ ca yudhiṣṭhira || 4 ||
[Analyze grammar]

sarvāsvavasthāsvetāni brāhmaṇaḥ parivarjayet |
eteṣāṃ vikrayāttāta brāhmaṇo narakaṃ vrajet || 5 ||
[Analyze grammar]

ajo'gnirvaruṇo meṣaḥ sūryo'śvaḥ pṛthivī virāṭ |
dhenuryajñaśca somaśca na vikreyāḥ kathaṃcana || 6 ||
[Analyze grammar]

pakvenāmasya nimayaṃ na praśaṃsanti sādhavaḥ |
nimayetpakvamāmena bhojanārthāya bhārata || 7 ||
[Analyze grammar]

vayaṃ siddhamaśiṣyāmo bhavānsādhayatāmidam |
evaṃ samīkṣya nimayannādharmo'sti kadācana || 8 ||
[Analyze grammar]

atra te vartayiṣyāmi yathā dharmaḥ purātanaḥ |
vyavahārapravṛttānāṃ tannibodha yudhiṣṭhira || 9 ||
[Analyze grammar]

bhavate'haṃ dadānīdaṃ bhavānetatprayacchatu |
rucite vartate dharmo na balātsaṃpravartate || 10 ||
[Analyze grammar]

ityevaṃ saṃpravartanta vyavahārāḥ purātanāḥ |
ṛṣīṇāmitareṣāṃ ca sādhu cedamasaṃśayam || 11 ||
[Analyze grammar]

yudhiṣṭhira uvāca |
atha tāta yadā sarvāḥ śastramādadate prajāḥ |
vyutkrāmanti svadharmebhyaḥ kṣatrasya kṣīyate balam || 12 ||
[Analyze grammar]

rājā trātā na loke syātkiṃ tadā syātparāyaṇam |
etanme saṃśayaṃ brūhi vistareṇa pitāmaha || 13 ||
[Analyze grammar]

bhīṣma uvāca |
dānena tapasā yajñairadroheṇa damena ca |
brāhmaṇapramukhā varṇāḥ kṣemamiccheyurātmanaḥ || 14 ||
[Analyze grammar]

teṣāṃ ye vedabalinasta utthāya samantataḥ |
rājño balaṃ vardhayeyurmahendrasyeva devatāḥ || 15 ||
[Analyze grammar]

rājño hi kṣīyamāṇasya brahmaivāhuḥ parāyaṇam |
tasmādbrahmabalenaiva samuttheyaṃ vijānatā || 16 ||
[Analyze grammar]

yadā tu vijayī rājā kṣemaṃ rāṣṭre'bhisaṃdadhet |
tadā varṇā yathādharmamāviśeyuḥ svakarmasu || 17 ||
[Analyze grammar]

unmaryāde pravṛtte tu dasyubhiḥ saṃkare kṛte |
sarve varṇā na duṣyeyuḥ śastravanto yudhiṣṭhira || 18 ||
[Analyze grammar]

yudhiṣṭhira uvāca |
atha cetsarvataḥ kṣatraṃ praduṣyedbrāhmaṇānprati |
kastasya brāhmaṇastrātā ko dharmaḥ kiṃ parāyaṇam || 19 ||
[Analyze grammar]

bhīṣma uvāca |
tapasā brahmacaryeṇa śastreṇa ca balena ca |
amāyayā māyayā ca niyantavyaṃ tadā bhavet || 20 ||
[Analyze grammar]

kṣatrasyābhipravṛddhasya brāhmaṇeṣu viśeṣataḥ |
brahmaiva saṃniyantṛ syātkṣatraṃ hi brahmasaṃbhavam || 21 ||
[Analyze grammar]

adbhyo'gnirbrahmataḥ kṣatramaśmano lohamutthitam |
teṣāṃ sarvatragaṃ tejaḥ svāsu yoniṣu śāmyati || 22 ||
[Analyze grammar]

yadā chinattyayo'śmānamagniścāpo'bhipadyate |
kṣatraṃ ca brāhmaṇaṃ dveṣṭi tadā śāmyanti te trayaḥ || 23 ||
[Analyze grammar]

tasmādbrahmaṇi śāmyanti kṣatriyāṇāṃ yudhiṣṭhira |
samudīrṇānyajeyāni tejāṃsi ca balāni ca || 24 ||
[Analyze grammar]

