Chapter 22

dhṛtarāṣṭra uvāca |
svena cchandena naḥ sarvānnāvadhīdvyaktamarjunaḥ |
na hyasya samare mucyetāntako'pyātatāyinaḥ || 1 ||
[Analyze grammar]

pārtho hyeko'haradbhadrāmekaścāgnimatarpayat |
ekaścemāṃ mahīṃ jitvā cakre balibhṛto nṛpān || 2 ||
[Analyze grammar]

eko nivātakavacānavadhīddivyakārmukaḥ |
ekaḥ kirātarūpeṇa sthitaṃ śarvamayodhayat || 3 ||
[Analyze grammar]

eko'bhyarakṣadbharatāneko bhavamatoṣayat |
tenaikena jitāḥ sarve madīyā ugratejasaḥ |
te na nindyāḥ praśasyāśca yatte cakrurbravīhi tat || 4 ||
[Analyze grammar]

saṃjaya uvāca |
hataprahatavidhvastā vivarmāyudhavāhanāḥ |
dīnasvarā dūyamānā māninaḥ śatrubhirjitāḥ || 5 ||
[Analyze grammar]

śibirasthāḥ punarmantraṃ mantrayanti sma kauravāḥ |
bhagnadaṃṣṭrā hataviṣāḥ padākrāntā ivoragāḥ || 6 ||
[Analyze grammar]

tānabravīttataḥ karṇaḥ kruddhaḥ sarpa iva śvasan |
karaṃ kareṇābhipīḍya prekṣamāṇastavātmajam || 7 ||
[Analyze grammar]

yatto dṛḍhaśca dakṣaśca dhṛtimānarjunaḥ sadā |
sa bodhayati cāpyenaṃ prāptakālamadhokṣajaḥ || 8 ||
[Analyze grammar]

sahasāstravisargeṇa vayaṃ tenādya vañcitāḥ |
śvastvahaṃ tasya saṃkalpaṃ sarvaṃ hantā mahīpate || 9 ||
[Analyze grammar]

evamuktastathetyuktvā so'nujajñe nṛpottamān |
sukhoṣitāste rajanīṃ hṛṣṭā yuddhāya niryayuḥ || 10 ||
[Analyze grammar]

te'paśyanvihitaṃ vyūhaṃ dharmarājena durjayam |
prayatnātkurumukhyena bṛhaspatyuśanomatāt || 11 ||
[Analyze grammar]

atha pratīpakartāraṃ satataṃ vijitātmanām |
sasmāra vṛṣabhaskandhaṃ karṇaṃ duryodhanastadā || 12 ||
[Analyze grammar]

puraṃdarasamaṃ yuddhe marudgaṇasamaṃ bale |
kārtavīryasamaṃ vīrye karṇaṃ rājño'gamanmanaḥ |
sūtaputraṃ maheṣvāsaṃ bandhumātyayikeṣviva || 13 ||
[Analyze grammar]

dhṛtarāṣṭra uvāca |
yadvo'gamanmano mandāḥ karṇaṃ vaikartanaṃ tadā |
apyadrākṣata taṃ yūyaṃ śītārtā iva bhāskaram || 14 ||
[Analyze grammar]

kṛte'vahāre sainyānāṃ pravṛtte ca raṇe punaḥ |
kathaṃ vaikartanaḥ karṇastatrāyudhyata saṃjaya |
kathaṃ ca pāṇḍavāḥ sarve yuyudhustatra sūtajam || 15 ||
[Analyze grammar]

karṇo hyeko mahābāhurhanyātpārthānsasomakān |
karṇasya bhujayorvīryaṃ śakraviṣṇusamaṃ matam |
tathāstrāṇi sughorāṇi vikramaśca mahātmanaḥ || 16 ||
[Analyze grammar]

duryodhanaṃ tadā dṛṣṭvā pāṇḍavena bhṛśārditam |
parākrāntānpāṇḍusutāndṛṣṭvā cāpi mahāhave || 17 ||
[Analyze grammar]

karṇamāśritya saṃgrāme darpo duryodhane punaḥ |
jetumutsahate pārthānsaputrānsahakeśavān || 18 ||
[Analyze grammar]

aho bata mahadduḥkhaṃ yatra pāṇḍusutānraṇe |
nātaradrabhasaḥ karṇo daivaṃ nūnaṃ parāyaṇam |
aho dyūtasya niṣṭheyaṃ ghorā saṃprati vartate || 19 ||
[Analyze grammar]

