Chapter 15

vaiśaṃpāyana uvāca |
yājñasenyā vacaḥ śrutvā punarevārjuno'bravīt |
anumānya mahābāhuṃ jyeṣṭhaṃ bhrātaramīśvaram || 1 ||
[Analyze grammar]

daṇḍaḥ śāsti prajāḥ sarvā daṇḍa evābhirakṣati |
daṇḍaḥ supteṣu jāgarti daṇḍaṃ dharmaṃ vidurbudhāḥ || 2 ||
[Analyze grammar]

dharmaṃ saṃrakṣate daṇḍastathaivārthaṃ narādhipa |
kāmaṃ saṃrakṣate daṇḍastrivargo daṇḍa ucyate || 3 ||
[Analyze grammar]

daṇḍena rakṣyate dhānyaṃ dhanaṃ daṇḍena rakṣyate |
etadvidvannupādatsva svabhāvaṃ paśya laukikam || 4 ||
[Analyze grammar]

rājadaṇḍabhayādeke pāpāḥ pāpaṃ na kurvate |
yamadaṇḍabhayādeke paralokabhayādapi || 5 ||
[Analyze grammar]

parasparabhayādeke pāpāḥ pāpaṃ na kurvate |
evaṃ sāṃsiddhike loke sarvaṃ daṇḍe pratiṣṭhitam || 6 ||
[Analyze grammar]

daṇḍasyaiva bhayādeke na khādanti parasparam |
andhe tamasi majjeyuryadi daṇḍo na pālayet || 7 ||
[Analyze grammar]

yasmādadāntāndamayatyaśiṣṭāndaṇḍayatyapi |
damanāddaṇḍanāccaiva tasmāddaṇḍaṃ vidurbudhāḥ || 8 ||
[Analyze grammar]

vāci daṇḍo brāhmaṇānāṃ kṣatriyāṇāṃ bhujārpaṇam |
dānadaṇḍaḥ smṛto vaiśyo nirdaṇḍaḥ śūdra ucyate || 9 ||
[Analyze grammar]

asaṃmohāya martyānāmarthasaṃrakṣaṇāya ca |
maryādā sthāpitā loke daṇḍasaṃjñā viśāṃ pate || 10 ||
[Analyze grammar]

yatra śyāmo lohitākṣo daṇḍaścarati sūnṛtaḥ |
prajāstatra na muhyanti netā cetsādhu paśyati || 11 ||
[Analyze grammar]

brahmacārī gṛhasthaśca vānaprastho'tha bhikṣukaḥ |
daṇḍasyaiva bhayādete manuṣyā vartmani sthitāḥ || 12 ||
[Analyze grammar]

nābhīto yajate rājannābhīto dātumicchati |
nābhītaḥ puruṣaḥ kaścitsamaye sthātumicchati || 13 ||
[Analyze grammar]

nācchittvā paramarmāṇi nākṛtvā karma dāruṇam |
nāhatvā matsyaghātīva prāpnoti mahatīṃ śriyam || 14 ||
[Analyze grammar]

nāghnataḥ kīrtirastīha na vittaṃ na punaḥ prajāḥ |
indro vṛtravadhenaiva mahendraḥ samapadyata || 15 ||
[Analyze grammar]

ya eva devā hantārastāṃlloko'rcayate bhṛśam |
hantā rudrastathā skandaḥ śakro'gnirvaruṇo yamaḥ || 16 ||
[Analyze grammar]

hantā kālastathā vāyurmṛtyurvaiśravaṇo raviḥ |
vasavo marutaḥ sādhyā viśvedevāśca bhārata || 17 ||
[Analyze grammar]

etāndevānnamasyanti pratāpapraṇatā janāḥ |
na brahmāṇaṃ na dhātāraṃ na pūṣāṇaṃ kathaṃcana || 18 ||
[Analyze grammar]

madhyasthānsarvabhūteṣu dāntāñśamaparāyaṇān |
yajante mānavāḥ kecitpraśāntāḥ sarvakarmasu || 19 ||
[Analyze grammar]