brahmavīrye mṛdūbhūte kṣatravīrye ca durbale |
duṣṭeṣu sarvavarṇeṣu brāhmaṇānprati sarvaśaḥ || 25 ||
[Analyze grammar]

ye tatra yuddhaṃ kurvanti tyaktvā jīvitamātmanaḥ |
brāhmaṇānparirakṣanto dharmamātmānameva ca || 26 ||
[Analyze grammar]

manasvino manyumantaḥ puṇyalokā bhavanti te |
brāhmaṇārthaṃ hi sarveṣāṃ śastragrahaṇamiṣyate || 27 ||
[Analyze grammar]

ati sviṣṭasvadhītānāṃ lokānati tapasvinām |
anāśakāgnyorviśatāṃ śūrā yānti parāṃ gatim |
evamevātmanastyāgānnānyaṃ dharmaṃ vidurjanāḥ || 28 ||
[Analyze grammar]

tebhyo namaśca bhadraṃ ca ye śarīrāṇi juhvati |
brahmadviṣo niyacchantasteṣāṃ no'stu salokatā |
brahmalokajitaḥ svargyānvīrāṃstānmanurabravīt || 29 ||
[Analyze grammar]

yathāśvamedhāvabhṛthe snātāḥ pūtā bhavantyuta |
duṣkṛtaḥ sukṛtaścaiva tathā śastrahatā raṇe || 30 ||
[Analyze grammar]

bhavatyadharmo dharmo hi dharmādharmāvubhāvapi |
kāraṇāddeśakālasya deśakālaḥ sa tādṛśaḥ || 31 ||
[Analyze grammar]

maitrāḥ krūrāṇi kurvanto jayanti svargamuttamam |
dharmyāḥ pāpāni kurvanto gacchanti paramāṃ gatim || 32 ||
[Analyze grammar]

brāhmaṇastriṣu kāleṣu śastraṃ gṛhṇanna duṣyati |
ātmatrāṇe varṇadoṣe durgasya niyameṣu ca || 33 ||
[Analyze grammar]

yudhiṣṭhira uvāca |
abhyutthite dasyubale kṣatrārthe varṇasaṃkare |
saṃpramūḍheṣu varṇeṣu yadyanyo'bhibhavedbalī || 34 ||
[Analyze grammar]

brāhmaṇo yadi vā vaiśyaḥ śūdro vā rājasattama |
dasyubhyo'tha prajā rakṣeddaṇḍaṃ dharmeṇa dhārayan || 35 ||
[Analyze grammar]

kāryaṃ kuryānna vā kuryātsaṃvāryo vā bhavenna vā |
na sma śastraṃ grahītavyamanyatra kṣatrabandhutaḥ || 36 ||
[Analyze grammar]

bhīṣma uvāca |
apāre yo bhavetpāramaplave yaḥ plavo bhavet |
śūdro vā yadi vāpyanyaḥ sarvathā mānamarhati || 37 ||
[Analyze grammar]

yamāśritya narā rājanvartayeyuryathāsukham |
anāthāḥ pālyamānā vai dasyubhiḥ paripīḍitāḥ || 38 ||
[Analyze grammar]

tameva pūjayeraṃste prītyā svamiva bāndhavam |
mahaddhyabhīkṣṇaṃ kauravya kartā sanmānamarhati || 39 ||
[Analyze grammar]

kimukṣṇāvahatā kṛtyaṃ kiṃ dhenvā cāpyadugdhayā |
vandhyayā bhāryayā ko'rthaḥ ko'rtho rājñāpyarakṣatā || 40 ||
[Analyze grammar]

yathā dārumayo hastī yathā carmamayo mṛgaḥ |
yathā hyanetraḥ śakaṭaḥ pathi kṣetraṃ yathoṣaram || 41 ||
[Analyze grammar]

evaṃ brahmānadhīyānaṃ rājā yaśca na rakṣitā |
na varṣati ca yo meghaḥ sarva ete nirarthakāḥ || 42 ||
[Analyze grammar]

nityaṃ yastu sato rakṣedasataśca nibarhayet |
sa eva rājā kartavyastena sarvamidaṃ dhṛtam || 43 ||
[Analyze grammar]