Chapter 69

yudhiṣṭhira uvāca |
pārthivena viśeṣeṇa kiṃ kāryamavaśiṣyate |
kathaṃ rakṣyo janapadaḥ kathaṃ rakṣyāśca śatravaḥ || 1 ||
[Analyze grammar]

kathaṃ cāraṃ prayuñjīta varṇānviśvāsayetkatham |
kathaṃ bhṛtyānkathaṃ dārānkathaṃ putrāṃśca bhārata || 2 ||
[Analyze grammar]

bhīṣma uvāca |
rājavṛttaṃ mahārāja śṛṇuṣvāvahito'khilam |
yatkāryaṃ pārthivenādau pārthivaprakṛtena vā || 3 ||
[Analyze grammar]

ātmā jeyaḥ sadā rājñā tato jeyāśca śatravaḥ |
ajitātmā narapatirvijayeta kathaṃ ripūn || 4 ||
[Analyze grammar]

etāvānātmavijayaḥ pañcavargavinigrahaḥ |
jitendriyo narapatirbādhituṃ śaknuyādarīn || 5 ||
[Analyze grammar]

nyaseta gulmāndurgeṣu saṃdhau ca kurunandana |
nagaropavane caiva purodyāneṣu caiva ha || 6 ||
[Analyze grammar]

saṃsthāneṣu ca sarveṣu pureṣu nagarasya ca |
madhye ca naraśārdūla tathā rājaniveśane || 7 ||
[Analyze grammar]

praṇidhīṃśca tataḥ kuryājjaḍāndhabadhirākṛtīn |
puṃsaḥ parīkṣitānprājñānkṣutpipāsātapakṣamān || 8 ||
[Analyze grammar]

amātyeṣu ca sarveṣu mitreṣu trividheṣu ca |
putreṣu ca mahārāja praṇidadhyātsamāhitaḥ || 9 ||
[Analyze grammar]

pure janapade caiva tathā sāmantarājasu |
yathā na vidyuranyonyaṃ praṇidheyāstathā hi te || 10 ||
[Analyze grammar]

cārāṃśca vidyātprahitānpareṇa bharatarṣabha |
āpaṇeṣu vihāreṣu samavāyeṣu bhikṣuṣu || 11 ||
[Analyze grammar]

ārāmeṣu tathodyāne paṇḍitānāṃ samāgame |
veśeṣu catvare caiva sabhāsvāvasatheṣu ca || 12 ||
[Analyze grammar]

evaṃ vihanyāccāreṇa paracāraṃ vicakṣaṇaḥ |
cāreṇa vihataṃ sarvaṃ hataṃ bhavati pāṇḍava || 13 ||
[Analyze grammar]

yadā tu hīnaṃ nṛpatirvidyādātmānamātmanā |
amātyaiḥ saha saṃmantrya kuryātsaṃdhiṃ balīyasā || 14 ||
[Analyze grammar]

ajñāyamāno hīnatve kuryātsaṃdhiṃ pareṇa vai |
lipsurvā kaṃcidevārthaṃ tvaramāṇo vicakṣaṇaḥ || 15 ||
[Analyze grammar]

guṇavanto mahotsāhā dharmajñāḥ sādhavaśca ye |
saṃdadhīta nṛpastaiśca rāṣṭraṃ dharmeṇa pālayan || 16 ||
[Analyze grammar]

ucchidyamānamātmānaṃ jñātvā rājā mahāmatiḥ |
pūrvāpakāriṇo hanyāllokadviṣṭāṃśca sarvaśaḥ || 17 ||
[Analyze grammar]

yo nopakartuṃ śaknoti nāpakartuṃ mahīpatiḥ |
aśakyarūpaścoddhartumupekṣyastādṛśo bhavet || 18 ||
[Analyze grammar]

yātrāṃ yāyādavijñātamanākrandamanantaram |
vyāsaktaṃ ca pramattaṃ ca durbalaṃ ca vicakṣaṇaḥ || 19 ||
[Analyze grammar]

yātrāmājñāpayedvīraḥ kalyapuṣṭabalaḥ sukhī |
pūrvaṃ kṛtvā vidhānaṃ ca yātrāyāṃ nagare tathā || 20 ||
[Analyze grammar]

na ca vaśyo bhavedasya nṛpo yadyapi vīryavān |
hīnaśca balavīryābhyāṃ karśayaṃstaṃ parāvaset || 21 ||
[Analyze grammar]

rāṣṭraṃ ca pīḍayettasya śastrāgniviṣamūrchanaiḥ |
amātyavallabhānāṃ ca vivādāṃstasya kārayet |
varjanīyaṃ sadā yuddhaṃ rājyakāmena dhīmatā || 22 ||
[Analyze grammar]

upāyaistribhirādānamarthasyāha bṛhaspatiḥ |
sāntvenānupradānena bhedena ca narādhipa |
yamarthaṃ śaknuyātprāptuṃ tena tuṣyeddhi paṇḍitaḥ || 23 ||
[Analyze grammar]