na hi paśyāmi jīvantaṃ loke kaṃcidahiṃsayā |
sattvaiḥ sattvāni jīvanti durbalairbalavattarāḥ || 20 ||
[Analyze grammar]

nakulo mūṣakānatti biḍālo nakulaṃ tathā |
biḍālamatti śvā rājañśvānaṃ vyālamṛgastathā || 21 ||
[Analyze grammar]

tānatti puruṣaḥ sarvānpaśya dharmo yathāgataḥ |
prāṇasyānnamidaṃ sarvaṃ jaṅgamaṃ sthāvaraṃ ca yat || 22 ||
[Analyze grammar]

vidhānaṃ devavihitaṃ tatra vidvānna muhyati |
yathā sṛṣṭo'si rājendra tathā bhavitumarhasi || 23 ||
[Analyze grammar]

vinītakrodhaharṣā hi mandā vanamupāśritāḥ |
vinā vadhaṃ na kurvanti tāpasāḥ prāṇayāpanam || 24 ||
[Analyze grammar]

udake bahavaḥ prāṇāḥ pṛthivyāṃ ca phaleṣu ca |
na ca kaścinna tānhanti kimanyatprāṇayāpanāt || 25 ||
[Analyze grammar]

sūkṣmayonīni bhūtāni tarkagamyāni kānicit |
pakṣmaṇo'pi nipātena yeṣāṃ syātskandhaparyayaḥ || 26 ||
[Analyze grammar]

grāmānniṣkramya munayo vigatakrodhamatsarāḥ |
vane kuṭumbadharmāṇo dṛśyante parimohitāḥ || 27 ||
[Analyze grammar]

bhūmiṃ bhittvauṣadhīśchittvā vṛkṣādīnaṇḍajānpaśūn |
manuṣyāstanvate yajñāṃste svargaṃ prāpnuvanti ca || 28 ||
[Analyze grammar]

daṇḍanītyāṃ praṇītāyāṃ sarve sidhyantyupakramāḥ |
kaunteya sarvabhūtānāṃ tatra me nāsti saṃśayaḥ || 29 ||
[Analyze grammar]

daṇḍaścenna bhavelloke vyanaśiṣyannimāḥ prajāḥ |
śūle matsyānivāpakṣyandurbalānbalavattarāḥ || 30 ||
[Analyze grammar]

satyaṃ cedaṃ brahmaṇā pūrvamuktaṃ daṇḍaḥ prajā rakṣati sādhu nītaḥ |
paśyāgnayaśca pratiśāmyantyabhītāḥ saṃtarjitā daṇḍabhayājjvalanti || 31 ||
[Analyze grammar]

andhaṃ tama ivedaṃ syānna prajñāyeta kiṃcana |
daṇḍaścenna bhavelloke vibhajansādhvasādhunī || 32 ||
[Analyze grammar]

ye'pi saṃbhinnamaryādā nāstikā vedanindakāḥ |
te'pi bhogāya kalpante daṇḍenopanipīḍitāḥ || 33 ||
[Analyze grammar]

sarvo daṇḍajito loko durlabho hi śucirnaraḥ |
daṇḍasya hi bhayādbhīto bhogāyeha prakalpate || 34 ||
[Analyze grammar]

cāturvarṇyāpramohāya sunītanayanāya ca |
daṇḍo vidhātrā vihito dharmārthāvabhirakṣitum || 35 ||
[Analyze grammar]

yadi daṇḍānna bibhyeyurvayāṃsi śvāpadāni ca |
adyuḥ paśūnmanuṣyāṃśca yajñārthāni havīṃṣi ca || 36 ||
[Analyze grammar]

na brahmacāryadhīyīta kalyāṇī gaurna duhyate |
na kanyodvahanaṃ gacchedyadi daṇḍo na pālayet || 37 ||
[Analyze grammar]

viśvalopaḥ pravarteta bhidyeransarvasetavaḥ |
mamatvaṃ na prajānīyuryadi daṇḍo na pālayet || 38 ||
[Analyze grammar]

