Chapter 56

saṃjaya uvāca |
tato duryodhano dṛṣṭvā bhīmasenaṃ tathāgatam |
pratyudyayāvadīnātmā vegena mahatā nadan || 1 ||
[Analyze grammar]

samāpetaturānadya śṛṅgiṇau vṛṣabhāviva |
mahānirghātaghoṣaśca saṃprahārastayorabhūt || 2 ||
[Analyze grammar]

abhavacca tayoryuddhaṃ tumulaṃ romaharṣaṇam |
jigīṣatoryudhānyonyamindraprahrādayoriva || 3 ||
[Analyze grammar]

rudhirokṣitasarvāṅgau gadāhastau manasvinau |
dadṛśāte mahātmānau puṣpitāviva kiṃśukau || 4 ||
[Analyze grammar]

tathā tasminmahāyuddhe vartamāne sudāruṇe |
khadyotasaṃghairiva khaṃ darśanīyaṃ vyarocata || 5 ||
[Analyze grammar]

tathā tasminvartamāne saṃkule tumule bhṛśam |
ubhāvapi pariśrāntau yudhyamānāvariṃdamau || 6 ||
[Analyze grammar]

tau muhūrtaṃ samāśvasya punareva paraṃtapau |
abhyahārayatāṃ tatra saṃpragṛhya gade śubhe || 7 ||
[Analyze grammar]

tau tu dṛṣṭvā mahāvīryau samāśvastau nararṣabhau |
balinau vāraṇau yadvadvāśitārthe madotkaṭau || 8 ||
[Analyze grammar]

apāravīryau saṃprekṣya pragṛhītagadāvubhau |
vismayaṃ paramaṃ jagmurdevagandharvadānavāḥ || 9 ||
[Analyze grammar]

pragṛhītagadau dṛṣṭvā duryodhanavṛkodarau |
saṃśayaḥ sarvabhūtānāṃ vijaye samapadyata || 10 ||
[Analyze grammar]

samāgamya tato bhūyo bhrātarau balināṃ varau |
anyonyasyāntaraprepsū pracakrāte'ntaraṃ prati || 11 ||
[Analyze grammar]

yamadaṇḍopamāṃ gurvīmindrāśanimivodyatām |
dadṛśuḥ prekṣakā rājanraudrīṃ viśasanīṃ gadām || 12 ||
[Analyze grammar]

āvidhyato gadāṃ tasya bhīmasenasya saṃyuge |
śabdaḥ sutumulo ghoro muhūrtaṃ samapadyata || 13 ||
[Analyze grammar]

āvidhyantamabhiprekṣya dhārtarāṣṭro'tha pāṇḍavam |
gadāmalaghuvegāṃ tāṃ vismitaḥ saṃbabhūva ha || 14 ||
[Analyze grammar]

caraṃśca vividhānmārgānmaṇḍalāni ca bhārata |
aśobhata tadā vīro bhūya eva vṛkodaraḥ || 15 ||
[Analyze grammar]

tau parasparamāsādya yattāvanyonyarakṣaṇe |
mārjārāviva bhakṣārthe tatakṣāte muhurmuhuḥ || 16 ||
[Analyze grammar]

acaradbhīmasenastu mārgānbahuvidhāṃstathā |
maṇḍalāni vicitrāṇi sthānāni vividhāni ca || 17 ||
[Analyze grammar]

gomūtrikāṇi citrāṇi gatapratyāgatāni ca |
parimokṣaṃ prahārāṇāṃ varjanaṃ paridhāvanam || 18 ||
[Analyze grammar]

abhidravaṇamākṣepamavasthānaṃ savigraham |
parāvartanasaṃvartamavaplutamathāplutam |
upanyastamapanyastaṃ gadāyuddhaviśāradau || 19 ||
[Analyze grammar]

evaṃ tau vicarantau tu nyaghnatāṃ vai parasparam |
vañcayantau punaścaiva ceratuḥ kurusattamau || 20 ||
[Analyze grammar]

vikrīḍantau subalinau maṇḍalāni praceratuḥ |
gadāhastau tatastau tu maṇḍalāvasthitau balī || 21 ||
[Analyze grammar]

dakṣiṇaṃ maṇḍalaṃ rājandhārtarāṣṭro'bhyavartata |
savyaṃ tu maṇḍalaṃ tatra bhīmaseno'bhyavartata || 22 ||
[Analyze grammar]

tathā tu caratastasya bhīmasya raṇamūrdhani |
duryodhano mahārāja pārśvadeśe'bhyatāḍayat || 23 ||
[Analyze grammar]