ādadīta baliṃ caiva prajābhyaḥ kurunandana |
ṣaḍbhāgamamitaprajñastāsāmevābhiguptaye || 24 ||
[Analyze grammar]

daśadharmagatebhyo yadvasu bahvalpameva ca |
tannādadīta sahasā paurāṇāṃ rakṣaṇāya vai || 25 ||
[Analyze grammar]

yathā putrāstathā paurā draṣṭavyāste na saṃśayaḥ |
bhaktiścaiṣāṃ prakartavyā vyavahāre pradarśite || 26 ||
[Analyze grammar]

sutaṃ ca sthāpayedrājā prājñaṃ sarvārthadarśinam |
vyavahāreṣu satataṃ tatra rājyaṃ vyavasthitam || 27 ||
[Analyze grammar]

ākare lavaṇe śulke tare nāgavane tathā |
nyasedamātyānnṛpatiḥ svāptānvā puruṣānhitān || 28 ||
[Analyze grammar]

samyagdaṇḍadharo nityaṃ rājā dharmamavāpnuyāt |
nṛpasya satataṃ daṇḍaḥ samyagdharme praśasyate || 29 ||
[Analyze grammar]

vedavedāṅgavitprājñaḥ sutapasvī nṛpo bhavet |
dānaśīlaśca satataṃ yajñaśīlaśca bhārata || 30 ||
[Analyze grammar]

ete guṇāḥ samastāḥ syurnṛpasya satataṃ sthirāḥ |
kriyālope tu nṛpateḥ kutaḥ svargaḥ kuto yaśaḥ || 31 ||
[Analyze grammar]

yadā tu pīḍito rājā bhavedrājñā balīyasā |
tridhā tvākrandya mitrāṇi vidhānamupakalpayet || 32 ||
[Analyze grammar]

ghoṣānnyaseta mārgeṣu grāmānutthāpayedapi |
praveśayecca tānsarvāñśākhānagarakeṣvapi || 33 ||
[Analyze grammar]

ye guptāścaiva durgāśca deśāsteṣu praveśayet |
dhanino balamukhyāṃśca sāntvayitvā punaḥ punaḥ || 34 ||
[Analyze grammar]

sasyābhihāraṃ kuryācca svayameva narādhipaḥ |
asaṃbhave praveśasya dāhayedagninā bhṛśam || 35 ||
[Analyze grammar]

kṣetrastheṣu ca sasyeṣu śatrorupajapennarān |
vināśayedvā sarvasvaṃ balenātha svakena vai || 36 ||
[Analyze grammar]

nadīṣu mārgeṣu sadā saṃkramānavasādayet |
jalaṃ nisrāvayetsarvamanisrāvyaṃ ca dūṣayet || 37 ||
[Analyze grammar]

tadātvenāyatībhiśca vivadanbhūmyanantaram |
pratīghātaḥ parasyājau mitrakāle'pyupasthite || 38 ||
[Analyze grammar]

durgāṇāṃ cābhito rājā mūlacchedaṃ prakārayet |
sarveṣāṃ kṣudravṛkṣāṇāṃ caityavṛkṣānvivarjayet || 39 ||
[Analyze grammar]

pravṛddhānāṃ ca vṛkṣāṇāṃ śākhāḥ pracchedayettathā |
caityānāṃ sarvathā varjyamapi patrasya pātanam || 40 ||
[Analyze grammar]

prakaṇṭhīḥ kārayetsamyagākāśajananīstathā |
āpūrayecca parikhāḥ sthāṇunakrajhaṣākulāḥ || 41 ||
[Analyze grammar]

kaḍaṅgadvārakāṇi syurucchvāsārthe purasya ha |
teṣāṃ ca dvāravadguptiḥ kāryā sarvātmanā bhavet || 42 ||
[Analyze grammar]

dvāreṣu ca gurūṇyeva yantrāṇi sthāpayetsadā |
āropayecchataghnīśca svādhīnāni ca kārayet || 43 ||
[Analyze grammar]

kāṣṭhāni cābhihāryāṇi tathā kūpāṃśca khānayet |
saṃśodhayettathā kūpānkṛtānpūrvaṃ payorthibhiḥ || 44 ||
[Analyze grammar]

tṛṇacchannāni veśmāni paṅkenāpi pralepayet |
nirharecca tṛṇaṃ māse caitre vahnibhayātpuraḥ || 45 ||
[Analyze grammar]

naktameva ca bhaktāni pācayeta narādhipaḥ |
na divāgnirjvaledgehe varjayitvāgnihotrikam || 46 ||
[Analyze grammar]

karmārāriṣṭaśālāsu jvaledagniḥ samāhitaḥ |
gṛhāṇi ca praviśyātha vidheyaḥ syāddhutāśanaḥ || 47 ||
[Analyze grammar]