na saṃvatsarasatrāṇi tiṣṭheyurakutobhayāḥ |
vidhivaddakṣiṇāvanti yadi daṇḍo na pālayet || 39 ||
[Analyze grammar]

careyurnāśrame dharmaṃ yathoktaṃ vidhimāśritāḥ |
na vidyāṃ prāpnuyātkaścidyadi daṇḍo na pālayet || 40 ||
[Analyze grammar]

na coṣṭrā na balīvardā nāśvāśvataragardabhāḥ |
yuktā vaheyuryānāni yadi daṇḍo na pālayet || 41 ||
[Analyze grammar]

na preṣyā vacanaṃ kuryurna bālo jātu karhicit |
tiṣṭhetpitṛmate dharme yadi daṇḍo na pālayet || 42 ||
[Analyze grammar]

daṇḍe sthitāḥ prajāḥ sarvā bhayaṃ daṇḍaṃ vidurbudhāḥ |
daṇḍe svargo manuṣyāṇāṃ loko'yaṃ ca pratiṣṭhitaḥ || 43 ||
[Analyze grammar]

na tatra kūṭaṃ pāpaṃ vā vañcanā vāpi dṛśyate |
yatra daṇḍaḥ suvihitaścaratyarivināśanaḥ || 44 ||
[Analyze grammar]

haviḥ śvā prapibeddhṛṣṭo daṇḍaścennodyato bhavet |
haretkākaḥ puroḍāśaṃ yadi daṇḍo na pālayet || 45 ||
[Analyze grammar]

yadidaṃ dharmato rājyaṃ vihitaṃ yadyadharmataḥ |
kāryastatra na śoko vai bhuṅkṣva bhogānyajasva ca || 46 ||
[Analyze grammar]

sukhena dharmaṃ śrīmantaścaranti śucivāsasaḥ |
saṃvasantaḥ priyairdārairbhuñjānāścānnamuttamam || 47 ||
[Analyze grammar]

arthe sarve samārambhāḥ samāyattā na saṃśayaḥ |
sa ca daṇḍe samāyattaḥ paśya daṇḍasya gauravam || 48 ||
[Analyze grammar]

lokayātrārthameveha dharmapravacanaṃ kṛtam |
ahiṃsā sādhuhiṃseti śreyāndharmaparigrahaḥ || 49 ||
[Analyze grammar]

nātyantaguṇavānkaścinna cāpyatyantanirguṇaḥ |
ubhayaṃ sarvakāryeṣu dṛśyate sādhvasādhu ca || 50 ||
[Analyze grammar]

paśūnāṃ vṛṣaṇaṃ chittvā tato bhindanti nastakān |
kṛṣanti bahavo bhārānbadhnanti damayanti ca || 51 ||
[Analyze grammar]

evaṃ paryākule loke vipathe jarjarīkṛte |
taistairnyāyairmahārāja purāṇaṃ dharmamācara || 52 ||
[Analyze grammar]

yaja dehi prajā rakṣa dharmaṃ samanupālaya |
amitrāñjahi kaunteya mitrāṇi paripālaya || 53 ||
[Analyze grammar]

mā ca te nighnataḥ śatrūnmanyurbhavatu bhārata |
na tatra kilbiṣaṃ kiṃcitkarturbhavati bhārata || 54 ||
[Analyze grammar]

ātatāyī hi yo hanyādātatāyinamāgatam |
na tena bhrūṇahā sa syānmanyustaṃ manyumṛcchati || 55 ||
[Analyze grammar]

avadhyaḥ sarvabhūtānāmantarātmā na saṃśayaḥ |
avadhye cātmani kathaṃ vadhyo bhavati kenacit || 56 ||
[Analyze grammar]

yathā hi puruṣaḥ śālāṃ punaḥ saṃpraviśennavām |
evaṃ jīvaḥ śarīrāṇi tāni tāni prapadyate || 57 ||
[Analyze grammar]

dehānpurāṇānutsṛjya navānsaṃpratipadyate |
evaṃ mṛtyumukhaṃ prāhurye janāstattvadarśinaḥ || 58 ||
[Analyze grammar]