Chapter 27

yudhiṣṭhira uvāca |
abhimanyau hate bāle draupadyāstanayeṣu ca |
dhṛṣṭadyumne virāṭe ca drupade ca mahīpatau || 1 ||
[Analyze grammar]

vasuṣeṇe ca dharmajñe dhṛṣṭaketau ca pārthive |
tathānyeṣu narendreṣu nānādeśyeṣu saṃyuge || 2 ||
[Analyze grammar]

na vimuñcati māṃ śoko jñātighātinamāturam |
rājyakāmukamatyugraṃ svavaṃśocchedakārakam || 3 ||
[Analyze grammar]

yasyāṅke krīḍamānena mayā vai parivartitam |
sa mayā rājyalubdhena gāṅgeyo vinipātitaḥ || 4 ||
[Analyze grammar]

yadā hyenaṃ vighūrṇantamapaśyaṃ pārthasāyakaiḥ |
kampamānaṃ yathā vajraiḥ prekṣamāṇaṃ śikhaṇḍinam || 5 ||
[Analyze grammar]

jīrṇaṃ siṃhamiva prāṃśuṃ narasiṃhaṃ pitāmaham |
kīryamāṇaṃ śaraistīkṣṇairdṛṣṭvā me vyathitaṃ manaḥ || 6 ||
[Analyze grammar]

prāṅmukhaṃ sīdamānaṃ ca rathādapacyutaṃ śaraiḥ |
ghūrṇamānaṃ yathā śailaṃ tadā me kaśmalo'bhavat || 7 ||
[Analyze grammar]

yaḥ sa bāṇadhanuṣpāṇiryodhayāmāsa bhārgavam |
bahūnyahāni kauravyaḥ kurukṣetre mahāmṛdhe || 8 ||
[Analyze grammar]

sametaṃ pārthivaṃ kṣatraṃ vārāṇasyāṃ nadīsutaḥ |
kanyārthamāhvayadvīro rathenaikena saṃyuge || 9 ||
[Analyze grammar]

yena cogrāyudho rājā cakravartī durāsadaḥ |
dagdhaḥ śastrapratāpena sa mayā yudhi ghātitaḥ || 10 ||
[Analyze grammar]

svayaṃ mṛtyuṃ rakṣamāṇaḥ pāñcālyaṃ yaḥ śikhaṇḍinam |
na bāṇaiḥ pātayāmāsa so'rjunena nipātitaḥ || 11 ||
[Analyze grammar]

yadainaṃ patitaṃ bhūmāvapaśyaṃ rudhirokṣitam |
tadaivāviśadatyugro jvaro me munisattama |
yena saṃvardhitā bālā yena sma parirakṣitāḥ || 12 ||
[Analyze grammar]

sa mayā rājyalubdhena pāpena gurughātinā |
alpakālasya rājyasya kṛte mūḍhena ghātitaḥ || 13 ||
[Analyze grammar]

ācāryaśca maheṣvāsaḥ sarvapārthivapūjitaḥ |
abhigamya raṇe mithyā pāpenoktaḥ sutaṃ prati || 14 ||
[Analyze grammar]

tanme dahati gātrāṇi yanmāṃ gururabhāṣata |
satyavākyo hi rājaṃstvaṃ yadi jīvati me sutaḥ |
satyaṃ mā marśayanvipro mayi tatparipṛṣṭavān || 15 ||
[Analyze grammar]

kuñjaraṃ cāntaraṃ kṛtvā mithyopacaritaṃ mayā |
subhṛśaṃ rājyalubdhena pāpena gurughātinā || 16 ||
[Analyze grammar]

satyakañcukamāsthāya mayokto gururāhave |
aśvatthāmā hata iti kuñjare vinipātite |
kānnu lokāngamiṣyāmi kṛtvā tatkarma dāruṇam || 17 ||
[Analyze grammar]

aghātayaṃ ca yatkarṇaṃ samareṣvapalāyinam |
jyeṣṭhaṃ bhrātaramatyugraṃ ko mattaḥ pāpakṛttamaḥ || 18 ||
[Analyze grammar]

abhimanyuṃ ca yadbālaṃ jātaṃ siṃhamivādriṣu |
prāveśayamahaṃ lubdho vāhinīṃ droṇapālitām || 19 ||
[Analyze grammar]

tadāprabhṛti bībhatsuṃ na śaknomi nirīkṣitum |
kṛṣṇaṃ ca puṇḍarīkākṣaṃ kilbiṣī bhrūṇahā yathā || 20 ||
[Analyze grammar]

draupadīṃ cāpyaduḥkhārhāṃ pañcaputravinākṛtām |
śocāmi pṛthivīṃ hīnāṃ pañcabhiḥ parvatairiva || 21 ||
[Analyze grammar]

so'hamāgaskaraḥ pāpaḥ pṛthivīnāśakārakaḥ |
āsīna evamevedaṃ śoṣayiṣye kalevaram || 22 ||
[Analyze grammar]

prāyopaviṣṭaṃ jānīdhvamadya māṃ gurughātinam |
jātiṣvanyāsvapi yathā na bhaveyaṃ kulāntakṛt || 23 ||
[Analyze grammar]

na bhokṣye na ca pānīyamupayokṣye kathaṃcana |
śoṣayiṣye priyānprāṇānihastho'haṃ tapodhana || 24 ||
[Analyze grammar]

yatheṣṭaṃ gamyatāṃ kāmamanujāne prasādya vaḥ |
sarve māmanujānīta tyakṣyāmīdaṃ kalevaram || 25 ||
[Analyze grammar]

vaiśaṃpāyana uvāca |
tamevaṃvādinaṃ pārthaṃ bandhuśokena vihvalam |
maivamityabravīdvyāso nigṛhya munisattamaḥ || 26 ||
[Analyze grammar]

ativelaṃ mahārāja na śokaṃ kartumarhasi |
punaruktaṃ pravakṣyāmi diṣṭametaditi prabho || 27 ||
[Analyze grammar]

saṃyogā viprayogāśca jātānāṃ prāṇināṃ dhruvam |
budbudā iva toyeṣu bhavanti na bhavanti ca || 28 ||
[Analyze grammar]

sarve kṣayāntā nicayāḥ patanāntāḥ samucchrayāḥ |
saṃyogā viprayogāntā maraṇāntaṃ hi jīvitam || 29 ||
[Analyze grammar]

sukhaṃ duḥkhāntamālasyaṃ dākṣyaṃ duḥkhaṃ sukhodayam |
bhūtiḥ śrīrhrīrdhṛtiḥ siddhirnādakṣe nivasantyuta || 30 ||
[Analyze grammar]

nālaṃ sukhāya suhṛdo nālaṃ duḥkhāya durhṛdaḥ |
na ca prajñālamarthebhyo na sukhebhyo'pyalaṃ dhanam || 31 ||
[Analyze grammar]

yathā sṛṣṭo'si kaunteya dhātrā karmasu tatkuru |
ata eva hi siddhiste neśastvamātmanā nṛpa || 32 ||
[Analyze grammar]