aho duḥkhāni tīvrāṇi duryodhanakṛtānyaham |
sahiṣyāmi sughorāṇi śalyabhūtāni saṃjaya || 20 ||
[Analyze grammar]

saubalaṃ ca tathā tāta nītimāniti manyate || 21 ||
[Analyze grammar]

yuddheṣu nāma divyeṣu vartamāneṣu saṃjaya |
aśrauṣaṃ nihatānputrānnityameva ca nirjitān || 22 ||
[Analyze grammar]

na pāṇḍavānāṃ samare kaścidasti nivārakaḥ |
strīmadhyamiva gāhanti daivaṃ hi balavattaram || 23 ||
[Analyze grammar]

saṃjaya uvāca |
atikrāntaṃ hi yatkāryaṃ paścāccintayatīti ca |
taccāsya na bhavetkāryaṃ cintayā ca vinaśyati || 24 ||
[Analyze grammar]

tadidaṃ tava kāryaṃ tu dūraprāptaṃ vijānatā |
na kṛtaṃ yattvayā pūrvaṃ prāptāprāptavicāraṇe || 25 ||
[Analyze grammar]

ukto'si bahudhā rājanmā yudhyasveti pāṇḍavaiḥ |
gṛhṇīṣe na ca tanmohātpāṇḍaveṣu viśāṃ pate || 26 ||
[Analyze grammar]

tvayā pāpāni ghorāṇi samācīrṇāni pāṇḍuṣu |
tvatkṛte vartate ghoraḥ pārthivānāṃ janakṣayaḥ || 27 ||
[Analyze grammar]

tattvidānīmatikramya mā śuco bharatarṣabha |
śṛṇu sarvaṃ yathāvṛttaṃ ghoraṃ vaiśasamacyuta || 28 ||
[Analyze grammar]

prabhātāyāṃ rajanyāṃ tu karṇo rājānamabhyayāt |
sametya ca mahābāhurduryodhanamabhāṣata || 29 ||
[Analyze grammar]

adya rājansameṣyāmi pāṇḍavena yaśasvinā |
haniṣyāmi ca taṃ vīraṃ sa vā māṃ nihaniṣyati || 30 ||
[Analyze grammar]

bahutvānmama kāryāṇāṃ tathā pārthasya pārthiva |
nābhūtsamāgamo rājanmama caivārjunasya ca || 31 ||
[Analyze grammar]

idaṃ tu me yathāprajñaṃ śṛṇu vākyaṃ viśāṃ pate |
anihatya raṇe pārthaṃ nāhameṣyāmi bhārata || 32 ||
[Analyze grammar]

hatapravīre sainye'sminmayi caiva sthite yudhi |
abhiyāsyati māṃ pārthaḥ śakraśaktyā vinākṛtam || 33 ||
[Analyze grammar]

tataḥ śreyaskaraṃ yatte tannibodha janeśvara |
āyudhānāṃ ca yadvīryaṃ dravyāṇāmarjunasya ca || 34 ||
[Analyze grammar]

kāyasya mahato bhede lāghave dūrapātane |
sauṣṭhave cāstrayoge ca savyasācī na matsamaḥ || 35 ||
[Analyze grammar]

sarvāyudhamahāmātraṃ vijayaṃ nāma taddhanuḥ |
indrārthamabhikāmena nirmitaṃ viśvakarmaṇā || 36 ||
[Analyze grammar]

yena daityagaṇānrājañjitavānvai śatakratuḥ |
yasya ghoṣeṇa daityānāṃ vimuhyanti diśo daśa |
tadbhārgavāya prāyacchacchakraḥ paramasaṃmatam || 37 ||
[Analyze grammar]

taddivyaṃ bhārgavo mahyamadadāddhanuruttamam |
yena yotsye mahābāhumarjunaṃ jayatāṃ varam |
yathendraḥ samare sarvāndaiteyānvai samāgatān || 38 ||
[Analyze grammar]

dhanurghoraṃ rāmadattaṃ gāṇḍīvāttadviśiṣyate |
triḥsaptakṛtvaḥ pṛthivī dhanuṣā tena nirjitā || 39 ||
[Analyze grammar]

dhanuṣo yasya karmāṇi divyāni prāha bhārgavaḥ |
tadrāmo hyadadānmahyaṃ yena yotsyāmi pāṇḍavam || 40 ||
[Analyze grammar]

