Chapter 139

saṃjaya uvāca |
prakāśite tathā loke rajasā ca tamovṛte |
samājagmuratho vīrāḥ parasparavadhaiṣiṇaḥ || 1 ||
[Analyze grammar]

te sametya raṇe rājañśastraprāsāsidhāriṇaḥ |
parasparamudaikṣanta parasparakṛtāgasaḥ || 2 ||
[Analyze grammar]

pradīpānāṃ sahasraiśca dīpyamānaiḥ samantataḥ |
virarāja tadā bhūmirdyaurgrahairiva bhārata || 3 ||
[Analyze grammar]

ulkāśataiḥ prajvalitai raṇabhūmirvyarājata |
dahyamāneva lokānāmabhāve vai vasuṃdharā || 4 ||
[Analyze grammar]

prādīpyanta diśaḥ sarvāḥ pradīpaistaiḥ samantataḥ |
varṣāpradoṣe khadyotairvṛtā vṛkṣā ivābabhuḥ || 5 ||
[Analyze grammar]

asajjanta tato vīrā vīreṣveva pṛthakpṛthak |
nāgā nāgaiḥ samājagmusturagāḥ saha vājibhiḥ || 6 ||
[Analyze grammar]

rathā rathavaraireva samājagmurmudānvitāḥ |
tasminrātrimukhe ghore putrasya tava śāsanāt || 7 ||
[Analyze grammar]

tato'rjuno mahārāja kauravāṇāmanīkinīm |
vyadhamattvarayā yuktaḥ kṣapayansarvapārthivān || 8 ||
[Analyze grammar]

dhṛtarāṣṭra uvāca |
tasminpraviṣṭe saṃrabdhe mama putrasya vāhinīm |
amṛṣyamāṇe durdharṣe kiṃ va āsīnmanastadā || 9 ||
[Analyze grammar]

kimamanyanta sainyāni praviṣṭe śatrutāpane |
duryodhanaśca kiṃ kṛtyaṃ prāptakālamamanyata || 10 ||
[Analyze grammar]

ke cainaṃ samare vīraṃ pratyudyayurariṃdamam |
ke'rakṣandakṣiṇaṃ cakraṃ ke ca droṇasya savyataḥ || 11 ||
[Analyze grammar]

ke pṛṣṭhato'sya hyabhavanvīrā vīrasya yudhyataḥ |
ke purastādagacchanta nighnataḥ śātravānraṇe || 12 ||
[Analyze grammar]

yatprāviśanmaheṣvāsaḥ pāñcālānaparājitaḥ |
nṛtyanniva naravyāghro rathamārgeṣu vīryavān || 13 ||
[Analyze grammar]

dadāha ca śarairdroṇaḥ pāñcālānāṃ rathavrajān |
dhūmaketuriva kruddhaḥ sa kathaṃ mṛtyumīyivān || 14 ||
[Analyze grammar]

avyagrāneva hi parānkathayasyaparājitān |
hatāṃścaiva viṣaṇṇāṃśca viprakīrṇāṃśca śaṃsasi |
rathino virathāṃścaiva kṛtānyuddheṣu māmakān || 15 ||
[Analyze grammar]

saṃjaya uvāca |
droṇasya matamājñāya yoddhukāmasya tāṃ niśām |
duryodhano mahārāja vaśyānbhrātṝnabhāṣata || 16 ||
[Analyze grammar]

vikarṇaṃ citrasenaṃ ca mahābāhuṃ ca kauravam |
durdharṣaṃ dīrghabāhuṃ ca ye ca teṣāṃ padānugāḥ || 17 ||
[Analyze grammar]

droṇaṃ yattāḥ parākrāntāḥ sarve rakṣata pṛṣṭhataḥ |
hārdikyo dakṣiṇaṃ cakraṃ śalyaścaivottaraṃ tathā || 18 ||
[Analyze grammar]

trigartānāṃ ca ye śūrā hataśiṣṭā mahārathāḥ |
tāṃścaiva sarvānputraste samacodayadagrataḥ || 19 ||
[Analyze grammar]

ācāryo hi susaṃyatto bhṛśaṃ yattāśca pāṇḍavāḥ |
taṃ rakṣata susaṃyattā nighnantaṃ śātravānraṇe || 20 ||
[Analyze grammar]

droṇo hi balavānyuddhe kṣiprahastaḥ parākramī |
nirjayettridaśānyuddhe kimu pārthānsasomakān || 21 ||
[Analyze grammar]

te yūyaṃ sahitāḥ sarve bhṛśaṃ yattā mahārathāḥ |
droṇaṃ rakṣata pāñcālyāddhṛṣṭadyumnānmahārathāt || 22 ||
[Analyze grammar]

pāṇḍaveyeṣu sainyeṣu yodhaṃ paśyāmyahaṃ na tam |
yo jayeta raṇe droṇaṃ dhṛṣṭadyumnādṛte nṛpāḥ || 23 ||
[Analyze grammar]

tasya sarvātmanā manye bhāradvājasya rakṣaṇam |
sa guptaḥ somakānhanyātsṛñjayāṃśca sarājakān || 24 ||
[Analyze grammar]

sṛñjayeṣvatha sarveṣu nihateṣu camūmukhe |
dhṛṣṭadyumnaṃ raṇe drauṇirnāśayiṣyatyasaṃśayam || 25 ||
[Analyze grammar]

tathārjunaṃ raṇe karṇo vijeṣyati mahārathaḥ |
bhīmasenamahaṃ cāpi yuddhe jeṣyāmi daṃśitaḥ || 26 ||
[Analyze grammar]

so'yaṃ mama jayo vyaktaṃ dīrghakālaṃ bhaviṣyati |
tasmādrakṣata saṃgrāme droṇameva mahārathāḥ || 27 ||
[Analyze grammar]

ityuktvā bharataśreṣṭha putro duryodhanastava |
vyādideśa tataḥ sainyaṃ tasmiṃstamasi dāruṇe || 28 ||
[Analyze grammar]

tataḥ pravavṛte yuddhaṃ rātrau tadbharatarṣabha |
ubhayoḥ senayorghoraṃ vijayaṃ prati kāṅkṣiṇoḥ || 29 ||
[Analyze grammar]

arjunaḥ kauravaṃ sainyamarjunaṃ cāpi kauravāḥ |
nānāśastrasamāvāpairanyonyaṃ paryapīḍayan || 30 ||
[Analyze grammar]

drauṇiḥ pāñcālarājānaṃ bhāradvājaśca sṛñjayān |
chādayāmāsatuḥ saṃkhye śaraiḥ saṃnataparvabhiḥ || 31 ||
[Analyze grammar]

pāṇḍupāñcālasenānāṃ kauravāṇāṃ ca māriṣa |
āsīnniṣṭānako ghoro nighnatāmitaretaram || 32 ||
[Analyze grammar]

naivāsmābhirna pūrvairno dṛṣṭaṃ pūrvaṃ tathāvidham |
yuddhaṃ yādṛśamevāsīttāṃ rātriṃ sumahābhayam || 33 ||
[Analyze grammar]