āhatastu tadā bhīmastava putreṇa bhārata |
āvidhyata gadāṃ gurvīṃ prahāraṃ tamacintayan || 24 ||
[Analyze grammar]

indrāśanisamāṃ ghorāṃ yamadaṇḍamivodyatām |
dadṛśuste mahārāja bhīmasenasya tāṃ gadām || 25 ||
[Analyze grammar]

āvidhyantaṃ gadāṃ dṛṣṭvā bhīmasenaṃ tavātmajaḥ |
samudyamya gadāṃ ghorāṃ pratyavidhyadariṃdamaḥ || 26 ||
[Analyze grammar]

gadāmārutavegena tava putrasya bhārata |
śabda āsītsutumulastejaśca samajāyata || 27 ||
[Analyze grammar]

sa caranvividhānmārgānmaṇḍalāni ca bhāgaśaḥ |
samaśobhata tejasvī bhūyo bhīmātsuyodhanaḥ || 28 ||
[Analyze grammar]

āviddhā sarvavegena bhīmena mahatī gadā |
sadhūmaṃ sārciṣaṃ cāgniṃ mumocogrā mahāsvanā || 29 ||
[Analyze grammar]

ādhūtāṃ bhīmasenena gadāṃ dṛṣṭvā suyodhanaḥ |
adrisāramayīṃ gurvīmāvidhyanbahvaśobhata || 30 ||
[Analyze grammar]

gadāmārutavegaṃ hi dṛṣṭvā tasya mahātmanaḥ |
bhayaṃ viveśa pāṇḍūnvai sarvāneva sasomakān || 31 ||
[Analyze grammar]

tau darśayantau samare yuddhakrīḍāṃ samantataḥ |
gadābhyāṃ sahasānyonyamājaghnaturariṃdamau || 32 ||
[Analyze grammar]

tau parasparamāsādya daṃṣṭrābhyāṃ dviradau yathā |
aśobhetāṃ mahārāja śoṇitena pariplutau || 33 ||
[Analyze grammar]

evaṃ tadabhavadyuddhaṃ ghorarūpamasaṃvṛtam |
parivṛtte'hani krūraṃ vṛtravāsavayoriva || 34 ||
[Analyze grammar]

dṛṣṭvā vyavasthitaṃ bhīmaṃ tava putro mahābalaḥ |
caraṃścitratarānmārgānkaunteyamabhidudruve || 35 ||
[Analyze grammar]

tasya bhīmo mahāvegāṃ jāmbūnadapariṣkṛtām |
abhikruddhasya kruddhastu tāḍayāmāsa tāṃ gadām || 36 ||
[Analyze grammar]

savisphuliṅgo nirhrādastayostatrābhighātajaḥ |
prādurāsīnmahārāja sṛṣṭayorvajrayoriva || 37 ||
[Analyze grammar]

vegavatyā tayā tatra bhīmasenapramuktayā |
nipatantyā mahārāja pṛthivī samakampata || 38 ||
[Analyze grammar]

tāṃ nāmṛṣyata kauravyo gadāṃ pratihatāṃ raṇe |
matto dvipa iva kruddhaḥ pratikuñjaradarśanāt || 39 ||
[Analyze grammar]

sa savyaṃ maṇḍalaṃ rājannudbhrāmya kṛtaniścayaḥ |
ājaghne mūrdhni kaunteyaṃ gadayā bhīmavegayā || 40 ||
[Analyze grammar]

tayā tvabhihato bhīmaḥ putreṇa tava pāṇḍavaḥ |
nākampata mahārāja tadadbhutamivābhavat || 41 ||
[Analyze grammar]

āścaryaṃ cāpi tadrājansarvasainyānyapūjayan |
yadgadābhihato bhīmo nākampata padātpadam || 42 ||
[Analyze grammar]

tato gurutarāṃ dīptāṃ gadāṃ hemapariṣkṛtām |
duryodhanāya vyasṛjadbhīmo bhīmaparākramaḥ || 43 ||
[Analyze grammar]

taṃ prahāramasaṃbhrānto lāghavena mahābalaḥ |
moghaṃ duryodhanaścakre tatrābhūdvismayo mahān || 44 ||
[Analyze grammar]

sā tu moghā gadā rājanpatantī bhīmacoditā |
cālayāmāsa pṛthivīṃ mahānirghātanisvanā || 45 ||
[Analyze grammar]