adya duryodhanāhaṃ tvāṃ nandayiṣye sabāndhavam |
nihatya samare vīramarjunaṃ jayatāṃ varam || 41 ||
[Analyze grammar]

saparvatavanadvīpā hatadviḍbhūḥ sasāgarā |
putrapautrapratiṣṭhā te bhaviṣyatyadya pārthiva || 42 ||
[Analyze grammar]

nāsādhyaṃ vidyate me'dya tvatpriyārthaṃ viśeṣataḥ |
samyagdharmānuraktasya siddhirātmavato yathā || 43 ||
[Analyze grammar]

na hi māṃ samare soḍhuṃ sa śakto'gniṃ taruryathā |
avaśyaṃ tu mayā vācyaṃ yena hīno'smi phalgunāt || 44 ||
[Analyze grammar]

jyā tasya dhanuṣo divyā tathākṣayyau maheṣudhī |
tasya divyaṃ dhanuḥ śreṣṭhaṃ gāṇḍīvamajaraṃ yudhi || 45 ||
[Analyze grammar]

vijayaṃ ca mahaddivyaṃ mamāpi dhanuruttamam |
tatrāhamadhikaḥ pārthāddhanuṣā tena pārthiva || 46 ||
[Analyze grammar]

mayā cābhyadhiko vīraḥ pāṇḍavastannibodha me |
raśmigrāhaśca dāśārhaḥ sarvalokanamaskṛtaḥ || 47 ||
[Analyze grammar]

agnidattaśca vai divyo rathaḥ kāñcanabhūṣaṇaḥ |
acchedyaḥ sarvato vīra vājinaśca manojavāḥ |
dhvajaśca divyo dyutimānvānaro vismayaṃkaraḥ || 48 ||
[Analyze grammar]

kṛṣṇaśca sraṣṭā jagato rathaṃ tamabhirakṣati |
ebhirdravyairahaṃ hīno yoddhumicchāmi pāṇḍavam || 49 ||
[Analyze grammar]

ayaṃ tu sadṛśo vīraḥ śalyaḥ samitiśobhanaḥ |
sārathyaṃ yadi me kuryāddhruvaste vijayo bhavet || 50 ||
[Analyze grammar]

tasya me sārathiḥ śalyo bhavatvasukaraḥ paraiḥ |
nārācāngārdhrapatrāṃśca śakaṭāni vahantu me || 51 ||
[Analyze grammar]

rathāśca mukhyā rājendra yuktā vājibhiruttamaiḥ |
āyāntu paścātsatataṃ māmeva bharatarṣabha || 52 ||
[Analyze grammar]

evamabhyadhikaḥ pārthādbhaviṣyāmi guṇairaham |
śalyo hyabhyadhikaḥ kṛṣṇādarjunādadhiko hyaham || 53 ||
[Analyze grammar]

yathāśvahṛdayaṃ veda dāśārhaḥ paravīrahā |
tathā śalyo'pi jānīte hayānāṃ vai mahārathaḥ || 54 ||
[Analyze grammar]

bāhuvīrye samo nāsti madrarājasya kaścana |
tathāstrairmatsamo nāsti kaścideva dhanurdharaḥ || 55 ||
[Analyze grammar]

tathā śalyasamo nāsti hayayāne ha kaścana |
so'yamabhyadhikaḥ pārthādbhaviṣyati ratho mama || 56 ||
[Analyze grammar]

etatkṛtaṃ mahārāja tvayecchāmi paraṃtapa |
evaṃ kṛte kṛtaṃ mahyaṃ sarvakāmairbhaviṣyati || 57 ||
[Analyze grammar]

tato draṣṭāsi samare yatkariṣyāmi bhārata |
sarvathā pāṇḍavānsarvāñjeṣyāmyadya samāgatān || 58 ||
[Analyze grammar]

duryodhana uvāca |
sarvametatkariṣyāmi yathā tvaṃ karṇa manyase |
sopāsaṅgā rathāḥ sāśvā anuyāsyanti sūtaja || 59 ||
[Analyze grammar]

nārācāngārdhrapakṣāṃśca śakaṭāni vahantu te |
anuyāsyāma karṇa tvāṃ vayaṃ sarve ca pārthivāḥ || 60 ||
[Analyze grammar]

saṃjaya uvāca |
evamuktvā mahārāja tava putrāḥ pratāpavān |
abhigamyābravīdrājā madrarājamidaṃ vacaḥ || 61 ||
[Analyze grammar]