mahādaṇḍaśca tasya syādyasyāgnirvai divā bhavet |
praghoṣayedathaivaṃ ca rakṣaṇārthaṃ purasya vai || 48 ||
[Analyze grammar]

bhikṣukāṃścākrikāṃścaiva kṣībonmattānkuśīlavān |
bāhyānkuryānnaraśreṣṭha doṣāya syurhi te'nyathā || 49 ||
[Analyze grammar]

catvareṣu ca tīrtheṣu sabhāsvāvasatheṣu ca |
yathārhavarṇaṃ praṇidhiṃ kuryātsarvatra pārthivaḥ || 50 ||
[Analyze grammar]

viśālānrājamārgāṃśca kārayeta narādhipaḥ |
prapāśca vipaṇīścaiva yathoddeśaṃ samādiśet || 51 ||
[Analyze grammar]

bhāṇḍāgārāyudhāgārāndhānyāgārāṃśca sarvaśaḥ |
aśvāgārāngajāgārānbalādhikaraṇāni ca || 52 ||
[Analyze grammar]

parikhāścaiva kauravya pratolīḥ saṃkaṭāni ca |
na jātu kaścitpaśyettu guhyametadyudhiṣṭhira || 53 ||
[Analyze grammar]

atha saṃnicayaṃ kuryādrājā parabalārditaḥ |
tailaṃ madhu ghṛtaṃ sasyamauṣadhāni ca sarvaśaḥ || 54 ||
[Analyze grammar]

aṅgārakuśamuñjānāṃ palāśaśaraparṇinām |
yavasendhanadigdhānāṃ kārayeta ca saṃcayān || 55 ||
[Analyze grammar]

āyudhānāṃ ca sarveṣāṃ śaktyṛṣṭiprāsavarmaṇām |
saṃcayānevamādīnāṃ kārayeta narādhipaḥ || 56 ||
[Analyze grammar]

auṣadhāni ca sarvāṇi mūlāni ca phalāni ca |
caturvidhāṃśca vaidyānvai saṃgṛhṇīyādviśeṣataḥ || 57 ||
[Analyze grammar]

naṭāśca nartakāścaiva mallā māyāvinastathā |
śobhayeyuḥ puravaraṃ modayeyuśca sarvaśaḥ || 58 ||
[Analyze grammar]

yataḥ śaṅkā bhaveccāpi bhṛtyato vāpi mantritaḥ |
paurebhyo nṛpatervāpi svādhīnānkārayeta tān || 59 ||
[Analyze grammar]

kṛte karmaṇi rājendra pūjayeddhanasaṃcayaiḥ |
mānena ca yathārheṇa sāntvena vividhena ca || 60 ||
[Analyze grammar]

nirvedayitvā tu paraṃ hatvā vā kurunandana |
gatānṛṇyo bhavedrājā yathā śāstreṣu darśitam || 61 ||
[Analyze grammar]

rājñā saptaiva rakṣyāṇi tāni cāpi nibodha me |
ātmāmātyaśca kośaśca daṇḍo mitrāṇi caiva hi || 62 ||
[Analyze grammar]

tathā janapadaścaiva puraṃ ca kurunandana |
etatsaptātmakaṃ rājyaṃ paripālyaṃ prayatnataḥ || 63 ||
[Analyze grammar]

ṣāḍguṇyaṃ ca trivargaṃ ca trivargamaparaṃ tathā |
yo vetti puruṣavyāghra sa bhunakti mahīmimām || 64 ||
[Analyze grammar]

ṣāḍguṇyamiti yatproktaṃ tannibodha yudhiṣṭhira |
saṃdhāyāsanamityeva yātrāsaṃdhānameva ca || 65 ||
[Analyze grammar]

vigṛhyāsanamityeva yātrāṃ saṃparigṛhya ca |
dvaidhībhāvastathānyeṣāṃ saṃśrayo'tha parasya ca || 66 ||
[Analyze grammar]

trivargaścāpi yaḥ proktastamihaikamanāḥ śṛṇu |
kṣayaḥ sthānaṃ ca vṛddhiśca trivargamaparaṃ tathā || 67 ||
[Analyze grammar]

dharmaścārthaśca kāmaśca sevitavyo'tha kālataḥ |
dharmeṇa hi mahīpālaściraṃ pālayate mahīm || 68 ||
[Analyze grammar]

asminnarthe ca yau ślokau gītāvaṅgirasā svayam |
yādavīputra bhadraṃ te śrotumarhasi tāvapi || 69 ||
[Analyze grammar]

kṛtvā sarvāṇi kāryāṇi samyaksaṃpālya medinīm |
pālayitvā tathā paurānparatra sukhamedhate || 70 ||
[Analyze grammar]

kiṃ tasya tapasā rājñaḥ kiṃ ca tasyādhvarairapi |
apālitāḥ prajā yasya sarvā dharmavinākṛtāḥ || 71 ||
[Analyze grammar]