āsthāya kauśikānmārgānutpatansa punaḥ punaḥ |
gadānipātaṃ prajñāya bhīmasenamavañcayat || 46 ||
[Analyze grammar]

vañcayitvā tathā bhīmaṃ gadayā kurusattamaḥ |
tāḍayāmāsa saṃkruddho vakṣodeśe mahābalaḥ || 47 ||
[Analyze grammar]

gadayābhihato bhīmo muhyamāno mahāraṇe |
nābhyamanyata kartavyaṃ putreṇābhyāhatastava || 48 ||
[Analyze grammar]

tasmiṃstathā vartamāne rājansomakapāṇḍavāḥ |
bhṛśopahatasaṃkalpā nahṛṣṭamanaso'bhavan || 49 ||
[Analyze grammar]

sa tu tena prahāreṇa mātaṅga iva roṣitaḥ |
hastivaddhastisaṃkāśamabhidudrāva te sutam || 50 ||
[Analyze grammar]

tatastu rabhaso bhīmo gadayā tanayaṃ tava |
abhidudrāva vegena siṃho vanagajaṃ yathā || 51 ||
[Analyze grammar]

upasṛtya tu rājānaṃ gadāmokṣaviśāradaḥ |
āvidhyata gadāṃ rājansamuddiśya sutaṃ tava || 52 ||
[Analyze grammar]

atāḍayadbhīmasenaḥ pārśve duryodhanaṃ tadā |
sa vihvalaḥ prahāreṇa jānubhyāmagamanmahīm || 53 ||
[Analyze grammar]

tasmiṃstu bharataśreṣṭhe jānubhyāmavanīṃ gate |
udatiṣṭhattato nādaḥ sṛñjayānāṃ jagatpate || 54 ||
[Analyze grammar]

teṣāṃ tu ninadaṃ śrutvā sṛñjayānāṃ nararṣabhaḥ |
amarṣādbharataśreṣṭha putraste samakupyata || 55 ||
[Analyze grammar]

utthāya tu mahābāhuḥ kruddho nāga iva śvasan |
didhakṣanniva netrābhyāṃ bhīmasenamavaikṣata || 56 ||
[Analyze grammar]

tataḥ sa bharataśreṣṭho gadāpāṇirabhidravat |
pramathiṣyanniva śiro bhīmasenasya saṃyuge || 57 ||
[Analyze grammar]

sa mahātmā mahātmānaṃ bhīmaṃ bhīmaparākramaḥ |
atāḍayacchaṅkhadeśe sa cacālācalopamaḥ || 58 ||
[Analyze grammar]

sa bhūyaḥ śuśubhe pārthastāḍito gadayā raṇe |
udbhinnarudhiro rājanprabhinna iva kuñjaraḥ || 59 ||
[Analyze grammar]

tato gadāṃ vīrahaṇīmayasmayīṃ pragṛhya vajrāśanitulyanisvanām |
atāḍayacchatrumamitrakarśano balena vikramya dhanaṃjayāgrajaḥ || 60 ||
[Analyze grammar]

sa bhīmasenābhihatastavātmajaḥ papāta saṃkampitadehabandhanaḥ |
supuṣpito mārutavegatāḍito mahāvane sāla ivāvaghūrṇitaḥ || 61 ||
[Analyze grammar]

tataḥ praṇedurjahṛṣuśca pāṇḍavāḥ samīkṣya putraṃ patitaṃ kṣitau tava |
tataḥ sutaste pratilabhya cetanāṃ samutpapāta dvirado yathā hradāt || 62 ||
[Analyze grammar]

sa pārthivo nityamamarṣitastadā mahārathaḥ śikṣitavatparibhraman |
atāḍayatpāṇḍavamagrataḥ sthitaṃ sa vihvalāṅgo jagatīmupāspṛśat || 63 ||
[Analyze grammar]

sa siṃhanādānvinanāda kauravo nipātya bhūmau yudhi bhīmamojasā |
bibheda caivāśanitulyatejasā gadānipātena śarīrarakṣaṇam || 64 ||
[Analyze grammar]

tato'ntarikṣe ninado mahānabhūddivaukasāmapsarasāṃ ca neduṣām |
papāta coccairamarapraveritaṃ vicitrapuṣpotkaravarṣamuttamam || 65 ||
[Analyze grammar]

tataḥ parānāviśaduttamaṃ bhayaṃ samīkṣya bhūmau patitaṃ narottamam |
ahīyamānaṃ ca balena kauravaṃ niśamya bhedaṃ ca dṛḍhasya varmaṇaḥ || 66 ||
[Analyze grammar]

tato muhūrtādupalabhya cetanāṃ pramṛjya vaktraṃ rudhirārdramātmanaḥ |
dhṛtiṃ samālambya vivṛttalocano balena saṃstabhya vṛkodaraḥ sthitaḥ || 67 ||
[Analyze grammar]